¡Como pa nun ser bona!

N´Ast: Equí, cuando danos por un tema... esta selmana, vaques, y güei, como paez qu´anuncien que ya aporta de verdá´l tardíu, ponémosvos una estampa que, cola baxada´l ganáu de los pastos altos, nun se repetirá hasta la siguiente primavera y qu´amosa´l por qué la llechi y la carne asturianes son de les meyores d´Espa... ¡que coño! ¡del mundiu! que pa eso tamos n´Asturies. Y ya sin ser tan grandón, típicu de nós, con estos puertos y paisaxes, nun pue salir na malo ¿nun vos paez?
En Cast: Aquí, cuando nos da por un tema... esta semana, vacas, y hoy, como parece que anuncian que ya llega de verdad el otoño, os ponemos una estampa que, con la bajada del ganado de los pastos altos, no se repetirá hasta la siguiente primavera y que demuestra el por qué la leche y la carne asturianas son de las mejores de Espa... ¡que coño! ¡del mundo! que para eso estamos en Asturias. Y ya sin ser tan grandón, típico nuestro, con estos puertos y paisajes, no puede salir nada malo ¿no os parece?

A tosquilar l´abrigu (II)

N´Ast: ¡Y vaya si cualquier tiempu pasáu fuere peor! porque pol mesmu preciu pudimos güeyar una amosa del trabayu d´ayeri con tisories de mano y la cosa enguedéyase enforma, algamando la tosquila los veinte minutos por animal, más o menos. Multiplicando por cien oveyes... ¡sálenos una fartura tiempu! amás d´escosar les tirites nes botiques p´atapar les xinxigües. El casu ye qu´a man o máquina, ya tenemos la reciella col vistíu de branu ¿qué facemos cola llana? güei ¡quemalo! por ser material ensin valor. Queden lloñe les dómines del pastor del ablayáu cantar que dicía: “yo soi quien cuida la oveya, quien-y escarmena la llana, pa facer bonos colchones mentres yo duermo na paya”. Los güeyos del probe home enllenaríense de llárimes al comprobar como´l so sufrimientu tresformose en pallabres valeres. Nós, guardamos por él un respetuosu silenciu.
En Cast: ¡Y vaya si cualquier tiempo pasado fue peor! porque por el mismo precio pudimos ver una demostración del trabajo de antaño con tijeras de mano y la cosa se complica bastante, llegando el esquile a los veinte minutos por animal, más o menos. Multiplicando por cien ovejas... ¡nos sale una pila de tiempo! además de agotar las tiritas en las farmacias para tapar las ampollas. El caso es que a mano o a máquina, ya tenemos el rebaño con el traje de verano ¿qué hacemos con la lana? hoy día ¡quemarla! por ser material sin valor. Quedan lejos los tiempos del pastor del triste cantar que decía: “yo soy quien cuida la oveja, quien le desenreda la lana, para hacer buenos colchones mientras yo duermo en la paja”. Los ojos del pobre hombre se llenarían de lágrimas al comprobar como su sufrimiento se transformó en palabras vacías. Nosotros, guardamos por él un respetuoso silencio.

A tosquilar l´abrigu (I)

N´Ast: Anque nun lo paeza, ya tamos nel branu, momentu de tirar l´abrigu pa nun pasar calores y, si ésti ye una gorda capa llana, motivu más que sobráu pa meter una bona tosquila. El progresivu desaniciu la reciella fae qu´esti espectáculu seya cada vegada menos frecuente, pero nós tuvimos la xorra d´atopar en Llanes un paisano amu d´unes 100 oveyes que dexonos amirar el procesu. Tres amarrar l´animal pa que nun se mueva, el corte con esta máquina llétrica d´unos 400 euritos dura unos cinco minutos, faciendo que cualquier tiempu pasáu fuere ¡bastante peor!...
En Cast: Aunque no lo parezca, ya estamos en el verano, momento de tirar el abrigo para no pasar calores y, si éste es una gruesa capa de lana, motivo más que sobrado para meter un buen esquile. La progresiva desaparición de “la reciella” (rebaño de ganado menor en asturiano) hace que este espectáculo sea cada vez menos frecuente, pero nosotros tuvimos la suerte de encontrar en Llanes un buen señor dueño de unas 100 ovejas que nos permitió contemplar el proceso. Tras atar al animal para que no se mueva, el corte con esta máquina eléctrica de unos 400 euritos dura cinco minutos, haciendo que cualquier tiempo pasado fuera ¡bastante peor!...

De la montaña a la playa

N´Ast: Toru casín o d´asturiana de la montaña nun voléu pola costa llanisca ¿qué nos alcuerda? pues dómines nes que la falta de pastu ivernal obligaba a dellos pastores de les fasteres montañoses del Oriente d´Asturies (Casu, Ponga, Cabrales...) a guetar recursos nes tierres baxes de la rasa costera (Gozón, La Villa, Colunga, Llanes...) demientres un tiempu. Al aportar la primavera y abrise nuevamente los puertos altos de la Cordalera, tornaben a los sos llugares d´orixe. Nesta trashumancia, al contrariu qu´en la de los vaqueiros d´alzada, nun se movíen trastes ni toa la familia, solo dalgún miembru que quedaba al cargu los animales. Güei, como los tiempos camuden que ye una barbaridá, esti bon exemplar de la semeya de xuru que nun migra y pasará´l branu asoleyándose na playa de Cueves de Mar.

En Cast: Toro “casín” o de asturiana de la montaña en un paseo por la costa llanisca ¿qué nos recuerda? pues épocas en las que la escasez de pasto invernal obligaba a algunos pastores de las zonas montañosas del Oriente de Asturias (Casu/Caso, Ponga, Cabrales...) a buscar recursos en las tierras bajas de la rasa costera (Gozón, La Villa/Villaviciosa, Colunga, Llanes...) durante un tiempo. Al llegar la primavera y abrirse nuevamente los pastos altos de la Cordillera, volvían a sus lugares de origen. En esta trashumancia, al contrario que en la de los vaqueiros de alzada, no se movían enseres ni toda la familia, solo algún miembro que quedaba al cargo de los animales. Hoy, como los tiempos cambian que es una barbaridad, este bonito ejemplar de la foto seguramente no migra y pasará el verano tomando el sol en la playa de Cueves de Mar.

Como en San Fermín

N´Ast: ¿Qué facer cuando, metanes d´una ruta y cruciando un prau, eches-y el güeyu a esti bichu? Ñidiamente, salir corriendo na dirección contraria a blincar la muria más averada. Una vegada a salvu, emburries el coral pa que de la boca baxe al so sitiu y, cuando l´osíxenu torna de nuevu al cerebru dende les piernes, empecipies a cavilgar cómo vino a parar equí un toru de llidia. Entós, escuques por riba l´abellugu y caltries la situación: tamos en Liébana, onde pastien rebaños de tudanques, la triba llariega de capa prieta. Al ver les collacies del elemento, decatámonos que tamos ante un toru tudancu, non ún bravu. Pero bonu, como la prudencia manda y taurinos nun somos, siguimos camín arrodiando´l cierru pasín ente pasu, con semeya d´alcordanza... ¡con zoom, home non!
En Cast: ¿Qué hacer cuando, en mitad de una ruta y cruzando un prado, le echas el ojo a este bicho? Claramente, salir corriendo en la dirección contraria a saltar el muro más cercano. Una vez a salvo, empujas el corazón para que de la boca baje a su sitio y, cuando el oxígeno vuelve de nuevo al cerebro desde las piernas, empiezas a pensar cómo vino a parar aquí un toro de lidia. Entonces, ojeas por encima de la protección y entiendes lo que pasa: estamos en Liébana, donde pastan los rebaños de tudancas, la raza autóctona de capa oscura. Al ver las compañeras del elemento, nos damos cuenta que estamos ante un toro tudanco, no uno bravo. Pero bueno, como la prudencia manda y taurinos no somos, seguimos camino rodeando el cierre pasito a pasito, con foto para el recuerdo... ¡con zoom, hombre no!

La baxada

N´Ast: Como ya desplicamos alguna vegada, el ganáu pue subise a dellos puertos altos dende unes feches concretes de primavera nes que s´abren pero, pa baxalo, nun suele haber dí especificáu, si non que depende del escosamientu´l pastu o l´arribu´l mal tiempu. Dalgún espera tantu que garrenlu ivernaes como la que vivimos y ye cuando atopamos imáxenes como la primera, el pastor llevando´l rebañu d´apurón pal pueblu, onde ye más fácil caltenelo cola herba que curose nos praos de siega y dalgo verde que siégase cuando torna a medrar el pastu. Nesti casu que güeyamos, l´esplazamientu ente puerto y aldea ye curtiu, polo que nun se fae parada intermedia; cuando ye más llargu, suel facese una estancia por una temporada en invernales a metada de camín (na semeya, los de Vierru, Tielve), onde hai almacenao dalgo xinta seca que sácase de finques averaes que puen segase en branu o bien puen pastiase nesta dómina. Cuando fínase esti recursu o les condiciones climátiques agafen, realízase la baxada definitiva al caseríu, dende onde en primavera fadrase el mesmu recorríu pero a la inversa. Un sistema centenariu con perbones resultancies y al que pa mi asemeyase´l de campos d´altor del montañismu himaláyicu ¿copia d´una tradición pastoril?
En Cast: Como ya explicamos alguna vez, el ganado puede subirse a algunos puertos altos desde unas fechas concretas de primavera en las que se abren pero, para bajarlo, no suele haber día específico, si no que depende del agotamiento del pasto o la llegada del mal tiempo. Alguno espera tanto que lo pillan invernadas como la que vivimos y es cuando encontramos imágenes como la primera, el pastor llevando al rebaño de emergencia para el pueblo, donde es más fácil mantenerlo con la hierba que se secó en los prados de siega y con algo de “verde” (hierba recién segada y que no se seca) que se corta cuando vuelve a crecer el pasto. En este caso que vemos, el desplazamiento entre puerto y aldea es corto, por lo que no se hace parada intermedia; cuando es más largo, suele hacerse una estancia por una temporada en invernales a mitad de camino (en la imagen los de Vierru, Tielve), donde hay almacenado algo de comida seca que se saca de fincas próximas que pueden segarse en verano o bien pueden pastarse en esta época. Cuando se termina este recurso o las condiciones climáticas empeoran, se realiza la bajada definitiva al caserío, desde donde en la primavera se hará el mismo recorrido pero a la inversa. Un sistema centenario con óptimos resultados y al que para mi se asemeja el de campos de altura del montañismo himaláyico ¿copia de una tradición pastoril?

La reciella

N´Ast: Ún de los cambeos que trae la seronda o tardíu (dos de les pallabres que más me presten n´asturianu) ye la baxada la reciella (garrapiellu de ganáu menor) al valle. Escósase´l pastu, aporten el mal tiempu, les cicloxénesis esplosives, la ñeve... y el puertu altu tórnase inhóspitu, polo que guétase abeyugu averáu a los pueblos, como n´esta imaxen d´Arenas de Cabrales. Habrá d´alguardase al branu pa tornar oyir les sos esquiles dende les camperes más altes.
En Cast: Uno de los cambios que trae “la seronda” o “tardíu” (otoño en asturiano, dos de las palabras que más me gustan) es la bajada de “la reciella” (grupo de ganado menor) al valle. Se agota el pasto, llegan el mal tiempo, las ciclogénesis explosivas, la nieve... y el puerto alto se vuelve inhóspito, por lo que se busca refugio cercano a los pueblos, como en esta imagen de Arenas de Cabrales. Habrá que esperar al verano para volver a oir sus campanillas desde las praderías más altas.

Esquilones (=cencerros)

N´Ast: “Carretera d´Avilés, un carreteru cantaba, al son de los esquilones que so parexa llevaba...” diz el cantar dándonos una idea del valir d´esti complementu ganaderu, tamién nomáu lloqueru. Pue dicise que ye como un D.N.I. (el crotal de la Conseyería na oreya ye más modernu) sonoru pol que´l pastor conoz al so animal dende lloñe. La mayadura (los golpes que se-y dan al llatón pa da-y forma) y el mayuelu qu´elixamos (güesu, madera, cuernu...), darán-y al esquilón un triñíu propiu que lu estrema d´otros. Y pa los que tamos dalgo sordos, los más mañosos, adornen la collera (de madera) o la correa (de cuero), pola que se prende l´asa´l lloqueru al piscuezu, con motivos iconfundibles p´amosar quién ye l´amu. Na semeya, un bon exemplu nel Puertu Sueve, que pue algamar un preciu mayor que´l dalgunes xoyes de los homes ¡como pa que lu tresmane!.
En Cast: “Carretera de Avilés, un carretero cantaba, al son de los esquilones que su pareja llevaba...” dice el cantar dándonos una idea del valor de este complemento ganadero, también llamado “lloqueru”. Puede decirse que es como un D.N.I. (el crotal de la Consejería en la oreja es más moderno) sonoro por el que el pastor conoce a su animal desde lejos. La “mayadura” (los golpes que se le dan al latón para darle forma) y el “mayuelu” (badajo) que elijamos (hueso, madera, cuerno...), le darán al “esquilón” un sonido propio que lo diferencia de otros. Y para los que estamos algo sordos, los más hábiles, adornan la “collera” (de madera) o la “correa” (de cuero), por la que se engancha el asa del “lloqueru” al pescuezo, con motivos inconfundibles para demostrar quién es su dueño. En la fotografía, un buen ejemplo en el Puerto Sueve, que puede alcanzar un precio mayor que el de algunas joyas de los hombres ¡como para que lo pierda!

El collaciu (=compañero) sorpresa

N´Ast: La llucha pola vida nun dexa de sorprendete. Vamos pasar la nuechi nuna llampa llerosa a más de 2.000 metros. Casi ni un res de tierra y herba, casi tou piedres. Les choves, animal abondosu nestes altures, ya empobinaren a los sos dormideros. Imposible alcontrar ser vivu dalu nestes condiciones. La sensación de soledá embárganos... y ye abrir el chorizu y el pan de la cena y apaez a blinquinos esti personaxe: un ratu de campu ¿cómo ye posible? ¿u sal? ¿cómo pervivir nun llugar ermu onde solo cae dalgún montañeru por casualidá? Dende lluéu, paezme que l´home ye´l más inútil de los seres pa valise en males condiciones. Unos camientos que revóltiennos na tiesta mentres echámonos con un güeyu nes estrelles... y otru na mochila ¡que la tentación nun ye solo pecáu humanu!
En Cast: La lucha por la vida no deja de sorprenderte. Vamos a pasar la noche en un descampado pedregoso a más de 2.000 metros. Casi nada de hierba y tierra, casi todo piedras. Las chovas, animal abundante en estas alturas, ya se encaminaron a sus dormideros. Imposible encontrar ser vivo alguno en estas condiciones. La sensación de soledad nos embarga... y es abrir el chorizo y el pan de la cena y aparece a saltitos este personaje: un ratón de campo ¿cómo es posible?, ¿de donde sale?, ¿cómo sobrevivir en un lugar desierto donde solo cae algún montañero por casualidad? Desde luego, me parece que el hombre es el más inútil de los seres para valerse en malas condiciones. Unas reflexiones que dan vueltas en nuestra cabeza mientras nos acostamos con un ojo en las estrellas... y otro en la mochila ¡que la tentación no es solo pecado humano!

Un rastru na ñeve

N´Ast: Pasa´l temporal y aprovechamos a salir a esfrutar de la ñeve cayío. Armámonos de tres capes de gore-tex, raquetes, piolets, GPS... milenta preseos pa notanos seguros. Entamamos a caminar y algamamos el requexu más apartáu del monte. Nun güeyamos a naide en tola redolada, ñeve y ñeve con dalguna roca; tamos solos dafechu y una estraña sensación de bienestar percórrenos el cuerpu. Damos los siguientes reblagos y, de sópitu, pola mandrecha, atopamos unes güelles: daquién pasare enantes que nós; el Sr. Raposu. Y vese que tranquilu, al trote, nun llugar inhóspitu, y sin la "impedimenta" que necesita´l montañeru. Entós, tamién de sópitu, sintímonos pequeños, mui pequeños ¡que lleciones danos la Ñatura y que baldaos somos!

En Cast: Pasa el temporal y aprovechamos a salir a disfrutar de la nieve caída. Nos armamos de tres capas de gore-tex, raquetas, piolets, GPS... mil utensilios para sentirnos seguros. Comenzamos a caminar y alcanzamos el rincón más apartado del monte. No vemos a nadie alrededor, nieve y nieve con alguna roca; estamos completamente solos y una extraña sensación de bienestar nos recorre el cuerpo. Damos los siguientes pasos y, de repente, por la derecha, encontramos unas huellas: alguien pasó antes que nosotros; el Sr. Raposo. Y se ve que tranquilo, al trote, en un lugar inhóspito, y sin la "impedimenta" que necesita el montañero. Entonces, también de repente, nos sentimos pequeños, muy pequeños ¡que lecciones nos da la Naturaleza y que inútiles somos!

Una cosadiella (adivinanza)

N´Ast: De tolos personaxes que vense na semeya ¿cuál nun ye llariegu d´Asturies?. Dichu d´otru xeitu ¿de qué collor ye la vaca prieta de Cantabria?. Dafechamente, común na fastera occidental del País vecín, la vaca Tudanca asítiase pol valle del mesmu nome, Liébana, Peña Rubia, Saja, Cabuérniga... pero nunca nun la vi al oeste´l Deba, por eso nun dexa de ser raru atopar esti exemplar solitariu nuna casería del Conceyu Cangues na llende col de Llanes, y más pa competir cola Asturiana de los Valles o Carreña, meyor productora de carne, que ye l´avíu actual d´esti ganao. ¿Quiciabis un amu señardosu de dómines meyores pa estes tribes?. Y otra cosa rara, lo de tener solo una ¿sedrá porque con esos cuernos nun hai mou de meter dos na mesma cuadra?.

En Cast: De todos los personajes que se ven en la foto ¿cuál no es autóctono de Asturias?. Dicho de otra forma ¿de qué color es la vaca negra de Cantabria?. Efectivamente, frecuente en la parte occidental del País vecino, la vaca Tudanca se extiende por el valle del mismo nombre, Liébana, Peña Rubia, Saja, Cabuérniga... pero nunca la vi al oeste del Deba/Deva, por eso no deja de ser raro encontrar este ejemplar solitario en una casería del Concejo de Cangues/Cangas de Onís en el límite con el de Llanes, y más para competir con la Asturiana de los Valles o Carreña, mejor productora de carne, que es la utilidad actual de este ganado. ¿Quizá un dueño nostálgico de tiempos mejores para estas especies?. Y otra cosa rara, lo de tener solo una ¿será porque con esos cuernos no hay manera de meter dos en la misma cuadra?

¿Un gatipu de gatos?

N´Ast: Dende siempres usárense n´Asturies estremaes unidaes de midida pa granos y llíquidos: galipos (4 ó 5 kilos, depende´l granu), copines (ente 7 y 7.5 kilos, depende´l conceyu), cántares (unos 18 llitros), cuartillos (750 mililitros más o menos).... yeren y son referencia pa la venta de fabes, escanda, vino, sidre... Lo que ya nun se ye la unidá de midia d´un calderu gatos: ¿gatipu?

En Cast: Desde siempre se usaron en Asturias diferentes unidades de medida para granos y líquidos: "galipos" (4 ó 5 kilos, depende del grano), "copines" (entre 7 y 7.5 kilos, depende del concejo), "cántares" (unos 18 litros), "cuartillos" (750 mililitros más o menos)... eran y son referencia para la venta de fabes/habas, escanda, vino, sidre/sidra.... Lo que ya no se es la unidad de medida de un caldero de gatos: ¿gatipu?

Una mascota ¿llariega? (=autóctona)

N´Ast: Ún tenía visto mascotes de lo más estraño pero la d´estos paisanos d´Anayu (Piloña) ye peculiar de xuru. Tán de moda iguanes, cocodrilos o culiebres pero, llariega llariega como ésta, nenguna. Ehí ta el probe atáu como un perrín, xintando les berces y el verde que-y echen. Lo que nun sabemos ye si lu lleven de caza: ¡igual ye bárbaru pa rastriar conxéneres!

En Cast: Uno tenía visto mascotas de lo más raro pero la de estos señores de Anayu/Anayo (Piloña) es peculiar sin duda. Están de moda iguanas, cocodrilos o culebras pero, autóctona autóctona como ésta, ninguna. Ahí está el pobre atado como un perrito, comiendo las berzas y la hierba verde que le echan. Lo que no sabemos es si lo llevan de caza: ¡igual es un magnífico rastreador de congéneres!

... y la vaca alpinista

N´Ast: Nos intentando pasar esti pindiu ñeveru de la Horcada Camburero con cuidau de non esmucinos porque nun llevábamos los preseos afayadizos pa ello (piolet y crampones, nomaos estos caberos "los pinchos" por dalguna esmolecía pero comprensiva ma de montañeru) y esta señorita p´atrás y p´alantre ensin medrana nenguna a esnidiase lladera abaxo. Ye increible como la Ñaturaleza afae cada triba al llugar qu´ocupa, anque dalgunos anecien en camudar les coses.

En Cast: Nosotros intentando pasar este inclinado nevero de la Horcada Camburero con cuidado de no resbalarnos porque no llevábamos el material necesario para ello (piolet y crampones, llamados estos últimos "los pinchos" por alguna preocupada pero comprensiva madre de montañero) y esta señorita para atrás y para adelante sin miedo ninguno a deslizarse ladera abajo. Es increible como la Naturaleza adapta cada especie al lugar que ocupa, aunque algunos se empeñen en cambiar las cosas.

La torna del Cancerbero

N´Ast: Hai d´elles veces qu´una triba esaniciase casique ensin danos cuenta. Los mastines fueren el meyor amparu de los pastores ante los ataques del llobu a la reciella. Cuando´l gran depredador carnívoru comenzare a escasear, tamién el fiel perru guardián (por eso lo de Cancerbero), pocu necesariu ya, empecipió a ser una reliquia del pasao. Col repunte los llobos y la probitú de pastores qu´allenden el ganao, la estampa del mastín torna a güeyase cada vegada con más vezu nos nuesos montes. Tamién, gracies a conceyos qu´atalanten qu´hai d´espoxigar métodos tradicionales de remanar les recielles enantes d´enguedeyase a tiros colos predadores. El domingu, en Banoria (Cabrales), llogramos qu´esta mastina que llendaba unes oveyes posara p´Asturies Irredenta amosando la carrancla: el collerón d´espetos que se-yos pon p´abellugalos de los mordiatos de los agresores nel piscuezu, el so puntu más deble. Bonu, más bien llogrolo la mio muyer, que danse-y bien los perros: como fízome notar Inés, la perra roceaba del palu ablanu que llevo al monte y yo, que ya teo dalguna muezca d´otres esperiencies, roceaba de los sos runguios, asina que guardamos una mutua y prudente separtación, polo que a tirar de zoom ópticu cerque dalgún árbol, que nunca nun se sabe.
En Cast: Hay veces que una especie desaparece sin que casi nos demos cuenta. Los mastines fueron la mejor defensa de los pastores ante los ataques de los lobos a los rebaños. Cuando el gran depredador carnívoro comenzó a escasear, también el fiel perro guardián (por eso lo de Cancerbero), poco necesario ya, se convirtió en una reliquia del pasado. Con el repunte de los lobos y la escasez de pastores que cuiden el ganado, la estampa del mastín vuelve a verse cada vez con más frecuencia en nuestros montes. También, gracias a organizaciones que piensan que hay que desarrollar métodos tradicionales de manejo de los rebaños antes de liarse a tiros con los predadores. El domingo, en Banoria (Cabrales), logramos que esta mastina que cuidaba unas ovejas posara para Asturies Irredenta enseñando la carranca: el collar de cuero y pinchos que se les coloca para protegerlos de los mordiscos de los atacantes en el cuello, su punto más débil. Bueno, mas bien lo logró mi mujer, a la que se le dan bien los perros: como me hizo notar Inés, la perra desconfiaba del palo de avellano que llevo al monte y yo, que ya tengo alguna marca de otras experiencias, desconfiaba de sus gruñidos asi que guardamos una mutua y prudente distancia, por lo que a tirar de zoom óptico cerca de algún árbol, que nunca se sabe.

La calisma (El bochorno)

N´Ast: Aporta´l branu y con él la calisma. Los animales guetamos estremaos xeitos p´aguantalo: en Canero (Pandébano, Cabrales), con más de 30 graos al sol de témperu, los más llistos conocen bien onde ta la solombra; bono, la más llista, como agüeyase na semeya. Ye abondu asomar la tiesta pa ver el paisaxe. Otros tamién amiramos les maravíes de Picos, pero a plenu sol, apuntu danos un castañazu de calor. Nesti casu, nun se sabe muy bien cúal ye l´animal de cuatro pates y cúal ye´l de dos.

En Cast: Llega el verano y con él el bochorno. Los animales buscamos diferentes maneras para aguantarlo: en Canero (Pandébano, Cabrales), con más de 30 grados al sol de temperatura, los más listos conocen bien donde está la sombra; bueno, la más lista, como se ve en la imagen. Es bastante con asomar la cabeza para ver el paisaje. Otros también admiramos las maravillas de Picos, pero a pleno sol, apunto de darnos un golpe de calor. En este caso, no se sabe muy bien cúal es el animal de cuatro patas y cúal el de dos.