Echar pelo

N´Ast: Esta espresión que tantu emplegamos cuando paeznos que dalgo nun va dir bien, agora va tener un significáu más lliteral: resulta que dalgún pastor ta zarrando les sos finques con estes varielles con una bolsina encolingada y, al averanos a escucar el conteníu, alcontrámonos con que ye pelo, posiblemente humanu (d´home o de muyer, ya nun lo sabemos); vamos, ta echando pelo. Camentamos que la desplicación ye que trátase d´un discurrimientu caseru pa espaventar les mal nomaes “alimañes” que goliflarán una presencia que nun-yos peta y colarán d´arréu; si se vos ocurre otra... Por si acasu, nós ya vamos al peluqueru con una corexina p´atropar lo que cae ¡nun seya que temos tresmanando oru!
En Cast: Esta expresión que tanto empleamos cuando nos parece que algo no va a ir bien, ahora va a tener un significado más literal: resulta que algún pastor está cerrando sus fincas con estas varillas con una bolsita colgando y, al acercarnos a fisgar el contenido, nos encontramos con que es pelo, posiblemente humano (de hombre o mujer, ya no lo sabemos); vamos, está echando pelo. Pensamos que la explicación es que se trata de un invento casero para espantar las mal llamdas “alimañas” que olfaterán una presencia que no les gusta y escaparán rapidamente; si se os ocurre otra... Por si acaso, nosotros ya vamos al peluquero con una “corexina” (en asturiano, bolsina colgada al cuerpo para llevar dinero o joyas) para recoger lo que cae ¡no sea que estemos perdiendo oro!

Sorpreses arquitectóniques

N´Ast: Delles vegaes, va ún a pueblos llonxanos a la gueta d´arquitectures populares interesantes y alcuéntrase con sorpreses. Un bon exemplu, Salarzón, nun requexu escaecíu de Liébana, onde caemos de casualidá esperando alcontrar un caseríu señaláu y lo qu´atopamos ye una guapa y gran ilesia de fechura neoclásica (entamos del sieglu XIX) que nun solemos asociar a pequeñes aldeínes como ésta y ya quisieren pa si poblaciones de más sonadía. Dempués d´esfrutar d´ella y dalguna casona-palacio, colamos cola llección bien deprendía: les idees preconcebíes son males conseyeres; adicar y dempués, xulgar. Asina, nunca nun dexaremos ná prestoso atrás.

En Cast: Algunas veces, uno va a pueblos remotos a la búsqueda de arquitecturas populares interesantes y se encuentra con sorpresas. Un buen ejemplo, Salarzón, en una tierra olvidada de Liébana, donde caemos de casualidad esperando encontrar un caserío destacable y lo que nos tropezamos es una bonita y gran iglesia de factura neoclásica (inicios del siglo XIX) que no solemos asociar a pequeñas aldeítas como ésta y ya quisieran para si poblaciones de más renombre. Después de disfrutar de ella y alguna casona-palacio, nos vamos con la lección bien aprendida: las ideas preconcebidas son malas consejeras; observar y después juzgar. Así, nunca dejaremos nada interesante atrás.

A mal tiempu... bona Naturaleza

N´Ast: L´home´l tiempu da lluvia: nun pasa ná. Aportamos a l´entamu y hai borrina: da lo mesmo. Caminamos y esfrutamos, pero non de les grandes coses alloñaes si non de les pequeñes, de les averaes al pie: paparraxos y anfibios, que deprendemos de los Maestros encamentaos equí al llau, ya encluso de les caprichoses gotes d´agua enriba una fueya muerta. Nun importa´l mal tiempu, el casu ye tastiar otru dí más la nuesa perguapa Naturaleza, la grande y la pequeña.
En Cast: El hombre del tiempo da lluvia: no pasa nada. Llegamos al comienzo y hay niebla: da lo mismo. Caminamos y disfrutamos, pero no de las grandes cosas alejadas si no de las pequeñas, de las cercanas al pie: insectos y anfibios, que aprendemos de los Maestros recomendados al lado, e incluso de las caprichosas gotas de agua sobre una hoja muerta. No importa el mal tiempo, el caso es saborear otro día más nuestra hermosa Naturaleza, la grande y la pequeña.

Como en San Fermín

N´Ast: ¿Qué facer cuando, metanes d´una ruta y cruciando un prau, eches-y el güeyu a esti bichu? Ñidiamente, salir corriendo na dirección contraria a blincar la muria más averada. Una vegada a salvu, emburries el coral pa que de la boca baxe al so sitiu y, cuando l´osíxenu torna de nuevu al cerebru dende les piernes, empecipies a cavilgar cómo vino a parar equí un toru de llidia. Entós, escuques por riba l´abellugu y caltries la situación: tamos en Liébana, onde pastien rebaños de tudanques, la triba llariega de capa prieta. Al ver les collacies del elemento, decatámonos que tamos ante un toru tudancu, non ún bravu. Pero bonu, como la prudencia manda y taurinos nun somos, siguimos camín arrodiando´l cierru pasín ente pasu, con semeya d´alcordanza... ¡con zoom, home non!
En Cast: ¿Qué hacer cuando, en mitad de una ruta y cruzando un prado, le echas el ojo a este bicho? Claramente, salir corriendo en la dirección contraria a saltar el muro más cercano. Una vez a salvo, empujas el corazón para que de la boca baje a su sitio y, cuando el oxígeno vuelve de nuevo al cerebro desde las piernas, empiezas a pensar cómo vino a parar aquí un toro de lidia. Entonces, ojeas por encima de la protección y entiendes lo que pasa: estamos en Liébana, donde pastan los rebaños de tudancas, la raza autóctona de capa oscura. Al ver las compañeras del elemento, nos damos cuenta que estamos ante un toro tudanco, no uno bravo. Pero bueno, como la prudencia manda y taurinos no somos, seguimos camino rodeando el cierre pasito a pasito, con foto para el recuerdo... ¡con zoom, hombre no!

El samartín: chorizos y cases

N´Ast: Y tres el branín de San Martín, si esti tiempu tan llocu que tenemos non lo torga, llega´l samartín. Lo normal nesta dómina ye que faga frío, colo que la carne caltiense meyor y evítense los ataques de mosques y demás paparraxos que presta-yos el calorín. Faese la matanza (el samartín) preparándose los milenta productos que da´l gochu y dalgunos pónense a curar, como los chorizos. Por eso nun ye raro dir a visitar a unos collacios de l´aldea y atopar esta estampa na casa qu´allégranos el güeyu... y el botiellu. Los caberos que nos regalaren de por equí averao taben de cinco estrelles Michelín. Esta tradición nun hai que perdela por asturiana ¡y por saborosa!.
En Cast: Y tras el veranín de San Martín, si este tiempo tan loco que tenemos no lo impide, llega el “samartín”. Lo normal en esta época es que haga frío, con lo que la carne se conserva mejor y se evitan los ataques de moscas y demás insectos a los que les gusta el calorcito. Se hace la matanza (el “samartín”) preparándose los mil productos que da el cerdo y algunos se ponen a “curar” (secar en Asturies), como los chorizos. Por eso no es raro ir a visitar a unos amigos de la aldea y encontrar esta estampa en la casa que nos alegra el ojo... y el estómago. Los últimos que nos regalaron de por aquí cerca estaban de cinco estrellas Michelín. Esta tradición no hay que perderla por asturiana ¡y por sabrosa!

De fútbol y relixión

N´Ast: Que´l fútbol ye´l deporte rei y una relixión pa muncha xente non lo ponemos en dulda. Lo qu´ablúcanos ye que se pase de les pallabres a los fechos y escucando nuna capiella alcontremos un campu futbolín. Entós, súrdennos munches duldes: el cura ¿fae d´árbitru?; si n´ilesia pequeña, deporte pequeñu ¿en les catedrales campu reglamentariu y 22 xulgadores?; los torneos ¿son ente parroquies?... siguiremos investigando y informando. (Nota: como tamos en Martes d´Antroxu, ponemos esta entrada; qu´a naide-y paeza faltona, pero ye real)

En Cast: Que el fútbol es el deporte rey y una religión para mucha gente no lo ponemos en duda. Lo que nos impresiona es que se pase de las palabras a los hechos y atisbando en una capilla encontremos un campo de futbolín. Entonces, nos surgen muchas dudas: el cura ¿hace de árbitro?; si en iglesia pequeña, deporte pequeño ¿en las catedrales campo reglamentario y 22 jugadores?; los torneos ¿son entre parroquias?... seguiremos investigando e informando. (Nota: como estamos en Martes de Carnaval, ponemos esta entrada; que a nadie le parezca irrespetuosa, pero es real)

Na sobrepuerta

N´Ast: La observancia ye la má de les ciencies. Por eso presta fixase en cualquier detallín, por piqueñu que seya: siempres depréndese dalgo. Nesti casu, ye la inscripción d´una sobrepuerta o cargaderu lo que llámanos l´atención y con ella sacamos tres camientos: l´añu de fechura; les iniciales del mestru canteru, que dexaránnos reconocer más obres del mesmu na redolada; y, sobre tou, qu´en 1869, tovía la superstición ente la xente yera grande y guetaben amparu escontra los males por mediu de toa triba d´amuletos, nesta casa una cruz. Equí´l beneficiu ye pa les persones, pero tamién puen güeyase estos símbolos en cuadres, pa los animales, o n´horros, pa les colleches. Y quiciabis en dalgún sitiu más, hai que siguir escucando.

En Cast: La observación es la madre de las ciencias. Por eso es un gusto fijarse en cualquier detallín, por pequeño que sea: siempre se aprende algo. En este caso, es la inscripción de un dintel de una puerta lo que nos llama la atención y con ella sacamos tres conclusiones: el año de construcción; las iniciales del maestro cantero, que nos dejarán reconocer más obras del mismo en la comarca; y, sobre todo, que en 1869, todavía la superstición entre la gente era grande y buscaban protección contra los males por medio de toda clase de amuletos, en esta casa una cruz. Aquí el beneficio es para las personas, pero también pueden verse estos símbolos en cuadras, para los animales, o en horreos, para las cosechas. Y quizás en algún sitio más, hay que seguir observando.

Molín de rabil

N´Ast: O molín de rabilar, molín de pisar, rabilón o tahona, que con toos estos nomes conozse n´Asturies esti inxeñu. La so función yera francer la cáscara qu´ampara´l granu de la escanda: echábase´l cereal pela parte enriba (pol cono que vese nes semeyes na muela alta), quedaba ente les dos mueles y facíase xirar la superior mediante un mecanismu qu´aicionábase al mover ente dos o cuatro persones, sigún el tamañu la máquina, los manubrios o rabiles (d´ehí´l por qué dalgún de los nomes), cascando les piedres les espigues y saliendo por un llau los cascos y por otru la parte válida pa facer la fariña (vien ser como cascar ablanes, por facer una comparanza averada). La escanda ye un cereal de los nomaos d´íviernu, que tuviere importancia n´Asturies al afacese meyor al clima y la xeografía que´l trigu, lo que facíalu básicu pa poder producir pan. Personalmente, siempres cavilgué que yera un cultivu más de Centro-Occidente (Oscos, Grau, Tineu, Somiedu, Teverga... onde tovía cultívase dalgo) ya que nunca lu viere nin oyere falar d´él nel Oriente, pero gracies a Carmen Granda, llastrina onde les haya, alcontramos esti aparatu baxo un horru de Robléu (Anayu, Piloña, casi nos llinderos con Colunga y La Villa), lo qu´amuésanos que fuere común por tou´l País.... y que yo taba confundíu. Y qu´escucando por tolos requexos, güeyamos y deprendemos coses prestoses.
En Cast: O molín de rabilar, molín de pisar, rabilón o tahona, que con todos estos nombres se conoce en Asturias este ingenio. Su función era romper la cáscara que protege el grano de la escanda: se echaba el cereal por la parte de arriba (por el cono que se ve en las fotos en la muela alta), quedaba entre las dos muelas y se hacía girar la superior mediante un mecanismo que se accionaba al mover entre dos o cuatro personas, dependiendo del tamaño de la máquina, los manubrios o "rabiles" (de ahí el por qué de alguno de los nombres), partiendo las piedras las espigas y saliendo por un lado la cáscara y por otro la parte válida para hacer harina (viene a ser como cascar avellanas, por hacer una comparación aproximada). La escanda es un cereal de los llamados de invierno, que tuvo importancia en Asturias al adaptarse mejor al clima y la geografía que el trigo, lo que lo hacía básico para producir pan. Personalmente, siempre pensé que era más un cultivo de Centro-Occidente (Oscos, Grau/Grado, Tineu/Tineo, Somiedu/Somiedo, Teberga/Teverga... donde aún se cultiva algo) ya que nunca lo vi ni oyera hablar de él en el Oriente, pero Gracias a Carmen Granda, llastrina donde las haya, encontramos este aparato bajo un horreo de Robléu/Robledo (Anayu/Anayo, Piloña, casi en los límites con Colunga y La Villa/Villaviciosa) lo que nos demuestra que fue común por todo el País... y que yo estaba equivocado. Y que rebuscando por todos los rincones, vemos y aprendemos cosas interesantes.

Bebederos

N´Ast: Siguiendo los sabios conseyos del bon collaciu (y Maestru) Bernardo (pica-y equí), en cuantes güeyamos un bebederu, averámonos a él a ver qué escubrimos. Nesti casu, alcontramos ún perinteresante cerque la mayada´l Collao Argomal: aprovechando un surdimientu entre peñes, los pastores ficieron un pequeñu cierre, llogrando asina un pilón mediu ñatural-mediu fechizu. Lo malo, como bien diz Bernardo, ye qu´estes fechures nun tan nel so meyor momentu y, les resquiebres peles qu´empecipia a perdese l´agua y los bardiales lu arrodien dando sensación d´escaecimientu, facen talantar que´l so fin ta cercanu, como tantes coses del nuesu padremuñu etnográficu. Y una cavera confesión, anque va suspendeme´l Maestru: nun fuimos a saber de que triba yeren los berrones y la puesta. ¡Necesitamos más clases!

En Cast: Siguiendo los sabios consejos del buen amigo (y Maestro) Bernardo (pinchar aquí), en cuanto vemos un bebedero, nos acercamos a él a ver que descubrimos. En este caso, encontramos uno muy interesante cerca de la majada de Collao Argomal: aprovechando una surgencia entre rocas, los pastores hicieron un pequeño cierre, logrando así una pileta medio natural-medio artificial. Lo malo, como bien dice Bernardo, es que estas construcciones no están en su mejor momento y, las fisuras por las que empieza a perderse el agua y los matorrales que lo rodean dando sensación de olvido, hacen pensar que su final está próximo, como tantas cosas de nuestro patrimonio etnográfico. Y una última confesión, aunque me va a suspender el Maestro: no fuimos capaces a saber de que especie eran los renacuajos y la puesta. ¡Necesitamos más clases!

Cabruñar

N´Ast: Cabruñar: afinar el filu´l gadañu col martiellu y la yuncla mediante percusión d´aquel nésta. Nuna dómina de segadores mecániques ya rozadores onde´l gadañu ta prácticamente escaecíu, ye estrañu ver cabruñar y menos nuna urbe populosa como Xixón. Pero sorpresa: na parroquia con espíritu rural de Xove, escucando tres d´una muria, escubrimos esta yuncla, que nos amuesa que dalguien sigui trabayando según les vieyes tradiciones y calteniendo l´antiguu mundiu rural metanes la moderna y industriosa ciudá. ¡Taremos sollertes a ver si somos p´asemeyar a la paisana o paisano en plenu traxín!
En Cast: Cabruñar: adelgazar el corte de la guadaña con el martillo y la "yuncla" mediante percusión de aquel sobre ésta. En una época de segadoras mecánicas y desbrozadoras donde la guadaña está prácticamente olvidada, es raro ver cabruñar y menos en una urbe populosa como Xixón/Gijón. Pero sorpresa: en la parroquia con espíritu rural de Xove/Jove, mirando tras un muro, descubrimos esta "yuncla" (el utensilio de la foto, una especie de mini-yunque), que nos demuestra que alguien sigue trabajando según las viejas tradiciones y manteniendo el antiguo mundo rural en medio de la moderna e industriosa ciudad. ¡Estaremos atentos a ver si podemos fotografiar a la señora o señor en plena faena!

Escucando

N´Ast: Escucar, masque suene a cotiella, ye una pallabra asturiana qu´a mi préstame munchu, polo que tien d´escubrir coses. Nesti casu, col permisu l´amu, escucamos dientro un horru de Lluces (estilo Villaviciosa por ciertu, fixa-yvos nel arquín enriba la puerte) y atopamos una vieya catadora o mecedora (depende la estaya d´Asturies), un de los mios suaños de neñez-mocedá. ¿Por qué? ¡pues porque con esti inventu la vida habría sío más cenciella!: en casa los mios güelos catábase a mano, como ficieron los nuesos antepasaos dende la nueche los tiempos y, anque nun yeren munches vaques (ocho na meyor dómina), facelo dos vegaes al día daba´l so trabayu. Por ciertu: nun ye tan fácil como paez, hai que tener ciertu vezu pa garra-y el trucu. Como les ganaderíes de llechi son triba en desaniciu n´Asturies, la probina la semeya fina por ferruñase na escuridá l´horru, como diría´l poeta Becquer, "del so dueñu quiciabes escaecía"... por obligación europea. Nos, pa informavos, siguimos per ehí escucando.

En Cast: "Escucar" (traducible por espiar o fisgar más o menos), aunque suene a cotilla, es una palabra asturiana que a mi me gusta mucho, por lo que tiene de descubrir cosas. En este caso, con permiso del propietario, "escucamos" dentro de un horreo de Lluces/Luces (estilo Villaviciosa por cierto, mirad el arco sobre la puerta) y encontramos una vieja "catadora" o "mecedora" (una ordeñadora, según la zona de Asturias. "Catar" o "mecer"= ordeñar), uno de mis sueños de niñez-juventud. ¿Por qué? ¡pues porque con este invento la vida habría sido más sencilla!: en casa de mis abuelos se ordeñaba a mano, como hicieron nuestros antepasados desde la noche de los tiempos y, aunque no eran muchas vacas (ocho en la época mejor), hacerlo dos veces al día daba su trabajo. Por cierto: no es tan sencillo como parece, hay que tener cierta maña para cogerle el truco. Como las explotaciones lecheras son especie en extinción en Asturias, la pobre de la foto termina por oxidarse en la oscuridad del horreo, como diría el poeta Becquer, "de su dueño tal vez olvidada"... por obligación europea. Nosotros, para informaros, seguiremos por ahí "escucando".