El ríu Ástura (II)

N´Ast: Nel pueblín de Villayandre, tamién en Crémenes, entama la segunda estaya de la romana Vía Saliámica. Equí, la presencia d´un escobiu fizo que nun fuere posible averar la calzada al ríu Ástura, polo que los inxenieros romanos tuvieren qu´usar tou´l so saber pa salvar una forcadina nos montes, La Entrecisa (les tres primeres semeyes), y un pasu aeriu, el Pajar del Diablo (les tres siguientes imáxenes). La técnica yera cenciella: arrincar la peña la rimada pa dar forma a la caxa del camín y reaprovechala dando-y forma pa les armadures y les llábanes del pisu ¡menos mal que nel añu 26 a.C. (datación de la vía) la man d´obra yera barata, por nun decir que de baldre! Ta nidio que llograren una fechura que güei sigui dexándonos ablucaos pola so perfección en dellos puntos y que permitió a les tropes y los suministros imperiales aportar de sópitu a los llugares d´amarraza de les guerres qu´ente los años 29 y 19 a.C. finaren cola llibertá de los pueblos ástures y cántabros. Por si vos animáis a conocer esta fácil ruta ponémosvos un pequeñu planu d´orientación. Hestoria y paisaxe xuníos ¿daquién da más?
En Cast: En el pueblín de Villayandre , también en Crémenes, comienza la segunda parte de la romana Vía Saliámica. Aquí, la presencia de un desfiladero hizo que no fuera posible acercar la calzada al río Ástura, por lo que los ingenieros romanos tuvieron que emplear todo su conocimiento para salvar una horcadina en los montes, La Entrecisa (las tres primeras fotos), y un paso aéreo, el Pajar del Diablo (las tres siguientes imágenes). La técnica era sencilla: arrancar la roca de la ladera para dar forma a la caja del camino y reaprovecharla dándole forma para las armaduras y las losas del piso ¡menos mal que en el año 26 a.C. (datación de la vía) la mano de obra era barata, por no decir que gratis! Está claro que lograron una construcción que hoy sigue dejándonos sorprendidos por la perfección en algunos puntos y que permitió a las tropas y suministros imperiales llegar rapidamente los lugares de conflicto de las guerras que entre los años 29 y 19 a.C. terminaron con la libertad de los pueblos ástures y cántabros. Por si os animáis a conocer esta fácil ruta os ponemos un pequeño plano de orientación. Historia y paisaje unidos ¿álguien da más?

El ríu Ástura (I)

N´Ast: La casualidá y la gueta d´un puquiñín de sol faen que terminemos en Castiella y podamos comentar dalgo más sobre´l ríu de los ástures: el Ástura (na primer semeya). El nome actual ye Esla y nel pueblu de Las Salas (conceyu de Crémenes) atopamos l´entamu de dos estayes de calzada romana averaes al ríu y con paneles d´información perprestosos (na tercer semeya, ún d´ellos). Los testos son del hestoriador Eutimio Martino y aporten datos perinteresantes sobre estes víes de comunicación y el so usu pa la conquista del Norte d´Hispania. El nome, la Vía Saliámica, paez que caltuvo un vocablo prelatino, “salia”, que significa ríu, polo que vien a ser la “vía del ríu”, datu importante porque amosa qu´a los habitantes llocales llamo-yos l´atención que la ficieren por ehí, nun llugar onde los desbordamientos sedréin frecuentes, cuando ellos emplegaben collaos y montes ¿Yeren tontos los romanos? Pues non, cenciellamente desconocíen el terrén y facíen lo que paecía-yos más fácil pa les sos campañes BRANIGUES, ésta ye la clave, d´invasión. Tamién llámanos l´atención el sistema pa evitar que los carros fueren al agua en dellos sitios: un carreru llabráu na roca onde entrestallar la rueda (cuarta imaxen). Lo que, pendientes de la guerra, de xuru que los conquistadores nun puedieren esfrutar como nós del guapu paisaxe de la montaña lleonesa.
En Cast: La casualidad y la búsqueda de un poco de sol hacen que terminemos en Castilla y podamos comentar algo más sobre el río de los ástures: el Ástura (en la primer semeya). El nombre actual es Esla y en el pueblo de Las Salas (municipio de Crémenes) encontramos el comienzo de dos tramos de calzada romana pegados al río y con paneles de información entretenidos (en la tercera foto, uno de ellos). Los textos son del historiador Eutimio Martino y aportan datos muy interesantes sobre estas vías de comunicación y su uso para la conquista del Norte de Hispania. El nombre, Vía Saliámica, parece que mantuvo un vocablo prelatino, “salia”, que significa río, por lo que vienes a ser la “vía del río”, dato importante porque nos muestra que a los habitantes locales les llamó la atención que la trazaran por ahí, en un lugar donde los desbordamientos serían frecuentes, cuando ellos empleaban collados y montes ¿Eran tontos los romanos? Pues no, simplemente desconocían el terreno y hacían lo que les parecía más fácil para sus campañas VERANIEGAS, ésta es la clave, de invasión. También nos llama la atención el sistema para evitar que los carros fueran al agua en algunos sitios: un carril labrado en la roca donde se encajaba la rueda (cuarta imagen). Lo que, pendientes de la guerra, seguramente que los conquistadores no pudieron disfutar como nosotros del hermoso paisaje de la montaña leonesa.

De Llanes a Covadonga (III)

N´Ast: Nun podemos dexar Corao ensin echa-y un güeyín al so guapu castañéu con exemplares centenarios, onde cellébrense feries ganaderes de pergrande sonadía. D´equí sal el PR-PNPE-1 qu´axúdanos a siguir ruta. El primer finxu señaláu del camín ye Santolaya d´Abamia (na segunda semeya). Del alderique de la so igua nun dicimos ná, que ye pa enllenar varios blogues. Solo unos datos hestóricos: la tradición diz que´l rei Pelayo edificare´l primer templu, y equí tuvo enterráu cola so muyer Gaudosia hasta´l so treslladu a Cuadonga. Otru visitante illustre fuere l´enviáu de Felipe II, Ambrosio de Morales, que quedó ablucáu al ver les llances que tiníen que llevar los habitantes de la fastera p´amparase de los osos llantaes a la salida de la ilesia. Pa rematar, dientro reposen los restos de Roberto Frasinelli, l´Alemán de Corao. Un pocu más arriba pasamos por Cuetu Abamia y ya garramos el camín del puertu. Anchu y nidiu, va pasando por varies mayaes de gran interés de fechura: Orientes, Caña Miyar, Pandal (con fonte ente fresnos a la nuesa derecha) y Uporquera, onde dexamos el PR pa torcer a mandrecha (cabana de la tercer semeya) por un caminín qu´apórtanos al Collao Ginés pa, con otru xiru a mandrecha, enfilar la cabera subida. Pronto apaez el camín de Priena, picu con guapes vistes, pero cola tralla que traemos preferimos baxar (cuarta imaxen). Al pocu ya vemos Cuadonga, pero ¡cuidadín! que´l descensu de Cuesta Ginés ye más llargu de lo que paez. Tres unes once hores d´andancia, aportamos al pie de la Santa Cueva, con visita a la Santina (por si acasu...). A la fin, pasamos el dí ente hestoria, etnografía y paisaxe, que tou eso tien Asturies. ¡Esperamos que vos haya gustao!
En Cast: No podemos dejar Corao sin echarle un ojo a su hermoso castañar con ejemplares centenarios, donde se celebran ferias ganaderas de gran renombre. De aquí sale el PR-PNPE-1 que nos ayuda a seguir la ruta. El primer hito señalado del camino es Santa Eulalia de Abamia (en la segunda foto). De su polémica restauración no decimos nada, que es para llenar varios blogs. Solo unos datos históricos: la tradición dice que el rey Pelayo edificó el primer templo, y aquí estuvo enterrado con su mujer Gaudosia hasta su traslado a Cuadonga/Covadonga. Otro visitante ilustre fue el enviado de Felipe II, Ambrosio de Morales, que quedó sorprendido al ver las lanzas que tenían que llevar los habitantes de la zona para defenderse de los osos clavadas a la salida de la iglesia. Para terminar, dentro reposan los restos de Roberto Frasinelli, el Alemán de Corao. Un poco más arriba pasamos por Cuetu Abamia y ya cogemos el “camín del puertu”. Ancho y claro, va pasando por varias majadas de gran interés constructivo: Orientes, Caña Miyar, Pandal (con fuente entre fresnos a nuestra derecha) y Uporquera, donde dejamos el PR para torcer a la derecha (cabaña de la tercera foto) por un caminito que nos lleva a Collao Ginés para, con otro giro a la derecha, enfilar la última subida. Pronto aparece el camino de Priena, pico con bonitas vistas, pero con lo que traemos, preferimos bajar (cuarta imagen). Al poco ya vemos Cuadonga/Covadonga, pero ¡cuidado! que el descenso de Cuesta Ginés es más largo de lo que parece. Tras unas once horas de marcha, llegamos al pie de la Santa Cueva, con visita a la Santina (por si acaso...). Al final, pasamos el día entre historia, etnografía y paisaje, que todo eso tiene Asturias. ¡Esperamos que os haya gustado!

De Llanes a Covadonga (II)

N´Ast: Tres la posa y cola enerxía que danos la sidre, reentamamos la marcha. Pasamos por Mestas pa dirixinos al pacetible Teyéu (primer semeya), siempres pola carretera, pa esfrutar dende equí d´ún de los tramos más guapos de la ruta: el Camín Real de Priedrah.ita. Esta calzada, d´orixe romanu sigún Sánchez Albornoz, yera la comunicación de Llanes col interior d´Asturies y Castiella, lo que facía que tuviere gran tránsitu al ser pasu del comerciu marítimu con esos puntos. Ye una pena que pocu a pocu te perdiéndose, pero aínda podemos sintir l´empixe de pisar les mesmes llastres (segunda semeya) que personaxes tan illustres como Xovellanos, que nomó en sos diarios la so esperiencia nesti puertu´l Gran Viaxe. No cimero, una güeyadina a lo arispio del paisaxe (tercera semeya) y a la baxada (la cuarta imaxen) dende´l llinderu de los conceyos de Llanes y Cangues. Como datu curiosu, el ríu de l´agüeria llanisca nómase Piedrah.ita y el de la canguesa Piedrafita ¡estremaos calces y estremaes variantes de la llingüa! Agora´l camín desapaez un pocu; hai que tirase a mandrecha, polo que paez meyor, pa dir perdiendo metros hasta que torna apaecer otra vegada nidiu, aportando a Cuerres (quinta vista). Nesti llugar esistió una venta pa los numerosos viaxeros, güei solo queda una tranquilidad averada a l´escaezu. ¡Cinca carretera! pa pasar por Llenín y Tárañu (la sesta imaxen), onde a la salida del pueblu garramos una ancha pista que con güapes vistes de Labra y el valle del ríu Chicu empobínanos a Corao-Castiellu: sintimos murnia pol estáu del cada vegada menos palaciu de los Soto Labra (sieglu XVIII, penúltima semeya ¡probe padremuñu!). Un pocu de carretera más y ya tamos en Corao, aldea perimportante de la fastera y onde señalamos la casona del popular “Alemás de Corao”, Roberto Frasinelli (cabera semeya, polo menos ésta ígüenla). Equí, segunda novedá: bocadiellu y cafetín, que queda lo más duru.
En Cast: Tras el descanso y con la energía que nos da la sidra, retomamos la marcha. Pasamos por Mestas para dirigirnos al tranquilo Teyéu (primera foto), siempre por la carretera, para disfrutar desde aquí de uno de los tramos más hermosos de la ruta: el Camín Real de Piedrah.ita (con “h” aspirada). Esta calzada, de origen romano según Sánchez Albornoz, era la comunicación de Llanes con el interior de Asturias y Castilla, lo que la hacía muy transitada al ser paso del comercio marítimo con esos puntos. Es una pena que poco a poco se esté perdiendo, pero todavía podemos sentir la emoción de pisar las mismas losas (segunda foto) que personajes tan ilustres como Jovellanos, que llamó en sus diarios su experiencia en este puerto el Gran Viaje. En lo alto, una mirada a lo agreste del paisaje (tercera fotografía) y a la bajada (cuarta imagen) desde el límite entre los concejos de Llanes y Cangues/Cangas de Onís. Como dato curioso, el río de la vertiente llanisca se llama Piedrah.ita y el de la canguesa Piedrafita ¡diferentes cauces y distintas variantes del asturiano! Ahora el camino desparece un poco; hay que tirarse a la derecha, por lo que parece mejor, para ir perdiendo metros hasta que vuelve a aparecer otra vez claro, llegando a Cuerres (quinta vista). En este lugar existió una venta para los numerosos viajeros, hoy solo queda una tranquilidad proxima al olvido. ¡Toca carretera! para pasar por Llenín y Tárañu/Tárano (la sexta imagen), donde a la salida del pueblo cogemos una ancha pista que con bonitas vistas de Labra y el valle del río Chicu nos conduce a Corao-Castiellu/Castillo: sentimos tristeza por el estado del cada vez menos palacio de los Soto Labra (siglo XVIII, penúltima foto ¡pobre patrimonio!). Un poco más de carretera y ya estamos en Corao, aldea importante de la zona y donde destacamos la casa del popular “Alemán de Corao”, Roberto Frasinelli (última foto, por lo menos ésta la arreglan). Aquí, la segunda novedad: bocadillo y café, que queda lo más duro.

De Llanes a Covadonga (I)

N´Ast: Delles vegaes dannos chifladures y la d´esti Xunu consistió n´imitar el viaxe que ficiere Manuel de Foronda por estes tierres, rellatáu nun llibru qu´espublizó nel añu 1893 col títulu que damos a esta entrada, con dos xebradures: nós ficímoslo a pie y entamamos na capilla l´aldea San Martín porque, lo normal nuna pelegrinación, ye empobinar del llugar onde ún vive ¿no?. Caleyando dempués pol pueblín de Turancias algamamos la AS-115 que siguimos hasta Rales, pa cruciar la ponte enriba´l Beón y garrar un guapu paséu pola banda izquierda del ríu y cerque del Picu Castillu (segunda semeya), del que ya falamos dalguna vegada. Los nuesos pacetibles pasos avérennos pocu dempués a la AS-115 de nuevu, que volvemos a siguir hasta Vibañu (tercer semeya, con parque móvil), pueblu al qu´entramos y onde podemos dedicar unos minutos a amirar los pocos canecillos románicos de la ilesia San Pedro. Una caleyina sácanos del caseríu pa llegar a La H.errería, con dos finxos prestosos: la ponte, iguada tres la riada de 1983 (cuarta imaxen), que cruciamos, y que daba serviciu al palaciu de Pedro Inguanzo (semeya nel quintu llugar), perimportante personaxe llaniscu qu´aportó a cardenal primáu de Toledo nel 1824. Tres remirar esta casona d´estilu asturianu continuamos unos cientos de metros como pa L´Allende pa torcer al pocu a manzorga por un camín d´hormigón que, colos meyores paisaxes del Valle d´Ardisana como decoráu, sácanos a La Venta (penúltima semeya), orixe de la carretera Lln-14 qu´emplegamos p´algamar Ricaliente (cabera semeya) cola primera novedá del recorríu: el bar El Puente con una botellina sidre enfrescada nel ríu.
En Cast: Algunas veces nos dan locuras y la de este Junio consistió en imitar el viaje que realizara Manuel de Foronda por estas tierras, relatado en un libro que publicó en el año 1893 con el título que damos a la entrada, con dos diferencias: nosotros lo hicimos a pie y partimos de la capilla en la aldea de San Martín porque, lo normal en una peregrinación, es comenzar en el lugar donde uno vive ¿no?. Callejeando después por el pueblín de Turancias/Turanzas alcanzamos la AS-115 que seguimos hasta Rales, para cruzar el puente sobre el Beón/Bedón y coger un bonito paseo por la margen izquierda del río y cerca del Picu Castillu (segunda foto), del que ya hablamos alguna vez. Nuestros tranquilos pasos nos acercan poco después a la AS-115 de nuevo, que volvemos a seguir hasta Vibañu/Vibaño (tercera fotografía, con parque móvil), pueblo al que entramos y donde podemos dedicar unos minutos a contemplar los pocos canecillos románicos de la iglesia de San Pedro. Una callejuela nos saca del caserío para llegar a La H.errería, con dos hitos importantes: el puente, reconstruído tras la riada de 1983 (cuarta imagen), que cruzamos, y que daba servicio al palacio de Pedro Inguanzo (foto en quinto lugar), importante personaje llanisco que alcanzó a ser cardenal primado de Toledo en 1824. Tras admirar esta casona de estilo asturiano continuamos unos cientos de metros como para L´Allende/El Allende para torcer al poco a mano izquierda por un camino de hormigón que, con los mejores paisajes del Valle de Ardisana como decorado, nos saca a La Venta (penúltima foto), origen de la carretera Lln-14 que utilizamos para acercarnos a Ricaliente/Riucaliente (última fotografía) con la primera novedad del recorrido: el bar El Puente con una botellina de sidra refrescada en el río.

La Foz del Home Muertu

N´Ast: Nome qu´evoca hestories de corsarios y piratas de les llectures xuveniles que nos facíen suañar, como los de “La Islla de l´Ayalga” de Stevenson o el “Sandokán” de Salgari. Pero esti requexu nun queda nin nel Caribe nin nel Llonxanu Oriente, más bien nel Averáu, nel d´Asturies, y más esatamente en Cabrales; y los héroes fueren y son los pastores d´Inguanzu, qu´ “idearen” esti pasu p´algamar otra triba de bayures: los pastos del cordal de Dobros. La realidá fálanos de cómo la necesidá agudiza l´inxenu pa guetar la supervivencia y un simple topónimu amósanos hasta ónde tienen d´aportar dalgunos pa intentar llograla.
En Cast: Nombre que evoca historias de corsarios y piratas de las lecturas juveniles que nos hacían soñar, como los de “La Isla del Tesoro” de Stevenson o el “Sandokán” de Salgari. Pero este rincón no queda ni en el Caribe ni en el Lejano Oriente, más bien en el Cercano, en el de Asturias, y más exactamente en Cabrales; y los héroes fueron y son los pastores de Inguanzo, que “idearon” este paso para alcanzar otra clase de riquezas: los pastos de la sierra de Dobros. La realidad nos habla de cómo la necesidad agudiza el ingenio para buscar la supervivencia y un simple topónimo nos muestra hasta dónde tienen que llegar algunos para intentar lograrla.

Arcedianos y caminos

N´Ast: Taremos toos d´alcuerdu en que la Senda l´Arcedianu ye una de les más guapes que podemos percorrer, pero vamos fixanos nuna estaya la mesma: la que pasa per enriba´l tunel de Verrunde, en Sayambre. Equí, lo arispio del terrén obligó a un puxu pergrande pa vencer la recia cuarcita, non solo escudrando piedres pa facer muries, de más de diez metros d´altor en dellos sitios, si non tamién tallando la mesma peñe pa pasar el camín, un llabor allanáu pol inxeñu: arregallando la roca caldiándola primero con fogueres pa echa-y agua fría dempués, facilitando asina´l posterior usu del picu a mano. Una fechura tan costosa, en sudu y perres, necesitó una bona financiación, qu´aportó nel sieglu XVII gracies a Pedro Díaz d´Oseya, ñatural d´esti pueblu y Arcedianu de Villaviciosa, cargu eclesiásticu asociáu al cabildu de la catedral de San Salvador d´Uviéu, qu´alministraba la diócesis xebrándola n´arcedianatos (ocho dende´l sieglu XIII). Los puestos de mandón d´una d´estes fasteres yeren mui petecibles polos pergrandes ingresos arreyaos a les rentes de les mesmes. Aforro´l comentariu sobre asemeyances con personaxes actuales.
En Cast: Estaremos todos de acuerdo en que la Senda del Arcediano es una de las más bonitas que podemos recorrer, pero vamos a fijarnos en una parte de la misma: la que pasa por encima del tunel de Verrunde, en Sajambre. Aquí, lo agreste del terreno obligó a un esfuerzo suplementario para vencer la dura cuarcita, no solo escuadrando piedras para construir muros, de más de diez metros de altura en algunos sitios, si no también tallando la misma peña para pasar el camino, una labor allanada por el ingenio: agrietando la roca calentándola primero con hogueras para echarle después agua fría, facilitando así el posterior empleo del pico a mano. Una obra tan costosa, en sudor y dinero, necesitó una buena financiación, que llegó en el siglo XVII gracias a Pedro Díaz de Oseja, natural de este pueblo y Arcediano de Villaviciosa, cargo eclesiástico asociado al cabildo de la catedral de San Salvador d´Uviéu/Oviedo, que administraba la diócesis dividiéndola en arcedianatos (ocho desde el siglo XIII). Los puestos de mandamás de una de estas demarcaciones eran muy apetecibles por los grandes ingresos asociados a las rentas de las mismas. Ahorro el comentario sobre semejanzas con personajes actuales.

Bon Camín

N´Ast: Tres d´una parada técnica forzosa, tornamos con una bona anuncia. Por fin Ana y Vicente decidiéronse a poner toa la so conocencia y el so amor pol Camín na rede. Nel so blogue, elcaminodesantiagodesdeasturias.blogspot.com, alcontramos información, hestories, curiosidaes y personaxes d´esta vía milenaria, tresmisora de cultura, al so pasu por Asturies. Pa los andarines, un bon mou de conocer les faces de la ruta y afalase a facer dalguna, onde escubriremos requexos plasmantes (na semeya, el Cornión- Macizo Occidental de los Picos d´Europa- dende´l pasu por Bricia, Llanes). Y tou´l trabayu fechu por dos persones que sienten, quieren y caltienen el Camín de Santiago como una parte de la so ánima. Repetimos: una perbona anuncia y agora si que Bon Camín.
En Cast: Tras una parada técnica obligada, volvemos con una buena noticia. Por fin Ana y Vicente se decidieron a poner todo su conocimiento y amor por el Camino en la red. En su blog, elcaminodesantiagodesdeasturias.blogspot.com, encontramos información, historias, curiosidades y personajes de esta vía milenaria, trasmisora de cultura, a su paso por Asturias. Para los andarines, una buena manera de conocer las etapas de la ruta y animarse a realizar alguna, donde descubriremos rincones sorprendentes (en la foto, el Cornión- Macizo Occidental de los Picos de Europa- desde el paso por Bricia, Llanes). Y todo el trabajo hecho por dos personas que sienten, quieren y mantienen el Camino de Santiago como parte de su alma. Repetimos: una muy buena noticia y ahora si que Buen Camino.

Pastoriando

N´Ast: Fae diez dís que falamos de la subía del ganáu al puertu (picái equí), y si primero lo comentamos, primero nos cinca velo de cerca... y participar: díbamos pol vieyu camín d´Ario y atopamos un pastor que dirixíase a esti puertu con unes cuantes vaques. Al momentu, y ensin danos cuenta, tábamos empobinando a les cabezaleres. Esta perguapa ruta ye la tradicinal de los ganaderos d´Onís a esta alta mayada, güei en falta usu pola mayoría los montañeros, que quieren más les facilidáes qu´ufierta la señalada dende Los Llagos, más cómoda pol averamientu en coche. Como si fuere la esguilada a una cume himaláyica, tien varios “campamentos d´altor”, onde´l rebañu reposa y bebe enantes de facer la siguiente estaya: La Güelga (cuarta semeya), Arnaedo (cabera imaxen) y ya la más desconocía Mohandi (y que dexamos pa otru dí). Nos “trabayamos” hasta La Güelga, entrecomillando trabayu porque nunca nun vimos animales que dieren tan pocu que facer, al subir con alegría y ganes, casi solos, de xuru que nin nos necesitaben. Equí despedímonos de les nuestres nueves “collacies” pa siguir el nuesu camín.
En Cast: Hace diez días que hablamos de la subida del ganado al puerto (pinchar aquí), y si primero lo comentamos, primero nos toca verlo de cerca... y participar: íbamos por el viejo camino de Ario y encontramos un pastor que se dirigía a este puerto con unas cuantas vacas. Al momento, y sin darnos cuenta, estábamos guiando a las primeras. Esta preciosa ruta es la tradicional de los ganaderos de Onís a esta alta majada, hoy menos frecuentada por la mayoría de los montañeros, que prefieren las comodidades que ofrece la marcada desde Los Lagos, más cómoda por el acercamiento en coche. Como si fuera la escalada a una cumbre himaláyica, tiene varios “campamentos de altura”, donde el rebaño reposa y bebe antes de continuar la siguiente etapa: La Güelga (cuarta foto), Arnaedo (última imagen) y ya la más desconocida Mohandi (y que dejamos para otro día). Nosotros “trabajamos” hasta La Güelga, entrecomillando trabajo porque nunca vimos animales que dieran tan poco que hacer, al subir con alegría y ganas, casi solos, seguro que ni nos necesitaban. Aquí nos despedimos de nuestras nuevas “amigas” para seguir nuestro camino.

El mundiu de Collantes

N´Ast: El gociu que sintimos al percorrer una vieya senda de pastores nun somos quién a plasmalu por escritu, necesitaríemos tres blogues. Y la que xune Oceñu cola mayada Collantes ye una d´elles. Tres algamar por un guapu camín empedráu´l Collao Trallué (segunda semeya), invádenos una sensación de pruyimientu ¿por onde?. Ye entós cuando, tres baxar unos metros, escubrimos el senderín que siguimos como si fuere´l finu filu d´un cadexu llana empobinando los nuesos pasos a la h.orcadina la Posa la Joradá -asitiada al lláu d´un caprichosu furacu na roca, tercer semeya- a través de paredones y desventíos d´un mou qu´anantes creyimos inverosímil: sieglos de perfeccionamientu pastoril gracies a armadures con piedres y talles na propia parea (la cuarta imaxen). Devolando la h.orcadina, baxamos por unos escalones tallaos na mesma roca y entós el camín “amansa”, llevándonos por terrén menos xabaz hasta Collantes (lo verde de la sesta semeya). Y na mayada, como siempres, señardá de tiempos meyores.
En Cast: La felicidad que sentimos al recorrer una vieja senda de pastores no somos a reflejarla por escrito: necesitaríamos tres blogs. Y la que une Oceñu/Oceño con la majada de Collantes es una de ellas. Tras alcanzar por un bonito camino empedrado el Collao Trallué (segunda foto), nos invade una sensación de desasosiego ¿por dónde?. Es entonces cuando, tras bajar unos metros, descubrimos el senderín que seguimos como si fuera el fino hilo de una madeja de lana guiando nuestros pasos a la horcadina la Posa la Joradá -sita al lado de un caprichoso agujero en la roca, tercera foto- a través de paredones y barrancos de una forma que antes creímos inverosímil: siglos de perfeccionamiento pastoril gracias a armaduras con piedras y tallas en la propia pared (cuarta imagen). Pasando la horcadina, bajamos por unos escalones tallados en la misma roca y entonces el camino “amansa”, llevándonos por terreno menos agreste hasta Collantes (verde en la sexta foto). Y en la majada, como siempre, nostalgia de tiempos mejores.