Datos personales

Por una Asturies con más puxu. Per ahí per ende, per acá y acuyá, lo nueso, lo d´ayeri y lo de güei

sábado, 30 de mayo de 2009

La carretera a nenguna parte




N´Ast: Ún no quier metese colos políticos pero... Al Conceyu Cabranes (rural y perguapu), agora aporten-y perres asgaya. Una de les caberes obres fuere la carretera de Torazu a Piloña. Baxes per una calzada escomaná, ancha, de "capital" (1ª semeya), algames la caneyada de El Sierru y ... ¡finose l´arreglu!, pa dir pa Piloña a dar blincos polos restos de la carretera vieya (mira-y les semeyes). Camiento que los pueblos tienen de tar bien comunicaos pa que non muerran, pero ¿nun ye meyor un términu mediu?. Con amañar un pocu les cunetes, enanchala un pelín y asfaltala, el númberu de vecinos que la usen taríen bien servíos y col mesmu presupuestu hubieren fecho ya hasta Piloña. Y sobre tou: nun s´hubieren toyao la metada d´una biesca castaños, con dalgún centenariu; el restu baltiaranlu si nel futuru finen la carretera col mesmu anchu. La tiesta ta pa cavilgar, nun solo p´amosala nes elleiciones.
En Cast: Uno no quiere meterse con los políticos pero... Al Concejo de Cabranes (rural y hermoso), ahora le llega dinero abundante. Una de las últimas obras fue la carretera de Torazu a Piloña. Bajas por una calzada grande, ancha, de "capital" (1ª foto), llegas al cruce de El Sierru y ... ¡se acabó el arreglo!, para ir a Piloña a dar botes por los restos de la carretera antigua (mirad las fotos). Creo que los pueblos tienen que estar bien comunicados para que no mueran, pero ¿no es mejor un término medio?. Con arreglar un poco las cunetas, ensancharla un poquito y asfaltarla, el número de vecinos que la usan estarían bien servidos y con el mismo presupuesto hubieran hecho ya hasta Piloña. Y sobre todo: no se hubieran cargado la mitad de un bosque de castaños, con alguno centenario; el resto lo tirarán si en el futuro terminan la carretera con el mismo ancho. La cabeza está para pensar, no solo para enseñarla en las elecciones.

jueves, 28 de mayo de 2009

Al solín



N´Ast: Aporta´l calorín y entamen a enseñase otra triba d´animalinos tarrecíos por munchos: los reptiles. Los que los atopen, faen de munches maneres: unos salen esgalopiando; otros, como la mio muyer coles culiebres, peguen un glayíu que como te garre despreveníu, ún caltria lo que siéntese nun infartu. Dalgunos, facemos-yos semeyes (como a esti machu adultu de llargatesa serrana -iberolacerta monticola- nel Babú, Sueve) y otros garrenlos pa cunta-yos les escames... lo que nun hai que facer enxamás enxamás ye enguedeyase a bastonazos con ellos como fae dalgún allocau porque nun-y presten. Muy guapos nun sedrán, pero cumplen la so función. Si nun mos llamen l´atención, siguimos el nuesu camín y llisto, caún pal so llau.
En Cast: Llega el calorín y comienzan a enseñarse otra clase de animalitos aborrecidos por muchos: los reptiles. Los que los encuentran, reaccionan de muchas maneras: unos salen corriendo; otros, como mi mujer con las culebras, dan un grito que como te coja desprevenido, uno entiende lo que se siente en un infarto. Algunos, les hacemos fotos (como a este macho adulto de lagartija serrana -iberolacerta monticola- en el Babú, Sueve) y otros los cojen para contarles las escamas... lo que no hay que hacer jamás jamás es liarse a bastonazos con ellos como hace algún insensato al que no le gustan. Muy guapos no serán, pero cumplen su función. Si nos llaman la atención, seguimos nuestro camino y listo, cada uno por su lado.

martes, 26 de mayo de 2009

El 25 de Mayu de 1808: La otra Cuadonga

N´Ast: Que nel añu 722 los astures llevantárense escontra l´invasor en Cuadonga empecipiando la Reconquista, ye persabío por tol mundiu. Lo que ya nun persabe muncha xente ye que´l 25 de Mayu de 1808, n´Uvieo, la Xunta Xeneral del Principau d´Asturies declárase independiente y soberana. France col Gobiernu Central , favoratible a la invasión francesa, y remanez la Xunta Suprema de Gobiernu d´Asturies, con toles atribuciones de poder soberanu. Entama un sistema democráticu d´escoyedura de les autoridaes y declara la guerra a Francia. Tamién llevántase como exemplu pa la futura Xunta Central, que formarán toles demás Xuntes Rexionales que surden tres l´asturiana: Asturies otra vegada cabezalera pol bien comunal. Ayeri fizo 201 años. Y camiento yo: ¿cuándo,ónde, tresmanamos los asturianos el nuesu puxu?.
En Cast: Que en el año 722 los astures se levantaron contra el invasor en Covadonga comenzando la Reconquista, es sabido por todo el mundo. Lo que ya no sabe mucha gente es que el 25 de Mayo de 1808, en Oviedo, la Junta General del Principado de Asturias se declara independiente y soberana. Rompe con el Gobierno Central, favorable a la invasión francesa, y nace la Junta Suprema de Gobierno de Asturias, con todas las atribuciones de poder soberano. Introduce un sistema democrático de elección de las autoridades y declara la guerra a Francia. También se erige como modelo para la futura Junta Central, que formarán todas las demás Juntas Regionales que surgen tras la asturiana: Asturias otra vez en cabeza por el bien común. Ayer se cumplieron 201 años. Y pienso yo: ¿cuándo, dónde, perdimos los asturianos nuestra fuerza?

sábado, 23 de mayo de 2009

Coruxes (Agallas)


N´Ast: Magar que lo paeza, nun vamos falar de pexes, si non de plantes. Ésto que güeyais nes semeyes ye una agalla (en castellán) o coruxa (n´asturiano y si ye de carbayu). Más xente de la que yo creyía, atalanta que ye un frutu del árbol: en realidá ye un amparu a la sostancia qu´una aviespa, la Diplolepsis querqus-foli, inyecta a la fueya al poner los sos güevos. Asina, mantién al parásitu allugau pa que nun s´arrobine pel vexetal a cambeu, eso si, de da-y dalgo de la so produción. Otres agalles son les de les fayes, de formes variáes porque son de munches tribes los parásitos que truñen les sos fueyes, y les del rosal montesín, que paecen líquenes (una boluca de "pelu" arroxau), xera de l´aviespa Diplolepsis rosii. Pa finar, dos cosines: una curiosa: la coruxa emplegábase pa facer tintes al tener ácidu tánicu, y dos: alcorda-yvos: ¡nun se xinten!.
En Cast: Aunque lo parezca, no vamos a hablar de peces, si no de plantas. Ésto que veis en las fotos es una agalla (en castellano) o coruxa (en asturiano y si es de roble). Más gente de la que yo creía, piensa que es un fruto del árbol: en realidad es una defensa a la sustancia que una avispa, la Diplolepsis querqus-foli, inyecta a la hoja al poner sus huevos. Así, mantiene al parásito localizado para que no se extienda por el vegetal a cambio, eso si, de cederle algo de su producción. Otras agallas son las de las hayas, de formas variadas porque son de muchos tipos los parásitos que atacan sus hojas, y las del rosal silvestre, que parecen líquenes (una bolita de "pelo" rojizo), obra de la avispa Diplolepsis rosii. Para terminar dos cositas: una curiosa: la agalla de roble se usaba para hacer tintes al contener ácido tánico, y dos: acordaros ¡no se comen!.

jueves, 21 de mayo de 2009

De Celoriu a Po



N´Ast: Si me dixeren que señalase un llugar del perperpreciosu (de momento) Conceyu de Llanes, nun podríe: hai un cientu. Si m´apertaren un pocu más, diciéndome, por exemplo, que lo qu´elixere dábenmelo pa mi, diría que la estaya Niembru-Llanes Villa. Como la rempuesta diba ser que nun me pasare de llistu, entos diría que de Celoriu a Po, menos, ná. Siempres m´ablucó esti tramu costa. Cola Sienda Costera perdió un pocu preciosidá, quería más los caminos antiguos, pero polo menos hai de siguir diendo a pie. La playa El Portillu, arrequexada ente praos; la de San Martín, camudante coles marees, apaeciendo y desapaeciendo; el castru del mesmu nome, imponente, allendando los sablones; el Cuera, col Torbina no más cimero... un llugar pa ver y namorase d´él (y surfear, por si interesa a dalgunos que pasen per esti blox). Les murueques de la ermita San Martín, amuésennos que dalguien atalantó qu´equí alita Dios: tamos nel Paraisu.
En Cast: Si me dijeran que destacase un lugar del muy muy precioso (de momento) Concejo de Llanes, no podría: hay cientos. Si me apretaran un poco más, diciéndome, por ejemplo, que lo que eligiera me lo daban para mi, diría que la zona Niembru-Llanes Villa. Como la respuesta sería que no me pasara de listo, entonces diría que de Celoriu a Po, menos nada. Siempre me encantó este tramo de costa. Con la Senda Costera perdió un poco de encanto, prefería los caminos antiguos, pero por lo menos hay que seguir yendo a pie. La playa de El Portillu, arrinconada entre prados; la de San Martín, cambiante con las mareas, apareciendo y desapareciendo; el castro del mismo nombre, imponente, vigilando los arenales; el Cuera, con el Torbina en los más alto... un lugar para ver y enamorarse de él (y surfear, por si interesa a algunos que se pasan por este blog). Las ruinas de la ermita de San Martín, nos enseñan que alguien pensó que aquí vive Dios: estamos en el Paraiso.

martes, 19 de mayo de 2009

Una piqueña-gran meyora

N´Ast: Ya tenemos la güertina semada dende fae un mesín y ya cinca la primer llimpieza de males yerbes: sallar. Y quier la ventura que dando un paseín por un de los milenta pueblinos asturianos, abandonada tres d´un muriu, afayáramos una salladora de la dómina de la industrialización d´Asturies. Hasta esos nicios del sieglu XX, el campu asturianu vivía un atrasu secular y nuna economía de subsistencia onde solu esistíen los preseos de tola vida, fechos con madera, principalmente, a la que podía xunise un cachu fierru (una fesoria, algunos llabiegos o un gadañu por exemplu). El surdimientu d´una masa obrera xorreciente a la qu´había de prebir de cebera, fizo que les condiciones económiques de les caseríes fueren meyorando, gracies principalmente a la ganadería (venta de llechi y carne pa les ciudaes, cada vegada más grandones). A la par, en dellos casos llegaba alguna perruca d´algún pariente que ficiere fortuna cola emigración y les nueves industries fabricaben maquinaria cada vegada más afayadiza, colo que dalgunos campesinos pudieren empezar a invertir en mecanizase. Fueren cambeos perimportantes pero llentos llentos y que nun llegaren a toos. Máquines como la que vos amueso, ficieron les llabores del campu menos abegoses: dexaba sallar el maíz, por exemplu, con munchu menos puxu y tamién podía emplegase pa facer riegos pa semalo, aforrando facelo a mano. Más tardi ya llegaren los tratores, arrequexando estos preseos baxo horreos, paneres y tendeyones. Y luego tamos los que ni un ni otru: siguimos tirando de la popular fesoria.
En Cast: Ya tenemos la huerta sembrada desde hace un mes y ya toca la pimera limpieza de malas hierbas, lo que aquí llamamos "sallar". Y quiere la casualidad que dando un paseín por uno de los miles de pueblos asturianos, abandonada tras un muro, encontráramos una salladora (máquina de sallar) de la época de la industrialización de Asturias. Hasta esos inicios del siglo XX, el campo asturiano vivía un atraso secular y en una economía de subsistencia donde solo existían los aperos de toda la vida, hechos de madera, principalmente, a la que se podía unir un trozo de hierro (una azada, algunos arados o una guadaña por ejemplo). El nacimiento de una masa obrera creciente a la que había que surtir de alimento, hizo que las condiciones económicas de las caserías fueran mejorando, gracias principalmente a la ganadería (venta de leche y carne para las ciudades, cada día más grandes). A la vez, en algunos casos llegaba un dinero extra de algún familiar que hubiera hecho fortuna con la emigración y las nuevas industrias fabricaban maquinaria cada vez más asequible, con lo que algunos campesinos pudieron empezar a invertir en mecanizarse. Fueron cambios muy importantes pero lentos lentos y que no llegaron a todos. Máquinas como la que os enseño, hicieron las labores del campo menos pesadas: permitía "sallar" (limpiar las malas hierbas) el maíz, por ejemplo, con mucho menos trabajo y tambien se podía emplear en hacer los riegos para plantarlo, ahorrando el hacerlo a mano. Más tarde ya llegaron los tractores, arrinconando estos utensilios debajo de horreos, paneras y tendejones. Y luego estamos los que ni uno ni otro: seguimos tirando de la popular hazada.

sábado, 16 de mayo de 2009

El Camín Encantáu




N´Ast: Pal fin de selmana, una rutina prestosa que nos dexa caltriar la mitoloxía asturiana y un de los valles con más tastu del perguapu (de momentu) Conceyu de Llanes: Ardisana. Pela carretera AS-115 (Posada-Ortigueru) tenemos qu´aportar a Puente Nuevu y equí garramos como si fuéremos pa Ricaliente. A los pocos metros algamamos a la Venta los Probes, onde dexamos el coche y podemos visitar el bar-tienda y la bolera enantes d´empecipiar la ruta. Xustu al llau del bar, ya vemos la primer talla, la Reunión de Trasgos, y xuntu a la bolera, el Xugador de Bolos. Llueu solo hai de seguir les marques PR pa dir escubriendo paisaxes típicos d´Asturies y personaxes mitolóxicos arrepresentaos con tinu pol maxín del artista llariegu Pedro Bueno. Nun se nos pué escaecer fixanos nel caseríu de pueblos como Comezán, Malatería, Palaciu, Ardisana... el garrapiellu horros de Ricaliente, p´asbabayase y, como n´esti pueblín ye onde fina la ruta, podemos parar nel Bar El Puente a refrescanos y güeyar ya incluso mercar guapes semeyes del Valle. Nes imáxenes amuésovos solo parte (sobre tou en Reunión de Trasgos) de lo qu´hai d´escubrir y les sorpreses que vos alguarden. Alcordavos: tais nun camín con encantu... y encantáu.
En Cast: Para el fin de semana, una rutina muy completa porque nos permite conocer la mitología asturiana y uno de los valles con más sabor del precioso (de momento) Concejo de Llanes: Ardisana. Por la carretera AS-115 (Posada-Ortiguero) tenemos que llegar a Puente Nuevo y aquí coger como si fuéramos para Riucaliente. A los pocos metros llegamos a la Venta los Probes, donde dejamos el coche y podemos visitar el bar-tienda y la bolera (deporte tradicional asturiano) antes de empezar la ruta. Justo al lado del bar ya vemos la primera talla, la Reunión de Trasgos, y junto a la bolera, el Jugador de Bolos. Luego solo hay que seguir las marcas PR para ir descubriendo paisajes típicos de Asturias y personajes mitológicos representados con acierto por la imaginación del artista local Pedro Bueno. No se nos puede olvidar fijarnos en el caserío de pueblos como Comezán, Malatería, Palacio, Ardisana... el grupo de horreos de Riucaliente para que a uno se le caiga la baba y, como este pueblín es el final de ruta, podemos parar en el Bar El Puente a refrescarnos y ver e incluso comprar preciosas fotografías del Valle. En las imágenes solo os enseño parte (sobre todo en Reunión de Trasgos) de lo que hay que descubrir y de las sorpresas que os esperan. Recordad: estáis en un camino con encanto... y encantado.

jueves, 14 de mayo de 2009

El Boquerón




N´Ast: Un pasu pastoril perinteresante, perguapu.... y per estrenchu. Cerque´l Llagu Enol, nel camín d´Ario, tan les mayaes de La Veguina y El Brazu. Pues bonu, los pastores qu´alitaben n´elles, cuandu queríen dir pa la Llomba ya incluso Belbín, atayaben per esta estrenchura nel picu Llucia pa nun dar un arrodiu. Primeru pásase per una cueva, El Llerau, p´averase a El Boquerón y, una vegada n´ésti, hai d´agarrase a les piedres pa poder pasalu, como veis na primera semeya al aspirante a Mayestru Gonzalo Alonso (que tremen los de güei, Bernar, Zaldi y Gonza Gil). Por ciertu, nun dexeis de güeyar la so páxina web qu´encamiéntovos equí al llau (en Recomendamos): perguapa. Dempués d´una trepadina onde los grandones tenemos más torga que los piquiñinos (mira-y que bien lo fae la mio Inés na segunda semeya) algamamos el collaín (semeyes 3ª y 4ª) onde garramos la rampla yerbosa per onde baxamos a La Llomba o a Belbín. Pero enantes nun se nos pué escaecer guardar unos perguapos paisaxes na cámara... o nel requexu más aquerenciau de la nuesa alcordanza.
En Cast: Un paso de pastores muy interesante, muy bonito... y muy estrecho. Cerca de el Lago Enol, en el camino de Ario, están las majadas de La Veguina y El Brazu. Pues bueno, los pastores que vivían en ellas, cuando querían ir a La Llomba e incluso Belbín, atajaban por esta estrechura en el pico Llucia para no dar un rodeo. Primero se pasa por una cueva, El Llerau, para acercarse a El Boquerón y, una vez en éste, hay que cogerse a las piedras para poder pasarlo, como veis en la primera foto al aspirante a Maestro Gonzalo Alonso (que tiemblen los actuales, Bernar, Zaldi y Gonza Gil). Por cierto, no dejeis de mirar su página web que os recomiendo aquí al lado (en Recomendamos): preciosa. Después de una trepada donde los grandones tenemos más problemas que los pequeños (mirad que bien lo hace mi Inés en la segunda foto) alcanzamos el colladín (fotos 3ª y 4ª) donde cogemos la rampa herbosa por donde bajamos a La Lomba o a Belbín. Pero antes no se nos puede olvidar guardar unos preciosos paisajes en la cámara... o en el rincón más querido de nuestra memoria.

martes, 12 de mayo de 2009

Media Primavera

N´Ast: Ya tamos na metada la Primavera. Empecipió pocu a pocu, nel fondu los valles, y espericando espericando, aportare a la estaya alta de los montes. Nel Oriente d´Asturies, les fayes son los árboles que más altu algamen, hasta los 1.200 metros aprosimadamente. Estos díes asómayos el verde qu´a mi préstame más, el de la Primavera, comu n´esta de Fana, na Montaña de Cuadonga. Col pasu´l tiempu, en cuantes asome el branu col calor y la seca, agostiarán, lo que xunío a la aición de los paparroxos fitófagos (vamos, los que xinten les fueyes) fadrá qu´el verde ya nun seya tan intensu, pasu previu al españíu ocre de la Seronda. Pero buenu, esa guapura ya aportará, de momentu cinca esfrutar en verde.
En Cast: Ya estamos en la mitad de la Primavera. Empezó poco a poco, en el fondo de los valles, y subiendo subiendo, llegó a la parte alta de los montes. En el Oriente de Asturias, las hayas son los árboles que más altura alcanzan, hasta los 1.200 metros aproximadamente. Estos días lucen el verde que a mi me gusta más, el de la Primavera, como esta de Fana, en la Montaña de Covadonga. Con el paso del tiempo, en cuanto asome el verano con el calor y la seca, se agostarán, lo que unido a la acción de los insectos fitófagos (vamos, los que se comen la hojas) hará que el verde ya no sea tan intenso, paso previo al estallido ocre del Otoño. Pero bueno, esa hermosura ya llegará, de momento toca disfrutar en verde.

viernes, 8 de mayo de 2009

XXX Día de les Lletres Asturianes

N´ast: Güei ye´l Día de les Lletres Asturianes:
Tú, nueche soberana
non puedes ser de mármole;
tú tienes que ser fecha
de ti mesma, y trabate
del ambetu del cielo
pel altu colondrame
con tristes tapeceres
y dolces alboraes.
Pin de Pría
¡Y tovía hai xente que diz que la nuesa llingua ye probe, ruina y fea! Yo, lo qu´talanto, ye que nun hai llingües nin probes nin riques, toes son igual de guapes, les fees son les presones que les empleguen como armes. ¡Felíz Día de les Lletres Asturianes!
En Cast: Hoy es el Día de las Letras Asturianas:
Tú, noche soberana
no puedes ser de mármol;
tú tienes que ser hecha
de ti misma, y unirte
al horizonte del cielo
por la alta muralla
con tristes atardeceres
y dulces alboradas.
Pin de Pría
¡Y todavía hay gente que dice que nuestra lengua es pobre, ruda y fea! (ver el fragmento del poema original en asturiano de la entrada en N´Ast). Yo, lo que pienso, es que no hay lenguas ni pobres ni ricas, todas son igual de hermosas, las feas son las personas que las usan como armas. ¡Feliz Día de las Letras Asturianas!

jueves, 7 de mayo de 2009

¡Da-y de mamar que tien fame!





N´Ast: La vida´l ganaderu sepártase munches vegaes de ser lo bucólica y pacetible qu´atalantamos. A les nueches en velea pola espera del partu hai que xuni-yos les hores echaes en cuidar que´l xatu s´adapte al mundiu acabante de conocer: que nun sepia mamar él solu ye común. Entós, l´aidanza del "padre adoptivu" ye básica: primero güeyar que´l xatu nun pué solu, dempués allegalu a la madre y enseña-y onde ta l´"asuntu"; vamos, la copada colos tetos (cuatro), tou ello acostinando colos afalagos de la madre al enfotau "padre". Una vegada que la cosa ta empobinada, ya solo falta mete-y ´l tetu na boca al xatu, catando un pocu llechi pa que sepia como furrula´l sistema. Ya tá; llisto, y cola primera vegada suele deprender y llueu apañase solu, aunque hai de seguir vixilantes. Nes semeyes teneis tolos pasos, fechos por un prácticu nel tema como ye Jose Amable: si por tolos xatos que lleva sacaos palante dieren-y un euro ya tendríe un xalé en Mallorca. Y tou ensin embargu de los maxinamientos pa colos ganaderos de dellos políticos y los sos aconseyadores (Peridis y más de la misma triba) que deben atalantar que la llechi dala el tetra-brik.
En Cast: La vida del ganadero dista muchas veces de ser lo bucólica y tranquila que pensamos. A las noches en vela por la espera del parto hay que unirles las horas pasadas en vigilar que el ternero se adapte al mundo recién conocido: que no sepa mamar él solo es frecuente. Entonces la ayuda del "padre adoptivo" es fundamental: primero ver que el ternero no puede solo, después acercarlo a la madre y enseñarle donde está el "asunto"; vamos, la ubre con las tetas (cuatro), todo ello aguantando con los cariños de la madre hacia el voluntarioso "padre". Una vez que la cosa está encaminada, ya solo queda meter una teta en la boca del ternero sacando un poco de leche para que sepa como funciona el sistema. Ya está; listo, y con la primera vez suele aprender y luego arreglarse solo, aunque hay que seguir vigilantes. En las fotos teneis todo el proceso, realizado por un experto en el tema como es Jose Amable: si por todos los terneros que lleva logrados sacar adelante le dieran un euro ya tendría un chalet en Mallorca. Y todo a pesar de las ideas para con los ganaderos de algunos políticos y sus asesores (Peridis y más de la misma raza) que deben pensar que la leche la da el tetra-brik.

martes, 5 de mayo de 2009

El tren a la política

N´Ast: Toi lleendo un llibru recomendatible sobre l´Asturies del sieglu pasau ("Asturies, un sieglu al di") y prestome munchu´l comentariu sobre´l tren na primera década: tardaba de Llaviana a Xixón tres hores veinte minutos, d´Uvieo a L´Infiestu poco más de tres y de Xixón a Uvieo ¡una hora y cuarto!. N´esti puntu alcordeme del Gobiernín del Principau: pa mi que por nun molestar al Gobiernón del Estau, va pidir un AVE de principios del sieglu... XX. Paezme que los socialistes trasmontanos (d´equí) tienen llercia de los socialistes foramontanos (d´ellí), nun seya qu´éstos s´anoxen y vayan quita-yos el chollu; el Xefe de Madrid ye muchu xefe. Ya lo dixe una vegada y direlo les que faiga falta: lo menos que tien de tener un políticu, seya del partíu que seya, ye honestidá, y tar per enriba de collores políticos en dellos casos; si hai de dir a pedir que los milenta de milenta de millones d´inversión (mira-y lo de Payares) nos dexen tener un tren del sieglu XXI a los asturianos ¡vase! ¿que-yos paez mal a los del partíu y llárguente pa casa ensín puestín nengunu? pues pa casa, pero cola tiesta bien alta y la reconocencia de los tos paisanos. Pa finar: que nun se-yos escaeza a los del Gobiernín que´l so Xefe somos los ciudadanos d´Asturies, nun el qu´alenda en La Moncloa.
En Cast: Estoy leyendo un libro recomendable sobre la Asturias del siglo pasado ("Asturias, un siglo al día") y me llamó la atención el comentario sobre el tren de la primera década: tardaba de Laviana a Gijón tres horas veinte minutos, de Oviedo a Infiesto poco más de tres horas y de Gijón a Oviedo ¡una hora y cuarto!. En este punto se me vino a la memoria el Gobiernín del Principado: para mi que por no molestar al Gobiernón del Estado, va a pedir un AVE de principios del siglo... XX. Me parece que los socialistas trasmontanos (de aquí) tienen miedo de los socialistas foramontanos (de allí), no sea que estos se enfaden y les vayan a quitar el "chollo"; el Jefe de Madrid es mucho jefe. Ya lo dije una vez y lo diré las que haga falta: lo menos que tiene que tener un político, sea del partido que sea, es honestidad y estar por encima de colores políticos en algunas ocasiones; si hay que ir a pedir que los miles y miles de millones de inversión (por ejemplo lo de Pajares) nos dejen tener un tren del siglo XXI a los asturianos ¡se va! ¿que les parece mal a los del partido y te mandan para casa sin "puestín" ninguno? pues para casa pero con la cabeza bien alta y el reconocimiento de tus paisanos. Para terminar: que no se olviden los del Gobiernín que su Jefe somos los ciudadanos de Asturias, no el que vive en La Moncloa.

sábado, 2 de mayo de 2009

Puertas

N´Ast: Güei, fin de selmana llargu pa dalgunos, vamos proponevos una visita a un pueblín de la estaya menos conocía del Conceyu Cabrales, la marxe dizquierda del Ríu Casaño. Dende Puertas podemos facer guapes excursiones a la rimada sur del Cuera (Braña de Tebrandi, Cabeza Buena, Peña Blanca...). Tamién tamos casi na metada de la ruta que xune l´Altu de Ortiguero con Carreña, conocía como Mirador del Urriellu, trespasando tamién por Asiegu, pueblu con perbones vistes del Picu. Les de Puertas nun sedrán de picos tan señalaos, pero les de les arispies peñes de Portudera (Redondu a manzorga la semeya y Ariscu a la drecha) camiento que son perguapes tamién. Amás, nel bar Casa Luisa (con arriendu d´apartamentos) podemos xintar llariegu, bono y arreglao y, como siempres encamiento, charrar colos paisanos pa deprender dalgún topónimu nuevu o dalguna ruta. ¡A escubrilo!
En Cast: Hoy, fin de semana largo para algunos, vamos a proponeros una visita a un pueblín de la zona menos conocida del Municipio de Cabrales, la margen izquierda del Río Casaño. Desde Puertas podemos realizar bonitas excursiones a la ladera sur del Cuera (Braña de Tebrandi, Cabeza Buena, Peña Blanca...). También estamos casi en la mitad de la ruta que une el Alto de Ortiguero con Carreña, conocida como Mirador del Urriellu, pasando también por Asiego, pueblo con muy buenas vistas del Picu. Las de Puertas no serán de picos tan notables, pero las de las bravas peñas de Portudera (Redondu a la izquierda de la foto y Ariscu a la derecha) creo que son muy hermosas también. Además, en el bar Casa Luisa (con alquiler de apartamentos) podemos comer casero, bueno y barato y, como siempre recomiendo, charlar con los paisanos para aprender algún topónimo nuevo o alguna ruta. ¡A descubrirlo!