Por qué Collada Bonita

N´Ast: Delles vegaes los filólogos tienen de francese la tiesta pa deducir l´orixe de los topónimos: pallabres llatines, prerromanes, griegues, un galicismu... Otres la cosa ye munchu más cenciella, vale con acudir al xacíu: tres pasar por una pedrera inmunda camentando quién puede nomar a esta h.orcada la Collada Bonita, al devolar pal Jou Tres el Picu la imaxen aclaria cualisquier dulda. Más nidio solo l´augua del Cares.
En Cast: Algunas veces los filólogos se tienen que romper la cabeza para deducir el origen de los topónimos: palabras latinas, prerromanas, griegas, un galicismo... Otras la cosa es mucho más sencilla, vale con acudir al sentido común: tras subir por una gravera inmunda pensando quién puede llamar a esta horcada la Collada Bonita, al pasar a la vertiente del Jou Tras el Picu la imagen aclara cualquier duda. Más claro solo el agua del Cares.

La Foz del Home Muertu

N´Ast: Nome qu´evoca hestories de corsarios y piratas de les llectures xuveniles que nos facíen suañar, como los de “La Islla de l´Ayalga” de Stevenson o el “Sandokán” de Salgari. Pero esti requexu nun queda nin nel Caribe nin nel Llonxanu Oriente, más bien nel Averáu, nel d´Asturies, y más esatamente en Cabrales; y los héroes fueren y son los pastores d´Inguanzu, qu´ “idearen” esti pasu p´algamar otra triba de bayures: los pastos del cordal de Dobros. La realidá fálanos de cómo la necesidá agudiza l´inxenu pa guetar la supervivencia y un simple topónimu amósanos hasta ónde tienen d´aportar dalgunos pa intentar llograla.
En Cast: Nombre que evoca historias de corsarios y piratas de las lecturas juveniles que nos hacían soñar, como los de “La Isla del Tesoro” de Stevenson o el “Sandokán” de Salgari. Pero este rincón no queda ni en el Caribe ni en el Lejano Oriente, más bien en el Cercano, en el de Asturias, y más exactamente en Cabrales; y los héroes fueron y son los pastores de Inguanzo, que “idearon” este paso para alcanzar otra clase de riquezas: los pastos de la sierra de Dobros. La realidad nos habla de cómo la necesidad agudiza el ingenio para buscar la supervivencia y un simple topónimo nos muestra hasta dónde tienen que llegar algunos para intentar lograrla.

La España

N´Ast: Nome d´un ríu y una playa (na imaxen) del conceyu La Villa. Cuando tenemos visita de dalgunos collacios y damos un voléu pola fastera, a toos lláma-yos l´atención esti par de topónimos polo que tienen d´amor patriu. Ye cuando hai qu´esplica-yos que non, que nun ye un homenaxe a la nación española, si non unos derivaos del verbu asturianu ESPAÑAR (=arreventar, romper), lo que llévanos a atalantar que la sabiduría popular aplicó estes denominaciones pol efectu que faese al chocar les agües, tantu continentales como marines, coles peñes del sablón. Polo tantu, llingua asturiana pura y dura, ná que ver cola Patria Grande o los ésitos de La Roxa.
En Cast: Nombre de un río y una playa (en la imagen) del concejo de La Villa/Villaviciosa. Cuando tenemos visita de algunos amigos y damos un paseo por la zona, a todos les llama la atención este par de topónimos por lo que tienen de amor patrio. Es cuando hay que explicarles que no, que no es un homenaje a la nación española, si no unos derivados del verbo asturiano ESPAÑAR (=reventar, romper, explotar), lo que nos lleva a pensar que la sabiduría popular aplicó estas denominaciones por el efecto que se produce al chocar las aguas, tanto continentales como marinas, con las rocas del arenal. Por lo tanto, lengua asturiana pura y dura, nada que ver con la Patria Grande o los éxitos de La Roja.

Los Porros de Viscalluenga

N´Ast: Unos Porros que dexen alloriar pero ensín riesgu nengún pa la salú; estos nun se fumen. Desenguedeyo: na zona Cangues nomen porru, porra, porros... a cumes arredolaes que tienen una parea vertical ¡y éstos vaya si la tienen!. L´accesu, fácil dende Cuadonga, dexa conocer una de les fasteres pa mi perguapes de la media-baxa montaña de Picos d´Europa ¡llástima que los matos ten finando con ella y los sos caminos!. Cruciar mayaes como Ñarves, Ñajuentes, Soperi o Jucárabu y dempués algamar estes cumes, ye pa eso, p´alloriar: los beyos de Dobra y H.unh.umia a vista páxaru. Yo póngovos unes semeyes que nun escubran munchu; dir velo y cunta-yme. Y con bona compaña como ficimos nos, ya de 11 sobre 10.

En Cast: Unos Porros que permiten alucinar pero sin riesgo ninguno para la salud; estos no se fuman. Aclaro: en la zona de Cangas (de Onís) llaman porru, porra, porros... a cumbres redondeadas que tienen una pared vertical ¡y éstos vaya si la tienen!. El acceso, fácil desde Covadonga, permite conocer una de las zonas para mi más hermosas de la media-baja montaña de Picos de Europa ¡lástima que el matorral esté terminando con ella y sus caminos!. Cruzar majadas como Ñarves, Ñajuentes, Soperi o Jucárabu y después alcanzar estas cumbres, es para eso, para alucinar: los cañones de Dobra y Junjumia a vista de pájaro. Yo os pongo unas fotos que no descubran mucho; ir a verlo y me contáis. Y con buena compañía como hicimos nosotros, ya de 11 sobre 10.

Los Moledizos

N´Ast: Güei un pocu de toponimia de Picos d´Europa. Los "piquinos" del Macizu Occidental qu´agüeyais al fondo nómense Los Moledizos ¿por qué? Ye fácil: les sos lladeres tan enllenes de piedres falisques de munchos grandores, les nomaes lleres o graveres. Cuando les patiamos, estes piedres inestables argayen, munches vegaes dementres un cachu grande. Na fala la xente d´esta fastera la montaña, el Valle de Valdeón, dizse entós que la piedra "muele" y d´ehí el nome: Moledizos. Munches vegaes deberíemos copiar de la ceciellez les xentes de la montaña, de xuru que la vida sedríe más fácil.

En Cast: Hoy un poco de toponimia de Picos de Europa. Los "piquinos" del Macizo Occidental que veis al fondo se llaman Los Moledizos ¿por qué? Fácil: sus laderas están llenas de piedras sueltas de muchos tamaños, las llamadas lleras (n´Asturies) o graveras (más extendido entre montañeros). Cuando las pisamos, estas piedras inestables sufren un corrimiento que muchas veces puede durar un buen trozo. En el habla de la gente de esta parte de la montaña, el Valle de Valdeón, se dice entonces que la piedra "muele" y de ahí el nombre: Moledizos. Muchas veces deberíamos copiar de la sencillez de las gentes de la montaña, seguramente la vida sería más fácil.