Les muyeres tamién

N´Ast: Ye guapo que nun desanicien les tradiciones; más, que participe xente moza. Pero´l cumal ye que lo fagan tamién les muyeres. Elles fueren demientres munchos años les sacrificaes del mundiu rural (y del urbanu, pero éso pa otru dí) y nun podíen participar en coses consideraes pa paisanos, siendo arrequexaes a llabores que camentábense afayaíces pal so sexu. Por eso, qu´agora franzan torgues y empecipien a xulgar a los bolos, ente otres coses, ye una buena nueva, pues ente toos más lloñe algamaremos. Pola cara que pon el entrenador, paez que van facer falta hores de práctica, pero ¡ánimu! que nadie nació deprendíu y con puxu tou pue superase.
En Cast: Es bonito que las tradiciones no se pierdan; más, que participe gente joven. Pero lo máximo es que lo hagan también las mujeres. Ellas fueron durante muchos años las sacrificadas del mundo rural (y del urbano, pero éso para otro día) y no podían participar en cosas consideradas para hombres, siendo arrinconadas a labores que se pensaban apropiadas para su sexo. Por eso, que ahora rompan barreras y comiencen a jugar a los bolos, entre otras cosas, es una buena noticia, pues entre todos más lejos llegaremos. Por la cara que pone el entrenador, parece que van a hacer falta horas de práctica, pero ¡ánimo! Que nadie nació aprendido y con esfuerzo todo puede superarse.

Cola Ilesia atopamos

N´Ast: O mas bien la Ilesia atopó con un güesu duru de royer: hailos que nun tienen llercia a los arrepresentantes de Dios na tierra y nun dulden en dicir la verdá (o la qu´ellos creyen que ye la verdá). Picando enriba la semeya p´ampliala, güeyaréis la que cuenta esti paisano d´Espinama (Liébana) ensin pelos na llingua. Al señor obispu vale-y más dir ensin sotana, d´incógnitu, si s´avera pol pueblu y al presuntu mercador, guardar les perres embaxo´l xergón y dir d´hotel, qu´aforrará en disgustos.
En Cast: O mas bien la iglesia topó con un hueso duro de roer: los hay que no tienen miedo a los representantes de Dios en la tierra y no dudan en decir la verdad (o la que ellos creen que es la verdad). Pinchando sobre la foto para ampliarla, veréis la que cuenta este hombre de Espinama (Liébana) sin pelos en la lengua. Al señor obispo le vale más ir sin sotana, de incógnito, si se acerca por el pueblo y al presunto comprador, guardar el dinero bajo el colchón e ir de hotel, que ahorrará en disgustos.

¿Astur o ástur?

N´Ast: Güei, una cosa pendiente: por qué lo correctu ye ástur y ástures, asina, col acentu na “a” y, por ello, con tilde. Nun boletín del añu 1977 del entós IDEA (Institutu d´Estudios Asturianos) desplícalo mui fácil D. José Luis Moralejo: estes pallabres son cultismos importaos directamente del llatín a les nueses llingües (asturianu y castellanu) y, por tantu, tienen de caltener l´acentución llatina d´orixen (na nomada “a”), onde, por ciertu, nun esisten tildes, éstes son un amestu al adaptales a les normes actuales. L´enguedeyu xurde con un topónimu como por exemplu Asturies, pallabra que sí sufrió procesu tresformador del llatín a les llingües romances camudando la so acentuación: empobinaos por ésta, la xente quier pronunciar igual aquelles cuando les ve. Ye difícil y cuesta, pero intentemos facelo bien: ástur, ástures y, polo mesmo, ríu Ástura.
(Imaxen obra de Gonzalo Xil pal CD “Tornando al abeyugu´l llar” de Brenga Astur, gracies fonderes, lo mesmo que pa Jorge Camino Mayor por apurrime´l nomáu boletín)
En Cast: Hoy, una cosa pendiente: por qué lo correcto es ástur y ástures, así, con el acento en la “a” y, por ello, con tilde. En un boletín del año 1977 del entonces IDEA (Instituto de Estudios Asturianos) lo explica muy fácil D. José Luis Moralejo: estas palabras son cultismos importados directamente del latín a nuestras lenguas (asturiano y castellano) y, por tanto, tienen que mantener la acentuación latina de origen (en dicha “a”), donde, por cierto, no existen tildes, éstas son un añadido por la adaptación a la normativa actual. El lío surge con un topónimo como por ejemplo Asturias, palabra que si sufrió proceso transformador del latín a las lenguas romances cambiando su acentuación: guiados por ésta, la gente quiere pronunciar igual aquellas cuando las ve. Es difícil y cuesta, pero intentemos hacerlo bien: ástur, ástures y, por lo mismo, río Ástura.
(Imagen obra de Gonzalo Gil para el CD “Tornando al abeyugu´l llar” de Brenga Astur, gracias de corazón, al igual que para Jorge Camino Mayor por proporcionarme el citado boletín)

XXXII Día de les Lletres Asturianes

N´Ast: Güei ye un dí pa la esperanza, pa camentar que l´asturianu ye una llingua como cualquier otra, coles sos vertudes y los sos defectos, pero sobre tou, una llingua llibre que tien que poder falar el que quiera nes mesmes condiciones que´l que lo fae n´otra: nun ye´l dí d´emponer ná a nadie, simplemente ye´l d´aparexar les coses. ¡Hasta´l presidentín que dementres doce años dio-y toa la caña que pudo lleó un poemín n´asturiano! (dicen qu´agora tien un esguince llingual). Xunámonos esta xornada d´allegría a la nuesa llingua llariega, pequeña en falantes pero grande n´alma: la de tolos que llograren qu´aportara hasta nos. Güei, anque seya nun intre, fagamos dalgo pol asturianu, nun dexemos que muerra.
En Cast: Hoy es un día para la esperanza, para pensar que el asturiano es una lengua como cualquier otra, con sus virtudes y sus defectos, pero sobre todo, una lengua libre que tiene que poder hablar el que quiera en las mismas condiciones que el que lo hace en otra: no es el día de imponer nada a nadie, simplemente es el de igualar las cosas. ¡Hasta el presidentillo que durante doce años le dio toda la caña que pudo leyó un poema en asturiano! (dicen que ahora tiene un esguince lengual). Unámonos esta jornada de alegría a nuestra lengua autóctona, pequeña en hablantes pero grande en alma: la de todos los que lograron que llegara hasta nosotros. Hoy, aunque sea durante un instante, hagamos algo por el asturiano, no dejemos que muera.

De la playa a la pantalla

N´Ast: Les bones idees, a base de puxu, abondu puxu, espoxiguen. L´añu pasáu, nacía “De la playa a la pantalla” y ésti, gracies al enfotu y duru trabayu de Toral, tenemos la segunda edición. Si consideramos la constancia como dalgo proporcional al pesu físicu, la d´esti home triplica o cuatruplica el suyu (nun t´anoxes Manuel, ye un chiste malu fechu con tol ciñu), lo que fae qu´esta vegada medren novedaes y contenidos (información equí, equí más y equí otru pocu más). Merez la pena averase al teatru Riera de La Villa estos dís: folixa y amor a la Mar d´Asturies y del mundiu d´otru xeitu. ¡Animaivos!
En Cast: Las buenas ideas, a base de esfuerzo, mucho esfuerzo, crecen. El año pasado nacía “De la playa a la pantalla” y éste, gracias al empeño y duro trabajo de Toral, tenemos la segunda edición. Si consideramos la constancia como algo proporcional al peso físico, la de este hombre triplica o cuadriplica el suyo (no te enfades Manuel, es un chiste malo hecho con todo el cariño), lo que hace que esta vez aumenten novedades y contenidos (información aquí, aquí más y aquí otro poco más). Merece la pena acercarse al teatro Riera de La Villa/Villaviciosa estos días: diversión y amor a la Mar de Asturias de otra manera. ¡Animaros!

Navidá

N´Ast: N´esta dómina de bones voluntaes y deseos, nun vamos ser menos, esperando qu´a tolos que perdéis unos minutinos a la selmana pa siguinos se vos cumpla tou lo qu´aseñardáis. Pa los políticos, tiesta pa guiar pol bon camín a los pueblos que los nomamos y pa sacanos del furacu nel que nos metieren. Y por supuestu, munchu turrón y sidra champanada d´estes marques a cuenta d´esta casa: va por vosotros, Collacios Irredentos, ¡salú!
En Cast: En esta época de buenas voluntades y deseos, no vamos a ser menos, esperando que a todos los que perdéis unos minutillos a la semana para seguirnos se os cumpla todo cuanto añoráis. Para los políticos, cabeza para guiar por el buen camino a los pueblos que los nombramos y para sacarnos del agujero en el que nos metieron. Y por supuesto, mucho turrón y sidra champanada de estas marcas a cuenta de esta casa: va por vosotros, Amigos Irredentos, ¡salud!

Bon Camín

N´Ast: Tres d´una parada técnica forzosa, tornamos con una bona anuncia. Por fin Ana y Vicente decidiéronse a poner toa la so conocencia y el so amor pol Camín na rede. Nel so blogue, elcaminodesantiagodesdeasturias.blogspot.com, alcontramos información, hestories, curiosidaes y personaxes d´esta vía milenaria, tresmisora de cultura, al so pasu por Asturies. Pa los andarines, un bon mou de conocer les faces de la ruta y afalase a facer dalguna, onde escubriremos requexos plasmantes (na semeya, el Cornión- Macizo Occidental de los Picos d´Europa- dende´l pasu por Bricia, Llanes). Y tou´l trabayu fechu por dos persones que sienten, quieren y caltienen el Camín de Santiago como una parte de la so ánima. Repetimos: una perbona anuncia y agora si que Bon Camín.
En Cast: Tras una parada técnica obligada, volvemos con una buena noticia. Por fin Ana y Vicente se decidieron a poner todo su conocimiento y amor por el Camino en la red. En su blog, elcaminodesantiagodesdeasturias.blogspot.com, encontramos información, historias, curiosidades y personajes de esta vía milenaria, trasmisora de cultura, a su paso por Asturias. Para los andarines, una buena manera de conocer las etapas de la ruta y animarse a realizar alguna, donde descubriremos rincones sorprendentes (en la foto, el Cornión- Macizo Occidental de los Picos de Europa- desde el paso por Bricia, Llanes). Y todo el trabajo hecho por dos personas que sienten, quieren y mantienen el Camino de Santiago como parte de su alma. Repetimos: una muy buena noticia y ahora si que Buen Camino.

Corriendo pol monte

N´Ast: El domingo cellebróse nel pueblín llaniscu de Los Carriles la XVII Subida al Benzúa. Esta preba escomenzó a facese como una actividá más de los festexos del pueblu y fuere medrando medrando hasta camudase nuna de les más señaláes de la Copa d´Asturies, ya independiente del so raigañu (da un pocu murnia, pero les coses son asina). Da hasta medrana ver a estos “llocos de les cumes” (dicho con ciñu) correr ente peñes, pero de mou especial cuando baxen ¡ablucante! Una vegada a l´añu préstanos velo, sobre tou nun picu y un paisaxe de los más guapos del mundiu. Eso sí, participar ya ye otra cosa: sigo col mio monte pasín a pasín, con semeyes y, sobre tou, col bocáu nes altures, de cinco estrelles Michelín que ná aparexa. (A los participantes y organizadores: siguíi por favor mirando pola llimpieza y caltenencia de la Ñatura)
En Cast: El domingo se celebró en el pueblín llanisco de Los Carriles la XVII Subida al Benzúa. Esta prueba comenzó a realizarse como una actividad más de las fiestas del pueblo y fue creciendo creciendo hasta convertirse en una de las más importantes de la Copa de Asturias, ya independiente de su origen (da un poco de pena, pero las cosas son así). Da hasta miedo ver a estos “locos de las cumbres” (dicho con cariño) correr entre peñas, pero de manera especial cuando bajan ¡alucinante! Una vez al año nos gusta verlo, sobre todo en un pico y un paisaje de los más hermosos del mundo. Eso sí, participar ya es otra cosa: sigo con mi monte pasito a pasito, con fotos y, sobre todo, el bocadillo en las alturas, de cinco estrellas Michelín que nada iguala. (A los participantes y organizadores: seguid por favor mirando por la limpieza y conservación de la Naturaleza)

Perguapu pueblín de Llastres

N´Ast: En delles ocasiones ya comentamos lo que nos presta esta villa marinera. Y la bona noticia ye qu´agora vamos saber más d´elli gracies a una de les persones llastrines que meyor la conocen. Nel so blogue, caleyandomundiualantre.blogspot.com, conoceremos hestories (como la de la Torre del Reló), mitos y lleendes (otra vegada la Torre del Reló), paisaxes, personaxes... vamos, tou lo qu´arrodia a la parroquia de Santa Mª de Sábada (pa entendenos, Llastres y Lluces), y de regalu, dalguna cosina más. Tamos de norabona, esto si ye una guapa realidá y non la qu´arrepresenta´l doctor Mateo.
En Cast: En algunas ocasiones ya comentamos lo que nos gusta esta villa marinera. Y la buena noticia es que ahora vamos a saber más de ella gracias a una de las personas llastrinas que mejor la conocen. En su blog, caleyandomundiualantre.blogspot.com, conoceremos historias (como la de la Torre del Reloj), mitos y leyendas (otra vez la Torre del reloj), paisajes, personajes... vamos, todo lo que rodea a la parroquia de Santa Mª de Sábada (para entendernos, Llastres/Lastres y Lluces/Luces), y de regalo, alguna cosita más. Estamos de enhorabuena, esto si es una bonita realidad y no la que representa el doctor Mateo.

Una de recordatorios

N´Ast: Cada vegada abonden más polos montes toa triba d´alcordances de xente que tuviere rellación coles cumes. Personalmente, a mi préstame atopalo tou llimpio, ensin nada, llibre d´elementos urbanos, guetando sensaciones estremaes a les de les ciudades. Pero bonu, dalgunos d´estos recordatorios nun dexen de llamanos l´atención, como ésti na memoria d´ún aficionáu a la bici montaña. Orixinal, ye orixinal, nunca viere dalgo apaecío, aunque pa mi, lo principal nestos casos, ye nun escaecer a estos seres queríos nos nuesos corales, non los aspectos esternos.

En Cast: Cada vez abundan más por los montes toda clase de recuerdos de gente que tuvo relación con las cumbres. Personalmente, a mi me gusta encontrarlo todo limpio, sin nada, libre de elementos urbanos, buscando sensaciones diferentes a las de las ciudades. Pero bueno, algunos de estos recordatorios no dejan de llamarnos la atención, como éste en memoria de un aficionado a la bici de montaña. Original, es original, nunca vi algo parecido, aunque para mi, lo principal en estos casos, es no olvidar a estos seres queridos en nuestros corazones, no los aspectos externos.

Otra mirada a la costa

N´Ast: Tirando de tópicu, Asturies ye mar y montaña. D´ésta cabera damos equí la nuesa impresión a menudu, polo que güei lo que quiero ye animavos a conocer la que tien de la mar el collaciu Toral (equí güéyase dalgo) y el so garrapiellu de compañeros de surf. El prósimu vienres, 30 d´Abril, a les 20:30 hores nel Teatru Riera de La Villa, pondránnos una amuesa del so trabayu "asemeyador": una vista del País dende l´agua, con unes perguapes panorámiques marines, munchu meyores que la mía qu´illustra la entrada y fecha dende tierra. Ñidio: dalgunos solo vamos a la playa a moyar el deu gordu. Animáivos a pasar, ye otra mirada estremada de la costa.

En Cast: Tirando de tópico, Asturias es mar y montaña. De ésta última damos aquí nuestra impresión a menudo, por lo que hoy lo que quiero es animaros a conocer la que tiene de la mar el amigo Toral (aquí un adelanto) y su grupo de compañeros de surf. El próximo viernes, 30 de Abril; a las 20:30 horas en el Teatro Riera de La Villa/Villaviciosa, nos pondrán una muestra de su trabajo fotográfico: una vista del País desde el agua, con unas hermosas panorámicas marinas, mucho mejores que la mía que ilustra la entrada y hecha desde tierra. Claro: algunos solo vamos a la playa a mojar el dedo gordo. Animaros a pasar, es otra mirada diferente de la costa.

Una presentación interesante

N´Ast: Fae un tiempu falamos nuna entrada d´un guapu catecismu n´asturiano (picái equí). Pues bonu, agora l’asociación cultural de La Villa "La Compaña del Ronchel", súmase a les celebraciones del Día del Llibru presentando la reedición d’esti curiosu llibrín, “Los artículos de la fe”, publicáu en 1916 por D. Luis Sánchez García, siendo párrocu de Samartín de Vallés y Sietes, nel conceyu maliayu. L’actu sedrá nel Teatru Riera de Villaviciosa, el prósimu Vienres 23 d’Abril, a les 19 hores. Intervendrán: Lluis Portal Hevia (Asociación "La Compaña del Ronchel"), Roberto González-Quevedo (Secretariu de l’Academia de la Llingua, entidá coorganizadora del actu) y Manuel Busto Alonso (Alcalde de Villaviciosa). Creo que ye dalgo interesantre, porque dignifica la nuesa llingua y amuesa que sirve hasta pa falar coles "altures" (a ver si lo atalanta asina el nuevu obispu). Si podéis averavos, sedréis bienafayaos.

En Cast: Hace un tiempo hablamos en una entrada de un bonito catecismo en asturiano (dar aquí). Pues bueno, ahora la asociación cultural de La Villa/Villaviciosa "La Compaña del Ronchel", se suma a los actos del Día del Libro presentando la reedición de este curioso librito, "Los artículos de la fe", publicado en 1916 por D. Luis Sánchez García, siendo párroco de Samartín de Valles y Sietes, en el concejo maliayo. El acto será en el Teatro Riera de La Villa/Villaviciosa, el próximo Viernes 23 de Abril, a las 19 horas. Intervendrán: Lluis Portal Hevia (Asociación "La Compaña del Ronchel"), Roberto González-Quevedo (Secretario de la Academia de la Llingua, entidad coorganizadora del acto) y Manuel Busto Alonso (Alcalde de La Villa/Villaviciosa). Creo que es algo interesante, porque dignifica nuestra lengua (en este caso, la asturiana) y muestra que sirve hasta para hablar con las "alturas" (a ver si lo entiende así el nuevo obispo). Si podéis acercaros, seréis bienvenidos.

El meyor corte

N´Ast: Perguapos cierros de madera o bonos palos pa caminar son dalgunos de los avíos que nos ufierta la madera de los cientos de viesques del País. Y lo que nos amosa´l saber científico-popular ye la meyor dómina pa tronzala: el menguante Xineru. Esti mes la sabia ta más posada (ciencia de llibru) y la meyor fase la Lluna pa xeres de corte ye ésa (ciencia popular), asina que, sumando los dos factores, tenemos que tamos na meyor selmana l´añu pa facenos con una bona vara ablanu pa les nueses aventures montañeres ¡Aprovechái! pero güeyu, con tol respetu que meriten los nuesos collacios los árboles: garrái sólo lo que vos faiga verdadera falta. Gracies fonderes a Vicente Álvarez Rivero por alcordame esti perimportante saber.

En Cast: Bonitos cierres de madera o buenos palos para caminar son algunas de las utilidades que nos ofrece la madera de los cientos de bosques del País. Y lo que nos enseña el saber científico-popular es la mejor época para serrarla: el menguante de Enero. Este mes la sabia está más parada (ciencia de libro) y la mejor fase de la Luna para tareas de corte es ésa (ciencia popular), así que, sumando los dos factores, tenemos que estamos en la mejor semana del año para hacernos con una buena vara de avellano para nuestras aventuras montañeras ¡Aprovechad! pero ojo, con todo el respeto que merecen nuestros amigos los árboles: coged solo lo que os haga verdadera falta. Mis más sinceras gracias a Vicente Álvarez Rivero por recordarme este importante conocimiento.

Los Reis Magos y el carbón

N´Ast: Los años pasen, ún xorrez y va escubriendo coses. Primero, que los Reis Magos son... (nun digo más por si hai xente pequeña lleendo). Agora, el por qué de los tres presentes al Neñu: oro, tributo a un rei; incienso, adoranza a un dios; y mirra, gasayu a un home. Nel futuru, quédame por saber d´onde vien la mala fama del carbón nesta hestoria: nuna Asturies na que muncha xente dexó´l sudu ya incluso la vida por arrincalo y na qu´hasta fai pocu yera fonte de bayura, esti prietu mineral merez una consideranza meyor... creyo yo, vamos.
En Cast: Los años pasan, uno crece y va descubriendo cosas. Primero, que los Reyes Magos son... (no digo más por si hay gente menuda leyendo). Ahora, el por qué de los tres presentes al Niño: oro, tributo a un rey; incienso, adoración a un dios; y mirra, regalo para un hombre. En el futuro, me queda por saber de donde viene la mala fama del carbón en esta historia: en una Asturias en la que mucha gente dejó el sudor e incluso la vida por arrancarlo y en la que hasta hace poco era fuente de riqueza, este negro mineral merece una consideración mejor... creo yo, vamos.

Un bon añu

N´Ast: Nun dí como ésti, solo pueo deseavos que l´añu venideru repitáis tou lo bono del saliente y dalgo más y, lo malo, que por desgracia siempres aporta, seya lo menos malo posible. Dende cualquier talaya d´esta Asturies Irredenta nuesa: ¡Feliz Añu!

En Cast: En un día como éste, solo puedo desearos que el año próximo repitáis todo lo bueno del que se va y algo más y, lo malo, que por desgracia siempre llega, sea lo menos malo posible. Desde cualquier atalaya de esta Asturies Irredenta nuestra: ¡Feliz Año!

Comeya, el paraísu en peligru

N´Ast: Un de los llugares más interesantes de Picos d´Europa y, a la vez, de los más desconocíos; y non por falta de bones vistes dende varios miradores, si non poles sos escaecíes ayalgues botániques y ornitolóxiques, que nun numberamos equí porque enllenamos el blog. Xeolóxicamente, Comeya ye lo que nómase un polxé: una depresión zarrada de fondalada plana recorría por un regatu que somórguiase. Esta fondalada ta ocupada principalmente por mofos del xéneru Sphagnum, que son los responsables del so camudamientu en turbera (y de que garremos una bona moyadura al percorrela). Una idea tan pelegrina como querer facer un llagu artificial fue una de les munches agresiones que sufrió esti paraísu, pero ensin dulda la más gorda fue l´allugamientu del llavaderu de mineral de l´averada mina de Buh.errera. Varies compañíes mineres (The Asturiana Mines Ltd., Minas de Covadonga S.A. y Minas de Buferrera S.A. sucesivamente) operaron nesta fastera de 1899 a 1979, añu nel que l´esaniciáu ICONA zarróla. Atrás quedaren varios episodios de contaminación de ríos. Munchos son los restos que nos falen desti pasáu mineru (pilastres, escombreres... segunda semeya) pero los peores de toos, por peligrosos, son los de la estaya onde allugábense les balses de decantación del agua procedente del llaváu del mineral, que vense na cabera semeya: caltienen tonelaes del mercurio que surdía asociáu al manganeso y del cianuro qu´emplegábase pa tratalo. Ya se ficieren varios estudios pa estraelo, pero todos lleguen al mesmu puntu: polo que puea pasar, meyor dexalo que quede como ta polos sieglos de los sieglos. Sedrán munches les xeneraciones que dirán aquello de "güeyame pero nun me toques"... o "Virxencina de Cuadonga, que quedemos como tamos".

En Cast: Uno de los lugares más interesantes de los Picos de Europa y, a la vez, de los más desconocidos; y no por falta de buenas vistas desde varios miradores, si no por sus olvidades tesoros ornitológicos y botánicos, que no numeramos aquí porque llenamos el blog. Geológicamente, Comeya es lo que se denomina un poljé: una depresión cerrada de fondo plano recorrida por un arroyo que se sumerge. Este fondo está ocupado principalmente por musgos del género Sphagnum, que son los responsables de su conversión en turbera (y de que cojamos una buena mojadura al recorrerla). Una idea tan peregrina como querer construir un lago artificial fue una de las muchas agresiones que sufrió este paraíso, pero sin duda la más grave fue la colocación del lavadero de mineral de la cercana mina de Buh.errera (¡con "h" aspirada del oriente!). Varias compañías mineras (The Asturiana Mines Ltd., Minas de Covadonga S.A. y Minas de Buferrera S.A. sucesivamente) operaron en la zona de 1899 a 1979, año en que el extinto ICONA la cerró. Atrás quedaron varios episodios de contaminación de ríos. Muchos son los restos que nos hablan de este pasado minero (pilastras, escombreras... segunda foto) pero los peores de todos, por peligrosos, son los de la parte donde se localizaban las balsas de decantación del agua procedente de lavado el mineral, que se ven en la última foto: contienen toneladas del mercurio que salía asociado al manganeso y del cianuro que se empleba para tratarlo. Ya se realizaron varios estudios para extraerlo pero todos llegan al mismo punto: por lo que pueda pasar, mejor dejarlo como está por los siglos de los siglos. Serán muchas las generaciones que dirán aquello de "mírame pero no metoques"... o "Virgencita de Covadonga, que quedemos como estamos".

Ente la mar y la montaña: un País pequeñu

N´Ast: Con unos 10.565 km. cuadraos, casi 250 km. de oeste a este y un anchor mediu de 50 km., Asturies pue considerase un país más bien pequeñu. Pero nun tien porque ser dalgo malo, al contrariu: empodemos pola mañana averanos a la montaña a ver y vivir les primeres ñeves del añu y, pola tarde, de la que volvemos pa casa, pasar pola costa p´amirar la vagamar. Y pela nuechi, tovía sobra tiempu pa montar una folixa, pero eses semeyes queden pa otra vegada...

En Cast: Con unos 10.565 km. cuadrados, casi 250 km. de oeste a este y una anchura media de 50 km., Asturias puede considerarse un país más bien pequeño. Pero no tiene porque ser algo malo, al contrario: podemos por la mañana acercarnos a la montaña a ver y vivir las primeras nieves del año y, por la tarde, cuando volvemos para casa, pasar por la costa para admirar el temporal en la mar. Y por la noche, todavía sobra tiempo para armar una fiesta, pero esas imágenes quedan para otra vez...

La chatarra d´altor

N´Ast: Unos cuantos años fae ya qu´allugárense en varies mayaes de los Picos d´Europa unos termos d´enerxía solar que dicíase qu´ameyoraríen la vida los pastores. Delles persones opusiéronse a ello, altricando que nun lo fadríen y acabaríen siendo chatarra nes altures, y recibieron los habituales "afalagos dialécticos" de los de siempres. El tiempu, sabiu conseyeru, punxo les coses nel so requexu y la semeya, colos termos tiraos tres d´una muria y ente matos, preba quien tenía la razón. Dende llueu, como ya diximos varies vegaes nesti blog, que préstanos que s´ayude a pastores y ganaderos, facedores de los más guapos paisaxes d´Asturies, pero non con ocurrencies valeres, tirando les perres de cualquier manera y sin escuchar otros pareceres. ¡Home! y puestos a dar conseyos: igual que los cacharros subieren, que baxen, que queden mal abandonaos nun Parque Nacional.

En Cast: Unos cuantos años hace ya que se instalaron en varias majadas de los Picos de Europa unos termos de energía solar que se decía mejorarían la vida de los pastores. Algunas personas se opusieron a ello, alegando que no lo harían y acabarían siendo chatarra en las alturas, y recibieron las habituales "caricias dialécticas" de los de siempre. El tiempo, consejero sabio, puso las cosas en su rincón y la foto, con los termos tirados tras un muro y entre matorrales, prueba quien tenía razón. Desde luego, como ya comentamos varias veces en este blog, que nos gusta que se ayude a pastores y ganaderos, autores de los más hermosos paisajes de Asturias, pero no con ocurrencias vacías, tirando el dinero de cualquier manera y sin escuchar otros pareceres. ¡Hombre! y puestos a dar consejos: igual que los aparatos subieron, que bajen, que quedan mal abandonados en un Parque Nacional.

Una tierra xenerosa

N´Ast: ¿Quién dixo qu´esta Tierra yera desagradecía ya escosa? Pues a estos dos llabradores llaniscos de l´arrequexada aldeina de San Martín, a pocu que l´allendaron y l´afalagaron, dio-yos un frutu ¡de más de 30 kilos!. Si facemos puxu ente toos na mesma direción, n´esta Asturies xenerosa xorrecerán tamien otros frutos: los del ánima.

En Cast: ¿Quién dijo que esta Tierra era desagradecida y estéril? Pues a estos dos agricultores llaniscos de la remota aldeina de San Martín, a poco que la cuidaron y la mimaron, les dio un fruto ¡de más de 30 kilos!. Si hacemos fuerza entre todos en la misma dirección, en esta Asturias generosa crecerán también otros frutos: los del alma.

8 de Setiembre: Díe d´Asturies

N´Ast: Güei ye´l Díe d´Asturies. Pero nun solu´l de l´Asturies oficial, tamién ye´l de los que la vemos estremada: de los qu´esmoleznos que s´escaeza la llingua que nos legaren los nuesos antepasaos; de los que creyemos que pue mirase al futuru ensin despreciar el pasáu; de los que vemos con murnia como s´esbarrumba´l nuesu patrimoniu etnográficu y los encargaos d´amparalu nun faen un res, lo mesmo que col nuesu arte asturiano patrimoniu de la humanidá; de los que sofitamos y necesitamos que nos sofiten otros países del Estáu. Esta xente solu somos namoraos del nuesu País- porque, si nun amamos lo de nueso ¿como vamos amar lo de los otros?- y queremos amosalu perguapu y acoyedor a los demás pa qu´ellos tamién lu amen. Y dende llueu que nun somos peligrosos "estremistas-terroristas" como quieren facer creyer: si dalguien llee a Xovellanos ¿atrévese a pone-y esti axetivu al gran illustrau xixonés?. Esta tierra agospedadora nun ye más grande que nenguna, pero tampoco más pequeña. Esta tierra ye la d´un pueblu milenariu: echemos-y un gavitu pa qu´esta Asturies Irredenta, estremada de la versión oficial, nun muerra. Feliz díe y ¡Puxa Asturies!

En Cast: Hoy es el Día de Asturias. Pero no solo el de la Asturias oficial, también es el de los que la vemos diferente: de los nos preocupa que se olvide la lengua que nos legaron nuestros antepasados; de los que vemos con tristeza como se derrumba nuestro patrimonio etnográfico y los encargados de protegerlo no hacen nada, al igual que con nuestro arte asturiano patrimonio de la humanidad; de los que apoyamos y necesitamos que nos apoyen otros países del Estado. Esta gente solo somos enamorados de nuestro País- porque si no amamos lo nuestro ¿como vamos a amar lo de los demás?- y queremos enseñarlo hermoso y acogedor a los demás para que ellos también lo amen. Y desde luego que no somos peligrosos "extremistas-terroristas" como quieren hacer creer: si alguien lee a Jovellanos ¿se atreve a ponerle este adjetivo al gran ilustrado gijonés?. Esta tierra hospitalaria no es más grande que ninguna, pero tampoco más pequeña. Esta tierra es la de un pueblo milenario: ayudemos para que esta Asturias Irredenta, distinta de la oficial, no muera. Feliz día y ¡Puxa Asturias!