Datos personales

Por una Asturies con más puxu. Per ahí per ende, per acá y acuyá, lo nueso, lo d´ayeri y lo de güei

sábado, 30 de julio de 2011

Camudando d´utilidá

N´Ast: L´horru está consideráu dende siempres un “inventu” pa espantar los animales que pudieren atacar l´ayalga que guarda: les reserves d´alimentu de la casa. En Llanes atopamos un modelu que sirve pa tou lo contrario: p´amparalos. Ye verdá qu´éstos son domésticos, pero naide pue asegurar qu´a dalgún nun-y dea por guetar xinta un pisín más enriba, amás de que cola tresformación de los baxos en xaules ye más fácil que se cuelen invintaos nada petecíos, como royones que puen trepar ensin problema pola rede metálica. Respetando les decisiones de ca ún, nós preferimos l´horru, horru y el gallineru, gallineru.
En Cast: El horreo está considerado desde siempre un “invento” para alejar a los animales que pudieran atacar el tesoro que guarda: las reservas de alimento de la casa. En Llanes encontramos un modelo que sirve para todo lo contrario: para protegerlos. Es verdad que éstos son domésticos, pero nadie puede asegurar que a alguno no le de por buscar comida un pisito más arriba, además de que con la transformación de los bajos en jaulas es más fácil que se cuelen invitados nada deseados, como roedores que pueden trepar facilmente por la red metálica. Respetando las decisiones de cada uno, nosotros preferimos el horreo, horreo y el gallinero, gallinero.

martes, 26 de julio de 2011

Una tradición que medra (=crece)





N´Ast: Si pasamos estos dís pola capital del conceyu Piloña, L´infiestu, y miramos pal sureste, no alto de tres cuetos estremaos veremos unos árboles “raros”. Averándonos a la guapa aldeína de Cardes y dando la parpayuela colos paisanos, sabemos lo que pasa: por San Xuan los vecinos de los pueblos de Porciles y Valle taracen primero y planten dempués estos álamos pa festexalo y, equí la bona nueva, esti añu entamó tamién esta tradición nel dichu Cardes. Nun dexen d´alcordanos les h.ogueres llanisques, pero sorpréndenos que mentres éstes llántense nel mediu´l pueblu, les piloñeses tean no cimero los montes. Camentamos que ye pa que toos puean ver quién la pon más grande, dalgu mui asturiano, y qu´a nós desallúganos porque, al dir en bici, tenemos qu´almirales dende lloñe. Naguando porque la tradición calténgase y medre, comprometémonos a dir otru añu a alleganos a pie a palpales.
(Gracies fonderes a la piloñesa Begoña Undagoitia por toa la información)
En Cast: Si pasamos estos días por la capital del concejo de Piloña, L´Infiestu/Infiesto, y miramos al sureste, en lo alto de tres montes distintos veremos unos árboles “raros”. Acercándonos a la bonita aldea de Cardes y charlando con los paisanos, sabemos lo que pasa: por San Xuan/San Juan los vecinos de los pueblos de Porciles y Valle cortan primero y plantan después estos álamos para celebrarlo y, aquí la buena noticia, este año comenzó también la tradición en el dicho Cardes. No dejan de recordarnos las “h.ogueras” llaniscas, pero nos sorprende que mientras éstas se sitúan en el medio del pueblo, las piloñesas estén en las cumbres. Pensamos que es para que todos puedan ver quién la pone más grande, algo muy asturiano, y que a nosotros nos descoloca porque, al ir en bicicleta, tenemos que contemplarlas desde lejos. Deseando que la tradición se mantenga y crezca, nos comprometemos a ir otro año a pie a tocarlas.
(Muchas gracias a la piloñesa Begoña Undagoitia por toda la información)

viernes, 22 de julio de 2011

A tosquilar l´abrigu (II)





N´Ast: ¡Y vaya si cualquier tiempu pasáu fuere peor! porque pol mesmu preciu pudimos güeyar una amosa del trabayu d´ayeri con tisories de mano y la cosa enguedéyase enforma, algamando la tosquila los veinte minutos por animal, más o menos. Multiplicando por cien oveyes... ¡sálenos una fartura tiempu! amás d´escosar les tirites nes botiques p´atapar les xinxigües. El casu ye qu´a man o máquina, ya tenemos la reciella col vistíu de branu ¿qué facemos cola llana? güei ¡quemalo! por ser material ensin valor. Queden lloñe les dómines del pastor del ablayáu cantar que dicía: “yo soi quien cuida la oveya, quien-y escarmena la llana, pa facer bonos colchones mentres yo duermo na paya”. Los güeyos del probe home enllenaríense de llárimes al comprobar como´l so sufrimientu tresformose en pallabres valeres. Nós, guardamos por él un respetuosu silenciu.
En Cast: ¡Y vaya si cualquier tiempo pasado fue peor! porque por el mismo precio pudimos ver una demostración del trabajo de antaño con tijeras de mano y la cosa se complica bastante, llegando el esquile a los veinte minutos por animal, más o menos. Multiplicando por cien ovejas... ¡nos sale una pila de tiempo! además de agotar las tiritas en las farmacias para tapar las ampollas. El caso es que a mano o a máquina, ya tenemos el rebaño con el traje de verano ¿qué hacemos con la lana? hoy día ¡quemarla! por ser material sin valor. Quedan lejos los tiempos del pastor del triste cantar que decía: “yo soy quien cuida la oveja, quien le desenreda la lana, para hacer buenos colchones mientras yo duermo en la paja”. Los ojos del pobre hombre se llenarían de lágrimas al comprobar como su sufrimiento se transformó en palabras vacías. Nosotros, guardamos por él un respetuoso silencio.

martes, 19 de julio de 2011

A tosquilar l´abrigu (I)





N´Ast: Anque nun lo paeza, ya tamos nel branu, momentu de tirar l´abrigu pa nun pasar calores y, si ésti ye una gorda capa llana, motivu más que sobráu pa meter una bona tosquila. El progresivu desaniciu la reciella fae qu´esti espectáculu seya cada vegada menos frecuente, pero nós tuvimos la xorra d´atopar en Llanes un paisano amu d´unes 100 oveyes que dexonos amirar el procesu. Tres amarrar l´animal pa que nun se mueva, el corte con esta máquina llétrica d´unos 400 euritos dura unos cinco minutos, faciendo que cualquier tiempu pasáu fuere ¡bastante peor!...
En Cast: Aunque no lo parezca, ya estamos en el verano, momento de tirar el abrigo para no pasar calores y, si éste es una gruesa capa de lana, motivo más que sobrado para meter un buen esquile. La progresiva desaparición de “la reciella” (rebaño de ganado menor en asturiano) hace que este espectáculo sea cada vez menos frecuente, pero nosotros tuvimos la suerte de encontrar en Llanes un buen señor dueño de unas 100 ovejas que nos permitió contemplar el proceso. Tras atar al animal para que no se mueva, el corte con esta máquina eléctrica de unos 400 euritos dura cinco minutos, haciendo que cualquier tiempo pasado fuera ¡bastante peor!...

viernes, 15 de julio de 2011

Bolos: allegría doble





N´Ast: Una, atopanos por sorpresa una partía nes calles del perguapu pueblu de Posada de Valdeón, arrodiáos d´imponentes montañes. Dos, ver un numberosu públicu esfrutando cola demostración pero, sobre tou, que participe xente moza, colo qu´afítase la supervivencia d´esti xuegu tradicional. La modalidá practicada ye´l bolo palma o birle, estendía pol oriente d´Asturies, Cantabria y dellos sitios de Lleón (¿quién pon llendes a la cultura?), de la cuala la característica principal ye qu´una mesma bola tírase dos vegaes: dende la salida (les tres primeres semeyes) y llueu dende onde queda parada (les dos caberes imaxenes, d´ehí lo birle, de birlar, realizar esti segundu llanzamientu). Oxalá les nueves xeneraciones fagan tornar les dómines nes que nun había nin pueblu, nin aldea, nin mayada ensin bolera... y con decoraos como éstos ¡meyor que meyor!
En Cast: Una, encontrarnos por sorpresa una partida en las calles del bonito pueblo de Posada de Valdeón, rodeados de imponentes montañas. Dos, ver un numeroso público disfrutando con la demostración pero, sobre todo, que participe gente joven, con lo que se asegura la supervivencia de este juego tradicional. La modalidad practicada es el bolo palma o birle, extendida por el oriente de Asturias, Cantabria y algunos sitios de León (¿quién pone fronteras a la cultura?), cuya característica principal es que una misma bola se tira dos veces: desde la salida (las tres primeras fotos) y luego desde donde queda parada (las dos últimas imágenes, de ahí lo de “birle”, de “birlar”, realizar este segundo lanzamiento). Ojalá las nuevas generaciones hagan volver las épocas en las que no había ni pueblo, ni aldea, ni majada sin bolera... y con decorados como éstos ¡mejor que mejor!

martes, 12 de julio de 2011

Guardia a l´antigua


N´Ast: Entamamos la selmana con tema eclesiásticu de nuevu. Ante la fola d´atentaos escontra finxos relixiosos nes cumes, en dellos sitios paez que tomen midíes y alluguen un sistema de xixilancia tradicional, anque un guardián que mércase con un zoquete de pan duru nun se si sedrá de fiar. Bono, el casu ye que la Cruz de la Viorna ellí sigue y, dalgunos de los qu´avérense a ella, paez que déxense restolar pol xixilante con ciertu resquildu...
En Cast: Comenzamos la semana con tema eclesiástico de nuevo. Ante la ola de atentados contra símbolos religiosos en las cumbres, en algunos sitios parece que toman medidas y colocan un sistema de vigilancia tradicional, aunque un guardián que se compra con un trozo de pan duro no se si será de fiar. Bueno, el caso es que la Cruz de la Viorna allí sigue y, algunos de los que se acercan a ella, parece que se dejan registrar por el vigilante con cierto temor...

viernes, 8 de julio de 2011

Cola Ilesia atopamos


N´Ast: O mas bien la Ilesia atopó con un güesu duru de royer: hailos que nun tienen llercia a los arrepresentantes de Dios na tierra y nun dulden en dicir la verdá (o la qu´ellos creyen que ye la verdá). Picando enriba la semeya p´ampliala, güeyaréis la que cuenta esti paisano d´Espinama (Liébana) ensin pelos na llingua. Al señor obispu vale-y más dir ensin sotana, d´incógnitu, si s´avera pol pueblu y al presuntu mercador, guardar les perres embaxo´l xergón y dir d´hotel, qu´aforrará en disgustos.
En Cast: O mas bien la iglesia topó con un hueso duro de roer: los hay que no tienen miedo a los representantes de Dios en la tierra y no dudan en decir la verdad (o la que ellos creen que es la verdad). Pinchando sobre la foto para ampliarla, veréis la que cuenta este hombre de Espinama (Liébana) sin pelos en la lengua. Al señor obispo le vale más ir sin sotana, de incógnito, si se acerca por el pueblo y al presunto comprador, guardar el dinero bajo el colchón e ir de hotel, que ahorrará en disgustos.

martes, 5 de julio de 2011

Más que piedres



N´Ast: Pa siguir coles coses que ye meyor echa-yos un güeyu de lexos, güei trayemos un reptil col que nun hai qu´andase con cuentos: la víbora seoane cantábrica (Vipera seoani cantabrica). Esta sub-castria dase nos Picos d´Europa y dalgunos llugares de la Cordalera. La picadura ye perdolorosa y mortal en casos escepcionales polo que, como siempres nestes ocasiones, pa la semeya tiramos de zoom y cuando llevantó la tiesta y mironos un pocu mal, dexámosla a lo de so y nós siguimos ruta. Dicir qu´estos bichos suelen ser pacíficos y danse a la retirada salvo que siéntanse en pelligru ensin escape, que ye cuando defiéndense. Ello ye polo que nun convién mete-yos la mano, como fae dalgún blogueru alloriáu de los que recomendamos equí al llau, y xixilar de xemes en cuandu les nueses pisaes, nun solo poles piedres.
En Cast: Para seguir con las cosas que es mejor echarles un ojo de lejos, hoy traemos un reptil con el que no hay que andarse con cuentos: la víbora seoanes cantábrica (Vipera seoani cantabrica). Esta sub-especie se da en los Picos de Europa y algunos lugares de la Cordillera. La picadura es muy dolorosa y mortal en casos excepcionales por lo que, como siempre en estas ocasiones, para la foto tiramos de zoom y cuando levantó la cabeza y nos miró un poco mal, la dejamos a lo suyo y nosotros seguimos ruta. Decir que estos bichos suelen ser pacíficos y se dan a la retirada salvo que se sientan en peligro sin escape, que es cuando se defienden. Es por ésto por lo que no conviene meterles la mano, como hace algún bloguero loco de los que recomendamos aquí al lado, y vigilar de vez en cuando nuestras pisadas, no solo por las piedras.

viernes, 1 de julio de 2011

Arquitectura ñatural

N´Ast: Si llámennos l´atención delles fechures de l´home, nun van ser menos dalgunes ñaturales desanubríes nes nueses andances. Nuna humildosa y indrúxula cotoya o nuna desaprovechada escoba pue apaecenos esta “catedral” d´un paparraxu: la viéspora papelera (Polistes dominulus [=gallicus]). El por qué del nome ye fácil de talantar: el so aleñu grisperu paez fechu de papel. Tamién ye fácil saber que fozones tan ocupaos porque vense tapaos o destapaos según tean llarva o non (nel de la imaxen nengún ta ocupáu). Pero ¡güeyu! mirar de lexos y semeyes con zoom, que la mala llechi cuando piquen nun-yos la quita naide.
En Cast: Si nos llaman la atención algunas construcciones del hombre, no van a ser menos otras naturales descubiertas en nuestras caminatas. En un humilde e incomprendido tojo o en una desaprovechada retama puede aparecernos esta “catedral” de un insecto: la avispa papelera (Polistes dominulus [=gallicus]). El por qué del nombre es fácil de deducir: su delicado avispero parece hecho de papel. También es fácil saber que celdillas están ocupadas porque se ven tapadas o destapadas según tenga larva o no (en el de la imagen ninguna está ocupada). Pero ¡ojo! mirar de lejos y fotos con zoom, que la mala leche cuando pican no se la quita nadie.