Datos personales

Por una Asturies con más puxu. Per ahí per ende, per acá y acuyá, lo nueso, lo d´ayeri y lo de güei

martes, 29 de septiembre de 2009

Una alcordanza de Fidel

N´Ast: Esta yera la cabaña d´un pastor en La Bastañar: Fidel. Dementres munchos años, conocimos meyor esta estaya la Montaña Cuadonga gracies a les sos enseñances. Güei, ya nun sube a la mayada: ye otra de les baxes pola edá d´un duru trabayu qu´aporta a nos dende´l Neolítico y qu´agora aboquia por falta del necesariu relevu xeneracional. Fidel retirose y alenda seliquino en Teleña, amirando con señardá la montaña y esperando l´intre de tornar dafechu a ella.
En Cast: Esta era la cabaña de un pastor en La Bastañar: Fidel. Durante muchos años, conocimos mejor esta parte de la Montaña de Cuadonga/Covadonga gracias a sus enseñanzas. Hoy, ya no sube a la majada: es otra de las bajas por edad de un duro trabajo que llega a nosotros desde el Neolítico y que ahora agoniza por falta del necesario relevo generacional. Fidel se jubiló y vive tranquilamente en Teleña, mirando con nostalgia la montaña y esperando el momento de volver para siempre a ella.

sábado, 26 de septiembre de 2009

Cabruñar


N´Ast: Cabruñar: afinar el filu´l gadañu col martiellu y la yuncla mediante percusión d´aquel nésta. Nuna dómina de segadores mecániques ya rozadores onde´l gadañu ta prácticamente escaecíu, ye estrañu ver cabruñar y menos nuna urbe populosa como Xixón. Pero sorpresa: na parroquia con espíritu rural de Xove, escucando tres d´una muria, escubrimos esta yuncla, que nos amuesa que dalguien sigui trabayando según les vieyes tradiciones y calteniendo l´antiguu mundiu rural metanes la moderna y industriosa ciudá. ¡Taremos sollertes a ver si somos p´asemeyar a la paisana o paisano en plenu traxín!
En Cast: Cabruñar: adelgazar el corte de la guadaña con el martillo y la "yuncla" mediante percusión de aquel sobre ésta. En una época de segadoras mecánicas y desbrozadoras donde la guadaña está prácticamente olvidada, es raro ver cabruñar y menos en una urbe populosa como Xixón/Gijón. Pero sorpresa: en la parroquia con espíritu rural de Xove/Jove, mirando tras un muro, descubrimos esta "yuncla" (el utensilio de la foto, una especie de mini-yunque), que nos demuestra que alguien sigue trabajando según las viejas tradiciones y manteniendo el antiguo mundo rural en medio de la moderna e industriosa ciudad. ¡Estaremos atentos a ver si podemos fotografiar a la señora o señor en plena faena!

jueves, 24 de septiembre de 2009

Seronda (Otoño)






N´Ast: Seronda, tardíu o autoñu, qu´asina pue nomase n´asturianu la estación acabantes estrenada y son toes elles pallabres perguapes. Personalmente opino que ye una dómina perprestosa y, anque ciertamente asáltanos cierta murnia al tresmanar hores de lluz, ufierta posibilidáes perinteresantes: amás de lo ya persabío sobre los collores de les fueyes, apaecen les más variopintes setes por tolos llaos; nos correores d´horros y cases vese la dorada resultancia de la collecha; los árboles tan preñaos de frutos qu´esfrutaremos en forma de futura sidre o animaos magüestos; visítennos abondes aves andayones... ¡Agudicemos los sentíos y escubramos y gociemos toles bayures serondiegues qu´aporten a esta tierra!
En Cast: "Seronda", "tardíu" o "autoñu", que así puede llamarse en asturiano a la estación recién estrenada y son todas ellas palabras muy hermosas. Personalmente creo que es una época muy bonita y, aunque ciertamente nos asalta cierta tristeza al perder horas de luz, ofrece posibilidades muy interesantes: además de lo ya conocidísimo de los colores de las hojas, aparecen las más diversas setas por todos los sitios; en los corredores de horreos y casas se ve la dorada recogida de la cosecha; los árboles están preñados de frutos que disfrutaremos en forma de futura sidra o en animados "magüestos" (en Asturias, reunión de personas para comer castañas asadas); nos visitan abundantes aves viajeras... ¡Agudicemos los sentidos y descubramos y gocemos todas las riquezas otoñales que llegan a esta tierra!

martes, 22 de septiembre de 2009

La furia´l Nuberu


N´Ast: Col consentimientu de Xanos y Xanes, Diaños y Trasgos, Cuélebres y Busgosos, güei vamos falar del Nuberu. De toa la mitoloxía astur, esti perxonaxe ye´l que caúsame más prestosidá: traslladase pol mundiu montáu nes ñubes, arremanar les lluvies antoxadizamente enriba les tierres según-y caiga bien o mal el dueñu o alendar n´Egipto col nome de Xuan Cabrito, son situaciones pa espertar el maxín de cualquier. Pero ensin dulda, cuandu más abluca esti ser mitolóxicu, ye cuandu se fae l´Amu la Truena, como estos díes atrás: en la Cruz d´Entrejanu, mientres nos daba un sol "picón", vimos como un inritáu Nuberu xuntaba negres ñubes enriba l´Urriellu pa pocu dempués descargar tola so furia de rayos, rescamplos y truenos escontra la montaña. Llueu, siguió´l so empobinamientu hacia la mar. Un auténticu espectáculu... si ún abellugase a tiempu comu pudimos facer nosotros ¡como te garre albentestate: uuuuffff!. Pa finar, dos conseyos: ún, que si vos atopáis con dalgún vieyu perruzu per ehí, nada de metese con elli, qu´igual ye´l Nuberu caleyando pola tierra como-y presta facer dalguna vegada, ¡y como se vos anoxe!; y otru, que si vais a Egipto, na ciudá d´Orito, entruga-y por Xuan Cabrito, que poles bones, de xuru qu´echavos un gabitu.
En Cast: Con el permiso de Xanos y Xanas, Diaños y Trasgos, Cuélebres y Busgosos, hoy vamos a hablar del Nuberu. De toda la mitología astur, este personaje es el que más simpatía me causa: trasladarse por el mundo montado en las nubes, distribuir las lluvias caprichosamente sobre las tierras según le caiga bien o mal el dueño o vivir en Egipto, son situaciones que despiertan la imaginación de cualquiera. Pero sin dudar, cuando más impresiona este ser mitológico es cuando se convierte en el Señor de la Tormenta, como estos días atrás: en la Cruz d´Entrejanu, mientras nos daba un sol "picante", vimos como un irritado Nuberu juntaba negras nubes sobre el Urriellu para poco después descargar toda su furia de rayos, relámpagos y truenos contra la montaña. Luego, continuó su marcha hacia la mar. Un auténtico espectáculo.... si uno se resguarda a tiempo como pudimos hacer nosotros ¡como te coja a la intemperie: uuuufffff!. Para terminar, dos consejos: uno, que si os encontráis con algún viejo cascarrabias por ahí, nada de meterse con él, que igual es el Nuberu paseando por la tierra como le gusta hacer alguna vez, ¡y como se os enfade!; y otro, que si vais a Egipto, en la ciudad de Orito, preguntad por Xuan Cabrito, que por las buenas, seguro que os echa una mano.

viernes, 18 de septiembre de 2009

Una tierra xenerosa



N´Ast: ¿Quién dixo qu´esta Tierra yera desagradecía ya escosa? Pues a estos dos llabradores llaniscos de l´arrequexada aldeina de San Martín, a pocu que l´allendaron y l´afalagaron, dio-yos un frutu ¡de más de 30 kilos!. Si facemos puxu ente toos na mesma direción, n´esta Asturies xenerosa xorrecerán tamien otros frutos: los del ánima.
En Cast: ¿Quién dijo que esta Tierra era desagradecida y estéril? Pues a estos dos agricultores llaniscos de la remota aldeina de San Martín, a poco que la cuidaron y la mimaron, les dio un fruto ¡de más de 30 kilos!. Si hacemos fuerza entre todos en la misma dirección, en esta Asturias generosa crecerán también otros frutos: los del alma.

martes, 15 de septiembre de 2009

El respetu


N´Ast: Paecíame a mi qu´en cuantes volviéramos al Macizu Oriental diba salir el tema otra vegada. Esta estaya de los Picos d´Europa ta trespasada por una serie de pistes heriedaes del so pasau mineru. Pues bonu, como en tol Parque Nacional, ta torgao circular por elles salvu pa los vecinos, y naide pue dicir que nun tean bien señalizaes: pues ni asina, la xente ni casu a les señales ¡sedrá que solu valen pa dar sombra!. Cada vegada atalanto menos, ya nun respetamos ná y asina nos va. Si nun tamos d´acuerdu cola torga, aleguemos a quien corresponda, pero nun nos saltemos la llei según nos interese, si no ¿qué va ser ésto?. Y les autoridaes que tomen les medíes necesaries pa que se cumpla la llegalidá vixente, y si hai que tocar la corexa, pues a tocala, que paez munches vegaes que ye l´únicu llenguaxe que caltriamos.
En Cast: Ya sabía yo que en cuanto volviéramos al Macizo Oriental otra vez saldría el tema. Esta zona de los Picos de Europa está atravesada por una serie de pistas heredadas de su pasado minero. Pues bueno, como en todo el Parque Nacional, está prohibido circular por ellas excepto a los vecinos, y nadie puede decir que no estén bien señalizadas: pues ni así, la gente ni caso a las señales ¡será que solo valen para dar sombra!. Cada vez entiendo menos, ya no respetamos nada y así nos va. Si no estamos de acuerdo con la prohibición, aleguemos a quien corresponda, pero no nos saltemos la ley según nos interese, si no ¿qué va a ser ésto?. Y las autoridades que tomen las medidas necesarias para que se cumpla la legalidad vigente, y si hay que tocar el bolsillo, pues a tocarlo, que parece que muchas veces es el único lenguaje que comprendemos.

jueves, 10 de septiembre de 2009

Pandecarmen: otru abusu





N´Ast: Dalgunos bonos collacios dícenme que soi muy retrolicón, pero ye que hai coses que nun les pueo callar. Ya falamos de la pista de Pandébano y güei cinca la de Pandecarmen, cerque los Llagos de Cuadonga. Sedrá ser pesáu, pero dalgunos comportamientos nun los atalanto: ya nun entro n´asuntos d´ética personal, yo no meto el coche en pistes, otros puen facer lo que quieran, pero ye que nésta TA TORGAO, colo que nun hai alderique posible. Pa encima, l´alministración encargada de velar pol Parque Nacional, dementres un tiempu puso multes a los infractores y llueu pasó de todo. Si facemos una llei p´amparar un espaciu natural que merita la pena caltener y no la cumplimos ¿qué sentíu tien? pa eso vale más nun facer nada y cuando desapaeza, lloramos. Seyamos serios: hai un bon aparcamientu pa dexar el coche (que valió un porrón de millones y yera pa evitar estes situaciones) y mentalicémonos que les rutes duren un poquiñín más, nun ye pa tantu y la Ñaturaleza daranos les gracies. Y si nun queremos patiar munchu, arredor del aparcaderu y los Llagos, les vistes son tan guapes como les dos caberes que vos amueso. Nota del facedor: paezme qu´esti tema va dar pa más.
En Cast: Algunos buenos amigos me dicen que soy muy protestón, pero es que hay cosas que no me puedo callar. Ya hablamos de la pista a Pandébano y hoy toca la de Pandecarmen, cerca de los Lagos de Covadonga/Cuadonga. Será ser pesado, pero algunos comportamientos no los entiendo: ya no entro en cuestiones de ética personal, yo no meto el coche por pistas, otros que hagan lo que quieran, pero es que en ésta ESTÁ PROHIBIDO, con lo que no hay debate posible. Encima, la administración encargada de velar por el Parque Nacional, durante un tiempo puso multas a los infractores y luego pasó de todo. Si hacemos una ley para proteger un espacio natural que merece la pena conservar y no la cumplimos ¿qué sentido tiene? para eso mejor no hacer nada y cuando desaparezca, lloramos. Seamos serios: hay un buen aparcamiento para dejar el coche (y que costó un montón de millones y era para evitar situaciones como ésta) y mentalicémonos que las rutas duran un poco más, no es para tanto y la Naturaleza nos lo agradecerá. Y si no queremos caminar mucho, alrededor del aparcamiento y los Lagos, las vistas son tan bonitas como las dos últimas que os enseño. Nota del autor: me parece que este tema va a dar para más.

martes, 8 de septiembre de 2009

8 de Setiembre: Díe d´Asturies

N´Ast: Güei ye´l Díe d´Asturies. Pero nun solu´l de l´Asturies oficial, tamién ye´l de los que la vemos estremada: de los qu´esmoleznos que s´escaeza la llingua que nos legaren los nuesos antepasaos; de los que creyemos que pue mirase al futuru ensin despreciar el pasáu; de los que vemos con murnia como s´esbarrumba´l nuesu patrimoniu etnográficu y los encargaos d´amparalu nun faen un res, lo mesmo que col nuesu arte asturiano patrimoniu de la humanidá; de los que sofitamos y necesitamos que nos sofiten otros países del Estáu. Esta xente solu somos namoraos del nuesu País- porque, si nun amamos lo de nueso ¿como vamos amar lo de los otros?- y queremos amosalu perguapu y acoyedor a los demás pa qu´ellos tamién lu amen. Y dende llueu que nun somos peligrosos "estremistas-terroristas" como quieren facer creyer: si dalguien llee a Xovellanos ¿atrévese a pone-y esti axetivu al gran illustrau xixonés?. Esta tierra agospedadora nun ye más grande que nenguna, pero tampoco más pequeña. Esta tierra ye la d´un pueblu milenariu: echemos-y un gavitu pa qu´esta Asturies Irredenta, estremada de la versión oficial, nun muerra. Feliz díe y ¡Puxa Asturies!
En Cast: Hoy es el Día de Asturias. Pero no solo el de la Asturias oficial, también es el de los que la vemos diferente: de los nos preocupa que se olvide la lengua que nos legaron nuestros antepasados; de los que vemos con tristeza como se derrumba nuestro patrimonio etnográfico y los encargados de protegerlo no hacen nada, al igual que con nuestro arte asturiano patrimonio de la humanidad; de los que apoyamos y necesitamos que nos apoyen otros países del Estado. Esta gente solo somos enamorados de nuestro País- porque si no amamos lo nuestro ¿como vamos a amar lo de los demás?- y queremos enseñarlo hermoso y acogedor a los demás para que ellos también lo amen. Y desde luego que no somos peligrosos "extremistas-terroristas" como quieren hacer creer: si alguien lee a Jovellanos ¿se atreve a ponerle este adjetivo al gran ilustrado gijonés?. Esta tierra hospitalaria no es más grande que ninguna, pero tampoco más pequeña. Esta tierra es la de un pueblo milenario: ayudemos para que esta Asturias Irredenta, distinta de la oficial, no muera. Feliz día y ¡Puxa Asturias!

sábado, 5 de septiembre de 2009

Les Cuques



N´Ast: Guetando, guetando, apaecieren les "fechures" de la herba que nos faltaben: les cuques. Na parroquia colunguesa de La Riera, alcontramos esti paisano faciendo estos montones que, comu nun se calquen pisándolos (apílense solu), valen unicamente pa protexer de la rosada o d´una borrina llenta. Mañana tiraránse al tarrén pa finar de curar la herba si-y falta un puquiñín o abellugarase nel llugar afayadizu pal iviernu si ya ta del tou seca. Vamos recordar agora estes "arquitectures" populares de la más grande a la más chica. Si picáis enriba´l nome, sale la entrada onde falamos d´ella: FACINA, VARA o PALANCA, la más grandona, muy pisada y apertada porque nun pué calala´l agua al tar albentestate n´iviernu. BALAGAR o BORREGA, un pocu más chiques que les facines, pisaes pero nun fae falta apertales munchu, solo tienen de resistir lluvia lixera un díe o dos, por si cae dalgo mientres espérase a abellugalo. CUQUES, lo que vos pongo güei y les más pequeñes con estremu, nun se pisen nin se calquen y como llueva, calen hasta´l tarrén. Ya sabéis les "pirámides" rurales asturianes.
En Cast: Buscando, buscando, aparecieron las "construcciones" de la hierba (recuerdo: proceso de secado para hacer paja) que nos faltaban: "les cuques". En la parroquia colunguesa de La Riera, encontramos a este señor haciendo montones que, como no se aprietan pisándolos (solo se apilan), unicamente protegen del rocio o de una niebla húmeda. Mañana se tirarán al suelo para terminar de secar la hierba (aquí la palabra no se refiere al proceso de secado, solo a eso, a la hierba) si le falta un poco o se guardarán en el lugar apropiado para el invierno si ya está del todo "curada" (recordatorio: se llama "curar" al estado de secado. Cuando está seca del todo se dice "tá curada"). Ahora vamos a recordar estas "arquitecturas" populares de la más grande a la más pequeña. Pinchando sobre el nombre os parece la entrada donde hablamos de ella: FACINA, VARA o PALANCA, la más grande, muy pisada y apretada porque no la puede mojar el agua al estar a la intemperie en invierno. BALAGAR o BORREGA, un poco más pequeñas que "les facines", se pisan pero no se aprietan mucho, solo tienen que aguantar lluvia ligera un día o dos, por si cae algo mientras se espera a guardarlo. CUQUES, la entrada de hoy y las más pequeñas con diferencia, no se pisan ni se aprietan y como llueva se mojan hasta el suelo. Ya conoceis las pirámides rurales asturianas.

jueves, 3 de septiembre de 2009

Un murniu cabu d´añu (Un triste aniversario)




N´Ast: El domingo pasáu, 30 d´Agostu, averámonos a conocer los Altos de Braniella, nel Macizo Oriental de Picos d´Europa (los de la primer semeya), y quiso la ventura que coincidiéramos col cabu d´añu d´una traxedia asocedía nesta fastera fae xustu 27 años: una montañera inglesa sufría una mancadura y yera socorría pola Guardia Civil de Montaña (GREIM). Como les condiciones meteorolóxiques nun yeren bones (densa borrina nos altos), baxaren n´angarielles la fería a un llugar más afayadizu pa subila a un helicóptero, cerque los Invernales de Sotres. Tres despegar camín de Braniella y metese na borrina, el aparatu estampose escontra la lladera, morriendo los sos ocupantes, incluyía la rescatada (más macabro, imposible). Estes cruces (la segunda semeya), feches con parte de los múltiples cachos que queden del accidente pol terrén (les dos caberes imáxenes), alcuérdennos la fatalidá d´aquel 30 d´Agostu de 1.982 y, de pasu, que seyamos aposentaos cuando salgamos a conocer y gociar de les maravielles del País, nun finen pagando los nuesos enquivocos los que nos arrodien.
En Cast: El domingo pasado, 30 de Agosto, nos acercamos a conocer los Altos de Braniella, en el Macizo Oriental de Picos de Europa (los de la primera foto), y quiso la casualidad que coincidiéramos con el aniversario de una tragedia sucedida en esta zona hace justo 27 años: una montañera inglesa sufría un accidente y era socorrida por la Guardia Civil de Montaña (GREIM). Como las condiciones meteorológicas no eran buenas (densa niebla en las partes altas), bajaron en camilla a la herida hasta un lugar apropiado para subirla a un helicóptero, cerca de los Invernales de Sotres. Tras despegar en dirección a Braniella y entrar en la niebla, el aparato se estrelló contra la ladera, falleciendo sus ocupantes, incluida la rescatada (más macabro, imposible). Estas cruces (foto segunda), hechas con parte de los múltiples trozos que quedan del accidente en el terreno (dos últimas imágenes), nos recuerdan la fatalidad sucedida aquel 30 d´Agosto de 1.982 y, de paso, que seamos prudentes cuando salgamos a conocer y gozar de las maravillas del País, no acaben pagando nuestros errores los que nos rodean.

martes, 1 de septiembre de 2009

Una mascota ¿llariega? (=autóctona)



N´Ast: Ún tenía visto mascotes de lo más estraño pero la d´estos paisanos d´Anayu (Piloña) ye peculiar de xuru. Tán de moda iguanes, cocodrilos o culiebres pero, llariega llariega como ésta, nenguna. Ehí ta el probe atáu como un perrín, xintando les berces y el verde que-y echen. Lo que nun sabemos ye si lu lleven de caza: ¡igual ye bárbaru pa rastriar conxéneres!
En Cast: Uno tenía visto mascotas de lo más raro pero la de estos señores de Anayu/Anayo (Piloña) es peculiar sin duda. Están de moda iguanas, cocodrilos o culebras pero, autóctona autóctona como ésta, ninguna. Ahí está el pobre atado como un perrito, comiendo las berzas y la hierba verde que le echan. Lo que no sabemos es si lo llevan de caza: ¡igual es un magnífico rastreador de congéneres!