Corredor a nengún paisaxe

N´Ast: Güei, poques pallabres porque, por más tornes que-y damos, nun vemos nengún sentiu a esta fechura de Lebeña ¿¿¿??? Por dicir dalgo ¿un adelantu a la espera de tiempos meyores pa la economía? Home, pues pol bien de toos, que los amos puean ver aína dende esti corredor los perguapos paisaxes de Liébana.
En Cast: Hoy, pocas palabras porque, por más vueltas que le damos, no vemos ningún sentido a esta construcción de Lebeña ¿¿¿??? Por decir algo ¿un adelanto a la espera de tiempos mejores para la economía? Hombre, pues por el bien de todos, que los dueños puedan ver pronto desde este corredor los hermosos paisajes de Liébana.

Facina D.O.P

N´Ast: Primeru fue´l quesu Cabrales; dempués, el de Gamonéu. Fae pocu, la sidre. Agora, la Denomación d´Orixe Protexía aporta a les facines. L´estremativu pa conoceles: la banderina de la pica.
En Cast: Primero fue el queso de Cabrales; después, el de Gamonéu. Hace poco, la sidra. Ahora, la Denominación de Origen Protegida llega a “les facines”. El distintivo para reconocerlas: la banderola de la puntera.

Cinco meses ensin amor

N´Ast: Fin de selmana aprovecháu pa dar una vueltina pol Sueve y, na fastera alta, atopámonos con una vieya conocía: la tudanca del cordal. Y lo curioso ye que dempués de casi cinco meses entovía nun venció la rocea de les sos vecines vaques roxes llariegues que la miren a distancia. Claro, igual tres los cambeos políticos nes autonomíes cola marcha d´Areces y, sobre tou, de Revilla, fueren un pasu p´atrás les rellaciones cantabro-astures... Siguiremos informando.
En Cast: Fin de semana aprovechado para dar una vueltina por el Sueve y, en la zona alta, nos encontramos con una vieja conocida: la tudanca de la sierra. Y lo curioso es que después de casi cinco meses todavía no venció la desconfianza de sus vecinas vacas “roxes” autóctonas que la miran a distancia. Claro, igual tras los cambios políticos en las autonomías con la marcha de Areces y, sobre todo, de Revilla, fueron un paso para atrás las relaciones cantabro-astures... Seguiremos informando.

Restos de folixa

N´Ast: Nun sedría nada raro atopalos por ehí a sabiendes de qu´Asturies ye una de les manches folixeres más señalaes d´Europa pero, lo curioso equí, vien por dos motivos: primeru, el sitiu, un colláu nes estribaciones de los Picos, Trespandiu, con accesu solu por pista, eso si, bona. Y lo segundu, ver una h.oguera nun llugar que nun seya Llanes, lo qu´amósanos que la tradición tamién tien raigaños al sur del Cuera, nesti casu nel Valle Altu Peñamellera. Los restos corresponden a la “Fiesta del Cabritu”, penúltimu sábadu d´Agostu, onde xúntense los vecinos de Tresacares y Oceño a tastiar tan prestosu platu y dalgún otru, amás d´esfrutar de misa, gaita y xuegos, pa rematar con verbena hasta´l riscar nel segundu pueblu. Como ye abierto pa los que quieran participar, otra vegada apuntámonos a velo en directo, que promete. Hasta qu´aporte´l dí, gociaremos dalguna caleyada polos redores d´estes guapes aldees.
En Cast: No sería nada raro encontrarlos por ahí teniendo en cuenta que Asturias es una de las manchas “fiesteras” más importante de Europa pero, lo curioso aquí, viene por dos motivos: primero, el sitio, un collado en las estribaciones de los Picos, Trespandiu, con acceso solo por pista, pero eso si, buena. Y lo segundo, ver una “h.oguera” (“h.”, ¡siempre esa “h” aspirada!) en un lugar que no sea Llanes, lo que nos demuestra que la tradición también tiene raices al sur del Cuera, en este caso en el Valle Altu Peñamellera/Peñamellera Alta. Los restos corresponden a la “Fiesta del Cabritu”, penúltimo sábado de Agosto, donde se juntan vecinos de Trescares y Oceño a saborear tan delicioso plato y algún otro, además de disfrutar de misa, gaita y juegos, para terminar con verbena hasta el amanecer en el segundo pueblo. Como es abierto a todos los que quieran participar, otra vez nos apuntaremos a verlo en directo, que promete. Hasta que llegue el día, gozaremos de alguna caminata por los alrededores de estas bonitas aldeas.

Enfriador d´alta montaña

N´Ast: Que la necesidá agudiza l´inxeñu ya lo diximos milenta vegaes y dirémoslo de xuru otres tantes mentres dure esti blogue. Nes fasteres rurales, con menos posibilidaes que les urbanes d´algamar dellos adelantos, esta llección güeyámosla a diariu. Na mayada Valfríu (Cabrales) nun tenemos lletricidá pal enfriador de la llechi ¡pues remediu caseru!: un vieyu bidón recortáu y una goma empatada a l´agua frío de la vecina fonte y llisto, ya la tenemos caltenía y a temperatura afayaíza dica la hora facer el quesu. Nun escaecemos qu´esti sistema ye un cenciellu calcu de les ol.leres de les brañes de Somiedo, inxeñoses fechures en piedra camentaes pal mesmu porgüeyu dende que l´home ye home, como por exemplo la de Mumián, pero ésto merez una entrada pa ello solo.
En Cast: Que la necesidad agudiza el ingenio ya lo dijimos mil veces y lo diremos seguramente otras tantas mientras dure este blog. En las zonas rurales, con menos posibilidades que las urbanas para alcanzar determinados adelantos, esta lección la contemplamos a diario. En la majada de Valfríu (Cabrales) no tenemos electricidad para el enfriador de la leche ¡pues remedio casero!: un viejo bidón recortado y una goma conectada a la fría agua de la vecina fuente y listo, ya la tenemos conservada y a la temperatura adecuada hasta la hora de hacer el queso. No olvidamos que este sistema es una sencilla copia de las “ol.leras” (l.l es la grafía del sonido de la llamada “ch” vaqueira) de Somiedo, ingeniosas construcciones en piedra pensadas para el mismo fin desde que el hombre es hombre, como por ejemplo la de Mumián, pero esto merece una entrada para ello solo.

Un premiu al bon gustu

N´Ast: Güei, una semeya cola esperanza que temos toos d´alcuerdu: onde tea un bon cierru de madera que se quiten toles allambraes del mundiu, por estética y pola so meyora respectu a los peligrosos d´espín. Y dende llueu qu´esti home de Maredes (Liébana) trabayó lo que nun se pue dicir, pola pila tables emplegaes y lo enguedeyoso de los llinderos de la finca: ensin dulda merez un premiu al bon gustu. Entamamos dende equí pidiendo un aplausu.
En Cast: Hoy, una fotografía con la esperanza de que estemos todos de acuerdo: donde esté un buen cierre de madera que se quiten todas las alambradas del mundo, por estética y por su bonanza respecto a los peligrosos de espino. Y desde luego que este hombre de Maredes (Liébana) trabajó lo indecible, por el montón de tablas utilizadas y lo complicado de los límites de la finca: sin duda se merece un premio al buen gusto. Comenzamos desde aquí pidiendo un aplauso.

¿Tradición o xorra (=suerte)?

N´Ast: Esta imaxen danos pie a camentar dos posibilidaes: dalgún a la gueta de xorra pa la so collecha o l´usu de la tradición popular. Sin dulda trátase d´ésto cabero: el vezu nun mediu d´escasez como yeren les aldees de reaprovechar tou lo que se puea, nesti casu unes ferradures pa sofitar los reyones de la portiella. Práctico y, ensin querer, esteticamente perguapo.
En Cast: Esta imagen nos da pie a pensar en dos posibilidades: alguien a la búsqueda de suerte para su cosecha o el uso de la tradición popular. Sin duda se trata de ésto último: la costumbre en un medio de escasez como eran las aldeas de reaprovechar todo lo que se pueda, en este caso unas herraduras para apoyar los “reyones” de la portilla (reyón= palo móvil en horizontal que se utiliza de cierre formando un portillo). Práctico y, sin querer, esteticamente muy bonito.

La "moza" de la curva

N´Ast: Ye perpopular la lleenda urbana de la moza que fae autostop nuna curva la carretera y qu´al final ye la pantasma d´una muyer que matose nun accidente de coche nesi puntu. En Sotres (Cabrales), tamién nuna curva anantes del pueblu, tienen una torna rural de la mesma hestoria: esta “moza” que pasa ellí les hores texe que texe, a la espera de conductores qu´aparen con un puñaín de perres pa gastar en ropa tradicional. Solo qu´esta “muerta” ye mui viva y déxase asemeyar ná más que dempués de merca-y un par de calcetos de llana. Tou seya por tener una imaxen que ta en desaniciu y pola gayola de ver que los habitantes de les aldees siguen siendo xente campechana y acoyedora pero que va antainando.
En Cast: Es muy conocida la leyenda urbana de la chica que hace autostop en una curva de la carretera y que al final es el fantasma de una mujer que murió en un accidente de coche en ese punto. En Sotres (Cabrales), también en una curva antes del pueblo, tienen una versión rural de la misma historia: esta “chica” que pasa allí las horas teje que teje, a la espera de conductores que paren con un poco de dinero para gastar en ropa tradicional. Solo que esta “muerta” es muy viva y unicamente se deja hacer una foto después de comprarle un par de calcetines de lana. Todo sea por tener una imagen que está en extinción y por la alegría de comprobar que los habitantes de las aldeas siguen siendo gente abierta y acogedora pero que va espabilando.

Al puertu como ayeri

N´Ast: Pero ¿un gochu solu metanes el puertu? ¡Sedrá un xabalí! Non, non ¡ye un gochu! ¿qué pasa equí? Unos cuantos pasos más y aportamos a Fana, colo que la desplicación ye nidia: queden dellos pastores que pasen toa la tempoarada branu na mayada y, de xuru que gracies al bon accesu, dalgún xube entá a la vieya usanza, casique con toa la casería al llombu. Esta tradición fuere desaniciándose a midida que fue camudando l´oficiu pastoril: una parte de los pocos que queden dedicaos a ello xuben y baxen al puertu nel dí, gracies a les nueves carreteres y pistes, y la otra pequeña parte qu´amaya prefier dexar nel pueblu los enseres y el restu d´animales a cargu la muyer o dalgún pariente polo abegoso d´andar moviéndolos. A ésti de Fana paez que les facilidaes de poder xubilos en touterrén con pocu puxu animáronlu a caltener l´antiguu vezu ¿Qué podemos decir nós? que préstanos abondo... ¡y qu´esperamos que nun cole´l chon!
En Cast: Pero ¿un cerdo solo en mitad del puerto? ¡Será un jabalí! No, no ¡es un cerdo! ¿qué pasa aquí? Unos cuantos pasos más y llegamos a Fana, con lo que la explicación es clara: quedan algunos pastores que pasan toda la temporada de verano en la majada y, seguro que gracias al buen acceso, uno sube todavía a la vieja usanza, casi con toda la “casería” (casa, horreo, enseres, animales.... en Asturias todo el conjunto de la explotación) a cuestas. Esta tradición fue desapareciendo a medida que se fue transformando el oficio pastoril: una parte de los pocos que quedan dedicados a él suben y bajan al puerto (recordad: los pastos de altura) en el día, gracias a las nuevas carreteras y pistas, y la otra pequeña parte que se queda en la majada (“amayar” en asturiano) prefiere dejar en el pueblo los enseres y el resto de animales al cuidado de la mujer o algún pariente por la dificultad de andar moviéndolos. A éste de Fana parece que las facilidades de poder subirlos en todoterreno con poco esfuerzo le animaron a mantener la antigua costumbre ¿Qué podemos decir nosotros? que nos gusta un montón... ¡y que esperamos que no se escape el marrano!

Guardia a l´antigua

N´Ast: Entamamos la selmana con tema eclesiásticu de nuevu. Ante la fola d´atentaos escontra finxos relixiosos nes cumes, en dellos sitios paez que tomen midíes y alluguen un sistema de xixilancia tradicional, anque un guardián que mércase con un zoquete de pan duru nun se si sedrá de fiar. Bono, el casu ye que la Cruz de la Viorna ellí sigue y, dalgunos de los qu´avérense a ella, paez que déxense restolar pol xixilante con ciertu resquildu...
En Cast: Comenzamos la semana con tema eclesiástico de nuevo. Ante la ola de atentados contra símbolos religiosos en las cumbres, en algunos sitios parece que toman medidas y colocan un sistema de vigilancia tradicional, aunque un guardián que se compra con un trozo de pan duro no se si será de fiar. Bueno, el caso es que la Cruz de la Viorna allí sigue y, algunos de los que se acercan a ella, parece que se dejan registrar por el vigilante con cierto temor...

Cola Ilesia atopamos

N´Ast: O mas bien la Ilesia atopó con un güesu duru de royer: hailos que nun tienen llercia a los arrepresentantes de Dios na tierra y nun dulden en dicir la verdá (o la qu´ellos creyen que ye la verdá). Picando enriba la semeya p´ampliala, güeyaréis la que cuenta esti paisano d´Espinama (Liébana) ensin pelos na llingua. Al señor obispu vale-y más dir ensin sotana, d´incógnitu, si s´avera pol pueblu y al presuntu mercador, guardar les perres embaxo´l xergón y dir d´hotel, qu´aforrará en disgustos.
En Cast: O mas bien la iglesia topó con un hueso duro de roer: los hay que no tienen miedo a los representantes de Dios en la tierra y no dudan en decir la verdad (o la que ellos creen que es la verdad). Pinchando sobre la foto para ampliarla, veréis la que cuenta este hombre de Espinama (Liébana) sin pelos en la lengua. Al señor obispo le vale más ir sin sotana, de incógnito, si se acerca por el pueblo y al presunto comprador, guardar el dinero bajo el colchón e ir de hotel, que ahorrará en disgustos.

Echar pelo

N´Ast: Esta espresión que tantu emplegamos cuando paeznos que dalgo nun va dir bien, agora va tener un significáu más lliteral: resulta que dalgún pastor ta zarrando les sos finques con estes varielles con una bolsina encolingada y, al averanos a escucar el conteníu, alcontrámonos con que ye pelo, posiblemente humanu (d´home o de muyer, ya nun lo sabemos); vamos, ta echando pelo. Camentamos que la desplicación ye que trátase d´un discurrimientu caseru pa espaventar les mal nomaes “alimañes” que goliflarán una presencia que nun-yos peta y colarán d´arréu; si se vos ocurre otra... Por si acasu, nós ya vamos al peluqueru con una corexina p´atropar lo que cae ¡nun seya que temos tresmanando oru!
En Cast: Esta expresión que tanto empleamos cuando nos parece que algo no va a ir bien, ahora va a tener un significado más literal: resulta que algún pastor está cerrando sus fincas con estas varillas con una bolsita colgando y, al acercarnos a fisgar el contenido, nos encontramos con que es pelo, posiblemente humano (de hombre o mujer, ya no lo sabemos); vamos, está echando pelo. Pensamos que la explicación es que se trata de un invento casero para espantar las mal llamdas “alimañas” que olfaterán una presencia que no les gusta y escaparán rapidamente; si se os ocurre otra... Por si acaso, nosotros ya vamos al peluquero con una “corexina” (en asturiano, bolsina colgada al cuerpo para llevar dinero o joyas) para recoger lo que cae ¡no sea que estemos perdiendo oro!

Escorribanda (persecución)

N´Ast: ¿Qué facer cuando yes escorríu por un rebañáu de xatos cacipleros que quieren ver lo que lleves na mochila? Pues cruciar alluegu l´averada barrera canadiense salvadora. Ye la primer vegada que comprobamos in situ l´avíu d´esti discurrimientu onde los “atacantes” nun puen pasar pola forma de les sos caces. A la fin, nun-yos queda más remediu que batise en pacetible retirada, quedando los nuesos bocadiellos a salvu.
En Cast: ¿Qué hacer cuando eres perseguido por una banda de terneros fisgones que quieren ver lo que llevas en la mochila? Pues cruzar rapidamente la cercana barrera canadiense salvadora. Es la primera vez que comprobamos in situ la utilidad de este invento donde los “atacantes” no pueden pasar por la forma de sus pezuñas. Al final, no les queda más remedio que batirse en tranquila retirada, quedando nuestros bocadillos a salvo.

¿Y tú d´ónde yes?

N´Ast: Ye lo que paecen dicir les protagonistes d´esta curiosa imaxen captada nel Sueve: les vaques roxes llariegues sorprendíes pola presencia de la so collacia tudanca de Cantabria, anque, coles visites y declaraciones del presidentín vecinu Miguel Anxel Revilla, nun teníen que chocanos estos camudamientos cántabro-astures.
En Cast: Es lo que parecen decir las protagonistas de esta curiosa imagen captada en el Sueve: las vacas “roxas” autóctonas sorprendidas por la presencia de su colega tudanca de Cantabria, aunque, con las visitas y declaraciones del presidentín vecino Miguel Ángel Revilla, no tendrían que extrañarnos estos intercambios cántabro-astures.

Estremos que xúnense

N´Ast: Dís estremaos, llugares dixebraos, dos xeneraciones separtaes polos años... y una mesma idea: les siñales del Parque son un bon percheru. Conclusión: tenemos munches coses que nos xunen por enriba d´edaes o creencies; guetándoles tou diranos meyor.
En Cast: Días distintos, lugares diferentes, dos generaciones separadas por los años... y una misma idea: las señales del Parque son un buen perchero. Conclusión: tenemos muchas cosas que nos unen por encima de edades o creencias; buscándolas todo nos irá mejor

Les bicicletes son pal branu...

N´Ast: Y pa la primavera. Lo malo ye qu´igual queremos facer más de la cuenta enantes de garrar un bon puntín de forma y eleximos una ruta que nun ye la más afayadiza por demasiáu dura. Entós, acabaremos emburriando la bici del ramal y perpasaos pol primer pacetible pasiante qu´atopemos. ¡Home! como esconsolancia, esfrutaremos más del paisaxe... y baxaremos más rápido.

En Cast: Y para la primavera. Lo malo es que igual queremos hacer más de la cuenta antes de coger un buen punto de forma y elegimos una ruta que no es la más adecuada por demasiado dura. Entonces, acabaremos empujando la bici de ramal y superados por el primer tranquilo paseante que encontremos. ¡Hombre! como consuelo, disfrutaremos más del paisaje... y bajaremos más rápido.

Un cientu estremadures

N´Ast: Güei, un xuegu, guetar les estremadures ente les dos semeyes. P´ayudar, damos dos: el tiempu, abondu tiempu, y l´inxeñu, abondu, pero qu´abondu inxeñu.
En Cast: Hoy, un juego, buscar las diferencias entre las dos fotografías. Para ayudar, damos dos: el tiempo, mucho tiempo, y el ingenio, mucho, pero que mucho ingenio

Tradiciones y places

N´Ast: Los nuesos pueblos y aldees son guardianes de les “tradiciones”... de toa triba de tradiciones: qu´una llei retira nomes del pasáu, pues siempres hai dalgún que-y paez meyor alcordase d´ellos, camudando´l nome de la placina averada a la so casa. Les semeyes amuesen que nun bilordiamos.
En Cast: Nuestros pueblos y aldeas son guardianes de las “tradiciones”... de toda clase de tradiciones: que una ley retira los nombres del pasado, pues siempre hay alguno al que le parece mejor acordarse de ellos, cambiando el nombre de la plazoleta cerca de su casa. Las fotografías muestran que no mentimos.

(II) ...y una copia daqué malo

N´Ast: Y siguiendo recorríu por Sayambre, en Pío atopamos la copia d´un mal vezu, tamién espardíu por Asturies: el zarrar el contornu l´horru con muries pa facer un almacén o una cochera. Atalantamos que pal amu ye más prácticu pero, cavilgando que ye una fechura única nel pueblu y que nesta comarca domina l´horru lleonés o beyuscu, esta tipoloxía singular importada del país vecín meritaba un meyor tratu, como dalgo d´importancia etnográfica y amuesa d´intercambiu cultural demientres sieglos. Como curiosidá, los ratos sí tienen que tar agradecíos ¿no?
En Cast: Y siguiendo recorrido por Sajambre, en Pío encontramos la copia de una mala costumbre, también extendida por Asturias: el cerrar el perímetro del horreo con muros para hacer un almacén o un garaje. Comprendemos que para el dueño es más práctico pero, si pensamos que es una construcción única en el pueblo y que en esta comarca domina el horreo leonés o beyusco, esta tipología singular importada del país vecino merecía un mejor trato, como algo de importancia etnográfica y muestra de intercambio cultural durante siglos. Como curiosidad, los ratones sí tienen que estar agradecidos ¿no?

(I) Una mala copia...

N´Ast: Cuando una idea ye bona, cópiase equí... y en Lleón. Dando una vueltina pol perguapu conceyu lleonés de Sayambre, atopamos esti intentu d´imitación de la magnífica ya útil fechura que ye l´horru asturianu pero con una resultancia discreta, por culpa de la mala escoyedura de los pegoyos. Ta claro que los efeutos prácticos van ser los mesmos, pero los estéticos...
En Cast: Cuando una idea es buena, se copia aquí... y en León. Dando una vuelta por el precioso concejo leonés de Sajambre, encontramos este intento de imitación de la magnífica y útil construcción que es el horreo asturiano pero con un resultado discreto, por culpa de la mala elección de los pegoyos (las bases sustentantes en asturiano). Está claro que los efectos prácticos van a ser los mismos, pero los estéticos...