Altéranos la primavera

N´Ast: Avanza la primavera y empecipia amosanos el por qué quiciavis ye la estación más guapa: al aumentu de lluz súmase l´españíu de vida d´arboles y flores en forma de tienros verdes intensos y coroles de milenta collores. Ello fae que nun sepamos onde posar la vista o que la más cenciella escursión duplique´l so tiempu poles frecuentes poses. Un exemplu: dos descansos p´asemeyar una globularia y una genciana que xúrdennos al pasu frente la puntera la bota. Aportaremos un pocu más sero a casa pero merita la pena, tamos nel intre d´esfrutar la primavera.

En Cast: Avanza la primavera y comienza a enseñarnos el por qué quizás es la estación más bonita: al aumento de luz se le une la explosión de vida en árboles y flores en forma de tiernos verdes intensos y corolas de mil colores. Ello hace que no sepamos donde fijar la vista o que la más sencilla excursión duplique su tiempo por las frecuentes paradas. Un ejemplo: dos descansos para fotografiar una globularia y una genciana que nos salen al paso frente a la punta de la bota. Llegaremos un poco más tarde a casa pero merece la pena, estamos en el instante de disfrutar la primavera.

Espantapastores

N´Ast: La seronda ya ta equí, y nun solo porque nos lo diga l´home del tiempu: tamién por delles florines como ésta que se yo que vos gusta a munchos de los que nos visitáis. En castellán nómase “cólquico” o “falso azafrán” (del qu´estrémase pol númberu estambres) y en científicu Colchicum autumnale. Tien camudamientos de collor, como amuesa la segunda semeya malamente, y d´ella sácase la colchicina, que los que xinten mariscu abondu conocerán por ser remediu pa la gota (¡güeyu!, mal emplegada ye velenosa). El nome n´asturianu, espantapastores, (compartíu con dalgunes plantes del xéneru Crocus, difíciles d´estremar) dáse-y pola dómina de floriación, finales de branu-entamu la seronda, colo qu´indica a los ganaderos que ten preparados porque´l empecipiu del mal tiempu fadralos amiyar en cualisquier intre del puertu altu al baxu. Otru nome prestosu ye escosatrimales, porque surde cuando s´escosa el pastu de les trimales (nuvielles o vaques xóvenes) polo que hai que baxar del puertu. Una flor y dos hestories perguapes qu´alcuérdennos aquel cantarín, tamién perguapu: “Pa Castiella vanse vanse ya los pastores. Ya la nieve cuaya en puertu, ya nun hai flores...”
En Cast: El otoño ya está aquí, y no solo porque lo diga el hombre del tiempo: también por algunas florecillas como ésta que se yo que os gusta a muchos de los que nos visitáis. En castellano se llama cólquico o falso azafrán (del que se diferencia por el número de estambres) y en científico Colchicum autumnale. Tiene variaciones de color, como demuestra la segunda foto malamente, y de ella se extrae la colchicina, que los que comen marisco abundante conocerán por ser tratamiento de la gota (¡ojo! mal usada es venenosa). El nombre en asturiano, “espantapastores”, (compartido con algunas plantas del género Crocus, difíciles de diferenciar) se le da por la época de floración, final de verano-principio de otoño, con lo que indica a los ganaderos que estén preparados porque el inicio del mal tiempo los hará descender en cualquier momento del puerto alto al bajo. Otro nombre simpático es el de “escosatrimales”, porque brota cuando se “escosa” (=agota) el pasto de “les trimales” (=novillas o vacas jóvenes) por lo que hay que bajar del puerto. Una flor y dos historias bonitas que nos recuerdan aquel cantar, también bonito: “Para Castilla vanse vanse ya los pastores. Ya la nieve cuaja en el puerto, ya no hay flores...”

Güeyar (=mirar) y nun tocar

N´Ast: Güei, una plantina de flores perguapes ¡pero pervelenosa! El matallobos (acónito, Aconitum napellus en científico), floriáu nesta dómina, ye frecuente y abondosu en llugares como los Llagos de Cuadonga, incluso a la oriella dalguna de les rutes más nomaes. Nun ye raro alcontrar xente tocándolu atrayía pola so guapura y incluso arríncandolu (¡torgao nun Parque Nacional!) pa llevalu pa casa d´adornu col consiguiente peligru: ceo aformigaranse los deos y ¡güeyu con averalos a la boca! Otra vegada los anímales sáquennos ventaya nesti casu ya que, según los pastores, el ganáu pastia alredor pero nun s´allega. A imitalu: güeyar, asemeyar... ¡pero nun tocar!.
En Cast: Hoy, una plantita de flores muy hermosas ¡pero muy venenosa! El “matallobos” (acónito, Aconitum napellus en científico), florecido en esta época, es frecuente y abundante en lugares como los Lagos de Cuadonga/Covadonga, incluso a la orilla de alguna de las rutas más conocidas. No es raro encontrar gente tocándolo atraída por su belleza e incluso arrancándolo (¡prohibido en un Parque Nacional!) para llevárselo a casa como adorno con el consiguiente peligro: pronto se hormigarán los dedos y ¡ojo con acercarlos a la boca! Otra vez los animales nos sacan ventaja en este caso ya que, según los pastores, el ganado pasta alrededor pero no se arrima. A imitarlo: ver, fotografiar... ¡pero no tocar!.

Una planta de doble cara

N´Ast: La tiraña n´asturiano o grasilla en castellán. Pinguicola grandiflora en científicu.
La bona- una perguapa plantina carnívora que podemos güeyar floriada n´esta dómina en riegues y fasteres llentes de montaña. Ye prestoso adicar nes sos fueyes pegañoses a ras del terrén les cadarmes de los insectos de los que se ceba y a los que chupa-yos los xugos.
La mala- ¡torgao beber onde tea presente! Tien un lasante potente que vierte a les agües donde alenda. Asina que, si de paséu pol monte, tenéis sede y atopáis un regatu con ella, aguantaivos si nun queréis finar la escursión agachaos ente la vexetación o les peñes.
En Cast: La grasilla en castellano o tiraña en asturiano. Pinguicula grandiflora en científico.
La buena- una bonita plantita carnívora que podemos ver florecida en esta época en regueros y zonas húmedas de montaña. Es interesante observar en sus hojas pegajosas a ras de tierra los esqueletos de los insectos de los que se alimenta y a los que les absorbe los jugos.
La mala- ¡prohibido beber donde se encuentre! Tiene un laxante muy potente que vierte a las aguas donde vive. Así que, si de paseo por el monte, tenéis sed y encontráis un reguero con ella, aguantaros si no queréis terminar la excursión agachados entre la vegetación o los peñascos.