La Ubiña de Xovellanos

N´Ast: “A la derecha la famosa peña de Ubiña, que se cree la más alta de España. Vese desde tierra de Segovia y desde muy dentro del mar”. Siempres camenté qu´estes pallabres un pocu desaxeraes de Xovellanos fueren afalaes pol amor pergrande del gran illustráu xixonés por Asturies pero, dende que les lleí, nun pueo dexar de subir a una montaña y mirar pol corneyal pal horizonte. Y ellí la veo, llonxana, xixilante, pacetible, sabiendo qu´un dí toos acabamos pasando pola so cume. Nun ye nin la más alta nin la más guapa pero, ehí l´aciertu de lo que sintió´l sabiu Cimavilla, ye la que tou lo apodera. Ya solo queda averase a Segovia y dende lo alto´l grandiosu acueductu amirala, porque de xuru que vese. Pallabra de Xovellanos... y d´Ubiña.
En Cast: “A la derecha la famosa peña de Ubiña, que se cree la más alta de España. Vese desde tierra de Segovia y desde muy dentro del mar”. Siempre pensé que estas palabras un poco exageradas de Jovellanos fueron motivadas por el amor tan grande del ilustrado gijonés por Asturias pero, desde que las leí, no puedo dejar de subir a una montaña y mirar por el rabillo del ojo al horizonte. Y allí la veo, lejana, vigilante, tranquila, sabiendo que un día todos acabamos pasando por su cima. No es ni la más alta ni la más guapa pero, ahí el acierto de lo que sintió el sabio de Cimadevilla, es la que todo lo domina. Ya solo queda acercarse a Segovia y desde lo alto del grandioso acueducto contemplarla, porque seguro que se ve. Palabra de Jovellanos... y de Ubiña.

8 Setiembre

N´Ast:
Ya escosa´l país de nueso
algamo-y el coral la coma mortal
de la dexadez y l´escaezu
de los sos fíos, los nuesos hermanos.
Nos oyíos de mio, entá
suenen sones llariegos
como pola tiesta´l moribundu
pasa l´acuerdu la so vida.
Inda repiquen na mio tiesta
les fras del Padre Galo
¿U tan los mios asturianos?
¿U tan les Asturies míes?
ASTURIES
Chalana nortiega remanada
por gafos aires de sur
R. Lluis Bande

Qué tendrás, que nun podemos dexar d´almirate dende cualquier altu, cualquier visu, cualquier cume. Qué tendrás, que vemos con murnia como aporten les aboquiaes colos que nun t´atalanten ¡Qué tendrás que nun podemos dexar de suañate! Deseyando qu´aliques, bon dí Asturies.
(Picái equí. Canciu ni que pintáu cortesía del gran Toral)

En Cast:
Ya se agota nuestro país
le alcanzó el corazón la coma mortal
de la dejadez y el olvido
de sus hijos, nuestros hermanos.
En mis oidos, todavía
suenan músicas de aquí
como por la cabeza del moribundo
pasa el recuerdo de su vida.
Todavía repican en mi cabeza
las frases del Padre Galo
¿Dónde están mis asturianos?
¿Dónde están las Asturias mías?
ASTURIAS
Chalana norteña manejada
por venenosos aires de sur
R. Lluis Bande

Qué tendrás, que no podemos dejar de mirarte desde cualquier alto, cualquier cumbre, cualquier cima. Qué tendrás, que vemos con tristeza como llega la agonía con los que no te piensan y desapareces ¡Qué tendrás que no podemos dejar de soñarte! Deseando que revivas, buen día Asturias.
(Como siempre, en día como hoy, un pequeño esfuerzo por leerlo en asturiano. Y dando aquí, una canción muy apropiada cortesía del gran Toral)

El suañu de Casiano (II)

N´Ast: Ta nidio que viaxar abenayá nun yera como anguañu y el nuesu personaxe tuvo otros dos llargos años naguando por tornar a los Picos. Pa rematar, esti intentu de 1855 al Llambrión finó n´albuertu. L´añu siguiente, 1856, sedrá´l bonu, eso si, con esploración científica pol beyu´l Cares primero. El 11 d´Agostu esperica a dormir a la perguapa Vega de Liordes, pa l´alborada del dí siguiente pasar polos Tiros de Casares y la Collada Blanca, algamando´l xeleru del H.oyo Tras Llambrión, güei desaniciáu, onde, pesie a ser branu, la espedición tien de picar pasos nel xelu (¿quién niega´l cambéu climáticu?). A media mañana aporten al visu: ya ta no más alto. En cuantes alica l´aliendu, mira: al Sur (semeya d´aniciu), Salinas, bona alcordanza de campañes anteriores, pero, al Norte (imaxen segunda), una descomanada masa caliar arroxa prietes solombres enriba la so felicidá. Allueu, asitia´l preséu de midir y el chascu faese realidá: por unos metros, solo unos pocos metros, seis, “en rigor, no había subido a lo más alto, que era a lo que yo aspiraba”. Casiano, nun tornó a los Picos, pero de xuru que nos bermeyos atapeceres y les nuechis estrellaes suañaba que midía les montañes y el mundiu dende aquella lloñe cume del Torrecerredo.
(Nota: esta pequeña hestoria ta dedicada a tolos que ven nes montañes dalgo más que deporte, especialmente a Fernando y Ricardo Miyar: sin ellos, pa nos los Picos d´Europa nun sedríen lo mesmo)
En Cast: Está claro que viajar antaño no era como ahora y nuestro personaje estuvo otros dos largos años ansiando regresar a los Picos. Para colmo, este intento de 1855 al Llambrión terminó en fracaso. El año siguiente, 1856, será el bueno, eso si, con exploración científica por el desfiladero del Cares primero. El 11 de Agosto sube a dormir a la hermosa Vega de Liordes, para el amanecer del día siguiente pasar por los Tiros de Casares y la Collada Blanca, alcanzando el glaciar del H.oyo Tras Llambrión, hoy inexistente, donde, a pesar de ser verano, la expedición tiene que tallar escalones en el hielo (¿quién niega el cambio climático?). A media mañana llegan a la cima: ya está en lo más alto. En cuanto recupera el aliento, mira: al Sur (foto inicial), Salinas, buen recuerdo de campañas anteriores, pero, al Norte (segunda imagen), una enorme masa caliza arroja negras sombras sobre su felicidad. Rápidamente, coloca el aparato de medir y la decepción se hace realidad: por unos metros, unos pocos metros, seis, “en rigor, no había subido a lo más alto, que era a lo que yo aspiraba”. Casiano, no volvió a los Picos, pero seguro que en los rojizos atardeceres y en las noches estrelladas soñaba que medía las montañas y el mundo desde aquella lejana cumbre del Torrecerredo.
(Nota: esta pequeña historia está dedicada a todos los que ven en las montañas algo más que deporte, especialmente a Fernando y Ricardo Miyar: sin ellos, para nosotros los Picos de Europa no serían lo mismo)

Inspiración

N´Ast: Los arispios Picos d´Europa son de los montes más guapos del mundiu, por eso nun ye raro que seyan fonte d´inspiración permanente. Bien lo sabía Carlos de Haes, pintor hispano-belga (Bruselas 1826-Madrid 1898) y una de les másimes figures del realismu-paisaxista. Fiel a so talantamientu de que “el fin del arte es la verdad que se encuentra en la imitación de la naturaleza, fuente de toda belleza...” guetó nestos paraxes la musa qu´afalagare´l so arte. Quiciabis la so xera más conocida d´esta estaya seya “La canal de Mancorbo”, de 1876, la de la segunda imaxen. Nos, podemos güei visitar el puntu onde´l xenial artista pintare´l so cuadru y sintir la mesma almiración ante tanta maxestá qu´él sintiere, un sentimientu qu´esperemos llogre aportar hasta les xeneraciones venideres.
En Cast: Los agrestes Picos de Europa son de los montes más hermosos del mundo, por eso no es raro que sean fuente de inspiración permanente. Bien lo sabía Carlos de Haes, pintor hispano-belga (Bruselas 1826-Madrid 1898) y una de las máximas figuras del realismo-paisajista. Fiel a su pensamiento de que “el fin del arte es la verdad que se encuentra en la imitación de la naturaleza, fuente de toda belleza...” buscó en estos parajes la musa que impulsase su arte. Quizás su obra más conocida de esta etapa sea “La canal de Mancorbo”, de 1876, la de la segunda imagen. Nosotros, podemos hoy visitar el punto donde el genial artista pintó su cuadro y sentir la misma admiración ante tanta grandeza que él sintiera, un sentimiento que esperamos logre llegar hasta las generaciones futuras.

Asemeyando (fotografiando)

N´Ast: Delles semeyes que güeyáis equí y que tantu vos presten, son fáciles de facer porque, colos paisaxes que tien esta tierra, ye da-y al botón y llisto. Pero tamién ye verdá que n´ocasiones la cosa enguedéyase y, pa intentar algamar un bon resultáu, los malavarismos son inevitables. La ilusión ye que quede bien y, nésto, la semeya dixital ye un gran avance porque nun fae falta finar el carrete pa ver lo que ficiste: nel intre ya sabemos cómo queda y asina nun ye tan frustante una mala imaxen tres dís o meses d´alguardu. Dende equí damos les gracies fonderes a toos los que nos orienten pa que´l trabayu salga lo meyor posible, con sabios conseyos o incluso moyando los pies pa guetar un bon encaxellu. Y por supuestu, nun escaecemos l´encamientu de nunca nun dexar d´almirar el panorama colos nuesos güeyos, ensin cámara pol mediu, que tamién hai d´esfrutalo en vivo.
En Cast: Algunas de las fotos que veis aquí y que tanto os gustan, son fáciles de hacer porque, con los paisajes que tiene esta tierra, es darle al botón y listo. Pero también es verdad que en ocasiones la cosa se complica y, para intentar alcanzar un buen resultado, los malavarismos son inevitables. La ilusión es que quede bien y, en ésto, la fotografía digital es un gran avance porque no hace falta terminar el carrete para ver lo que hiciste: al instante ya sabemos cómo queda y así no es tan frustrante una mala imagen tras días o meses de espera. Desde aquí damos las más sinceras gracias a todos los que nos orientan para que el trabajo salga lo mejor posible, con sabios consejos o incluso mojando los pies para buscar un buen encuadre. Y por supuesto, no olvidamos la recomendación de no dejar de admirar el panorama con nuestros ojos, sin cámara por el medio, que también hay que disfrutarlo en vivo.

XXXII Día de les Lletres Asturianes

N´Ast: Güei ye un dí pa la esperanza, pa camentar que l´asturianu ye una llingua como cualquier otra, coles sos vertudes y los sos defectos, pero sobre tou, una llingua llibre que tien que poder falar el que quiera nes mesmes condiciones que´l que lo fae n´otra: nun ye´l dí d´emponer ná a nadie, simplemente ye´l d´aparexar les coses. ¡Hasta´l presidentín que dementres doce años dio-y toa la caña que pudo lleó un poemín n´asturiano! (dicen qu´agora tien un esguince llingual). Xunámonos esta xornada d´allegría a la nuesa llingua llariega, pequeña en falantes pero grande n´alma: la de tolos que llograren qu´aportara hasta nos. Güei, anque seya nun intre, fagamos dalgo pol asturianu, nun dexemos que muerra.
En Cast: Hoy es un día para la esperanza, para pensar que el asturiano es una lengua como cualquier otra, con sus virtudes y sus defectos, pero sobre todo, una lengua libre que tiene que poder hablar el que quiera en las mismas condiciones que el que lo hace en otra: no es el día de imponer nada a nadie, simplemente es el de igualar las cosas. ¡Hasta el presidentillo que durante doce años le dio toda la caña que pudo leyó un poema en asturiano! (dicen que ahora tiene un esguince lengual). Unámonos esta jornada de alegría a nuestra lengua autóctona, pequeña en hablantes pero grande en alma: la de todos los que lograron que llegara hasta nosotros. Hoy, aunque sea durante un instante, hagamos algo por el asturiano, no dejemos que muera.

Llavadora d´antañu

N´Ast: Una entrada qu´aportará alcordances a les nueses mas y, sobre tou, a les nueses güeles y nun precisamente bones. Güei, facer la colada, ye pocu más que pone-y deterxente y da-y al botón de la máquina de milenta programes. Decorando una casa, alcontramos esti preséu qu´amuésanos que nun siempres fuere tan fácil: había que dir al ríu o regatu más averáu, acuriosar la tabla, ponese de rodilles nel caxón rectangular (onde vese una escudiella que ná tien de ver col asuntu) y empecipiar a resfregar la ropa pieza por pieza. La llavandera de la casa más importante solía garrar el meyor sitiu y la de la menos, el peor, normalmente a la fin de la corriente, onde l´agua ya nun taría tan llimpia. Lo único qu´alliviaba un pocu la penosa xera yeren los cotilleos que se facíen; vamos, la prensa rosa la dómina. Tiempos duros pa muyeres dures. Una entrada triste pero cola qu´aprovechamos a dicir a güeles y mas cuantu les queremos.
En Cast: Una entrada que traerá recuerdos a nuestras madres y, sobre todo, a nuestras abuelas y no precisamente buenos. Hoy, hacer la colada, es poco más que ponerle el detergente y darle al botón de la máquina de los mil programas. Decorando una casa, encontramos este utensilio que nos demuestra que no siempre fue tan fácil: había que ir al río o reguero más próximo, colocar la tabla, ponerse de rodillas en el cajón rectangular (donde se ve un cuenco que nada tiene que ver con el asunto) y comenzar a restregar la ropa pieza por pieza. La lavandera de la casa más importante solía tener el mejor sitio y la de la menos, el peor, normalmente al final de la corriente, donde el agua ya no estaría tan limpia. Lo único que aliviaba un poco la dura tarea eran los cotilleos que se hacían; vamos, la prensa rosa de la época. Tiempos duros para mujeres duras. Una entrada triste pero con la que aprovechamos a decir a madres y abuelas cuanto las queremos.

Escaezu (=olvido)

N´Ast: Nel camín a Bulnes, nun recantu, esisten cuatro cruces llabraes atoscadamente na peña y amatagaes pa casi tolos andariegos. Son el cenciellu homenaxe de los bulniegos a los vecinos que morrieren n´accidentes nesta aeria sienda. Como pue vese, ya casi nin se noten (meyor ampliar la semeya picando enriba), truñíes pol correr del tiempu y el camudamientu del pueblu, que ya ye más un centru turísticu que l´aldea de pastores que llucharen por sobrevivir nel so arispiu país. Unes cruces y unes tradiciones condenaes a un mesmu destín: l´escaezu.
En Cast: En el camino a Bulnes, en un recodo, existen cuatro cruces talladas toscamente en la roca y que pasan desapercibidas para casi todos los caminantes. Son el sencillo homenaje de los bulniegos a los vecinos que murieron en accidentes en esta aérea senda. Como puede verse, ya casi ni se notan (mejor ampliar la foto pinchando sobre ella), atacadas por el correr del tiempo y el cambio del pueblo, que ya es más un centro turístico que la aldea de pastores que lucharon por sobrevivir en su agreste país. Unas cruces y unas tradiciones condenadas a un mismo destino: el olvido.

Cocines y mitos

N´Ast: Fríu nel ambiente y hai que dir preparándose. Nes dómines nes que nun había más que cocines de lleña, esta imaxen yera de lo más habitual nos pueblos; güei, ye casi una reliquia. Calefacciones de gasoleo o elléctriques, vitrocerámiques o el gas, tan esplazando les vieyes enerxíes. No que yo viví, la reellectrificación rural fue el gran camudamientu. Antañu, un apagón podía dexanos ensin lluz hores y hasta dís. Entós, pa calecese, averábase ún a la cocina lleña (na que cocinábase tamién) y, pola nuechi, a la lluz d´una velina, nada nos distraía de la voz de los güelos y veníen al calor del llar hestories de trasgos, bruxes, güesties y seres varios. Güei, casi nin la truena con más puxu pue cola ellectricidá y TV y Internete sostituyen a güelu y güela; les cocines de lleña tan desapareciendo y los mitos queden escaecíos nun escuru requexu la biesca pasando fríu. ¡Cuantes bones alcordances tórnenme en dos semeyes!
En Cast: Frío en el ambiente y hay que ir preparándose. En las épocas que no había más que cocinas de leña, esta imagen era de lo más habitual en los pueblos; hoy, es casi una reliquia. Calefacciones de gasoleo o eléctricas, vitrocerámicas o el gas, están desplazando a las viejas energías. En lo que yo viví, la reelectrificación rural significó un gran cambio. Antes, un apagón podía dejarnos sin luz horas y hasta días. Entonces, para calentarse, se acercaba uno a la cocina de leña (en la que también se cocinaba) y, por la noche, a la luz de una velita, nada nos distraía de la voz de los abuelos y venían al calor del hogar historias de trasgos, brujas, “güestias” (procesión de ánimas) y seres varios. Hoy, casi ni la tormenta más fuerte puede con la electricidad y TV e Internete sustituyen al abuelo y a la abuela; las cocinas de leña están desapareciendo y los mitos quedan olvidados en un oscuro rincón del bosque pasando frío. ¡Cuantos buenos recuerdos me vuelven en dos fotos!

... y restaurantes de cinco tenedores

N´Ast: Que nel monte tou gusta meyor nun ye negún secretu, polo que si ya tenemos bon xéneru, el resultáu ye´l mayor luxo qu´ún puea dase, y siempres con “mesa” d´inigualables panorámiques. N´Argandobín, ante´l gran Urriellu, gociamos del patrociniu de los nuesos collacios de Panificadora Lofer (Lledíes, Llanes, gracies fonderes) en forma de tarta Santiago, de la que casi xintamos hasta´l molde. Llueu, repetimos más dís en varios d´estos magníficos restaurantes y, eso lo meyor de tou, con perbones compañíes. L´añu que vien, repetimos... y esperamos que repitan, ye la nuesa mayor ilusión ¡va un culín, como siempres a la fin, por ello!
En Cast: Que en el monte todo sabe mejor no es ningún secreto, por lo que si ya tenemos buen material, el resultado es el mayor lujo que uno se pueda dar, y siempre con “mesa” de inigualables panorámicas. En Argandobín, ante el gran Urriellu, gozamos del patrocinio de Panificadora Lofer (Lledías, Llanes, las más sinceras gracias) en forma de tarta de Santiago, de la que casi comemos hasta el molde. Luego, repetimos más días en varios de estos magníficos restaurantes y, eso lo mejor de todo, con excelentes compañías. El año que viene, repetimos... y esperamos que repitan, es nuestra mayor ilusión ¡va un culín, como siempre al final, por ello!

Suañando: otru dí d´Asturies

N´Ast:

Ya verás , cuando tú sanes,
llucerín de la mañana,
vo contate unos cuentinos
qu´enxamas yo te contara:
el del galán d´esta villa,
¿qué guetaba, qué guetaba?
guetaba a la blanca neña,
guetaba a la neña blanca,
con collarinos d´estrelles,
del xardín de l´alborada...

Emilio Palacios

Otra vegada, otru añu más, suañando una Asturies estremada, una Asturies de toos y pa toos, moderna, competitiva, del sieglu XXI, pero que respete y nun escaeza les sos tradiciones, la so hestoria, ¡la so llingua!. Una Asturies onde los sos políticos sepian pidir lo que nos corresponde y nun seyan cenciellos llacayos de los sos amos de la capital, esperando como recompensa un cargín por abaxar la tiesta y vender les esperances de los sos paisanos. Una Asturies acoyedora, como siempres, qu´abeyugue al foriatu pero sin qu´arrenuncie a lo que somos: l´Asturies, a la fin, que lleva una eternidá morando nesta bendecía tierra. Otra alborada más suañando, otru añu más un ilusu. Pese a tou: bon dí d´Asturies.
En Cast:

Ya verás, cuando tú sanes,
lucero de la mañana,
voy a contarte unos cuentinos,
que jamás yo te contara:
el del galán de esta villa,
¿qué buscaba, qué buscaba?
buscaba a la blanca niña,
buscaba a la niña blanca,
con collarinos de estrellas,
del jardin de la amanecida...

Emilio Palacios

Otra vez, otro año más, soñando una Asturias diferente, una Asturias de todos y para todos, moderna competitiva, del siglo XXI, pero que respete y no olvide sus tradiciones, su historia, ¡su lengua!. Una Asturias donde sus políticos sepan pedir lo que nos corresponde y no sean simples lacayos de sus amos de la capital, esperando la recompensa de un carguín por bajar la cabeza y vender las esperanzas de sus paisanos. Una Asturias hospitalaria, como siempre, que acoja al forastero pero sin que renuncie a lo que somos: la Asturias, al final, que lleva una eternidad en esta bendita tierra. Otro amanecer más soñando, otro año más un iluso. Pese a todo: buen día de Asturias.
(Nota: un día como hoy, pido un esfuerzo y a leer la poesía en asturiano que queda más bonita)

Un deséu

N´Ast: Güei, camudamos la entrada que teníamos cavilgada por ésta dedicada a una bona collacia y seguidora del blogue que por culpa de la xabaz crisis prevocada por cuatro “llistillos” (diba poner fíos d... pero per equí pasen neños) quedare ensin trabayu. Cuando güeye ésto, que sienta l´aliendu de tolos “irredentos” pa que tou se-y endreche y salga-y como ella espera. Queriendo guetar el llau bonu del asuntu, polo menos el campu asturianu, el so posible destín, gana una persona perválida. Equí queda´l nuesu deséu -estensible a tolos que tean n´allugamientu apaecíu- de que los vientos te seyan favoratibles.
En Cast: Hoy, cambiamos la entrada que teníamos pensada por ésta dedicada a una buena amiga y seguidora del blog que por culpa de la salvaje crisis provocada por cuatro “listos” (iba a poner hijos d... pero por aquí pasan niños) quedó sin trabajo. Cuando vea esto, que sienta el aliento de todos los “irredentos” para que todo se le enderece y le salga como ella espera. Queriendo buscar el lado bueno del asunto, por lo menos el campo asturiano, su posible destino, gana una persona muy válida. Aquí queda nuestro deseo -extensible a todos los que estén es situación parecida- de que los vientos te sean propicios.

XXXI Día de les Lletres Asturianes

N´Ast:

¡Que dolces tan los cielos

Al fenecer la tardi

Cuando nun hai un ñublu...

Cuando nun xibla un aire...

Cuando llume sereña

Selino caye... caye...

Y esnidia... y allonxana...

Y esvanécese... y vase...!

Pin de Pría

Güei, fecha señalada, dende´l ciñu y respetu a toles llingües, feliz y bon XXXI Día de les Lletres Asturianes.

En Cast:

¡Que dulces están los cielos

Al morir la tarde

Cuando no hay una nube...

Cuando no silba el aire...

Cuando la luz serena

Despacio cae... cae...

Y resbala... y se aleja...

Y se desvanece... y se va...!

Pin de Pría

Hoy, de manera especial en fecha tan señalada, pido un esfuerzo para leer la poesía en asturiano, merece la pena por lo bonita que es. Desde el cariño y respeto a todas las lenguas, feliz y buen XXXI Día de las Letras Asturianas.

Caleyada con homenaxe

N´Ast: Son dis de mal tiempu, con ñeve, y igual nun nos apitez facer grandes caleyaes. Entós, eleximos d´algo cenciellu, comu pue ser un paseín pol Cordal del Fitu, nel Sueve. Nun por fácil ye menos prestosu: el Babú tiñíu de blanco (primer semeya) o la perguapa vista de la costa dende´l Picu Gavia (semeyes segunda y tercera), son una amuesa d´ello. Y comu homenaxe, una güeyadina al Castru Caravia -nel que notamos lo que sedríen les sos defenses perfiláes pola ñeve (cabera imaxen)- p´alcordanos del so descubridor y estudiosu, Aurelio de Llano. Los métodos emplegaos por esti gran etnógrafu caraviense güei puen paecer pocu acertaos pa dalgunos, pero nun pue ñegase que gracies al so puxu, percorriendo Asturies d´Oriente a Occidente, la nuesa cultura llariega ye un pocu más conocía. Una güeyadina a un castru en memoria d´esti gran home y de los que llucharon y lluchen porque lo nueso nun muerra.
En Cast: Son días de mal tiempo, con nieve, e igual no nos apetece hacer grandes caminatas. Entonces, elegimos algo sencillo, como puede ser un paseíto por el Cordal del Fitu, en el Sueve. No por fácil es menos intersante: el Babú teñido de blanco (primera fotografía) o la preciosa vista de la costa desde el Picu Gavia (fotos segunda y tercera), son una muestra de ello. Y como homenaje, una mirada al Castro de Caravia -en el que intuímos lo que serían sus defensas perfiladas por la nieve (última imagen)- para acordarnos de su descubridor y estudioso, Aurelio de Llano. Los métodos utilizados por este gran etnógrafo caraviense hoy pueden parecer poco acertados para algunos, pero no puede negarse que gracias a su esfuerzo, recorriendo Asturias de Oriente a Occidente, nuestra cultura autóctona es un poco más conocida. Una mirada a un castro en memoria de este gran hombre y de los que lucharon y luchan porque lo nuestro no muera.

Llavaderos

N´Ast: Ya que falamos de los bebederos, nun podemos dexar escaecíos los llavaderos, porque ¡que guapo ye abrir la canilla y que salga l´agua! pero, fae unos añucos, la cosa nun yera tan fácil. Na dómina de nueses bisagüeles, güeles ya incluso madres, les cañeríes nun algamaben a la mayoría les cases y yera un duru trabayu trayer el llíquidu elementu necesariu pa les xeres doméstiques en cubos y baldes. ¡Y nun digamos ná de facer la colada!: pa eso yeren estes fechures...¡cuando les había!, si non, al ríu o regatu más averau directamente. Esta desagradecía y dura, durísima llabor, siempres cincó a les muyeres: como exemplu prácticu, nun pueblín de Picos d´Europa, alcontramos a esta neñina llavando la ropa la muñeca como-y entailó la so güela que facía ella nos sos años mozos. La caltenencia d´estos elementos arquitectónicos nun ye solu un asuntu de padremuñu etnográficu, tien de ser un homenaxe n´alcordanza de les muyeres asturianes d´antanu: elles, cola so entrega aselada y casi enxamás reconocía, agabitaron, tantu o más que los homes, a forxar l´Asturies que conocemos.
En Cast: Ya que hablamos de los bebederos, no podemos dejar olvidados los lavaderos, porque ¡que bonito es abrir el grifo y que salga agua! pero, hace unos añitos, la cosa no era tan fácil. En la época de nuestras bisabuelas, abuelas e incluso madres, las tuberías no llegaban a la mayoría de las casas y era un duro trabajo traer el líquido elemento necesario para las tareas domésticas en cubos y baldes. ¡Y no digamos nada de hacer la colada!: para eso eran estas construcciones...¡cuando las había!, si no, al río o reguero más próximo directamente. Esta desagradecida y dura, durísima labor, siempre correspondió a las mujeres: como ejemplo práctico, en un pueblín de Picos de Europa, encontramos a esta niñita lavando la ropa de su muñeca como le había contado su abuela que hacía ella en sus años mozos. La conservación de estos elementos arquitectónicos no es solo una cuestión de patrimonio etnográfico, tiene que ser un homenaje en memoria de las mujeres asturianas de antaño: ellas, con su entrega silenciosa y casi nunca reconocida, contribuyeron, tanto o más que los hombres, a forjar la asturias que conocemos.

Una alcordanza de Fidel

N´Ast: Esta yera la cabaña d´un pastor en La Bastañar: Fidel. Dementres munchos años, conocimos meyor esta estaya la Montaña Cuadonga gracies a les sos enseñances. Güei, ya nun sube a la mayada: ye otra de les baxes pola edá d´un duru trabayu qu´aporta a nos dende´l Neolítico y qu´agora aboquia por falta del necesariu relevu xeneracional. Fidel retirose y alenda seliquino en Teleña, amirando con señardá la montaña y esperando l´intre de tornar dafechu a ella.
En Cast: Esta era la cabaña de un pastor en La Bastañar: Fidel. Durante muchos años, conocimos mejor esta parte de la Montaña de Cuadonga/Covadonga gracias a sus enseñanzas. Hoy, ya no sube a la majada: es otra de las bajas por edad de un duro trabajo que llega a nosotros desde el Neolítico y que ahora agoniza por falta del necesario relevo generacional. Fidel se jubiló y vive tranquilamente en Teleña, mirando con nostalgia la montaña y esperando el momento de volver para siempre a ella.

Un murniu cabu d´añu (Un triste aniversario)

N´Ast: El domingo pasáu, 30 d´Agostu, averámonos a conocer los Altos de Braniella, nel Macizo Oriental de Picos d´Europa (los de la primer semeya), y quiso la ventura que coincidiéramos col cabu d´añu d´una traxedia asocedía nesta fastera fae xustu 27 años: una montañera inglesa sufría una mancadura y yera socorría pola Guardia Civil de Montaña (GREIM). Como les condiciones meteorolóxiques nun yeren bones (densa borrina nos altos), baxaren n´angarielles la fería a un llugar más afayadizu pa subila a un helicóptero, cerque los Invernales de Sotres. Tres despegar camín de Braniella y metese na borrina, el aparatu estampose escontra la lladera, morriendo los sos ocupantes, incluyía la rescatada (más macabro, imposible). Estes cruces (la segunda semeya), feches con parte de los múltiples cachos que queden del accidente pol terrén (les dos caberes imáxenes), alcuérdennos la fatalidá d´aquel 30 d´Agostu de 1.982 y, de pasu, que seyamos aposentaos cuando salgamos a conocer y gociar de les maravielles del País, nun finen pagando los nuesos enquivocos los que nos arrodien.

En Cast: El domingo pasado, 30 de Agosto, nos acercamos a conocer los Altos de Braniella, en el Macizo Oriental de Picos de Europa (los de la primera foto), y quiso la casualidad que coincidiéramos con el aniversario de una tragedia sucedida en esta zona hace justo 27 años: una montañera inglesa sufría un accidente y era socorrida por la Guardia Civil de Montaña (GREIM). Como las condiciones meteorológicas no eran buenas (densa niebla en las partes altas), bajaron en camilla a la herida hasta un lugar apropiado para subirla a un helicóptero, cerca de los Invernales de Sotres. Tras despegar en dirección a Braniella y entrar en la niebla, el aparato se estrelló contra la ladera, falleciendo sus ocupantes, incluida la rescatada (más macabro, imposible). Estas cruces (foto segunda), hechas con parte de los múltiples trozos que quedan del accidente en el terreno (dos últimas imágenes), nos recuerdan la fatalidad sucedida aquel 30 d´Agosto de 1.982 y, de paso, que seamos prudentes cuando salgamos a conocer y gozar de las maravillas del País, no acaben pagando nuestros errores los que nos rodean.

El moribundu centenariu

N´Ast: El personaxe de güei ye eso, centenariu: el Glaciar del Jou Negru. Bono, el probe ya nun algama ni a éso, ya quedare en Xeleru. Estes fríxides formaciones tuvieren la so dómina de sonadía fae unos 40.000 años (ná, antayeri) nel periodu nomau de Würm. Hubo estayes más fríes (Würm III y Würm IV) y otres más encaldiáes (Würm III-IV) y, a la fin d´esta era glaciar, empecipió un retrocesu qu´esanició los xelos prehestóricos nos Picos d´Europa fae unos 10.000 años. Antoxos del clima, una piquiña era glaciar empecipió nel sieglu XVI, la nomada Piquiña Edá del Xelu, qu´algamó el so fin a mediaos del sieglu XIX y formare los xelos glaciares que conocemos güei. Fuere el canciu del cisne: dende entós el retrocesu ye imparatible. Nel Jou Negru, al pie del Torrecerredo (fondo de la primer semeya), queden unos 14 metros de gordor de xelu centenariu y, como dixere ya, xúlgase xeleru: perdiere l´actividá erosiva propia d´un glaciar. Como col cambeu climáticu actual calcúlase que desapaecerá en el 2.025 (y con elli todos los glaciares de la Cordalera), cada vegada qu´espericamos por aquellos altos, echamos-y un güeyín por si tenemos que despedinos d´un vieyu collaciu qu´esmúzsenos ente los deos. (Pa saber más: "La Pequeña Edad del Hielo en los Picos de Europa. Análisis y reconstrucción del avance glaciar histórico (s. XIX)". Juan José González Trueba. Servicio de Publicaciones de la Universidad de Cantabria)

En Cast: El personaje de hoy es eso, centenario: el Glaciar del Jou Negro. Bueno, el pobre ya no llega ni a éso, se quedó en helero. Estas frígidas formaciones tuvieron su época de esplendor hace unos 40.000 años (nada, anteayer) en el periodo llamado de Würm. Hubo etapas más frías (Würm III y Würm IV) y otras más cálidas (Würm III-IV) y, al fin de esta era glaciar, comenzó un retroceso que extinguió los hielos prehistóricos en los Picos de Europa hace unos 10.000 años. Caprichos del clima, una pequeña era glaciar comenzó en el siglo XVI, la llamada Pequeña Edad del Hielo, que alcanzó su fin a mediados del siglo XIX y formó los hielos glaciares que conocemos hoy. Fue el canto del cisne: desde entonces el retroceso es imparable. En el Jou Negro, al pie del Torrecerredo (en la primera foto al fondo), quedan unos 14 metros de espesor de hielo centenario y, como dije ya, se considera helero: perdió la actividad erosiva propia de un glaciar. Como con el cambio climático actual se calcula que desaparecerá en el 2.025 (y con él todos los glaciares de la Cordillera), cada vez que subimos por aquellos altos, le echamos un ojo por si tenemos que despedirnos de un viejo amigo que se nos escurre entre los dedos. (Para saber más: "La Pequeña Edad del Hielo en los Picos de Europa. Análisis y reconstrucción del avance glaciar histórico (s. XIX)". Juan José González Trueba. Servicio de Publicaciones de la Universidad de Cantabria)

25 de Xunetu/Julio: Santiago

N´Ast: ¿Qué tienen en común les dos semeyes d´enriba? pues que les dos tan rellacionaes col Camín de Santiago al so pasu per Asturies. La primera, la de la bolera: paez qu´esti xuego ye una más de les importaciones culturales que nos algamaren por esta vía milenaria. Aportare hacia el siglu XI y fuere evolucionando a lo que conocemos güei. La segunda, la flecha: amuesa la direción a siguir a los pelegrinos que facen el Camín. Tan brochaes por xente que lo fae de mou y manera desinteresao, presones que dediquen el so tiempu llibre a ello. Una d´elles ye Vicente Álvarez Rivero (Vicente pa los collacios), al que dedico la entrada: pela so amistanza y por amosanos con pacencia y ciñu lo que ye y significa el Camín. Espero que dalgún díe se conoza lo que fae y esmolezse por Él. Y de pasu que garren exemplu les autoridaes (in)competentes: que caltengan afayaizu un camín pol que pasen miles de pelegrinos y más de cara al cercanu Añu Xacobeu (en 2010), pa qu´Asturies recupere el puxu que tien nesta hestórica vía como creadora de les primeres pelegrinaciones na dómina del Reinu Astur con Alfonso II (facedor del güei llamau Camín Primitivu), y como estaya perseñalada de la mesma: "Quién va a Santiago y no a San Salvador (d´Uvieo), visita al criáu y no al Señor". Amén.
En Cast: ¿Qué tienen en común las dos fotos de arriba? pues que las dos están relacionadas con el Camino de Santiago a su paso por Asturias. La primera, la de la bolera: parece ser que este juego es una más de las importaciones culturales que nos llegaron por esta vía milenaria. Ocurrió hacia el siglo XI y luego fue evolucionando hacia lo que conocemos hoy. La segunda, la flecha: muestra la dirección a seguir a los peregrinos que hacen el Camino. Están pintadas por gente que lo hace desinteresadamente, personas que dedican su tiempo libre a ello. Una de ellas es Vicente Álvarez Rivero (Vicente para los amigos), al que dedico la entrada. Por su amistad y por enseñarnos con paciencia y cariño lo que es y significa el Camino. Espero que algún día se reconozca lo que hace y se preocupa por Él. Y de paso que tomen ejemplo las autoridades (in)competentes: que mantengan decente un camino por el que pasan miles de peregrinos y más de cara al próximo Año Jacobeo (en 2010), para que Asturias recupere la importancia que tiene en esta histórica vía como creadora de las primeras peregrinaciones en la época del Reino Astur con Alfonso II (creador del hoy llamado Camino Primitivo), y como parte destacada de la misma: "Quién va a Santiago y no a San Salvador (de Uvieo/Oviedo), visita al criado y no al Señor". Amén.

Les madreñes a la puerte

N´Ast: Nun cenciellu paséu pola aldea, munches vegaes surden momentos pa la señardá. Un domingo cualquier, d´un mes cualquier, nuna casa del mariñán pueblu de Lluces, alcontramos esti cuadru. Asina yera como los mios güelos "aparcaben" les madreñes a la puerte de casa. A nosotros, neños entós y "señoritos de ciudá" (aaaayyy la mio muyer, como se ríe de mi), siempres nos llamaren l´atención, y xugábamos a calcianos y correr colos "zapatos de madera" qu´Isaura y Pepe teníen llistos n´aquel requexu pa, al salir de la vivienda en zapatilles y sin quitales, calcialos y dir a facer la llabor que correspondiere. Col maxín d´aquellos años, entrugábamos-yos cómo yera posible caminar d´aquel xeitu y con "aquello", y ellos, cola paciencia y el saber que da la vida, decíen que yera de lo más afayadizo y calentino. Tamién cuntaben, ente otres hestories, qu´anantes, lo más normal era dir a la plaza, a misa, al chigre... y alcontrar munchos pares esperando a los sos dueños a la puerte. Güei, ya casi naide emplega madreñes y naide nun me cunta estes hestories, pero de xuru, qu´allá onde ten mios güelos, nómese como se nome (Parayisu, Edén, Cielu...) y allende quién allende la entrada (¿San Pedro?), tendrán los sos dos pares de madreñes a la puerte.

En Cast: En un simple paseo por la aldea, muchas veces surgen momentos para la añoranza. Un domingo cualquiera, de un mes cualquiera, en una casa del costero pueblo de Lluces, encontramos este cuadro. Así era como mis abuelos "aparcaban" las madreñas (calzado asturiano de madera) a la puerta de casa. A nosotros, niños entonces y "señoritos de ciudá" (aaaay, mi mujer como se ríe de mi), siempre nos llamaron la atención, y jugábamos a calzarnos y correr con los "zapatos de madera" que Isaura y Pepe tenían listos en aquel rincón para, al salir de la vivienda en zapatillas y sin quitárselas, calzarlos e ir a realizar la labor que tocara. Con la imaginación de aquellos años, les preguntábamos cómo era posible caminar de aquella manera y con "aquello", y ellos, con la paciencia y el saber que da la vida, decían que era lo más cómodo y calentito. También contaban, entre otras historias, que antes, lo más normal, era ir al mercado, a misa, al "chigre" (bar en Asturias)... y encontrar muchos pares esperando a sus dueños a la puerta. Hoy en día, ya casi nadie usa madreñas y nadie me cuenta estas historias, pero estoy seguro, que allí donde estén mis abuelos, llámese como se llame (Paraiso, Edén, Cielo...) y cuide quién cuide la entrada (¿San Pedro?), tendrán sus dos pares de madreñas a la puerta.