Datos personales

Por una Asturies con más puxu. Per ahí per ende, per acá y acuyá, lo nueso, lo d´ayeri y lo de güei

martes, 30 de junio de 2009

La calisma (El bochorno)

N´Ast: Aporta´l branu y con él la calisma. Los animales guetamos estremaos xeitos p´aguantalo: en Canero (Pandébano, Cabrales), con más de 30 graos al sol de témperu, los más llistos conocen bien onde ta la solombra; bono, la más llista, como agüeyase na semeya. Ye abondu asomar la tiesta pa ver el paisaxe. Otros tamién amiramos les maravíes de Picos, pero a plenu sol, apuntu danos un castañazu de calor. Nesti casu, nun se sabe muy bien cúal ye l´animal de cuatro pates y cúal ye´l de dos.
En Cast: Llega el verano y con él el bochorno. Los animales buscamos diferentes maneras para aguantarlo: en Canero (Pandébano, Cabrales), con más de 30 grados al sol de temperatura, los más listos conocen bien donde está la sombra; bueno, la más lista, como se ve en la imagen. Es bastante con asomar la cabeza para ver el paisaje. Otros también admiramos las maravillas de Picos, pero a pleno sol, apunto de darnos un golpe de calor. En este caso, no se sabe muy bien cúal es el animal de cuatro patas y cúal el de dos.

viernes, 26 de junio de 2009

Borrina (Niebla)


N´Ast: La borrina, la encainada de los pastores de Picos: llienta, fría, camudante...¿antoxadiza? sí; tres un camín de varies hores, arrebuyaos nel so cande mantu maxinando qué maravielles tan soverándosenos, nun intre, seliquino y por unos segundos, ábrese p´amosanos que la realidá perpasa tolo que suañáremos. Y en cuantu l´airín rastrexe los deos de la ñidia cortina tornando a zarranos la vista, col ánima gayolera, volveremos a entamar la marcha, a sabiendes que la borrina, l´antoxadiza borrina, xuega cola montaña, faciéndola estremada a la nuesa vista, namorándonos d´ella, naguando volver otra vegada...otra más.
En Cast: La niebla, la "encainada" de los pastores de Picos: húmeda, fría, cambiante...¿caprichosa? sí; tras un camino de varias horas, envueltos en su blanco manto imaginando qué maravillas se nos están ocultando, en un instante, suavemente y por unos segundos, se abre para mostrarnos que la realidad sobrepasa todo lo que habíamos soñado. Y en cuanto el aire arrastre los dedos de la suave cortina volviendo a cerrarnos la vista, con el espíritu alegre, reanudaremos la marcha, sabiendo que la niebla, la caprichosa niebla, juega con la montaña, haciéndola diferente a nuestra mirada, enamorándonos de ella, deseando volver otra vez...otra más.

martes, 23 de junio de 2009

Les h.ogueres




N´Ast: Bono, pues siguimos con gana romería, güei pa falabos d´algo ya comentao n´otra entrada: les h.ogueres. Casi que tolos pueblos llaniscos empecipien les sos fiestes plantando la h.oguera, un troncu d´árbol que fíncase vertical y cuantu más grandón meyor, porque hai competencia ente parroquies haber cuála la pon de más altor. El troncu ye enterizu (en Balmori esti añu de 40 metros), nun como los mayos castellanos, apaecíos, pero formaos por varios tramos arrexuntaos. Pa llevantala, participa tou´l pueblu, los homes poniéndola drecha a los mandatos del voceru (persona que dirixe) y les muyeres animando con cantos. Siempres que pasaba acompañau por una carretera Llanes y asomaba una h.oguera, entrugábenme los collacios que qué yera aquello y pa que servía. Yo na más sabía responder que pa honrar al santu la fiesta y que más alta meyor pa señalase del vecín, pero yera una explicación que nun me prestaba, apaecíame probe. El branu pasau, falando con David Bayón, namorau de les tradiciones llanisques, diome una esplicación que paeciome perinteresante: ensin dulda ye un ritu qu´enllaza colos de fae milenta años de fecundidá de la tierra. Si arreparamos n´ello, el troncu apaez una cosadiella masculina, y el llugar onde se finca (semeyes segunda y tercera), una cosadiella femenina, colo que tamos deseando "preñar" la tierra, que seya fecunda la collecha. Xunimos a ésto que la ilesia siempres trató d´asimilar ritos llariegos (paganos dende´l so puntu vista) pa les sos fiestes y que la tradición vien de padres a fíos dende la nueche los tiempos y ,pa mi, nun hai dulda. Tradiciones milenaries d´un Pueblu milenariu.
En Cast: Bueno, pues seguimos con gana de fiesta, hoy para hablaros de algo ya comentado en otra entrada: las "h.ogueras" ("h."corresponde a una "h" aspirada, casi una "j", pero no igual, en el Oriente de Asturias). Casi todos los pueblos llaniscos comienzan su fiesta plantando la "h.oguera", un tronco de árbol que se planta en vertical y cuanto más grande mejor porque hay competencia entre parroquias para ver cúal la pone más alta. El tronco es entero (en Balmori este de año de 40 metros), no como los mayos castellanos, parecidos pero formados por varios tramos unidos. Para levantarla, participa todo el pueblo, los hombres poniéndola derecha a los mandados del "voceru" (persona que dirige) y las mujeres animando con cantos. Siempre que pasaba acompañado por una carretera de Llanes y aparecía una "h.oguera", me preguntaban los amigos que qué era aquello y qué significaba. Yo no sabía responder nada más que lo de que para honrar al santo de la fiesta y que cuanto más alta mejor para destacarse del vecino, pero era una explicación que no me gustaba, me parecía pobre. El verano pasado, hablando con David Bayón, un enamorado de las costumbres llaniscas, me dio una explicación que me pareció muy interesante: sin duda es un rito que enlaza con los de hace mil años de fecundidad de la tierra. Si nos fijamos en ello, el tronco parece una "cosa" masculina, y el lugar donde se planta (fotos segunda y tercera), una "cosa" femenina, con lo que estamos deseando "preñar" la tierra, que sea fecunda la cosecha. Unimos a ésto que la iglesia siempre trató de asimilar ritos autóctonos (paganos desde su punto de vista) para sus fiestas y que la tradición viene de padres a hijos desde la noche de los tiempos y ,para mi, no hay duda. Tradiciones milenarias de un Pueblo milenario.

jueves, 18 de junio de 2009

Y de romería de madreñes


N´Ast: Ya que tamos metíos en temas de folixes, equí van unes imáxenes d´otra interesante y que de pasu puen sirvir d´homenaxe a la nuesa cañona madreña. Güei, ye casi qu´una reliquia del pasáu, pero nun podemos escaecer que durante sieglos, con unes economíes bastante peores, fuere una fiel collacia de los nuesos antepasaos y los sos pies. Entá nun s´asitien muy lloñe dómines en qu´en dalgunos conceyos, como Casu, los maestros madreñeros sacaben una bona ayudina económica pola so venta, algamando a arramales por camionaos. Anque ta nidio que colos materiales y calzaos d´anguañu, asequibles pa tol mundiu, perdieren competitividá, pa determinaes coses siguen siendo per afayadices nos pueblos, como dir a la güerta cuando ta moyada. Yo, dementres un tiempu, aprobé a emplegales y pareciérenme coyonudes. El asuntu del equilibriu, qu´esmolez a dalgún, ye cosa de práctica, como preba la semeya de la romería San Roque en Llastres: hasta pa baillar sirven. De la señalada folixa d´esti perguapu pueblu marineru, n´Agostu, ya falaremos qu´entá tenemos tiempu.
En Cast: Ya que estamos metidos en temas de fiestas, aquí van unas imágenes de otra interesante y que de paso pueden servir de homenaje a nuestra querida madreña (calzado propio de Asturias que se ve en las fotos). Hoy, es casi una reliquia del pasado, pero no podemos olvidar que durante siglos, con unas economías bastante peores, fue una fiel compañera de nuestros antepasados y sus pies. Todavía no están muy lejos épocas en que en algunos concejos, como Casu, los maestros madreñeros (artesanos fabricantes del calzado) sacaban una buena ayuda económica por su venta, llegando a distribuirlas en camiones. Aunque está claro que con los materiales y calzados de hoy en día, asequibles para todo el mundo, perdieron competitividad, para determinadas cosas siguen siendo muy cómodas en los pueblos, como ir a la huerta cuando está mojada. Yo, durante un tiempo, tuve que usarlas y me parecieron excelentes. El asunto del equilibrio, que preocupa a algunos, es cosa de práctica, como prueba la foto de la fiesta de San Roque en Lastres: hasta para bailar sirven. De la notable fiesta de este hermoso pueblo marinero, en Agosto, ya hablaremos que todavía tenemos tiempo.

martes, 16 de junio de 2009

De romería





N´Ast: Güei cinca falar dalgo a lo que de xuru apuntámonos casi toos: les romeríes. Empecipia´l branu y acumúlense el númberu cites del ciclu festexeru asturianu. Hailes perguapes y de toes les tribes per tola xeografía d´Asturies, pero dexa-yme que vos aconseye averavos a dalguna de Llanes. Nun fai falta que seya grandona nin actúe la orquesta Kasachov de milentamil euros; nes pequeñines fiestes de pueblín vese la esencia d´asturianía festiva. Pa empecipiar, el traxe de llanisca, dicho con tol respetu a tol mundiu, posiblemente seya el más guapu (vamos, de xuru). Dempués, les h.ogueres y los cantares del ramu a la patrona o patrón del pueblu, interpretaos con gaita, tambor y pandereta, déxennos ver unes tradiciones que pasen de padres a fíos dende la nueche los tiempos. Siguimos cola puya´l ramu y la xinta, campestre o familiar, y pa finar la folixa, velada de baille sueltu o agarrao (pa los que tean muyer o moza... o la gueten) ¡ensin pisase!, al son del home orquesta, que con dos manes toca milenta instrumentos. Una perguapa pa güeyalo y vivilo pué ser San Xuan en Villa (Caldueñu, cerque de El Mazucu que vos sonará más) de la que vos pongo les semeyes de la estaya más prestosa pa mi: los cantares al santu ¡Nun vos quexeis qu´avísovos una selmana enantes!.
En Cast: Hoy toca hablar de algo a lo que seguro nos apuntamos casi todos: las romerías (fiestas de prado en asturiano). Comienza el verano y se acumula el número de las citas del ciclo festivo asturiano. Las hay de todas las clases y muy bonitas repartidas por toda la geografía de Asturias, pero dejarme que os aconseje acercaros a alguna de las de Llanes. No hace falta que sea grande ni actúe la orquesta Kasachof que cobra miles de euros; en las pequeñas fiestas de pueblín se ve la esencia de asturianía festiva. Para empezar, el traje de llanisca, dicho con todo el respeto para todo el mundo, posiblemente sea el más bonito (vamos, seguro). Después las "jogueras" (mayos en la zona de Castilla) y los cantares del ramo a la patrona o patrón del pueblo, interpretados con gaita, tambor y pandereta, nos permiten ver unas tradiciones que pasan de padres a hijos desde la noche de los tiempos. Seguimos con la subasta del ramo y la comida, campestre o familiar, y para terminar la fiesta, la velada de baile, suelto o agarrao (para los que tengan mujer o novia... o la busquen) !sin pisarse!, al son del hombre orquesta, que con dos manos toca cientos de instrumentos. Una bonita para verlo y vivirlo puede ser San Xuan en Villa (Caldueñu, cerca de El Mazucu que os sonará más) de la que os pongo las imágenes de la parte más emotiva para mi: los cantares al santo ¡No os quejeis que os aviso con una semana de adelanto!.

jueves, 11 de junio de 2009

Llenín: Gran Premio moto GP


N´Ast: Otra cosa curiosa perfrecuente nes aldees ye tener que deprender a facer determinaes coses enantes de la edá que talántase apropiá y asina poder pervivir. Por exemplu, ye normal saber chofiar en coche enantes de los 18 años por si ficiere falta dir a dalgún mandáu o remanar grandones y potentes tratores pa sofitar en casa nes xeres de la tierra dende los 12 años como teo agüeyao. En Llenín (Cangues d´Onís) hasta los gatos deprenden llueu a andar en moto por si dalgún perrón enfocicau los escorre poder colar a milenta por hora. Lo que ya nun se, ye cuantos puntos del carné se-yos quiten por escesu de velocidá a esta triba pilotos.
En Cast: Otra cosa curiosa muy frecuente en las aldeas es tener que aprender a hacer determinadas cosas antes de la edad que se supone adecuada y así poder sobrevivir. Por ejemplo, es normal saber conducir en coche antes de los 18 años por si hiciera falta ir a algún recado o manejar grandes y potentes tractores para ayudar en casa a las labores agrícolas desde los 12 años como tengo visto. En Llenín (Canagas de Onís) hasta los gatos aprenden temprano a andar en moto por si algún perrote malencarado los persigue poder escapar a mil por hora. Lo que ya no se, es cuantos puntos de carnet se les quitan por exceso de velocidad a esta clase de pilotos.

martes, 9 de junio de 2009

Aselamientu (Tranquilidad)

N´Ast: A los "señoritos de ciudá" (ésto dedícamelo la mio muyer), siempres col estrés y ensin tiempu a parar, llámanos l´atención el aselamientu y la esconsolancia de l´aldea dempués d´almorzar. Demientres baxen un pocoñín el sol y la calisma pa siguir coles xeres del campu, el pueblu asoñola y un pigacín ye obligatoriu. Y nun importa con quién, como si ye´l mayor enemigu. La cosa ta clara: "ya nos escorreremos llueu, más descansaos y cola fresca l´atapecerín".
En Cast: A los "señoritos de ciudad" (esto me lo dedica mi mujer), siempres col estrés y sin tiempo a parar, nos llama la atención la tranquilidad y el sosiego de la aldea después de comer. Mientras bajan un poco el sol y el calor para seguir con las tareas agrícolas, el pueblo se aletarga y una siestita es obligatoria. Y no importa con quién, como si es tu mayor enemigo. La cosa está clara: "ya nos perseguiremos luego, más descansados y al fresco del atardecerín".

sábado, 6 de junio de 2009

Los dos personaxes


N´Ast: Agora que la ñeve fuere arrecoyéndose adulces a mayor altor, ye bon momentu pa dir averándonos a l´alta montaña. Un bon llugar ye Collau Valleyu, onde tan feches les semeyes y onde güeyaremos a dos señalaos personaxes: ún inmóvil, arretador, la cara Norte del Urriellu, ante la qu´alcordarémonos d´aquellos dos alloriáos visionarios, El Cainejo y El Marqués, y entrugarémonos cómo pudieren facer aquella azaña; el otru, gayoleru, reblincón, el acentor alpín (Prunella collaris), faciéndonos compaña encuantes agüeye´l nuesu bocadiellu. Más pal branín, empodremos tornar ver a los dos protagonistes na Vega d´Urriellu: El Picu pola cara Oeste, que déxanos ensin pallabres, y l´acentorín, llamau pol piensu los caballos del abellugaderu y tamién iguau a posar pa les semeyes por unes migayes.
En Cast: Ahora que la nieve se fue retirando poco a poco a mayor altura, es un buen momento para ir acercándonos a la alta montaña. Un buen lugar es Collado Vallejo, donde están hechas las fotos y donde encontraremos a dos distinguidos personajes: uno inmóvil, desafiante, la cara Norte del Urriellu (Naranjo de Bulnes), ante la que nos acordaremos de aquellos dos locos visionarios, El Cainejo y El Marqués, y nos preguntaremos cómo pudieron realizar aquella azaña; el otro, alegre, saltarín, el acentor alpino (Prunella collaris), haciéndonos compañía en cuanto vea nuestro bocadillo. Mas hacia el veranín, podremos volver a ver a los dos protagonistas en la Vega de Urriellu: El Picu (el Naranjo) por la cara Oeste, que nos deja sin palabras, y el acentorín, atraído por el pienso de los caballos del refugio y también dispuesto a posar para las fotos por unas migajas.

miércoles, 3 de junio de 2009

La mayada d´Ornazos



N´Ast: Ya qu´antayeri falamos d´Áliva, nun podía dexar d´amuesavos una de les ayalgues amatagaes del puertu: la mayada d´Ornazos. Arrequexada na rimada oeste de Cumbres Avenas, cerque del camín al Collado de Cámara, pasa esapercibía pa la mirada la mayoría la xente, quiciavis distraía pela vista de la tremenda cordura que dexaren les mines de Las Mánforas na basa la Canal del Vidrio. Mayaes como ésta, con corros de techume de piedra, son ya casi inesistentes en Picos. Otra vegada güeyamos l´oportunismu de los pastores apañandose colos materiales qu´ufierta el mediu más averau: ¿nun hai bosque? nun hai madera; facemoslo tou de piedra. Llastima que l´abandonu y el tiempu vaigan faciendo´l so trabayu. Si vos averáis a la maraviella d´Áliva, nun dexeis de visitar una de les sos xoyes, tais entá a tiempu.
En Cast: Ya que anteayer hablamos de Áliva, no podía dejar de mostraros uno de los tesoros escondidos del puerto: la majada de Ornazos. Arrinconada en la ladera oeste de Cumbre Avenas, cerca del camino al Collado de Cámara, pasa desapercibida para la mirada de la mayoría de la gente, quizás distraída por la vista de la tremenda cicatriz que dejaron las minas de Las Mánforas en la base de la Canal del Vidrio. Majadas como ésta, con corros de techo de piedra, son ya casi inexistentes en Picos. Otra vez vemos el oportunismo de los pastores aprovechando los materiales que ofrece el medio más cercano: ¿no hay bosque? no hay madera; lo hacemos todo de piedra. Lástima que el abandono y el tiempo vayan haciendo su trabajo. Si os acercáis a la maravilla de Áliva, no dejeis de visitar una de sus joyas, todavía estáis a tiempo.

lunes, 1 de junio de 2009

1 de Xunu nos Puertos d´Áliva



N´Ast: Güei, 1 de Xunu, ábrense al ganao los pastos d´un de los llugares pergrandiosos de Picos d´Europa: los Puertos d´Áliva. A partir d´esta fecha, idu el frío iviernu y llegada la colloría primavera, los ganaderos de Valdebaró (Liébana) empecipien a espericar estremaes tribes d´animales al puertu: oveyes, vaques, caballos...Les semeyes son del añu 2005, nel que tres el silenciu d´una nuechi al raso amirando les estrelles, espertamos col gayoleru ruxerrus de los lloqueros de les primeres corries qu´algamaben les praderíes. Una tradición secular prestosa d´amirar y qu´incluso enfotó a dalgún a intentar un pase torero.
En Cast: Hoy, 1 de Junio, se abren al ganado los pastos de uno de los lugares más grandiosos de Picos de Europa: los Puertos de Áliva. A partir de esta fecha, terminado el frío invierno y llegada la colorida primavera, los ganaderos de Valdebaró (Liébana) comienzan a subir diferentes clases de animales al puerto: ovejas, vacas, caballos... Las fotos son del año 2005, en el que tras el silencio de una noche al raso admirando las estrellas, despertamos con el alegre sonido de los cencerros de las primeras manadas que alcanzaban las praderías. Una tradición secular digna de ver y que incluso animó a alguno a intentar un pase torero.