Balagares

N´Ast: Bono, costó, pero dempués de munchu guetar, aparecieren dos balagares (borregas n´otros sitios d´Asturies), roinos, pero balagares. Andarán pelos dos metros d´altor; yo alcuérdome de que los que facíamos andaríen pelos tres metros. P´agüeyar les estremadures coles facines, valen: son más pequeños, nun tienen la vara central y, lo pricipal, son temporales, pa un día o dos (nun como la facina que tien de durar pal iviernu) poro, anque písense tamién, nun fae falta calcar tantu la yerba; ye un xeitu d´amparar ésta d´una lluvia fina como l´orbayu. Si vos fixais na semeya, el cielu ta encapiellau, y tamos a 5oo metros sobre la mar, polo que de nuechi, al enfriucar, de xuru qu´orbaya y, asina, colos balagares, protexe´l paisano la yerba que tantu costare curar hasta guardalo de manera definitiva na tenada, fardos, boles...cualquier sistema. Si-y da por llover enforma, nun quedará más remediu que volver ponelo tou a secar, si solu orbaya, con desfacelos un pocu y tiralos al sol unes hores, vale. Ya solo me queda enseñavos les cuques, pero solo alcuentro tratores y boles. ¡Si non habrá d´esperar otru añu!
En Cast: Bueno, costó, pero después de mucho buscar, aparecieron dos "balagares" ("borregas" en otros lugares de Asturias), ruinos, pero "balagares". Tendrán unos dos metros de altura; yo me acuerdo que los que hacíamos nosotros andarían por los tres. Para ver las diferencias con las "facinas" (de unas entradas atrás), valen: son más pequeños, no tiene vara central y, lo principal, son temporales, para un día o dos (no como la "facina", que tiene que llegar al invierno) por lo que, también se pisan pero no hace falta apretar tanto la hierba; es una manera de proteger ésta de una posible llovizna (el "orbayu" u "orpín" asturiano). Si mirais la foto, el cielo está encapotado, y estamos a 500 metros sobre el nivel del mar, por lo que de noche, al refrescar, seguro que "orbaya" (llovizna en castellano) y ,así, con los "balagares", el "paisano" protege la hierba que tanto costo "curar" (en Asturias, se dice cuando la hierba está seca y lista para guardar: está "curada") hasta almacenarla de manera definitiva en el pajar, bolas, fardos... cualquier sistema. Si lloviera bastante, no quedaría más remedio que volver a ponerlo todo a secar, si solo llovizna, se desacen un poco para tirarlos unas horas al sol y listo. Ya solo me queda por enseñaros las "cucas", pero solo encuentro tractores y bolas. ¡Si no habrá que esperar al año que viene!

Esmoreñar

N´Ast: Hai coses que quédente arrequexaes nun llugarín de l´alcordanza y un díe, ensin querer, salen a flote. Diendo al monte, atopamos esti paisano a la yerba qu´alcordome una pallabrina que deprendiere de los mios güelos: esmoreñar. Ye la llabor que se fae dempués de segar. Tantu´l gadañu como la máquina de segar van dexando en montonucos, que se formen al cortalo, la yerba y, pa que seque meyor, hai de dir tres el segaor desfaciéndolos y espardiéndolos nes estayes del tarrén que tean llibres: eso ye esmoreñar. A mi yera dalgo que nun me prestaba un res facer, y eso qu´emplegaba traenta, non angazu (pradera per otros llaos d´Asturies) como esti home, creo yo que más desagradecíu. Colos años, el pasu´l tiempu y la señardá de los mios güelos, esmoreñar pasó al requexu de coses bones de la mio alcordanza.

En Cast: Hay cosas que te quedan arrinconadas en un lugar de la memoria y un día, sin querer, salen a flote. Por el monte, encontramos a este señor a la "yerba" (en Asturias, conjunto de labores para secar el pasto que servirá de alimento al ganado en invierno) que me recordó una palabra que aprendí de mis abuelos: "esmoreñar". Es la labor que se hace después de segar. Tanto la guadaña como la máquina de segar van dejando en montoncitos, que se forman al cortarla, la hierba ("yerba": aquí no se refiere al conjunto de labores de secado si no al pasto cortado en ese momento. Es palabra con dos acepciones en esta entrada del blog) y, para que se seque mejor, hay que ir tras el segador deshaciéndolos y esparciéndolos en las zonas de terreno que esten libres: eso es "esmoreñar". A mi era algo que no me gustaba nada hacer, y eso que utilizaba tridente, no "angazu" (el apero que se ve en la foto que en otros lugares de Asturias llaman "pradera") como este hombre, yo creo que más ingrato. Con los años, el paso del tiempo y la añoranza de mis abuelos, "esmoreñar" paso al rincón de cosas buenas de mis recuerdos.

Y horru n´Uvieo

N´Ast: Otra reliquia del Uvieo rural en metanes la rede urbana: cerque del edificiu de milenta millones del nuevu Hospital Central d´Asturies, esti cenciellu y prestosu horru, como la facina, resiste al constructor. Ta nidio qu´estes fechures populares, encuantes que´l lladriellu remocique, tienen los díes contáos, por eso guardo estes semeyes con munchu ciñu, pa l´alcordanza señardosa y p´amosales porque de xuru que naide nun me creerá. Por ciertu: les pites y l´amu la casería en madreñes completen un museu real y vivu al algame de toos metanes la capital. ¡Qu´esta Asturies nunca nun muerra!

En Cast: Otra reliquia del Oviedo rural en mitad de la malla urbana: cerca del edificio de miles de millones del nuevo Hospital Central de Asturias, este sencillo y entrañable horrio, como la facina, resiste al constructor. Está claro que estas construcciones populares, en cuanto el ladrillo redespegue, tienen los días contados, por eso guardo estas fotos con mucho cariño, para el recuerdo nostálgico y para enseñarlas porque seguro que nadie va a creerme. Por cierto: las gallinas y el dueño de la finca en madreñas completan un museo real y vivo al alcance de todos en mitad de la capital. ¡Que esta Asturias nunca muera!

Facina n´Uvieo

N´Ast: De toles semeyes que vos dixe que facía a les facines, la que más me presta ye ésta: n´Uvieo, metanes del barriu la Tenderina, arrodiada d´edificios de cinco y más plantes, una casería resiste agora y siempres al constructor...Nun dexa de ser célebre que na ciudá "noble y heroica", onde muncha xente siente rocea por tolo que "güela" a aldea, tean un nidiu exemplu de que, por munchu que lo atapen, lo rural siempres ta presente. Si a pocu que rasquemos, toos finamos alcontrando que tenemos dalguna rellación col campu, les sos xentes, la so llingua...Yo, teola bien cerque, con unos antepasaos qu´a lo meyor, peles dómines que vivieron, teníen un visión de la vida más llimitada que la nuesa, pero de los que deprendí coses perguapes de les que nun m´avergoño ¿y vosotros?

En Cast: De todas las fotos que os comenté que hacía a "les facines", la que más me gusta es ésta: en Oviedo, en mitad del barrio de la Tenderina, rodeada de edificios de cinco y más plantas, una casería* resiste ahora y siempre al constructor... No deja de ser simpático que en la ciudad "noble y heroica", donde mucha gente siente desprecio por todo lo que "huela" a aldea, tengan un claro ejemplo de que, por mucho que lo quieran tapar, lo rural siempre está presente. Si a poco que rasquemos, todos acabamos encontrando que tenemos alguna relación con el campo, sus gentes, su lengua... Yo, la tengo bien cerca, con unos antepasados que a lo mejor, por la época que les tocó vivir, tenían una visión más limitada de la vida que la nuestra, pero de los que aprendí cosas hermosas de las que no me avergüenzo ¿y vosotros?

(*Casería: en Asturias, unidad agraria de explotación agrícola. Engloba todas las propiedades-casa, horreo, prados, huertas...- de una familia para el trabajo agro-ganadero y la vivienda)

La pinza a Guadamía

N´Ast: ¡Qué tendrá esti probe sitiu que nun faen más que metese con él! Dende les dos orielles, dende Llanes y Ribesella; una pinza, como dicen los políticos. El Domingo fuimos a conocer la Oeste (perguapa por ciertu), caminando dende Cuerres, y al aportar a los cantiles alcontramos la primer semeya: un particular zarra una estaya de lo que se talanta camín públicu y dominiu de Costes. De la fastera Este, ya falamos un díe (ver equí) pero, dende esta oriella, amírase meyor el dexastre: los coches enriba los cantiles, gracies a la "ecolóxica" actuación del Ayuntamientu. En Ribesella, la igua, de momentu, ye comprar otra finca pa dexar baxar a la playa. En Llanes, de momentu, igua denguna, pagar la "espantible" multa que metio-yos el Principadín: ¡¡¡1.500 €!!!, pero tornar les coses a como taben, ná. ¿Lo xusto nun sedría aplicar la Llei de Costes?. Los políticos como siempres: a tapar y correr (si a un pirómanu lleguen a metelu xustamente na cárcel ¿por qué no al que arma estos estroces?). Pa finar: palmiar a los vecinos de Cuerres (mira-y la pintada) y Llames de Pría que fueren y son los que lluchen porque se faga xusticia, no como los sos emplegáos (sí, son los nuesos emplegaos), profesionales solu del votu.

En Cast: ¡Qué tendrá este pobre lugar que no hacen más que meterse con él! Desde las dos orillas, desde Llanes y Ribadesella; una pinza como dicen los políticos. El Domingo fuimos a conocer la Oeste (muy bonita por cierto), caminando desde Cuerres, y al llegar a los acantilados encontramos la primera foto: un particular cierra un trozo de lo que se cree camino público y dominio de Costas. De la zona Este, ya hablamos un día (ver aquí) pero, desde esta orilla, se ve mejor el desastre: los coches encima de los acantilados gracias a la "ecológica" actuación del Ayuntamiento. En Ribadesella, la solución, de momento, es comprar otra finca para permitir bajar a la playa. En Llanes, de momento, solución ninguna, pagar la "espantosa" multa que les impuso el Principadito: ¡¡¡1.500 €!!! pero volver las cosas a como estaban, nada. ¿Lo justo no sería aplicar la Ley de Costas? Los políticos como siempre: a tapar y correr (si a un pirómano llegan a meterlo con justicia en la cárcel ¿por qué no al que arma estoa estropicios?). Para terminar: aplaudir a los vecinos de Cuerres (mirar la pintada) y Llames de Pría que fueron y son los que luchan porque se haga justicia, no como sus empleados (sí, son nuestros empleados), profesionales solo del voto.

Facina, vara o palanca

N´Ast: Qu´asina nómase n´estremaos llugares d´Asturies esta "arquitectura rural" cada vegada más escasa y que costrúyese agora nesta dómina braniega. Y digo "arquitectura" porque nun ye fácil, anque lo paeza, el llevantala. Siempres tien d´haber un prácticu mañosu que dirixa al resto d´operarios. Alcuérdome de guah.e qu´a mi tócabame pisar la yerba que diben echando a la pila; yera el puestu más baxu ("guah.e pisador"). Col tiempu, medrabes y , al tener más puxu, pasabes a "echador", un puestín más altu, pero a "prácticu-arquitectu" nunca nun llegare. L´inquiz ta en facela derecha y, lo perimportante, dafechamente impermeable pa que nun pudra cola lluvia, pues ye´l reservoriu cebera´l ganao nel iviernu y, como agüeyáis, fácense albentestate, porque la tenada nun lleva más. Con un buen director la cosa ye más fácil, pero si no..... Güei coles nueves técniques d´almacenaxe en fardos y , sobre tou, en boles (les "estétiques" de plástico negru, blancu o verde) tan n´esaniciu. A mi préstame faceyos semeyes cuando alcuentro dalguna, pero sobre tou, sintir el golor de la yerba seca y, entós, torno ser un guah.e...pisador.
En Cast: Que así se nombra en diferentes lugares de Asturias esta "arquitectura rural" cada vez más escasa y que se construye ahora en esta época veraniega. Y digo "arquitectura" porque no es fácil, aunque lo parezca, el levantarla. Siempre tiene que haber un experto hábil que dirija al resto de operarios. Me acuerdo de "guah.e" (con "h" aspirada, representada por "h.". Es un crío en Asturias. Viene del lenguaje de los mineros, que nombraban así a los aprendices, casi unos niños por aquella época de comienzo de la explotación del carbón) que a mi me tocaba pisar la hierba que se iba echando a la pila; era el puesto más bajo, "guah.e-pisador". Con el tiempo, crecías y, al tener más fuerza, pasabas a "echador", un puesto más alto, pero a "experto-arquitecto" nunca llegué. La dificultad está en hacerla derecha y , lo más importante, completamente impermeable para evitar la pudrición por la lluvia, pues es la reserva de alimento del ganado en invierno y , como veis, se hacen a la intemperie porque la "tenada" (pajar en asturiano) no lleva más. Con un buen director la cosa es más fácil, pero si no.... Hoy en día, con las nuevas técnicas de almacenaje en balas de hierba y, sobre todo, bolas (las "estéticas" de plástico negro, blanco o verde) están en extinción. A mi me encanta hacerles fotos cuando encuentro alguna pero, sobre todo, sentir el olor de la hierba seca y, entonces, vuelvo a ser un "guah.e"... pisador

Les madreñes a la puerte

N´Ast: Nun cenciellu paséu pola aldea, munches vegaes surden momentos pa la señardá. Un domingo cualquier, d´un mes cualquier, nuna casa del mariñán pueblu de Lluces, alcontramos esti cuadru. Asina yera como los mios güelos "aparcaben" les madreñes a la puerte de casa. A nosotros, neños entós y "señoritos de ciudá" (aaaayyy la mio muyer, como se ríe de mi), siempres nos llamaren l´atención, y xugábamos a calcianos y correr colos "zapatos de madera" qu´Isaura y Pepe teníen llistos n´aquel requexu pa, al salir de la vivienda en zapatilles y sin quitales, calcialos y dir a facer la llabor que correspondiere. Col maxín d´aquellos años, entrugábamos-yos cómo yera posible caminar d´aquel xeitu y con "aquello", y ellos, cola paciencia y el saber que da la vida, decíen que yera de lo más afayadizo y calentino. Tamién cuntaben, ente otres hestories, qu´anantes, lo más normal era dir a la plaza, a misa, al chigre... y alcontrar munchos pares esperando a los sos dueños a la puerte. Güei, ya casi naide emplega madreñes y naide nun me cunta estes hestories, pero de xuru, qu´allá onde ten mios güelos, nómese como se nome (Parayisu, Edén, Cielu...) y allende quién allende la entrada (¿San Pedro?), tendrán los sos dos pares de madreñes a la puerte.

En Cast: En un simple paseo por la aldea, muchas veces surgen momentos para la añoranza. Un domingo cualquiera, de un mes cualquiera, en una casa del costero pueblo de Lluces, encontramos este cuadro. Así era como mis abuelos "aparcaban" las madreñas (calzado asturiano de madera) a la puerta de casa. A nosotros, niños entonces y "señoritos de ciudá" (aaaay, mi mujer como se ríe de mi), siempre nos llamaron la atención, y jugábamos a calzarnos y correr con los "zapatos de madera" que Isaura y Pepe tenían listos en aquel rincón para, al salir de la vivienda en zapatillas y sin quitárselas, calzarlos e ir a realizar la labor que tocara. Con la imaginación de aquellos años, les preguntábamos cómo era posible caminar de aquella manera y con "aquello", y ellos, con la paciencia y el saber que da la vida, decían que era lo más cómodo y calentito. También contaban, entre otras historias, que antes, lo más normal, era ir al mercado, a misa, al "chigre" (bar en Asturias)... y encontrar muchos pares esperando a sus dueños a la puerta. Hoy en día, ya casi nadie usa madreñas y nadie me cuenta estas historias, pero estoy seguro, que allí donde estén mis abuelos, llámese como se llame (Paraiso, Edén, Cielo...) y cuide quién cuide la entrada (¿San Pedro?), tendrán sus dos pares de madreñas a la puerta.