Datos personales

Por una Asturies con más puxu. Per ahí per ende, per acá y acuyá, lo nueso, lo d´ayeri y lo de güei

sábado, 4 de julio de 2009

Facina, vara o palanca





N´Ast: Qu´asina nómase n´estremaos llugares d´Asturies esta "arquitectura rural" cada vegada más escasa y que costrúyese agora nesta dómina braniega. Y digo "arquitectura" porque nun ye fácil, anque lo paeza, el llevantala. Siempres tien d´haber un prácticu mañosu que dirixa al resto d´operarios. Alcuérdome de guah.e qu´a mi tócabame pisar la yerba que diben echando a la pila; yera el puestu más baxu ("guah.e pisador"). Col tiempu, medrabes y , al tener más puxu, pasabes a "echador", un puestín más altu, pero a "prácticu-arquitectu" nunca nun llegare. L´inquiz ta en facela derecha y, lo perimportante, dafechamente impermeable pa que nun pudra cola lluvia, pues ye´l reservoriu cebera´l ganao nel iviernu y, como agüeyáis, fácense albentestate, porque la tenada nun lleva más. Con un buen director la cosa ye más fácil, pero si no..... Güei coles nueves técniques d´almacenaxe en fardos y , sobre tou, en boles (les "estétiques" de plástico negru, blancu o verde) tan n´esaniciu. A mi préstame faceyos semeyes cuando alcuentro dalguna, pero sobre tou, sintir el golor de la yerba seca y, entós, torno ser un guah.e...pisador.
En Cast: Que así se nombra en diferentes lugares de Asturias esta "arquitectura rural" cada vez más escasa y que se construye ahora en esta época veraniega. Y digo "arquitectura" porque no es fácil, aunque lo parezca, el levantarla. Siempre tiene que haber un experto hábil que dirija al resto de operarios. Me acuerdo de "guah.e" (con "h" aspirada, representada por "h.". Es un crío en Asturias. Viene del lenguaje de los mineros, que nombraban así a los aprendices, casi unos niños por aquella época de comienzo de la explotación del carbón) que a mi me tocaba pisar la hierba que se iba echando a la pila; era el puesto más bajo, "guah.e-pisador". Con el tiempo, crecías y, al tener más fuerza, pasabas a "echador", un puesto más alto, pero a "experto-arquitecto" nunca llegué. La dificultad está en hacerla derecha y , lo más importante, completamente impermeable para evitar la pudrición por la lluvia, pues es la reserva de alimento del ganado en invierno y , como veis, se hacen a la intemperie porque la "tenada" (pajar en asturiano) no lleva más. Con un buen director la cosa es más fácil, pero si no.... Hoy en día, con las nuevas técnicas de almacenaje en balas de hierba y, sobre todo, bolas (las "estéticas" de plástico negro, blanco o verde) están en extinción. A mi me encanta hacerles fotos cuando encuentro alguna pero, sobre todo, sentir el olor de la hierba seca y, entonces, vuelvo a ser un "guah.e"... pisador

6 comentarios:

Toral dijo...

voy contate un secretu.

siempre que torno de Collunga pa casa, pola autopista... al pasar la gasolinera y xustu antes de garrar la cuestona de tres carriles... mires pa baxu y ves una cuadra que tien como cuatro o cinco facines..

y siempre pienso: " ese facines en primer planu col sueve nevau al fondo, vaya foton"

a mi tambien me presta ver cuces, facines, bales, balagares polo praos...

y vamos si no ta mi pa conmigo cualquier enderaza una ajjajajaja

yo pase rapido la situacion de pisador xq rapidu medré y pasé a funcion gruaaa ajajjaj

Solsticiu dijo...

Na zona de Colunga suelen llamase facines. Sí ye verdá que tán en peligru d'extinción, ye una pena. Pero eso de los bolos quita munchu trabayu.

Anónimo dijo...

Ya me fixé nelles ayeri que pasé per ahí, Manuel, yo nunca les viere, la verdad, paso más en bici pola antigua y creo que nun se ven. Date prisa, por que como bien diz Raúl, colo cómodo que ye facer les boles, igual esti ye el últimu añu que les ves. Gracies a los dos pola visita:
Toño

Anónimo dijo...

¿Y balagar, en ningún lado se llaman así o solo se refieren a los montoninos pequeños?

Anónimo dijo...

Balagar, polo menos lo que yo trabayé, llamámoslo a una pila grande que se fae pa evitar que se moye pero solo unos días, antes de guardalo del to en la tenada o la facina. Además, no tienen el típicu palu.En dalgún llau tamién llos llamen borregas. Pa finar, hai un montonín más pequeñu que ya un solu día que se llama cuca, que son dos traentaines. A ver si puedo ponevos unes semeyes, pero son coses que ante boles y fardos casi ya nun se faen.
Toño

Anónimo dijo...

En llaviana son vares y los valagares son los montones un poco mas grandes que los que se faen a diariu pa que nun se mueye la yerva si llueve.