Nun solo de fueyes vive l´home

N´Ast: ¡Ixuxuuuu! Aportó la seronda, pero claro, eso ya lo sabemos toos, polo que la entrada ye p´afalavos a otra cosina: a non alguardar solo al collorín tan prestosu de les fueyes. Esta estación ye tamién la de dellos frutos a los que merita la pena presta-yos atención dende ya. A los mesmos collorinos prestosos amestamos milenta estremaes formes y testures a les que hai que salir a echa-yos un güeyu, de xuru que nun nos defrauden. Home, llueu ta lo de prebalos, pero ehí con prudencia y conocimientu, nun seya que llevemos un disgustu...
En Cast: ¡Yujuuuu! Llegó el otoño, pero claro, eso ya lo sabemos todos, por lo que la entrada es para animaros a otra cosa: a no esperar solo al colorido tan bonito de las hojas. Esta estación es también la de algunos frutos a los que merece la pena prestarles atención desde ya. A los mismos coloridos bonitos añadimos mil diferentes formas y texturas a las que hay que salir a echarles un ojo, seguramente no nos defraudarán. Hombre, luego está lo de probarlos, pero ahí con prudencia y conocimiento, no sea que llevemos un disgusto...

Una tradición que medra (=crece)

N´Ast: Si pasamos estos dís pola capital del conceyu Piloña, L´infiestu, y miramos pal sureste, no alto de tres cuetos estremaos veremos unos árboles “raros”. Averándonos a la guapa aldeína de Cardes y dando la parpayuela colos paisanos, sabemos lo que pasa: por San Xuan los vecinos de los pueblos de Porciles y Valle taracen primero y planten dempués estos álamos pa festexalo y, equí la bona nueva, esti añu entamó tamién esta tradición nel dichu Cardes. Nun dexen d´alcordanos les h.ogueres llanisques, pero sorpréndenos que mentres éstes llántense nel mediu´l pueblu, les piloñeses tean no cimero los montes. Camentamos que ye pa que toos puean ver quién la pon más grande, dalgu mui asturiano, y qu´a nós desallúganos porque, al dir en bici, tenemos qu´almirales dende lloñe. Naguando porque la tradición calténgase y medre, comprometémonos a dir otru añu a alleganos a pie a palpales.
(Gracies fonderes a la piloñesa Begoña Undagoitia por toa la información)
En Cast: Si pasamos estos días por la capital del concejo de Piloña, L´Infiestu/Infiesto, y miramos al sureste, en lo alto de tres montes distintos veremos unos árboles “raros”. Acercándonos a la bonita aldea de Cardes y charlando con los paisanos, sabemos lo que pasa: por San Xuan/San Juan los vecinos de los pueblos de Porciles y Valle cortan primero y plantan después estos álamos para celebrarlo y, aquí la buena noticia, este año comenzó también la tradición en el dicho Cardes. No dejan de recordarnos las “h.ogueras” llaniscas, pero nos sorprende que mientras éstas se sitúan en el medio del pueblo, las piloñesas estén en las cumbres. Pensamos que es para que todos puedan ver quién la pone más grande, algo muy asturiano, y que a nosotros nos descoloca porque, al ir en bicicleta, tenemos que contemplarlas desde lejos. Deseando que la tradición se mantenga y crezca, nos comprometemos a ir otro año a pie a tocarlas.
(Muchas gracias a la piloñesa Begoña Undagoitia por toda la información)

A mal tiempu... bona Naturaleza

N´Ast: L´home´l tiempu da lluvia: nun pasa ná. Aportamos a l´entamu y hai borrina: da lo mesmo. Caminamos y esfrutamos, pero non de les grandes coses alloñaes si non de les pequeñes, de les averaes al pie: paparraxos y anfibios, que deprendemos de los Maestros encamentaos equí al llau, ya encluso de les caprichoses gotes d´agua enriba una fueya muerta. Nun importa´l mal tiempu, el casu ye tastiar otru dí más la nuesa perguapa Naturaleza, la grande y la pequeña.
En Cast: El hombre del tiempo da lluvia: no pasa nada. Llegamos al comienzo y hay niebla: da lo mismo. Caminamos y disfrutamos, pero no de las grandes cosas alejadas si no de las pequeñas, de las cercanas al pie: insectos y anfibios, que aprendemos de los Maestros recomendados al lado, e incluso de las caprichosas gotas de agua sobre una hoja muerta. No importa el mal tiempo, el caso es saborear otro día más nuestra hermosa Naturaleza, la grande y la pequeña.

Averaín a la cabaña

N´Ast: Delles vegaes, ye la viesca la que nun dexa ver l´árbol: ún de los nuesos llugares de pasu frecuente (Cogoma, Cabrales) y nunca nun arreparamos n´esti perguapu texu hasta agora que la foresta duerme y la falta de fueyes abre otres panorámiques. Y lo que más nos presta ye velu asina, averaín a la cabaña, al home, nun sofitu mutuu y un respetu ancestral, onde´l paisano necesita al árbol y el árbol al paisano. Yeren otres dómines, cuando´l texu yera queríu y veneráu como estaya de la comuña, nun como anguañu, camudáu nun simple oxetu de xardinería valeru de sentíu.
En Cast: Algunas veces, es el bosque el que no deja ver el árbol: uno de nuestros lugares de paso frecuente (Cogoma, Cabrales) y nunca nos fijamos en este hermoso tejo hasta ahora que la foresta duerme y la falta de hojas abre otras panorámicas. Y lo que más nos gusta es verlo así, arrimadito a la cabaña, al hombre, en un apoyo mutuo y un respeto ancestral, donde el paisano necesita al árbol y el árbol al paisano. Eran otros tiempos, cuando el tejo era querido y venerado como parte de la comunidad, no como actualmente, transformado en un simple objeto de jardinería vacío de sentido.

Nerbu (=enebro)

N´Ast: Gúei, pa finar l´añu, un matu-arbolín prestosu pa estes feches, porque apaez mui navideñu. En la perguapa comarca vecina de Liébana, atopamos llamativos exemplares de nerbu (anubreru, cairuetu, queruetu ¿quién diz que la nuesa llingua ye probe?. Enebro en Cast) a los que solo-yos falten les bolines pa tar acordies a la dómina. Esta triba vexetal medra seliquino, pero dando-y tiempu abondu pue algamar los diez metros, garrando un porte tan llamativu como´l de les semeyes. Ye dióicu, como´l carrascu, xardón o acebu (hai machu y fema) y el frutu ta nel so puntu na seronda, emplegándose p´arumar la xinebra. Como diximos, tien un desendolcu lentu, polo qu´esperamos ¡qu´a nadie se-y ocurra tarazalu pa decorar la casa!. Mirái, un bon deséu pal añu venideru: salú y prosperidá pa TOLOS habitantes de la Madre Tierra ¿no?
En Cast: Hoy, para rematar el año, un matorral-arbolín simpático para estas fechas, porque parece muy navideño. En la hermosísima comarca vecina de Liébana, encontramos llamativos ejemplares de “nerbu” (“anubreru”, “cairuetu”, “queruetu” ¿quién dice que la lengua asturiana es pobre?. Enebro en Cast) a los que solo les faltan las bolitas para estar acordes a la época. Esta especie vegetal crece despacio, pero dándole tiempo bastante puede alcanzar los diez metros, cogiendo un porte tan llamativo como el de las fotos. Es dióico, como el “carrascu”, “xardón” o acebo (hay planta macho y planta hembra) y el fruto está en su punto en el otoño, utilizándose para aromatizar la ginebra. Como dijimos, tiene un desarrollo lento, por lo que esperamos ¡que a nadie se le ocurra cortarlo para decorar la casa!. Mirad, un buen deseo para el año que viene: salud y prosperidad para TODOS los habitantes de la Madre Tierra ¿no?

El Rei de Cuesta Fría

N´Ast: Nun pue pasar la seronda ensin que fagamos una visita a esti vieyu collaciu. En Cuesta Fría, reinu de les fayes, el Roblón llogró facese l´amu´l llugar, y eso que dalgún rayu encargose de baxa-y los fumos. Esta vegada midimos en “llanisques” p´acomparar y, como güeyáis, tien unes cuantes d´altor y de gordor. Cola estampa serondiega dicimos-y “hasta la primavera que vien”... o igual toca face-y un afalagu ivernal con ñeve ¡quién sabe!
En Cast: No puede pasar el otoño sin que hagamos una visita a este viejo amigo. En Cuesta Fría, reino de las hayas, el Roblón logró hacerse el amo, y eso que algún rayo se encargó de bajarle los humos. Esta vez medimos en “llaniscas” para comparar y, como veis, tiene unas cuantas de altura y de grosor. Con la estampa del otoño le decimos “hasta la primavera que viene”... o igual toca hacerle una reverencia invernal con nieve ¡quién sabe!

Castañes... y castaños

N´Ast: ¡Casi se m´escaez! Ta finando el tiempu les castañes y entá nun vos encamenté dir a pañales. Ye un llabor prestosu y bien recompensáu: asaes, cocíes con llechi y hasta en pote, son un sabrosu premiu al puxu. Y si la collecha ye pequeña, siempres apodemos consolanos estelando ante árboles milenarios como La Narezona, en Liébana, con trece metros de perímetro y un eleváu númberu de guaños (pimpollas en la fastera), dálgunos de tal gordor que bien podíen ser pies independientes. ¡Cuantes xeneraciones atoparíen l´abellugu de les sos rames, madera y frutu! Nota: pido perdón en públicu por xubime al árbol, cosa que nun se debe facer nestos monumentos vivos, lo mesmo que pisar munchu el terrén averáu al tueru, porque nun-yos asienta bien. Ye dalgo que nun sabía aquel dí y deprendí llueu lleendo ún de los magníficos llibros d´Ignacio Abella.
En Cast: ¡Casi se me olvida! Está finalizando el tiempo de las castañas y todavía no os recomendé ir a apañarlas. Es una labor entretenida y bien recompensada: asadas, cocidas con leche y hasta en pote, son un sabroso premio al esfuerzo. Y si la cosecha no es muy grande, siempre podemos consolarnos alucinando ante árboles milenarios como La Narezona, en Liébana, con trece metros de perímetro y un elevado número de brotes (“pimpollas” en la zona), algunos de tal grosor que bien podían ser pies independientes. ¡Cuantas generaciones encontrarían el refugio de sus ramas, madera y fruto! Nota: pido perdón públicamente por subirme al árbol, cosa que no se debe hacer en estos monumentos vivos, al igual que pisar mucho el terreno cercano al tronco, porque no les sienta bien. Es algo que no sabía aquel día y que aprendí luego leyendo uno de los magníficos libros de Ignacio Abella.

Art decó 2

N´Ast: Ye perpopular la frase “les oportunidaes nunca tornen”, pero delles vegas si que lo facen. Na cabera caleyada montañera del fin de selmana, atopamos ésto asina: otra ocasión de realizar el mio vieyu suañu decorador pa la puerte casa (Art Decó). Pero nun ye menos ciertu y popular que nos casorios bien aveníos sobren les pallabres y, con una simple güeyada, atalanté na cara la mio muyer un “nin se t´ocurra”. Ya sólo quedome el consuelu d´almirar estos perguapos ablanos, posiblemente centenarios. Si collacios, igual les llanisques entovía tienen bon gustu...
En Cast: Es muy popular la frase “las oportunidades nunca vuelven”, pero algunas veces si que lo hacen. En nuestra última andanza montañera de fin de semana, encontramos ésto así: otra ocasión de realizar mi viejo sueño decorador para la puerta de casa (Art Decó). Pero no es menos cierto y popular que en los matrimonios bien avenidos sobran las palabras y, con una simple mirada, comprendí en la cara de mi mujer un “ni se te ocurra”. Ya sólo me quedó el consuelo de admirar estos preciosos avellanos, posiblemente centenarios. Si amigos, igual las llanisacas todavía tienen buen gusto...

Borrachinos

N´Ast: Pa disgustu dalgún, nun vamos falar de sidre, si non del frutu del arbornial, alborniu o árbol de los borrachinos n´asturiano (Arbutus unedo, madroño en castellano, el del escudu de Madrid). Agora ye la dómina de maduración (Ochobre-Payares) y apodemos velu con un guapu collor y llamativa testura, principalmente en terrén siliciu y llerosu hasta unos 1.000 metros más o menos. Dos curiosidaes más: una, floria tamién d´Ochobre a Febreru, preparando los frutos del añu venideru a la que maduren los d´ésti; y dos, cuando tan nel puntu perbonu, dizse qu´emborrachen (agora allégrense los de la sidre) por tener alcohol y que puen date un empachu. Los paisanos cuenten qu´hai de xintalos tando afitaos en suelu, non enriscaos, pa entevenir mancadures, y que nun ye raro ver animales borrachos por fartase d´ellos, como l´osu ¡si s´entera dalgún Borbón cazador!
En Cast: Para disgusto de alguno, no vamos a hablar de sidra, si no del fruto del “arbornial”, “alborniu” o “árbol de los borrachinos” en asturiano (Arbutus unedo, madroño en castellano, el del escudo de Madrid). Ahora es la época de maduración (Octubre-Noviembre) y podemos verlo con un bonito color y llamativa textura, principalmente en terreno siliceo y pedregoso hasta unos 1.000 metros más o menos. Dos curiosidades más: una, florece también de Octubre a Febrero, preprando los frutos del año venidero a la que maduran los de éste; y dos, cuando están en el punto optimo de maduración, se dice que emborrachan (ahora se alegran los de la sidra) por contener alcohol y que te pueden dar una congestión. Los paisanos cuentan que hay que comerlos en tierra firme y no subidos a las peñas, para prevenir accidentes, y que no es raro ver animales borrachos por hartarse de ellos, como el oso ¡si se entera algún Borbón cazador!

La paciencia y el texu

N´Ast: ¡Que sabia ye la Ñaturaleza! Mentres nós tamos cavilgando en sol, playa o monte, Ella, seliquino, puquiñín a pocu, adulces, ta preparando la estación venidera. El texu, l´árbol por escelencia de la cultura celta, amuésalo claramente. Les femes (esti árbol ye dioicu: hai machos y femes) empecipien a dexar ver los sos frutos, verdes de momentu, pero coyendo un colorín roxu que será plenu cuando tean maduros na seronda. Anque paezan bayes, incluso dando-y el nome científicu a la triba (Taxus baccata, del llatín “bacca”= baya), nun lo son realmente: son unes fueyines nomaes bractees que camúdense nel envoltoriu la semiente y entós dizse que son arilos. Por ciertu, asina como toles partes del árbol son pervelenoses, estos arilos casi casi nun lo son. Y como Ñatura ye paciente y tómase´l so tiempu, una vez nel terrén tarden ¡de 2 a 3 años! en xerminar. Ta claro que nel mundiu vexetal nun esiste´l “stress”. A ver si deprendemos dalgo.
En Cast: ¡Que sabia es la Naturaleza! Mientras nosotros estamos pensando en sol, playa o monte, Ella, despacín, poquito a poco, suavemente, está preparando la estación venidera. El tejo, árbol por excelencia de la cultura celta, lo demuestra claramente. Las hembras (este árbol es dióico: hay machos y hembras) empiezan a dejar ver sus frutos, verdes de momento, pero cogiendo un colorín rojo que será pleno cuando estén maduros en el otoño. Aunque parezcan bayas, incluso dándole nombre científico a la especie (Taxus baccata, del latín “bacca”= baya), no lo son realmente: son unas hojitas llamadas bracteas que se transforman en el envoltorio de la semilla y entonces se dice que son arilos. Por cierto, así como todas las partes del árbol son muy venenosas, estos arilos casi casi no lo son. Y como Natura es paciente y se toma su tiempo, una vez en el terreno tardan ¡de 2 a 3 años! en germinar. Está claro que en el mundo vegetal no existe el “stress”. A ver si aprendemos algo.

Una de texos

N´Ast: L´árbol sagráu pa celtas y ástures: nun mundiu de fueyes caducifolies, vamos, sin ocalitos comu sedría aquel, que se caltuviere siempres verde, incluso n´iviernu, de xuru llamaba l´atención d´estos pueblos. Cola so salvia facíen el velenu de les sos fleches y col que tamién aponíen fin a les sos vides los que nun morríen honrosamente n´amarraza pa nun algamar a vieyos (esta estaya cabera, ya nun me presta tantu...). Pero, ensin dulda, lo más señaláu yeren los conceyos que cellebrábense embaxo les sos rames pa tomar les decisiones de la comuña y incluso elexir a los sos xefes. La Ilesia Cristiana, consciente d´ello, allugó los sos templos averaos a ellos y los sos llugares sagraos pa facese con esti poder místicu. Y llograr, llogrólo, anque en dellos sitios comu n´Oceñu (el Valle Altu de Peñamellera), podemos atopar una situación curiosa, un texu pa un edificiu relixosu y otru pa ún civil: una humilde cuadra. Quiciabis seya un mou recordanos les antigües creyencies qu´aporten a nós dende la escuridá de los tiempos y nun escaezamos los nuesos raigaños. O que´l pueblu asturianu, deprendiendo a ser previsor elli dempués de sieglos de llucha y escasez, pon una vela a Dios y otra al diañu... por si acasu.

En Cast: El árbol sagrado de celtas y ástures: en un mundo de hojas caducas, vamos, sin eucalyptus como sería aquel, que permaneciera siempre verde, incluso en invierno, seguramente llamaba la atención de estos pueblos. Con su savia hacían el veneno de sus flechas y con el que también ponían fin a sus vidas los que no morían honrosamente en combate para no llegar a viejos (esta última parte, ya no me gusta tanto...). Pero, sin duda, lo más importante eran los "conceyos" (reunión de los vecinos de un poblado) que se celebraban bajo sus ramas para tomar las decisiones de la comunidad e incluso elegir a sus jefes. La Iglesia Cristiana, consciente de ello, situó sus templos arrimados a ellos y a sus lugares sagrados para hacerse con este poder místico. Y lograr, lo logró, aunque en algunos sitios como en Oceñu (el Valle Altu de Peñamellera/Peñamellera Alta), podemos encontrar una situación curiosa, un tejo para un edificio religioso y otro para uno civil: una humilde cuadra. Quizás sea un modo de recordarnos las antiguas creencias que llegan a nosotros desde la oscuridad de los tiempos y no olvidemos nuestras raíces. O que el pueblo asturiano, aprendiendo a ser previsor él después de siglos de lucha y escasez, pone una vela a Dios y otra al diablo... por si acaso.

Tiempu de contrastes

N´Ast: Oficialmente ya tamos na primavera, pero un cenciellu paseín en bicicleta métenos na dulda: d´un llau, dalgunos árboles tienen un calter típicu ivernal y nun asoma un res de flor nin de fueya. D´otru, cerezales, piescales, ñisales... tan en plenu apoxéu la floración y nun almiten entrugase si l´equinocciu primaveral pasare. Pero los contrastes nun algamen solo a l´apariencia si non tamién al tiempu la collecha: la vecería los pumares (un añu dan, otru non) quedare atrás y ya incluso los años que cinca reposu podemos atopalos bayurosos. Un paisano Rozáes (Conceyu La Villa), camentóme que la cabera vegada qu´en teoría nun yera temporada favoratible apañó ¡45 toneláes! de manzana y "solo" 25 cuando si lo yera. Hasta les más vieyes y arraigoñáes tradiciones empecipien a baltase. Ye tiempu de contrastes.

En Cast: Oficialmente ya estamos en primavera, pero un simple paseín en bicicleta nos mete en la duda: por un lado, algunos árboles tienen un aspecto típico invernal y no presentan nada de flor ni de hoja. Por otro, cerezos, alberchigueros, ciruelos... están en pleno apogeo de la floración y no admiten preguntarse si el equinoccio primaveral pasó. Pero los contrastes no alcanzan solo a la apariencia si no también al tiempo de la cosecha: la "vecería" de los manzanos (un año dan fruto y otro no) quedó atrás y ya incluso los años que toca descanso podemos encontrarlos pletóricos. Un paisano de Rozáes/Rozadas (Concejo de La Villa/Villaviciosa), me contó que la última vez que en teoría no era tiempo propicio recogió ¡45 toneladas! de manzana y "solo" 25 cuando si lo era. Hasta las más viejas y enraizadas tradiciones comienzan a derrumbarse. Es tiempo de contrastes.

Les barbes: alendando a fondu

N´Ast: Conocíes como barbes del capuchino o barbes de San Xurde/Jorge y del xéneru Usnea, una bona desplicación d´estos líquenes tenéisla nel blogue "Naturaleza Cantábrica", meyor abondu de la que daríemos nós. Equí , lo que queremos señalar, ye que cuando les atopemos nun paséu por una carbayera o un fayéu, tenemos qu´aprovechar y enllenar los pulmones con bien d´aire: tamos frente un ambiente ensin contaminación nenguna, que ye lo qu´amuesen estos vexetales. Nel nuesu casu, tamos por ellí un cachu, alendando a fondu, pa garrar puxu pa cuando tornemos a les nueses menos saludatibles ciudaes. Dellos exemplos son los de les biesques de Valdeón, Sayambre o´l Sueve (nes imáxenes) pero de xuru qu´arrebuscando apaecen más. Y como siempres calquiñamos ¡que nun se note´l nuesu pasu! pa siguir esfrutándolo y que quede pa los qu´aporten detrás.

En Cast: Conocidas como barbas del capuchino o barbas de San Jorge/Xurde y del género Usnea, una buena explicación de estos líquenes la tenéis en el blog "Naturaleza Cantábrica", bastante mejor que la que daríamos nosotros. Aquí, lo que queremos destacar, es que cuando las encontremos en un paseo por un robledal o un hayedo, tenemos que aprovechar y llenar los pulmones con mucho aire: estamos ante un ambiente sin contaminación ninguna, que es lo que demuestran estos vegetales. En nuestro caso, estamos por allí un rato, respirando hondo, para coger fuerzas para cuando regresemos a nuestras menos saludables ciudades. Algunos ejemplos son los bosques de Valdeón, Sajambre o el Sueve (en las imágenes) pero seguro que buscando aparecen más. Y como siempre aconsejamos insistentemente ¡que no se note nuestro paso! para seguir disfrutándolo y que quede para los que vengan detrás.

La Catedral Ñatural

N´Ast: Cuando yéramos rapacinos, la nuesa ma llevábanos los domingos y díes festexeros a la ilesia. A la mesma entrada, moyábamos los deos na pila d´agua bendita y santiguábamosnos en siñal de respetu a lo grandioso qu´ellí había. Güei, ya mayorinos, esos domingos y díes festexeros vamos al monte y, d´elles vegaes, asocede, comu a la mesma entrada del bosque Vierru, que podemos santiguanos nuna pila ñatural, en siñal de respetu y ablucamientu a lo grandioso que vamos ver, dalgo que nenguna catedral humana podrá aparexar. Solu me queda amosávoslo.

En Cast: Cuando éramos críos, nuestra madre nos llevaba los domingos y días festivos a la iglesia. A la misma entrada, mojábamos los dedos en la pila de agua bendita y nos santiguábamos en señal de respeto a lo grandioso que allí había. Hoy, ya mayorcitos, esos domingos y días festivos vamos al monte y, algunas veces, sucede, como a la misma entrada del bosque de Vierru, que podemos santiguarnos en una pila natural, en señal de respeto y admiración a lo grandioso que vamos a ver, algo que ninguna catedral humana podrá igualar. Solo me queda enseñároslo.

Coruxes (Agallas)

N´Ast: Magar que lo paeza, nun vamos falar de pexes, si non de plantes. Ésto que güeyais nes semeyes ye una agalla (en castellán) o coruxa (n´asturiano y si ye de carbayu). Más xente de la que yo creyía, atalanta que ye un frutu del árbol: en realidá ye un amparu a la sostancia qu´una aviespa, la Diplolepsis querqus-foli, inyecta a la fueya al poner los sos güevos. Asina, mantién al parásitu allugau pa que nun s´arrobine pel vexetal a cambeu, eso si, de da-y dalgo de la so produción. Otres agalles son les de les fayes, de formes variáes porque son de munches tribes los parásitos que truñen les sos fueyes, y les del rosal montesín, que paecen líquenes (una boluca de "pelu" arroxau), xera de l´aviespa Diplolepsis rosii. Pa finar, dos cosines: una curiosa: la coruxa emplegábase pa facer tintes al tener ácidu tánicu, y dos: alcorda-yvos: ¡nun se xinten!.

En Cast: Aunque lo parezca, no vamos a hablar de peces, si no de plantas. Ésto que veis en las fotos es una agalla (en castellano) o coruxa (en asturiano y si es de roble). Más gente de la que yo creía, piensa que es un fruto del árbol: en realidad es una defensa a la sustancia que una avispa, la Diplolepsis querqus-foli, inyecta a la hoja al poner sus huevos. Así, mantiene al parásito localizado para que no se extienda por el vegetal a cambio, eso si, de cederle algo de su producción. Otras agallas son las de las hayas, de formas variadas porque son de muchos tipos los parásitos que atacan sus hojas, y las del rosal silvestre, que parecen líquenes (una bolita de "pelo" rojizo), obra de la avispa Diplolepsis rosii. Para terminar dos cositas: una curiosa: la agalla de roble se usaba para hacer tintes al contener ácido tánico, y dos: acordaros ¡no se comen!.

Media Primavera

N´Ast: Ya tamos na metada la Primavera. Empecipió pocu a pocu, nel fondu los valles, y espericando espericando, aportare a la estaya alta de los montes. Nel Oriente d´Asturies, les fayes son los árboles que más altu algamen, hasta los 1.200 metros aprosimadamente. Estos díes asómayos el verde qu´a mi préstame más, el de la Primavera, comu n´esta de Fana, na Montaña de Cuadonga. Col pasu´l tiempu, en cuantes asome el branu col calor y la seca, agostiarán, lo que xunío a la aición de los paparroxos fitófagos (vamos, los que xinten les fueyes) fadrá qu´el verde ya nun seya tan intensu, pasu previu al españíu ocre de la Seronda. Pero buenu, esa guapura ya aportará, de momentu cinca esfrutar en verde.
En Cast: Ya estamos en la mitad de la Primavera. Empezó poco a poco, en el fondo de los valles, y subiendo subiendo, llegó a la parte alta de los montes. En el Oriente de Asturias, las hayas son los árboles que más altura alcanzan, hasta los 1.200 metros aproximadamente. Estos días lucen el verde que a mi me gusta más, el de la Primavera, como esta de Fana, en la Montaña de Covadonga. Con el paso del tiempo, en cuanto asome el verano con el calor y la seca, se agostarán, lo que unido a la acción de los insectos fitófagos (vamos, los que se comen la hojas) hará que el verde ya no sea tan intenso, paso previo al estallido ocre del Otoño. Pero bueno, esa hermosura ya llegará, de momento toca disfrutar en verde.

Lluces

N´Ast: La primavera ya dio los sos primeros rebalgos pero dalgunes coses dícennos que l´iviernu pasare pero entovía nun dobló la esquina. Nun paseín per les viesques del Valle Altu de Peñamellera, cuando garramos un puquiñín d´altor, los árboles ensín fueya y el sol de la mañana permiten estos contralluces. Más al branu, con unos cuantos rebalgos primaverales más, la ramascaya del castañu nun dexará pasar casi lluz al tarrén y el Sol a la mesma hora tará munchu más vertical colo que pa escontrar buenes lluces pa la semeya solu quedará facer dalgo doliente pa munchos: ¡mañandiar!.

En Cast: La primavera ya dio sus primeros pasos pero algunas cosas nos dicen que el invierno pasó pero todavía no dobló la esquina. En un paseo por los bosques de Peñamellera Alta, cuando cogemos un poco de altura, los árboles sin hoja y el sol de la mañana permiten estos contraluces. Más al verano, con unos cuantos pasos primaverales más, la frondosidad del castaño no dejará pasar casi luz al suelo y el Sol a la misma hora estará mucho más vertical con lo que para buscar buenas luces para la foto solo quedará hacer algo doloroso para muchos: ¡madrugar!.

Primavera y pumares

N´Ast: A la fin aportó. Ya tábamos: "aaaayyy qu´ivernu más xenxu ¡cuando finará!". Pues acabose, aportó la primavera ¡y de que xeitu!. Lo bonu d´alendar n´estes llatitudes ye que toles estaciones son estremaes, cada cuala perguapa. Presonalmente, igual destaco un pelín la primavera: medren los díes, hay más lluz, fae calorín ensin pasase, presta pasiase a l´atapecer... pero sobre tou, españa la ñatura, florien los árboles. Nun tenemos les cerezales del Jerte, ni los almendros de Murcia, pero tenemos los pumares d´Asturies. Esti añu cinca manzana, asina qu´agüeyaremos les pumaraes coronaes de pétalos blanqui-rosas. Y si´l tiempu vien bonu pa ella, l´añada sedrá meyor y la primavera prósima tendremos menos flores (añu de menos manzana pola vecería) pero bon xugu d´esi que nos vuelve tochos: la sidre. Pero buenu, eso la primavera que vien, ésta ¡mira-yme pa les pumaraes!. Que les semeyes vos aliten.
En Cast: Al fin llegó. Ya estábamos: "aaaayyy que invierno más duro ¡cuando acabará!". Pues se acabó, llegó la primavera ¡y de que manera!. Lo bueno de vivir en estas latitudes es que todas las estaciones son diferentes, cada cual más hermosa. Personalmente, igual destaco un poco más la primavera: crecen los días, hay más luz, hace calor sin pasarse, disfruta uno paseándose al atardecer... pero sobre todo, estalla la naturaleza, florecen los árboles. No tenemos los cerezos del Jerte, ni los almendros de Murcia, pero tenemos los manzanos de Asturias. Este año toca manzana, así que veremos los manzanales coronados de pétalos blanqui-rosas. Y si el tiempo viene bueno para ella, la cosecha será mejor y la próxima primavera tendremos menos flores (año de menos manzana por la "vecería"-un año cosecha otro no) pero buen jugo de ese que nos vuelve locos: la sidra. Pero bueno, eso la primavera que viene, ésta ¡miradme para los manzanos!. Que las fotos os animen.

Floriando les primeres: les mimoses

N´Ast: Si n´estos fríos y soleyeros díes d´iviernu damos un paséu, un árbol peramariellu llamaranos l´atención: la mimosa (Acacia dealbata). Avistarémosla en praos y quintanes alcordándonos que la vida ñatural sigui arretando´l frío, anque apaeza lo contrario, y qu´entramos na estaya final de la estación: en poco más de un mes españará la primavera. Una curiosidá: nun ye un árbol autóctono, "solo" lleva ente nos dende el s. XIX, trayíu dende Australia y Tasmania como ornamental anque lluéu llogró facese montesín llegando a ser una auténtica plaga en dalgunos países, como asocedió en Galiza (Orense y Pontevedra principalmente). N´Asturies podemos esfrutar de la so presencia ensin aplagorianos... de momento.
En Cast: Si en estos fríos y soleados días de invierno damos un paseo, un árbol intensamente amarillo nos llamará la atención: la acacia mimosa (Acacia dealbata). La veremos en prados y quintanas recordándonos que la vida natural sigue desafiando al frío, aunque parezca lo contrario, y que entramos en la parte final de la estación: en poco más de un mes estallará la primavera. Una curiosidad: no es un árbol autóctono, "solo" lleva entre nosotros desde el s. XIX, importado desde Australia y Tasmania como ornamental aunque logró asilvestrarse llegando a ser una auténtica plaga en algunos paises, como sucedió en Galicia (Orense y Pontevedra principalmente). En Asturias podemos disfrutar de su presencia sin alarmarnos... de momento.