Datos personales

Por una Asturies con más puxu. Per ahí per ende, per acá y acuyá, lo nueso, lo d´ayeri y lo de güei

viernes, 26 de febrero de 2010

¡A gastar!


N´Ast: Bonu, bonu ¡lo d´esti País nun tien igua! estos cerebros que nos gobiernen... Munches actuaciones nel mediu rural son discutibles, como delles pistes, masque n´esti casu trátase de resuscitar un pueblu muertu y podemos atalantalo. Lo qu´ablúcanos abondu ye la forma facela, por más tornes que-y damos. Lo mesmo ye que cola calentura de Fernando Alonso, creyeren que lo de pilotar bien yera xenético nos asturianos y díbamos ser pa caltenenos nos "raíles". Y claro, en cuantu comprobaron que non, que como gallos del volante somos tirandillo tirandillo, hubo que ponese a reparalo arrellenando lo valero y hormigonando otra vegada: doble gastu ¡A ver si ye que como sobren perres hai que gastar más! Plan E, Plan A... como glayo n´estos casos: ¡¡¡socorro!!!
En Cast: Bueno, bueno ¡lo de este País no tiene arreglo! estos cerebros que nos gobiernan... Muchas actuaciones en el medio rural son discutibles, como algunas pistas, aunque en este caso se trata de resucitar un pueblo muerto y podemos entenderlo. Lo que nos tiene tremendamente perplejos es la forma de hacerla, por más vueltas que le damos. Igual es que con la fiebre de Fernando Alonso, creyeron que lo de pilotar bien era genético en los asturianos y seríamos capaces de mantenernos en los "raíles". Y claro, cuando descubrieron que no, que como ases del volante somos tirandillo tirandillo, hubo que ponerse a arreglarlo rellenando los huecos y hormigonando de nuevo: doble gasto ¡A ver si es que como sobra dinero hay que gastar más! Plan E, Plan A... como grito en estos casos: ¡¡¡socorro!!!

martes, 23 de febrero de 2010

Cirieñu






N´Ast: ¡Estos collacios! Siempres ayudando. Unos bonos del Conceyu Amieva dixérennos que si ablucamos con Pen, nun dexáremos de visitar Cirieñu. Asina qu´encuantu tornamos pela fastera pa escucar embaxu los horros (con prestosos resultaos como amuesen les semeyes), nun duldamos en baxar polos 2 kilómetros de carretera que separen el pueblu más altu, Pen, de Cirieñu, asitiáu a lo llargo´l filu d´una llomba. Y nun nos arredimimos porque algamamos un perguapu camientu sobre los dos: estremaos pol collor de la piedra -plasmante ñidia arenisca nun mundiu caliar en Cirieñu- de la fechura les cases; asemeyaos pol tastu y la esencia la etnografía viva d´Asturies. Anque quiciabis tenga un pelín de ventaxa l´aldea que presentamos güei porque tien una quesería onde podemos mercar un quesín de Beyos y, sobre tou, pol barín típicu típicu: nun dexéis de pedir el café con lleche marca la casa, llistu pa tomar porque ya trae´l zucre y ta revueltu ¡nin en les meyores cafeteríes d´Uvieo!
En Cast: ¡Estos amigos! Siempre ayudando. Unos buenos del Concejo de Amieva nos dijeron que si alucinamos con Pen, no dejáramos de visitar Cirieñu. Asi que en cuanto volvimos por la zona para mirar debajo de los horreos (con buenos resultados como demuestran las fotos), no dudamos en bajar por los 2 kilómetros de carretera que separan el pueblo más alto, Pen, de Cirieñu, situado a lo largo del filo de una loma. Y no nos arrepentimos porque llegamos a una bonita conclusión sobre los dos: diferenciados por el color de la piedra -sorprendente clara arenisca en un mundo calizo en Cirieñu- de la construcción de las casas; semejantes por el sabor y la esencia de la etnografía viva de Asturias. Aunque quizás tenga un poco de ventaja la aldea que presentamos hoy porque tiene una quesería donde podemos comprar un quesín de Beyos y, sobre todo, por el barín típico típico: no dejéis de pedir el café con leche marca de la casa, listo para tomar porque ya trae azucar y ya está revuelto ¡ni en las mejores cafeterías de Oviedo!

jueves, 18 de febrero de 2010

Dos n´ún (Dos en uno)





N´Ast: Dos amores n´ún. Eso ye lo nos permiten les nortiaes de frío y ñeve a cotes baxes que tiñen de blanco les imáxenes más queríes que tenemos guardaes nun requexu l´alcordanza. N´esti casu, ye al averanos a Sietes cuando axuntasenos esta pila bones sensaciones: la plaza los horros (en branu, perguapa, equí), esa maraviella etnográfica onde sintimos que somos nos mesmos, vístese coles meyores gales de la montaña ivernal que tantu nos abluquen, esfrutamos y amamos. Una amestadura pocu frecuente qu´esperamos nunca nun escaecer. Completamos la visita con bones vistes de tolos valles de la redolada (sin ñeve, nel bon trabayu de Gonzalo Alonso) y esperando que, como tamos nun pueblu d´"expertos", ¡se nos apegue dalgo!
En Cast: Dos amores en uno. Eso es lo que nos permiten los temporales de frío y nieve a cotas bajas que tiñen de blanco las imágenes más queridas que tenemos guardadas en un rincón de la memoria. En este caso es al acercarnos a Sietes cuando se nos agolpa este cúmulo de buenas sensaciones: la plaza de los horreos (en verano, preciosa, aquí), esa maravilla etnográfica donde sentimos que somos nosotros mismos, se viste con las mejores galas de la montaña invernal que tanto nos deslumbran, disfrutamos y amamos. Una unión poco frecuente que esperamos nunca olvidar. Completamos la visita con buenas vistas de todos los valles de los alrededores (sin nieve, en el buen trabajo de Gonzalo Alonso) y esperando que, como estamos en un plueblo de expertos, ¡se nos pegue algo!

martes, 16 de febrero de 2010

De fútbol y relixión


N´Ast: Que´l fútbol ye´l deporte rei y una relixión pa muncha xente non lo ponemos en dulda. Lo qu´ablúcanos ye que se pase de les pallabres a los fechos y escucando nuna capiella alcontremos un campu futbolín. Entós, súrdennos munches duldes: el cura ¿fae d´árbitru?; si n´ilesia pequeña, deporte pequeñu ¿en les catedrales campu reglamentariu y 22 xulgadores?; los torneos ¿son ente parroquies?... siguiremos investigando y informando. (Nota: como tamos en Martes d´Antroxu, ponemos esta entrada; qu´a naide-y paeza faltona, pero ye real)
En Cast: Que el fútbol es el deporte rey y una religión para mucha gente no lo ponemos en duda. Lo que nos impresiona es que se pase de las palabras a los hechos y atisbando en una capilla encontremos un campo de futbolín. Entonces, nos surgen muchas dudas: el cura ¿hace de árbitro?; si en iglesia pequeña, deporte pequeño ¿en las catedrales campo reglamentario y 22 jugadores?; los torneos ¿son entre parroquias?... seguiremos investigando e informando. (Nota: como estamos en Martes de Carnaval, ponemos esta entrada; que a nadie le parezca irrespetuosa, pero es real)

viernes, 12 de febrero de 2010

La imaxe les milenta pallabres

N´Ast: Güei, comentariu curtiu, porque la semeya dizlo tou. Tamos d´alcuerdu cola Constitución que toos tenemos drechu a una vivienda digna ¡pero non de cualesquier forma, coño!
En Cast: Hoy, comentario corto, porque la foto lo dice todo. estamos de acuerdo con la Constitución que todos tenemos derecho a una vivienda digna ¡pero no de cualquier forma, coño!

martes, 9 de febrero de 2010

Reblagando

N´Ast: Pol pelligru que suponen, les allambraes d´espinos tan torgaes nes fasteres de pasu. Seique, quiciabis porque seya´l mou más seguru y cenciellu de zarrar les finques, los paisanos siguen usándoles y más d´ún tenemos sufrío una calamidá nos pantalones y lo qu´envolvien. Dalgunos ponen una pasadera estrencha pola que nun puea salir el ganao o una saltadera como la de la semeya (el nome ya lo diz: pa reblagar l´allambrada como fae Fernando con perfechu estilu). A ver si cunde l´exemplu, qu´anque nun seya la igua correcha, polo menos ayuda un pocu.
En Cast: Por el peligro que suponen, las alambradas d´espinas están prohibidas en zonas de paso. Ciertamente, quizás porque sea la forma más segura y sencilla de cerrar fincas, los paisanos siguen usándolas y más de uno tenemos sufrido un accidente en los pantalones y lo que envuelven. Algunos ponen una "pasadera" (paso entre dos trozos de alambrada) estrecha por la que no pueda salir el ganado o una "saltadera" (el nombre lo indica: para saltarla como hace Fernando con impecable estilo). A ver si cunde el ejemplo, que aunque no sea la solución perfecta, por lo menos ayuda un poco.

sábado, 6 de febrero de 2010

Y tres el Beyu, Pen







N´Ast: ¡Como presta tres una guapa caminata algamar una ayalga!. Y, ensin dulda, Pen lo ye. Si estelonos ya la subía pol Beyu, el pueblu acabará de clisanos, amás de danos la cabera oportunidá de güeyar dalgo irrepetible. Cases con corredores de madera tallada, capiella, horros con milenta preseos d´un pasáu ¿meyor?, la Casa-Torre de Peri, llavaderu... ¡bolera!. Como culmen, la Panerona, una fechura de 14 pegoyos surdía l´axuntamientu de dos paneres, reconocía como una de les mayores d´Asturies. Y lo meyor: una etnografía viva, gracies a les sos xentes, que caltienen a dures penes un mou de vida que da les aboquiáes enantes de morrer. Y tres la muerte, l´escaezu... o´l muséu. Pen: la cabera oportunidá.
En Cast: ¡Que gozada tras una bonita caminata alcanzar un tesoro!. Y, sin dudarlo, Pen lo es. Si nos fascinó la subida por el Beyu, el pueblo terminará de embelesarnos, además de darnos la última oportunidad de ver algo irrepetible. Casas con corredores de madera tallada, capilla, horreos con mil utensilios de un pasado ¿mejor?, la Casa-Torre de Peri, lavadero... ¡bolera!. Como culminación, la Panerona, una construcción de 14 pegoyos (piedras de sustentación) surgida de la unión de dos paneras, reconocida como una de las mayores de Asturias. Y lo mejor: una etnografía viva, gracias a sus gentes, que mantienen a duras penas una forma de vida que agoniza antes de morir. Y tras la muerte, el olvido... o el museo. Pen, la última oportunidad.

jueves, 4 de febrero de 2010

El Beyu Pen (II)





N´Ast: Estremaos verdes de mofos y yerbes. Golor a tierra llenta. El ruíu del agua en gayoleres cascaes. El tactu de les corteyes de los árboles. El tastu d´una seta qu´atopamos nel camín... tolos sintíos, como diximos, sollertes y con trabayu enforma. Pero ¡cuidáu! nun podemos despistanos y nun danos cuenta de les morueques de la vieya ponte a Pen: si tiramos de frente, el barru llegaranos hasta llugares que nun quiero nomar, amás de garrar mal la ruta. N´esti puntu ye perimportante alcordanos de cruciar el ríu... como podamos. Llueu, tou vuelve a ser fácil, anque un pocu pindio: pola mandrecha y un pocu p´arriba tenemos el senderu que colos güeyos puestos en perguapes panorámiques, por increíble que parezca tres los visto, avéranos al premiu d´esta ruta de l´ayalga.
En Cast: Diferentes verdes de hierbas y musgos. Olor a tierra húmeda. El ruido del agua en alegres cascadas. El tacto de las cortezas de los árboles. El sabor de una seta que encontramos en el camino... todos los sentidos, como dijimos, atentos y con mucho trabajo. Pero ¡cuidado! no podemos despistarnos y no darnos cuenta de las ruinas del viejo puente a Pen: si tiramos de frente, el barro nos llegará hasta partes que no quiero nombrar, además de coger mal la ruta. En este punto es muy importante acordarnos de cruzar el río... como podamos. Luego todo vuelve a ser más fácil, aunque un poco cuesto: por la derecha y un poco hacia arriba tenemos el sendero que con los ojos puestos en hermosas panorámicas, por increíble que parezca tras lo visto, nos acerca al premio de esta ruta del tesoro.

martes, 2 de febrero de 2010

El Beyu Pen (I)





N´Ast: Pa güeyar coses perguapes, munches vegaes nun fai falta dir nin llone nin alto. Nel Conceyu Amieva, el Camín de la Reina xunía los pueblos del fondu´l valle averaos al ríu Sella y dava-yos salida pa Cangues. D´él surdíen dempués otros pa comunicar les aldees de la fastera alta. Ún d´estos caberos ye´l del Beyu Pen (beyu= valle mui mui estrenchu, casi nun-y entra el Sol). Na primer semeya vese na parte baxa, en dirección a los praos de la metada, onde allúgase Pen. Pa esfrutar d´esta maraviella fecha a medies ente la Ñaturaleza y l´home, tenemos qu´aportar a Santillán (tamién nel Conceyu Amieva) y aparcar na plaza, onde la farmacia. Calciamos les botes y empecipiamos a caminar cruciando la pasarela enriba el Sella que tenemos al llau. Na más pasala, tiramos a manzorga, pol Camín de la Reina. Al rodiu los 300 metros, sálenos a mandrecha un senderín que garramos: tien un pequeñu montonucu de tierra xustu a la entrada y un pocu más alto, tamién a mandrecha, güeyamos unes barandielles de madera que nos guíen hasta una ponte que cruciamos pa continuar a mandrecha (pola manzorga vien el camín de Precendi). Ya tamos nel Beyu, pol qu´espericamos adulces, con tolos sintíos sollertes, que van tener trabayu abondu...
En Cast: Para ver cosas muy bonitas, muchas veces no hay que ir ni muy lejos ni muy alto. En el Concejo de Amieva, el Camino de la Reina unía los pueblos del fondo del valle próximos al río Sella y les daba salida hacia Cangues/Cangas de Onís. De él partían después otros para comunicar las aldeas de la zona alta. Uno de estos últimos es el del Beyu Pen (beyu= valle muy muy estrecho, casi ni entra el Sol). En la primera fotografía se ve en la parte baja, en dirección a las praderías de la parte media, donde se sitúa Pen. Para disfrutar de esta maravilla construída a medias entre la Naturaleza y el hombre, tenemos que llegar a Santillán (también en el Concejo de Amieva) y aparcar en la plaza, donde la farmacia. Calzamos las botas y empezamos a caminar cruzando la pasarela sobre el Sella que tenemos al lado. Nada más hacerlo, tiramos a la izquierda, por el Camín de la Reina. Después de unos 300 metros aproximadamente, nos sale a la derecha un sendero que cogemos: tiene un pequeño montoncito de tierra justo a la entrada y un poco más alto, también a la derecha, vemos unas barandillas de madera que nos guían hasta un puente que cruzamos para continuar por la derecha (por la izquierda llega el camino de Precendi). Ya estamos en el Beyu, por el que subimos tranquilamente, con todos los sentidos atentos, que van a tener trabajo abundante...