Ostón, el reinu de Presente

N´Ast: El martes falábamos de la Vega´l Forcáu polo grande y güei, sábadu, falamos d´Ostón polo prestoso: dicir que ye una de les mayaes más guapes de los Picos d´Europa nun ye desaxerar, al contrariu, ye quedase curtiu. Engolada enriba los desventios del Cares y al pie de les torres más altes del Macizu, fae que´l caminante siéntase pequeñu, perpequeñu. Amás, ye ún de los afitamientos que caltién vida pastoril, colo que podemos güeyar de cerque cómo ye esti duru trabayu, anque toparemos un güecu abegosu d´enllenar: el que dexonos Presente, la cual, dementres munchos años, reconfortó cola so charra a los aparraos andariegos pa que siguieren con bon camín. De xuru qu´alló onde tea, la bona de Presente continúa tresvelando pola mayada.
En Cast: El martes hablábamos de la Vega´l Forcáu por lo grande y hoy, viernes, hablamos de Ostón por lo bonito: decir que es una de las majadas más hermosas de los Picos d´Europa no es exagerar, al contrario, es quedarse corto. Colgada sobre los abismos del Cares y al pie de las torres más altas del Macizo, hace que el caminante se sienta pequeño, muy pequeño. Además, es uno de los asentamientos que conserva vida pastoril, con lo que podemos ver de cerca cómo es este duro trabajo, aunque encontraremos un hueco difícil de llenar: el que nos dejó Presente, la cual, durante muchos años, reconfortó con su charla a los cansados andarines para que siguieran con buen camino. Seguro que allí donde esté, la buena de Presente continúa velando por la majada.

La Vega´l Forcáu

N´Ast: Agora que vase ya la ñeve, tornamos a espericar a les altures pa güeyar coses interesantes. Nesti casu son les murueques de la mayada más grande del Macizo Occidental o del Cornión y una de les mayores de los Picos d´Europa. Arrecostinada nes lladeres del Cantu la Cuerria, al sur de Vega Ceñal, la gran cantidad de restos dan una idea la importancia que tevo´l llugar. A esta triba d´afitamientos de tales dimensiones yera normal qu´acudieren families enteres, llegando a contar dalgunos con bolera y festexos por exemplu. Yeren tiempos de folixa nos puertos, pero´l correr de los años y la dureza´l trabayu fue esacupando la montaña de los sos fíos y, güei, solo queden piedres y ecos de domines meyores.
En Cast: Ahora que se va la nieve, volvemos a subir a las alturas para ver cosas interesantes. En este caso son las ruinas de la majada más grande del Macizo Occidental o del Cornión y una de las mayores de los Picos de Europa. Arrecostada sobre las laderas del Cantu la Cuerria, al sur de Vega Ceñal, la gran cantidad de restos dan una idea de la importancia que tuvo el lugar. A este tipo de asentamientos de tales dimensiones era normal que acudieran familias enteras, llegando a contar algunos con bolera y fiesta por ejemplo. Eran tiempos de alegría en los puertos, pero el correr de los años y la dureza del trabajo fue desocupando la montaña de sus hijos y, hoy, solo quedan piedras y ecos de épocas mejores.

Por si acasu...

N´Ast: Que la muerte iguálanos a toos llévenlo canciando los poetas dende la Edá Media polo menos. Y nesi trance, que menos qu´asegurase´l pasu a la vida eterna de cualisquier mou: anque´l pudiente sofite la relixión “oficial”, meyor amparase tamién na de los aldeanos por si acasu. Pa ello, na meyor qu´allugar na puerte´l palaciu (Inguanzu, Cabrales, sieglu XVII) simboloxíes d´ambes creyencies, una vela al Dios cristiano (la cruz) y otra al Dios Sol (rosetes y ruedes solares), asina la salvación ta más cerque. Ricos y probes, estremaos na esistencia ante´l pruyimientu d´un cambéu de suerte nes sos vides y xuníos frente un mesmu destín.

En Cast: Que la muerte nos iguala a todos lo llevan cantando los poetas desde la Edad Media por lo menos. Y en este trance, que menos que asegurarse el paso a la vida eterna de cualquier manera: aunque el pudiente apoya la religión “oficial”, mejor protegerse también en la de los aldeanos por si acaso. Para ello, nada mejor que colocar en la puerta del palacio (Inguanzu, Cabrales, siglo XVII) simbologías de ambas creencias, una vela al Dios cristiano (la cruz) y otra al Dios Sol (rosetas y ruedas solares), así la salvación está más cerca. Ricos y pobres, separados en la existencia ante el deseo de un cambio de suerte en sus vidas y unidos frente a un mismo destino.

Sorpreses arquitectóniques

N´Ast: Delles vegaes, va ún a pueblos llonxanos a la gueta d´arquitectures populares interesantes y alcuéntrase con sorpreses. Un bon exemplu, Salarzón, nun requexu escaecíu de Liébana, onde caemos de casualidá esperando alcontrar un caseríu señaláu y lo qu´atopamos ye una guapa y gran ilesia de fechura neoclásica (entamos del sieglu XIX) que nun solemos asociar a pequeñes aldeínes como ésta y ya quisieren pa si poblaciones de más sonadía. Dempués d´esfrutar d´ella y dalguna casona-palacio, colamos cola llección bien deprendía: les idees preconcebíes son males conseyeres; adicar y dempués, xulgar. Asina, nunca nun dexaremos ná prestoso atrás.

En Cast: Algunas veces, uno va a pueblos remotos a la búsqueda de arquitecturas populares interesantes y se encuentra con sorpresas. Un buen ejemplo, Salarzón, en una tierra olvidada de Liébana, donde caemos de casualidad esperando encontrar un caserío destacable y lo que nos tropezamos es una bonita y gran iglesia de factura neoclásica (inicios del siglo XIX) que no solemos asociar a pequeñas aldeítas como ésta y ya quisieran para si poblaciones de más renombre. Después de disfrutar de ella y alguna casona-palacio, nos vamos con la lección bien aprendida: las ideas preconcebidas son malas consejeras; observar y después juzgar. Así, nunca dejaremos nada interesante atrás.

La formiga y la chicharra

N´Ast: El cuentu la chicharra y la formiga en versión pastoril, y nesti casu, atopamos ésta cabera: esti pastor de la mayada d´Orientes trabayó tou´l branu pa tener herba abonda pal so ganáu nel iviernu. Estos ivernales son de los que na entrada sobre la baxada´l rebañu nomamos de posa intermedia ente´l puertu altu (nesti casu, Los Llagos) y el pueblu (Teleña). Les semeyes amuesen que los animales d´esti paisano nun van pasar fame agora que´l pastu escasea o cuando fagan la escala primaveral na subida a les altes camperes dende l´aldea, si ye qu´hebo mester de baxalos a ella. Otru dí, guetaremos la chicharra, qu´habela, por desgracia, haila tamién.
En Cast: El cuento de la cigarra y la hormiga en versión pastoril, y en este caso, encontramos ésta última: este pastor de la majada de Orientes trabajó todo el verano para tener abundante comida de paja para su ganado en el invierno. Estos invernales son de los que en la entrada sobre la bajada del rebaño llamamos de parada intermedia entre el puerto alto (en este caso, Los Lagos) y el pueblo (Teleña). Las fotos demuestran que los animales de este paisano no van a pasar hambre ahora que el pasto escasea o cuando hagan la escala primaveral en la subida a las altas praderías desde la aldea, si es que hubo necesidad de bajarlos a ella. Otro día hablaremos de la cigarra, que haberla, por desgracia, la hay también.

Otra vegada La Mariña

N´Ast: Nuna selmana de gripes y maliqueres estremaes, tuvimos tiempu pa repasar material retrasáu que taba guardáu n´espera. Ente ello, atopamos un comentariu perguapu sobre la entrada de les muries de La Mariña (La Villa) que fáenos el gran hestoriador y etnógrafu llocal Miguel González Pereda que, pol so porgüeyu, préstanos compartir con vós: “tan feches cola piedra que sacaben de llimpiar los praos de los afloramientos naturales y cola de les abondoses canteres de la fastera, onde les llastres tallábense pa facer pegoyos d´horru, ruedes d´afilar y de molín, que llegaron a esportase pol puertu Tazones a Bizcaia, Galicia ya incluso Inglaterra y Francia. Dalgunos edificios señalaos de Xixón tan llevantaos con piedra mariñana, como por exemplu la Universidá Llaboral. Pero los cierros perinteresantes tan fechos con restos de dólmenes (n´Oles hubo una gran necrópolis megalítica) y nun ye difícil topar nes muries ortostatos o cachos d´ellos onde entovía apréciense restos de grabaos, petroglifos y cazoletes. La perda cultural que supón el desaniciu de los acorramientos mariñanos y el so desconocimientu, va al empar del tarrecimientu y desdexu de los responsables culturales d´esti paraísu cada vegada menos natural”. Gracies fonderes Miguel. Nun dexemos de mirar con más almiración y ciñu entovía esti arte en piedra.
En Cast: En una semana de gripes y enfermedades varias, tuvimos tiempo para repasar material atrasado que estaba guardado a la espera. Entre él, encontramos un comentario muy bonito sobre la entrada de los muros de La Mariña (La Villa/Villaviciosa) que nos hace el gran historiador y etnógrafo local Miguel González Pereda que, por su interés, nos gusta compartir con vosotros: “están hechos con la piedra que se sacaba de limpiar las praderías de los afloramientos naturales y con la de las abundantes canteras de la zona, donde las rocas se tallaban para fabricar “pegoyos” (sustentaciones del horreo en asturiano), ruedas de afilar y de molino, que llegaron a exportarse por el puerto de Tazones a Bizcaia, Galicia e incluso Inglaterra y Francia. Algunos de los edificios más importantes de Xixón/Gijón están levantados con piedra mariñana, como por ejemplo la Universidad Laboral. Pero los cierres más interesantes están construidos con restos de dólmenes (en Oles existió una gran necrópolis megalítica) y no es difícil encontrar en los muros ortostatos o partes de ellos donde todavía se aprecian restos de grabados, petroglifos y cazoletas. La pérdida cultural que supone la desaparición de los acorramientos mariñanos y su desconocimiento, va pareja al “pasotismo” y la neglicencia de los responsables culturales d´esti paraísu cada vez menos natural”. Muchas gracias Miguel. No dejemos de mirar con más admiración y cariño aún este arte en piedra.

Arte cultu, arte popular

N´Ast: Ye perfrecuente oyer y lleer que l´arte popular copia del arte cultu y, dende llueu que ye ciertu, como amuesen dellos horros con talles qu´asemeyen arcos y figures del románico, pero paeznos que munches vegaes estes afirmaciones faense con fin despectivu, como pa desprestixiar lo que ye nueso de tola vida, tratándolo d´inferior por nun ser “académico”. Pa ser xustos, habría que dicir que tamién dase´l fenómeno a la inversa: l´arte cultu copia al popular y pa ver ún de los munchos exemplos acudimos a la ilesia d´Inguanzo (Cabrales), onde parte de la decoración ye claramente de gustu tradicional y hasta “pagana”, con sestafueyes y radiales, arrepresentaciones del dios Sol nes cultures anteriores al cristianismu y emplegaes abondu como motivu decorativu nos pueblos y aldees. A la fin, toos deprendemos de toos y nun hai ná malo en reconocelo.
En Cast: Es muy frecuente oir y leer que el arte popular copia del arte culto y, desde luego que es cierto, como demuestran algunos horreos con tallas que imitan arcos y figuras del románico, pero nos parece que muchas veces estas afirmaciones se hacen con fin despectivo, como para desprestigiar lo que es nuestro de toda la vida, tratándolo de inferior por no ser “académico”. Para ser justos, habría que decir que también se da el fenómeno a la inversa: el arte culto copia del popular y para ver uno de los muchos ejemplos acudimos a la iglesia de Inguanzo (Cabrales), con parte de la decoración de gusto claramente tradicional y hasta “pagana”, con hexapétalas (“sestafueyes” en asturiano) y radiales, representaciones del dios Sol en las culturas anteriores al cristianismo y empleadas con abundancia como motivo decorativo en pueblos y aldeas. Al final, todos aprendemos de todos y no hay nada malo en reconocerlo.

Art deco

N´Ast: Dalgunos acuriosen la casa con murales, otros con tapices y los que menos, con cuadros de Miró nel bañu. Llueu tan los más prácticos, que fácenlo colo que-yos ufierta´l mediu más averáu, como amuesa la semeya. Yo quixi poner dalgo apaecío a la puerte casa, pero ante la negación de la mio señora, tuve que conformame con un paragüeru.
En Cast: Algunos adornan la casa con murales, otros con tapices y los que menos, con cuadros de Miró en el baño. Luego están los más prácticos, que lo hacen con lo que les ofrece el medio más cercano, como demuestra la fotografía. Yo quise poner algo parecido en la puerta de mi casa, pero ante la negativa de mi señora, tuve que conformarme con un paragüero.

Los cierros de La Mariña

N´Ast: Ente los llugares polos que préstame más perdeme (lliteral) pedaliando ta lo qu´en La Villa nomamos Les Mariñes: la rasa costera al oeste La Ría. Motivos, hai abondos, pero, ún de los señalaos, son estos murios de piedra que m´encanten y que cada vegada, al igual que los cierros vexetales, son más escasos, camudaos pola comodidá de valles metáliques y allambraes. Al placer estéticu xúnese´l saber que son más afayaízos pa la vida d´animales como los páxaros o los reptiles, pasando polos paparraxos. Un valor etnográficu, paisaxísticu y biolóxicu qu´hai que precurar caltener.
En Cast: Entre los lugares por lo que me gusta más perderme (literal) pedaleando está lo que en La Villa/Villaviciosa llamamos Les Mariñes: la rasa costera al oeste de La Ría. Motivos, hay muchos, pero, uno de los principales, son estos muros de piedra que me encantan y que cada vez, al igual que los cierres vegetales, son más escasos, sustituidos por la comodidad de vallas metálicas y alambradas. Al placer estético se une el saber que son más acogedores para la vida de animales como los pájaros o los reptiles, pasando por los insectos. Un valor etnográfico, paisajístico y biológico que hay que procurar mantener.

Amparu

N´Ast: Güeyando dalgunes puertes podemos atopar alloñáes tradiciones y escaecíos mitos d´Asturies: lo que güei son cenciellos adornos, antañu yeren símbolos amparadores. Nel so orixen, la cruz na pesllera entorgaba que pola mesma entraren malos espíritus y la sestafueya, roseta o flor galana (estremaos nomes pal mesmu símbolu) yera una representación solar qu´espantayaba les tiniebles y el mal. Col correr de los años, fueren camudando les creencies populares y estes manifestaciones artístiques perdieren la so función máxicu-relixiosa y los artesanos copiábenles por motivos estéticos solamente. Ye´l llabor escaedizu del tiempu... y unes cuantes manes de pintura.

En Cast: Ojeando algunas puertas podemos encontrar lejanas tradiciones y olvidados mitos de Asturias: lo que hoy son simples adornos, antaño eran símbolos protectores. En su origen, la cruz de la cerradura impedía que por la misma se pudieran colar los malos espíritus y la "sestafueya", "roseta" o "flor galana" (diferentes nombres en asturiano para un mismo símbolo. Última foto) era una representación solar que ahuyentaba las tinieblas y el mal. Con el correr de los años, fueron cambiando las creencias populares y estas manifestaciones artísticas perdieron su función mágico-religiosa y los artesanos las copiaban por motivos estéticos simplemente. Es la labor olvidadiza del tiempo... y unas cuantas manos de pintura.

L´otru Somiedu

N´Ast: Nun dexa de ser plasmante´l dir a una charla de montaña y güeyar un paisaxe típicu somedán...¡nel Perú!. Sí, porque nun se trata d´un tracamundiu al montar les diapositives: estos teitos alcuéntrense nel país andinu, na nomada Cordillera Huayhuash. Al picar enriba la segunda semeya y agrandala, vense meyor los personaxes indíxenas. Miles de kilómetros de distancia, un océanu pol mediu y, a la fin, les mesmes iguaderes: aprovechar lo qu´ún tien más averao. Quiciabis, el mundiu nun seya tan grande como camentamos. (Gracies fonderes a Gonzalo Alonso Suárez y Pedro Álvarez González por emprestame les imáxenes).

En Cast: No deja de ser sorprendente ir a una charla de montaña y ver un paisaje típico somedano...¡en el Perú!. Sí, porque no se trata de una confusión al montar las diapositivas: estos "teitos" (nombre de las construcciones de techo de escoba de Somiedu/Somiedo) se encuentran en el país andino, en la llamada Cordillera Huayhuash. Al pinchar con el ratón sobre la segunda foto y agrandarla, se ven mejor los personajes indígenas. Miles de kilómetros de distancia, un océano por el medio y, al final, las mismas soluciones: aprovechar lo que uno tiene más cerca. Quizás, el mundo no sea tan grande como pensamos. (Muchas gracias a Gonzalo Alonso Suárez y Pedro Álvarez González por cederme las imágenes).

Paisaxes d´Anayu

N´Ast: Dalguna vegada ya falamos d´esti guapu pueblu piloñés (picái EQUÍ ya EQUÍ) pero güei, lo que queremos amosavos, son les perguapes vistes de la rodiada. Pa ello aprovechamos un dí enantes d´esti caberu temporal porque agora, col xelu, ye un peligru xubir en coche. Y lo qu´escubrimos ye´l Sueve con una capina ñeve, esa ñeve que torna los paisaxes habituales n´otros estremaos, dándonos una sensación nueva, casi máxica. Al fondo, güeyaremos los Picos d´Europa, maxestosos, col so aspectu ivernal de siempres. Como les carreteres son tranquiles, podemos dar un paseín hasta pueblinos como Fresnosa, célebre pola so fonte medicinal y dalguna casa interesante, o Robléu; asina completaremos la nuesa visión d´estos valles de Colunga, Piloña y La Villa. Pa rematar, por supuestu, tomamos dalgo en cualquier de los bares del pueblu, que siempres podemos deprender dalguna cosina. Pues bono, en cuantes escaleza un poquiñín el Sol, averáivos a conocelo ¡pero ensin que se vaya la ñeve!

En Cast: Alguna vez ya hablamos de este bonito pueblo piloñés (dar AQUÍ y AQUÍ) pero hoy, lo que queremos enseñaros, son las hermosas vistas de los alrededores. Para ello aprovechamos un día antes de este último temporal porque ahora, con el hielo, es un peligro subir en coche. Y lo que descubrimos es el Sueve con una capita de nieve, esa nieve que transforma los paisajes habituales en otros diferentes, dandonos una sensación nueva, casi mágica. Al fondo, veremos los Picos de Europa, majestuosos, con su aspecto invernal de siempre. Como las carreteras son muy tranquilas, podemos dar un paseo hasta pueblinos como Fresnosa, conocido por su fuente medicinal y alguna casa interesante, o Robléu/Robledo; así completaremos nuestra visión de estos valles de Colunga, Piloña y La Villa/Villaviciosa. Para terminar, por supuesto, tomamos algo en cualquiera de los bares del pueblo, que siempre podemos aprender alguna cosa. Pues bueno, en cuanto caliente un poco el Sol, acercaros a conocerlo ¡pero sin que se vaya la nieve!

El Picu Paisano

N´Ast: Dende que l´home ye home, siempres guetó tar lo más averau posible de los sos dioses. Nesti casu güei, ye un vecín del Valle Bah.u de Peñamellera´l que ta 867 metros más cerque del Dios de los cristianos, gracies al cumplimientu d´una promesa "izada entre la vida y la muerte". Como los favores fueren recibíos, el caballero cumplió y la ermita llevantó, cenciella, eso sí, n´honor de San Antonio y onde cellébrase una romería´l caveru domingo Xunetu. Paez ser que lo fizo en 1960 al tornar de México enriquecíu, lo que nun sabemos ye si fue por facelo con perres...o vivu. Cosa de la divinidad o non, el casu ye que queda ún n´éstasis: la costa dende Niembru a San Vicente (Cantabria), les altures del Cuera, la Pica Peñamellera (el Cervino asturianu), los perguapos cierros de piedra de la Braña La Pipa... y los mayestaticos Picos d´Europa; nun ye raro cruciar los océanos col llugar n´alcordanza y querer tornar a él anque seya una cavera vegada. Por eso, pa rematar, años más tardi, dalguien amestó una placa nuna llastra del picu con una inscripción a la que sumámonos: ¡vivan los emigrantes de la nuesa tierra!
En Cast: Desde que el hombre es hombre, siempre buscó estar lo más cerca posible de sus dioses. En el caso de hoy, es un vecino del Valle Bah.u de Peñamellera (Peñamellera Baja. Acordarse que la "h." es la "h" aspirada del Oriente d´Asuries) el que está 867 metros más cerca del Dios de los cristianos, gracias al cumplimiento de una promesa "izada entre la vida y la muerte". Como los favores fueron recibidos, el caballero cumplió y la ermita levantó, sencilla eso sí, en honor de San Antonio y donde se celebra una romería el último domingo de Julio. Parece ser que lo hizo en 1960 al volver de México enriquecido, lo que no sabemos es si fue por hacerlo con dinero...o vivo. Cosa de la divinidad o no, el caso es que queda uno en éxtasis: la costa desde Niembru a San Vicente (Cantabria), las alturas del Cuera, la Pica Peñamellera (el Cervino asturiano), los hermosos cierres de piedra de la Braña La Pipa... y los mayestáticos Picos de Europa; no es raro cruzar los océanos con el lugar en el recuerdo y querer volver a él aunque sea una última vez. Por eso, como colofón, años más tarde, alguien añadió una placa en una roca del pico a cuya inscripción nos sumamos: ¡vivan los emigrantes de nuestra tierra!

Tiempu de castañes

N´Ast: Poquiñín a poquiñín pasa la seronda y casi ensin danos cuenta aportó´l tiempu les castañes: ye´l momentu de salir al monte y, en cualquier castañeu, pasar un ratu embabucáu pañándoles. Nesta dómina nuesa, tou ye más cenciellu, pues con unos bonos guantes asegures una provechosa atropadura y ya en casa, metiéndoles nel conxelador, garantices furnimientu pa tol añu. Pero, anantes...¡aaayyy anantes! Pa empecipiar, pa nun pinchase colos espinosos aricios (semeya primera), había que remanalos coles morgaces (unes pinces en forma de V colos palos de madera, xeneralmente raíz de castañu). Llueu, metíense éstos nunes fechures circulares de piedra, les cuerres, cuerras, corripies o cuerries (les de les dos caberes semeyes, pallabres por ciertu muy repetíes como topónimos pola nuesa xeografía) onde tapábense con felechos y, asina, col tiempu, esmorgaben solos, quedando les cáscares por un llau y les castañes por otru, calteniéndose éstes de pasu más tiempu que si les sacaren al atropales. Si se llevaben pa casa o pal horru secaben más rápido, quedando lo que se diz mayuques, y, al ponese dures, yeren peores de xintar, d´ehí que siendo un alimentu básicu (vital enantes de qu´aportare el maíz y llueu casi qu´al altor d´ésti), tratárase de que duraren sanes lo más posible. Viendo les facilidaes que tenemos, animaivos a garrar un maniegu d´elles y facer un magüestu. Na nuesa casa ya tastiamos les d´esti añu y ¡tan bien perbones!.

En Cast: Poquito a poquito pasa el otoño y casi sin darnos cuenta llegó el tiempo de las castañas: es el momento de salir al monte y, en cualquier castañedo, pasar un rato entretenido cogiéndolas. En esta época nuestra, todo es más sencillo, pues con unos buenos guantes aseguras una provechosa recolección y, ya en casa, metiéndolas en el congelador, garantizas suministro para todo el año. Pero, antes...¡aaayyy antes! Para empezar, para no pincharse con los espinosos erizos (primera foto), había que manejarlos con "les morgaces" (unas pinzas en forma de V con los palos de madera, generalmente de raíz de castaño). Luego se metían éstos en unas construcciones circulares de piedra, las "cuerras", "cuerres", "corripies" o "cuerries" (las dos últimas fotos, palabras por cierto muy repetidas como topónimos en nuestra geografía) donde se tapaban con helechos y, así, con el tiempo, "esmorgaben" ("esmorgar" en asturiano es abrir los erizos de las castañas) solos, quedando las cáscaras por un lado y las castañas por otro, conservándose éstas de paso más tiempo que si las sacaran al recogerlas. Si se llevaban para casa o para el horreo secaban más rápido, quedando lo que se dice "mayuques", y, al ponerse duras, eran peores de comer, de ahí que siendo un alimento básico (vital antes de la llegada del maíz y luego casi a la altura de éste), se tratara de que durasen buenas lo más posible. Viendo las facilidades que tenemos, animaros a coger un "maniegu" (cesto usado para las castañas) de ellas y hacer un "magüestu" (reunión de personas para comer castañas asadas). En nuestra casa ya probamos las de este año y ¡están riquísimas!.