Corredor a nengún paisaxe

N´Ast: Güei, poques pallabres porque, por más tornes que-y damos, nun vemos nengún sentiu a esta fechura de Lebeña ¿¿¿??? Por dicir dalgo ¿un adelantu a la espera de tiempos meyores pa la economía? Home, pues pol bien de toos, que los amos puean ver aína dende esti corredor los perguapos paisaxes de Liébana.
En Cast: Hoy, pocas palabras porque, por más vueltas que le damos, no vemos ningún sentido a esta construcción de Lebeña ¿¿¿??? Por decir algo ¿un adelanto a la espera de tiempos mejores para la economía? Hombre, pues por el bien de todos, que los dueños puedan ver pronto desde este corredor los hermosos paisajes de Liébana.

Camudando d´utilidá

N´Ast: L´horru está consideráu dende siempres un “inventu” pa espantar los animales que pudieren atacar l´ayalga que guarda: les reserves d´alimentu de la casa. En Llanes atopamos un modelu que sirve pa tou lo contrario: p´amparalos. Ye verdá qu´éstos son domésticos, pero naide pue asegurar qu´a dalgún nun-y dea por guetar xinta un pisín más enriba, amás de que cola tresformación de los baxos en xaules ye más fácil que se cuelen invintaos nada petecíos, como royones que puen trepar ensin problema pola rede metálica. Respetando les decisiones de ca ún, nós preferimos l´horru, horru y el gallineru, gallineru.
En Cast: El horreo está considerado desde siempre un “invento” para alejar a los animales que pudieran atacar el tesoro que guarda: las reservas de alimento de la casa. En Llanes encontramos un modelo que sirve para todo lo contrario: para protegerlos. Es verdad que éstos son domésticos, pero nadie puede asegurar que a alguno no le de por buscar comida un pisito más arriba, además de que con la transformación de los bajos en jaulas es más fácil que se cuelen invitados nada deseados, como roedores que pueden trepar facilmente por la red metálica. Respetando las decisiones de cada uno, nosotros preferimos el horreo, horreo y el gallinero, gallinero.

Gaita ¡¡¡asturiana!!!

N´Ast: Güei, una esclaración sobre un comentariu d´un bon visitante na entrada del 27 Mayu: les gaites que vense na semeya son asturianes, nun escoceses. Un pocu d´hestoria: fae unos cuantos años (pongamos unos 200), la gaita escocesa yera d´un solu roncón (¡nun se decía que fuere asturiana!) y a dalgún ocurriose-y evolucionala amestando-y otru par de roncones. La d´equí, siguió con ún solu hasta que fae unos cuantos años (dalgunos menos que n´Escocia) el profesor Fernando Montes, na imaxen, evolucionóla con dos ronquinos, camudando la so sonoridá y empecipiando a espardese el modelu poles bandes de gaites. Si ye verdá que les dos tan afinaes en si-bemol y presenten asemeyáu aspectu, pero ehí fina´l paecíu: dixitación, furáu del punteru y payueles son dafechu estremaos, dando soníos ná iguales, sobre tou pa xente que nun tenga un par d´oyíos d´adornu como los del qu´ésto escribe. Resumiendo: gaita asturiana evolucionada, más tardi que la escocesa, pero asturiana.
En Cast: Hoy, una aclaración sobre un comentario de un buen visitante en la entrada del 27 de Mayo: las gaitas que se ven en la foto son asturianas, no escocesas. Un poco de historia: hace unos cuantos años (pongamos unos 200), la gaita escocesa era de un solo roncón (¡no se decía que fuera asturiana!) y a alguien se le ocurrió evolucionarla añadiéndole otro par de roncones. La de aquí, siguió con uno solo hasta que hace unos cuantos años (algunos menos que en Escocia) el profesor Fernando Montes, en la imagen, la evolucionó con dos ronquinos, cambiando su sonoridad y comenzando a estenderse el modelo por las bandas de gaitas. Si es verdad que las dos están afinadas en si-bemol y presentan similar aspecto, pero ahí termina el parecido: digitación, vaciado del puntero y “les payueles” (pieza que vibra y da sonido situada en el puntero) son completamente diferentes, dando sonidos nada iguales, sobre todo para gente que no tenga un par de oidos de adorno como los del que ésto escribe. Resumiendo: gaita asturiana evolucionada, más tarde que la escocesa, pero asturiana.

Estremos que xúnense

N´Ast: Dís estremaos, llugares dixebraos, dos xeneraciones separtaes polos años... y una mesma idea: les siñales del Parque son un bon percheru. Conclusión: tenemos munches coses que nos xunen por enriba d´edaes o creencies; guetándoles tou diranos meyor.
En Cast: Días distintos, lugares diferentes, dos generaciones separadas por los años... y una misma idea: las señales del Parque son un buen perchero. Conclusión: tenemos muchas cosas que nos unen por encima de edades o creencias; buscándolas todo nos irá mejor

¿Astur o ástur?

N´Ast: Güei, una cosa pendiente: por qué lo correctu ye ástur y ástures, asina, col acentu na “a” y, por ello, con tilde. Nun boletín del añu 1977 del entós IDEA (Institutu d´Estudios Asturianos) desplícalo mui fácil D. José Luis Moralejo: estes pallabres son cultismos importaos directamente del llatín a les nueses llingües (asturianu y castellanu) y, por tantu, tienen de caltener l´acentución llatina d´orixen (na nomada “a”), onde, por ciertu, nun esisten tildes, éstes son un amestu al adaptales a les normes actuales. L´enguedeyu xurde con un topónimu como por exemplu Asturies, pallabra que sí sufrió procesu tresformador del llatín a les llingües romances camudando la so acentuación: empobinaos por ésta, la xente quier pronunciar igual aquelles cuando les ve. Ye difícil y cuesta, pero intentemos facelo bien: ástur, ástures y, polo mesmo, ríu Ástura.
(Imaxen obra de Gonzalo Xil pal CD “Tornando al abeyugu´l llar” de Brenga Astur, gracies fonderes, lo mesmo que pa Jorge Camino Mayor por apurrime´l nomáu boletín)
En Cast: Hoy, una cosa pendiente: por qué lo correcto es ástur y ástures, así, con el acento en la “a” y, por ello, con tilde. En un boletín del año 1977 del entonces IDEA (Instituto de Estudios Asturianos) lo explica muy fácil D. José Luis Moralejo: estas palabras son cultismos importados directamente del latín a nuestras lenguas (asturiano y castellano) y, por tanto, tienen que mantener la acentuación latina de origen (en dicha “a”), donde, por cierto, no existen tildes, éstas son un añadido por la adaptación a la normativa actual. El lío surge con un topónimo como por ejemplo Asturias, palabra que si sufrió proceso transformador del latín a las lenguas romances cambiando su acentuación: guiados por ésta, la gente quiere pronunciar igual aquellas cuando las ve. Es difícil y cuesta, pero intentemos hacerlo bien: ástur, ástures y, por lo mismo, río Ástura.
(Imagen obra de Gonzalo Gil para el CD “Tornando al abeyugu´l llar” de Brenga Astur, gracias de corazón, al igual que para Jorge Camino Mayor por proporcionarme el citado boletín)

XXXII Día de les Lletres Asturianes

N´Ast: Güei ye un dí pa la esperanza, pa camentar que l´asturianu ye una llingua como cualquier otra, coles sos vertudes y los sos defectos, pero sobre tou, una llingua llibre que tien que poder falar el que quiera nes mesmes condiciones que´l que lo fae n´otra: nun ye´l dí d´emponer ná a nadie, simplemente ye´l d´aparexar les coses. ¡Hasta´l presidentín que dementres doce años dio-y toa la caña que pudo lleó un poemín n´asturiano! (dicen qu´agora tien un esguince llingual). Xunámonos esta xornada d´allegría a la nuesa llingua llariega, pequeña en falantes pero grande n´alma: la de tolos que llograren qu´aportara hasta nos. Güei, anque seya nun intre, fagamos dalgo pol asturianu, nun dexemos que muerra.
En Cast: Hoy es un día para la esperanza, para pensar que el asturiano es una lengua como cualquier otra, con sus virtudes y sus defectos, pero sobre todo, una lengua libre que tiene que poder hablar el que quiera en las mismas condiciones que el que lo hace en otra: no es el día de imponer nada a nadie, simplemente es el de igualar las cosas. ¡Hasta el presidentillo que durante doce años le dio toda la caña que pudo leyó un poema en asturiano! (dicen que ahora tiene un esguince lengual). Unámonos esta jornada de alegría a nuestra lengua autóctona, pequeña en hablantes pero grande en alma: la de todos los que lograron que llegara hasta nosotros. Hoy, aunque sea durante un instante, hagamos algo por el asturiano, no dejemos que muera.

Precaución, collaciu (=amigo) conductor

N´Ast: Nun ye que nos pongamos a favor de la moda de les torgues automovilístiques actuales, cenciellamente reclamamos prudencia n´otru sintíu. Atalantamos que´l facer en bici una de les rutes más guapes de los Picos d´Europa, la del Cares, ye peratractivu, pero tien d´emponese´l xacíu: nun ye lo más afayadizo pa un camín estrenchu y aeriu percorríu por cientos de senderistas (la semeya ye d´un domingo), poniendo en peligru a caminantes y a los propios ciclistas. Equí gústanos la llibertá y lloñe ta l´amagu de dicir a nadie lo que tien de facer, solo queremos que la xente cavilgue un pocu nos demás, nel respetu. Nos Picos entramos toos y hai otres siendes pa esfrutar d´ellos sobre dos ruedes ensin riesgu dengunu.
En Cast: No es que nos pongamos a favor de la moda de las prohibiciones automovilísticas actuales, sencillamente reclamamos prudencia en otro sentido. Entendemos que el hacer en bici una de las rutas más bonitas de los Picos de Europa, la del Cares, es muy atractivo, pero tiene que imponerse la sensatez: no es lo más apropiado para un camino estrecho y aereo recorrido por cientos de senderistas (la foto es de un domingo), poniendo en peligro a caminantes y a los propios ciclistas. Aquí nos gusta la libertad y lejos está la intención de decir a nadie lo que tiene que hacer, solo queremos que la gente piense un poco en los demás, en el respeto. En los Picos entramos todos y hay otras sendas para disfrutar de ellos sobre dos ruedas sin peligro ninguno.

Y dirán que cayó

N´Ast: Nos entamos d´esti blogue, ya avisábamos del mal estáu de la Cruz del Pienzu. Sabemos de bona tinta que na cabera Fiesta del Asturcón determinada conseyera comprometiose a facese cargu los gastos d´igua, consistentes sólo n´acuriosar los cables nomaos vientos, presentándose´l presupuestu pedíu al poco nel departamento de la bona señora: nunca nun se supo más. Güei, la cruz sigui a merced de los vientos (atmosféricos), esperando´l que la balte, y la señora conseyera anda a ver cómo sale d´un problema de perres poles males compañes. El vienres, los vieyos cables taben tiraos pol suelu y los anclaxes llistos, como siempres dende fae años, alguardando solamente qu´una mano bondosa torne a da-yos utilidá otra vegada, cosa de pocos euros... anque igual ye más rentable dicir que cayó, que llevola l´aire, como pallabres d´un políticu.
En Cast: En los comienzos de este blog, ya avisábamos del mal estado de la Cruz del Pienzu. Sabemos de buena tinta que en la última Fiesta del Asturcón determinada consejera se comprometió a hacerse cargo de los gastos de reparación, consistentes sólo en arreglar los cables llamados vientos, presentándose el presupuesto pedido al poco en el departamento de la buena señora: nunca se supo más. Hoy, la cruz sigue a merced de los vientos (atmosféricos), esperando el que la derribe, y la señora consejera anda a ver cómo sale de un lio de dinero por las malas compañías. El viernes, los viejos cables estaban tirados por el suelo y los anclajes listos, como siempre desde hace años, esperando solamente que una mano amiga vuelva a darles utilidad otra vez, cosa de pocos euros... aunque igual es más rentable decir que cayó, que la llevó el aire, como palabras de un político.

Arte cultu, arte popular

N´Ast: Ye perfrecuente oyer y lleer que l´arte popular copia del arte cultu y, dende llueu que ye ciertu, como amuesen dellos horros con talles qu´asemeyen arcos y figures del románico, pero paeznos que munches vegaes estes afirmaciones faense con fin despectivu, como pa desprestixiar lo que ye nueso de tola vida, tratándolo d´inferior por nun ser “académico”. Pa ser xustos, habría que dicir que tamién dase´l fenómeno a la inversa: l´arte cultu copia al popular y pa ver ún de los munchos exemplos acudimos a la ilesia d´Inguanzo (Cabrales), onde parte de la decoración ye claramente de gustu tradicional y hasta “pagana”, con sestafueyes y radiales, arrepresentaciones del dios Sol nes cultures anteriores al cristianismu y emplegaes abondu como motivu decorativu nos pueblos y aldees. A la fin, toos deprendemos de toos y nun hai ná malo en reconocelo.
En Cast: Es muy frecuente oir y leer que el arte popular copia del arte culto y, desde luego que es cierto, como demuestran algunos horreos con tallas que imitan arcos y figuras del románico, pero nos parece que muchas veces estas afirmaciones se hacen con fin despectivo, como para desprestigiar lo que es nuestro de toda la vida, tratándolo de inferior por no ser “académico”. Para ser justos, habría que decir que también se da el fenómeno a la inversa: el arte culto copia del popular y para ver uno de los muchos ejemplos acudimos a la iglesia de Inguanzo (Cabrales), con parte de la decoración de gusto claramente tradicional y hasta “pagana”, con hexapétalas (“sestafueyes” en asturiano) y radiales, representaciones del dios Sol en las culturas anteriores al cristianismo y empleadas con abundancia como motivo decorativo en pueblos y aldeas. Al final, todos aprendemos de todos y no hay nada malo en reconocerlo.

Aplausu

N´Ast: Equí, igual que damos “palos” polo que paeznos que ta mal, sabemos apaludir lo que güeyamos bien. Si fae unos dís criticábamos duramente la toponimia d´unes siñales, güei emponderamos la d´otres. En Piloña, na carretera AS-258, respetárense los nomes llariegos, calteniendo la “H” aspirada, arrepresentada con la grafía “H .”, y lleída casi como la “J” castellana pero nun igual. A dalgunos, suena-yos raru ver esti fenómenu mui común nel Oriente d´Asturies (Llanes, Peñamelleres, Cabrales...) tan al oeste, pero teo contrastao con xente mayor qu´anantes yera frecuente en fasteres como La Villa y la rodalada, polo que ta bien intentar que nun se tresmane. Un aplausu a l ´Alministración al empecipiar l´añu. ¡A ver si continúa y fina igual...!
En Cast: Aquí, igual que damos “palos” por lo que nos parece que está mal, sabemos aplaudir lo que vemos que está bien. Si hace unos días criticábamos duramente la toponimia de unas señales, hoy alabamos la de otras. En Piloña, en la carretera AS-258, se respetaron los nombres autóctonos, manteniendo la “H” aspirada, representada con la grafía “H .”, y leída casi como la “J” castellana pero no igual. A algunos, les suena raro ver este fenómeno muy común en el Oriente de Asturias (Llanes, Peñamelleras, Cabrales...) tan al oeste, pero tengo contrastado con gente mayor que antes era frecuente en zonas como La Villa/Villaviciosa y alrededores, por lo que está bien intentar que no se pierda. Un aplauso a la Administración al comenzar el año. ¡A ver si continúa y termina igual...!

Reciclaxe: una estaca

N´Ast: Agora que se fae tan necesariu reciclar, tenemos que fixanos nes fasteres rurales: ellí tou tien una segunda vida, nunca nun se tira ná sin ver si tien dagún otru avíu. Un exemplu: tres una reforma de la vieya casa, lo que fuere un orelleru decoráu d´un corredor, camúdase nuna perguapa estaca pa un cierru, dando-y una nota de collor a la redolada. Agora bien, tolos escesos son malos: lo de les neveres de bebederu y los somieres de portiella...
En Cast: Ahora que se hace tan necesario reciclar, tenemos que fijarnos en las zonas rurales: allí todo tiene una segunda vida, nunca se tira nada sin ver si tiene otra utilidad. Un ejemplo: tras la reforma de la vieja casa, lo que fue un alero decorado de un corredor, se transforma en una bonita estaca para un cierre, dandole una nota de color a los alrededores. Ahora bien, todos los excesos son malos: lo de las neveras de bebedero y los somieres de portillo...

Asina,no. Asina, si

N´Ast: Ye d´atalantar que, col tratu que dase-y a la toponimia en dalgunos lletreros, apitezca arrincalos y da-y con ellos na tiesta al que los diseñó. Tamién tan soluciones drástiques como la de la primer semeya. Personalmente, creyemos que les dos nun son mui válides pues xente qu´aunque nun te mui metía pol asturianu tea-y simpatía, pue camudar de paecer ante reacciones gafes o el vese tresmanada metanes l´autopista, amás de dar un mensaxe embarulláu: ¡igual a los de “Lastres” o “Villaviciosa” caen-yos mal los de “Gijón” u “Oviedo”!. Asina, no. N´aldeína de Poreñu (segunda semeya), güeyamos un mou prácticu de cómo se fae lo mesmo pero ensin molestar a naíde y quedando nidio que nesti País tenemos un problema cola nuesa llingua. Siguiendo l´exemplu, proponemos una meyor solución pal primer casu, con dos opciones perválides, dando-y preferencia a la cabera, porque con respetu llegaremos más lloñe y llabor bien fecha, bien paez ¿no?. Asina, si.
En Cast: Es de entender que, con el trato que se le da a la toponimia en algunos letreros, apetezca arrancarlos y darle con ellos en la cabeza al que los diseñó. También están soluciones drásticas como la de la primera foto. Personalmente, creemos que las dos no son muy válidas pues gente que aunque no esté muy metida por el asturiano le tenga simpatía, puede cambiar de opinión ante reacciones violentas o el verse perdida en mitad de la autopista, además de dar un mensaje confuso: ¡igual a los de Lastres o Villaviciosa les caen mal los de Gijón u Oviedo!. Así, no. En la aldeína de Poreñu (foto segunda), vemos una manera práctica de cómo se hace lo mismo pero sin molestar a nadie y quedando claro que en este País tenemos un problema con nuestra lengua autóctona. Siguiendo el ejemplo, proponemos una mejor solución para el primer caso, con dos opciones válidas, dándole preferencia a la última, porque con respeto llegaremos más lejos y labor bien hecha, bien parece ¿no?. Así, si.

Ya nun retiñe (ya no resuena)

N´Ast: Esta campana ye la qu´usábase nel pueblín d´Amieva pa llamar a los vecinos a conceyu. Cuando yera necesario axuntase pa tomar dalgún determín o facer dalgún trabayu en común (sestaferia, estaferia, satisferia o andecha), los sos ecos retiñíen por tol valle. Güei, los vecinos ya nun determinen ná y solo son llamaos cada cuatro años a poner el votu y puntu: otros dirán lo qu´hai de facer. Por eso la campana pasó de tar guindada nun nogalón a la entrada l´aldea por ún de los caminos señalaos d´entós a tar mediu escaecía nun requexu ente bardos al llau del cementeriu, quiciabis como una sarcástica premonición sobre´l futuru d´ésta y otres tradiciones qu´esmúcensenos ente los deos.
En Cast: Esta campana es la que se usaba en el pueblín de Amieva para llamar a los vecinos a “conceyu”. Cuando era necesario juntarse para tomar alguna decisión o hacer algún trabajo en común (“sestaferia”, “estaferia”, “satisferia” o “andecha” en Asturies), sus ecos resonaban por todo el valle. Hoy, los vecinos ya no deciden nada y solo son llamados cada cuatro años a poner el voto y punto: otros dirán lo que hay que hacer. Por eso la campana pasó de estar colgada en un gran nogal a la entrada de la aldea por uno de los caminos principales de entonces a estar medio olvidada en un rincón entre maleza al lado del cementerio, quizás como una sarcástica premonición sobre el futuro de ésta y otras tradiciones que se nos escurren entre los dedos.

Una idea mundial

N´Ast: Cuando una idea ye bona, nun ye raro vela nos llugares más estremaos d´un mundiu que dicen cada vegada más global. Nunca nun nos cansaremos de repetir que l´horru ye un discurrimientu de lo más enxeñoso, multiusos y guapo, polo que nun tien de chocanos qu´en sitios allonxaos ocurriérase-yos dalgo apaecío iguao, esi si, a los sos mesteres y materiales al algame. Nesti casu, y gracies a la nuesa quería collacia llastrina, ye en Spiterstulen, Noruega, onde atopamos una fechura enrazada cola nuesa con avíos similares. Lo bono, ye bono en tolos sitios, lo que camuda ye´l tratu: ellí, cuidao y espuesto, pa que la xente lo conozca, almire y respete, orgullosos de les sos tradiciones; equí, si cae, meyor que meyor, que desanicie la nuesa cultura, nun seya qu´atalanten que somos “aldeanos”. Lo que pasó cola sidre val d´amuesa ¡y agora a berrar!
En Cast: Cuando una idea es buena, no es raro verla en los lugares mas apartados de un mundo que dicen cada vez más global. Nunca nos cansaremos de repetir que el horreo es un invento de lo más ingenioso, multiusos y bonito, por lo que no tiene que extrañarnos que en sitios lejanos se les ocurriera algo parecido adaptado, eso si, a sus necesidades y materiales al alacance. En este caso, y gracias a nuestra querida amiga llastrina, es en Spiterstulen, Noruega, donde encontramos una construcción emparentada con la nuestra y con utilidades similares. Lo bueno, es bueno en todos los sitios, lo que cambia es el trato: allí, cuidado y expuesto, para que la gente lo conozca, admire y respete, orgullosos de sus tradiciones; aquí, si cae, mejor que mejor, aniquilando nuestra cultura, no sea que piensen que somos “aldeanos”. Lo que pasó con la sidra vale de muestra ¡y ahora a llorar!

Suañando: otru dí d´Asturies

N´Ast:

Ya verás , cuando tú sanes,
llucerín de la mañana,
vo contate unos cuentinos
qu´enxamas yo te contara:
el del galán d´esta villa,
¿qué guetaba, qué guetaba?
guetaba a la blanca neña,
guetaba a la neña blanca,
con collarinos d´estrelles,
del xardín de l´alborada...

Emilio Palacios

Otra vegada, otru añu más, suañando una Asturies estremada, una Asturies de toos y pa toos, moderna, competitiva, del sieglu XXI, pero que respete y nun escaeza les sos tradiciones, la so hestoria, ¡la so llingua!. Una Asturies onde los sos políticos sepian pidir lo que nos corresponde y nun seyan cenciellos llacayos de los sos amos de la capital, esperando como recompensa un cargín por abaxar la tiesta y vender les esperances de los sos paisanos. Una Asturies acoyedora, como siempres, qu´abeyugue al foriatu pero sin qu´arrenuncie a lo que somos: l´Asturies, a la fin, que lleva una eternidá morando nesta bendecía tierra. Otra alborada más suañando, otru añu más un ilusu. Pese a tou: bon dí d´Asturies.
En Cast:

Ya verás, cuando tú sanes,
lucero de la mañana,
voy a contarte unos cuentinos,
que jamás yo te contara:
el del galán de esta villa,
¿qué buscaba, qué buscaba?
buscaba a la blanca niña,
buscaba a la niña blanca,
con collarinos de estrellas,
del jardin de la amanecida...

Emilio Palacios

Otra vez, otro año más, soñando una Asturias diferente, una Asturias de todos y para todos, moderna competitiva, del siglo XXI, pero que respete y no olvide sus tradiciones, su historia, ¡su lengua!. Una Asturias donde sus políticos sepan pedir lo que nos corresponde y no sean simples lacayos de sus amos de la capital, esperando la recompensa de un carguín por bajar la cabeza y vender las esperanzas de sus paisanos. Una Asturias hospitalaria, como siempre, que acoja al forastero pero sin que renuncie a lo que somos: la Asturias, al final, que lleva una eternidad en esta bendita tierra. Otro amanecer más soñando, otro año más un iluso. Pese a todo: buen día de Asturias.
(Nota: un día como hoy, pido un esfuerzo y a leer la poesía en asturiano que queda más bonita)

Murnia (tristeza): adiós a Vega Huerta

N´Ast: Una murnia fonda ye lo que siento güei al ver estes imáxenes que m´envía el collaciu Ricardo: ún de los requexos máxicos de los Picos d´Europa esaniciáu pa siempre. En Vega Huerta, ante la imponente parea sur de la Peña Santa de Castiella, vivíamos un alpinismo de los d´anantes, que desixía un pocu más de puxu. Tamién sintíamos la sensación de fuxir de les nueses vides diaries. Agora, cola fechura d´un nuevu abellugu, el alpinismo sedrá menos alpinismo y, la sensación, como la de tar nel chiringo la playa. ¿Por qué esi empeñu n´adomar tolos requexos de la montaña?. ¿Por qué llevar les comodidaes de la ciudá hasta´l picu más altu?. ¿Por qué nun dexar una esperanza a los que vivimos les cumes d´otru mou?. ¿Acasu hai que ponelo tou al gustu de los de vida más fácil?. ¿Nun teníen ya sitios de sobra?. En Vega Huerta, demientres munches nueches, embaxo les estrelles, sentime llibre. Esti riscar, siéntome más encadenáu. Gracies “queríos collacios" de Parques Nacionales.
En Cast: Una profunda tristeza es lo que siento al ver estas imágenes que me envía el compañero Ricardo: uno de los rincones mágicos de los Picos de Europa destruído para siempre. En Vega Huerta, ante la imponente pared sur de Peña Santa de Castilla, vivíamos un alpinismo de los de antes, que exigía un poco más de esfuerzo. También sentíamos la sensación de huir de nuestras vidas cotidianas. Ahora, con la construcción de un nuevo refugio, el alpinismo será menos alpinismo y, la sensación, como la de estar en el chiringuito de la playa. ¿Por qué ese empeño en domar todos los rincones de la montaña?. ¿Por qué llevar las comodidades de la ciudad hasta el pico más alto?. ¿Por qué no dejar una esperanza a los que vivimos las cumbres de otra manera?. ¿Acaso hay que ponerlo todo al gusto de los de vida más fácil?. ¿No tenían ya sitios de sobra?. En Vega Huerta, durante muchas noches, bajo las estrellas, me sentí libre. Este amanecer, me siento más encadenado. Gracias “queridos amigos" de Parques Nacionales.

L´Asturies de los faraones

N´Ast: Sí, porque agora que retírase la dinastía reinante nel País Ástur, paez que quier dexar la so alcordanza polos sieglos de los sieglos con fechures faraóniques, al estilu de les que mandaren nel antiguu Exiptu. A les más conocíes, amestamos la xabaz del puertu deportivu de Llanes: megamillones p´amañar la canal d´entrada y el muelle interior. Les imáxenes falen por si soles, col dique que torga la entrada la mar y el destrozu que facen les máquines. Y nun ye solo cosa de perres, tirando la compuerta qu´había (y qu´usose bien pocu), si non tamién la perda d´identidá, al desapaecer dalgo tan llanisco como´l Sablín. Gastu innecesariu y irrecuperatible, más en dómina de crisis, por munchos botes qu´aparen. Y agora, sigún contonos un paxarín parleru, a gastar el doble, por culpa una inundación al filtrase agua. Esto solo pueden desplicánoslo el Faraón y la corte, de xuru que con escritura xeroglífica.
En Cast: Sí, porque ahora que se retira la dinastía reinante en el País Ástur, parece que quiere dejar su recuerdo por los siglos de los siglos con obras faraónicas, al estilo de los que mandaron en el antiguo Egipto. A las más conocidas, añadimos la brutal del puerto deportivo de Llanes: megamillones para acondicionar el canal de entrada y el muelle interior. Las imágenes hablan por si solas, con el dique que impide la entrada del mar y el destrozo que hacen las máquinas. Y no es solo cosa de dinero, tirando la compuerta que había (y que se utilizó bien poco), si no también la pérdida de identidad, al desparecer algo tan llanisco como el Sablín. Gasto innecesario e irrecuperable, más en época de crisis, por muchas embarcaciones que atraquen. Y ahora, según nos contó un pajarito hablador, a gastar el doble, por culpa de una inundación al filtrarse agua. Esto solo nos lo pueden explicar el Faraón y la corte, seguramente con escritura jeroglífica.

Un deséu

N´Ast: Güei, camudamos la entrada que teníamos cavilgada por ésta dedicada a una bona collacia y seguidora del blogue que por culpa de la xabaz crisis prevocada por cuatro “llistillos” (diba poner fíos d... pero per equí pasen neños) quedare ensin trabayu. Cuando güeye ésto, que sienta l´aliendu de tolos “irredentos” pa que tou se-y endreche y salga-y como ella espera. Queriendo guetar el llau bonu del asuntu, polo menos el campu asturianu, el so posible destín, gana una persona perválida. Equí queda´l nuesu deséu -estensible a tolos que tean n´allugamientu apaecíu- de que los vientos te seyan favoratibles.
En Cast: Hoy, cambiamos la entrada que teníamos pensada por ésta dedicada a una buena amiga y seguidora del blog que por culpa de la salvaje crisis provocada por cuatro “listos” (iba a poner hijos d... pero por aquí pasan niños) quedó sin trabajo. Cuando vea esto, que sienta el aliento de todos los “irredentos” para que todo se le enderece y le salga como ella espera. Queriendo buscar el lado bueno del asunto, por lo menos el campo asturiano, su posible destino, gana una persona muy válida. Aquí queda nuestro deseo -extensible a todos los que estén es situación parecida- de que los vientos te sean propicios.

Ello yera un pueblín

N´Ast: Ello yera un pueblín, con una rodalada perguapa, nomáu San Esteban de Cuñaba. El probín, como tolos d´Asturies, diba perdiendo población y quedando valeru. Pero un bon dí ¡milagru! la pareya más xoven que lu moraba tevo un neñu y aquello fue l´acabose: hasta viniere un Príncipe mui mui llargu que fizo de padrín de la criatura. Arreglárense cases y cais, fízose un mirador, un aria festexera, quesería... ¡hasta bar!, dieron-yos un premiu y tou yera folixa y esperanza porque paecía que los dís d´escaezu terminaren. Pero pasare el tiempu y el Príncipe llargu llargu casárase con una Princesina fina fina y más nunca nun apaeció pol pueblu (igual manchaba la Princesina fina fina los zapatinos de cristal de cuchu cuchu). El padre´l neñu, cansó d´alguardar una vida meyor y coló a trabayar a una gran ciudá de la costa llevándose con elli a tola familia. Y el pueblín con una rodalada perguapa ¡probe pueblín! tornó otra vegada al so lletargu y la murnia, camín del so tamién murniu destín. FIN (moralexa: nesti cuentu ¿quién quedare fechu rana?)
En Cast: Érase una vez un pueblín, con unos alrededores preciosos, llamado San Esteban de Cuñaba. El pobre, como todos los de Asturias, iba perdiendo población y quedando vacío. Pero un buen día ¡milagro! la pareja más joven que lo habitaba tuvo un niño y aquello fue un bombazo: hasta vino un Príncipe muy muy largo que hizo de padrino de la criatura. Se arreglaron casas y calles, se hizo un mirador, un area recreativa, quesería... ¡hasta bar! les concedieron un premio y todo era alegría y esperanza porque parecía que los días de olvido habían acabado. Pero pasó el tiempo y el Príncipe largo largo se casó con una Princesita fina fina y nunca más apareció por el pueblo (igual se manchaba de estiércol los zapatitos de cristal la Princesita fina fina). El padre del niño, se cansó de esperar una vida mejor y marchó a trabajar a una gran ciudad de la costa llevándose con él a toda la familia. Y el pueblín con unos alrededores preciosos ¡pobre pueblín! volvió otra vez a su letargo y la tristeza, camino de su también triste destino. FIN (moraleja: en este cuento ¿quién quedó convertido en rana?)

XXXI Día de les Lletres Asturianes

N´Ast:

¡Que dolces tan los cielos

Al fenecer la tardi

Cuando nun hai un ñublu...

Cuando nun xibla un aire...

Cuando llume sereña

Selino caye... caye...

Y esnidia... y allonxana...

Y esvanécese... y vase...!

Pin de Pría

Güei, fecha señalada, dende´l ciñu y respetu a toles llingües, feliz y bon XXXI Día de les Lletres Asturianes.

En Cast:

¡Que dulces están los cielos

Al morir la tarde

Cuando no hay una nube...

Cuando no silba el aire...

Cuando la luz serena

Despacio cae... cae...

Y resbala... y se aleja...

Y se desvanece... y se va...!

Pin de Pría

Hoy, de manera especial en fecha tan señalada, pido un esfuerzo para leer la poesía en asturiano, merece la pena por lo bonita que es. Desde el cariño y respeto a todas las lenguas, feliz y buen XXXI Día de las Letras Asturianas.