Camudando d´utilidá

N´Ast: L´horru está consideráu dende siempres un “inventu” pa espantar los animales que pudieren atacar l´ayalga que guarda: les reserves d´alimentu de la casa. En Llanes atopamos un modelu que sirve pa tou lo contrario: p´amparalos. Ye verdá qu´éstos son domésticos, pero naide pue asegurar qu´a dalgún nun-y dea por guetar xinta un pisín más enriba, amás de que cola tresformación de los baxos en xaules ye más fácil que se cuelen invintaos nada petecíos, como royones que puen trepar ensin problema pola rede metálica. Respetando les decisiones de ca ún, nós preferimos l´horru, horru y el gallineru, gallineru.
En Cast: El horreo está considerado desde siempre un “invento” para alejar a los animales que pudieran atacar el tesoro que guarda: las reservas de alimento de la casa. En Llanes encontramos un modelo que sirve para todo lo contrario: para protegerlos. Es verdad que éstos son domésticos, pero nadie puede asegurar que a alguno no le de por buscar comida un pisito más arriba, además de que con la transformación de los bajos en jaulas es más fácil que se cuelen invitados nada deseados, como roedores que pueden trepar facilmente por la red metálica. Respetando las decisiones de cada uno, nosotros preferimos el horreo, horreo y el gallinero, gallinero.

(II) ...y una copia daqué malo

N´Ast: Y siguiendo recorríu por Sayambre, en Pío atopamos la copia d´un mal vezu, tamién espardíu por Asturies: el zarrar el contornu l´horru con muries pa facer un almacén o una cochera. Atalantamos que pal amu ye más prácticu pero, cavilgando que ye una fechura única nel pueblu y que nesta comarca domina l´horru lleonés o beyuscu, esta tipoloxía singular importada del país vecín meritaba un meyor tratu, como dalgo d´importancia etnográfica y amuesa d´intercambiu cultural demientres sieglos. Como curiosidá, los ratos sí tienen que tar agradecíos ¿no?
En Cast: Y siguiendo recorrido por Sajambre, en Pío encontramos la copia de una mala costumbre, también extendida por Asturias: el cerrar el perímetro del horreo con muros para hacer un almacén o un garaje. Comprendemos que para el dueño es más práctico pero, si pensamos que es una construcción única en el pueblo y que en esta comarca domina el horreo leonés o beyusco, esta tipología singular importada del país vecino merecía un mejor trato, como algo de importancia etnográfica y muestra de intercambio cultural durante siglos. Como curiosidad, los ratones sí tienen que estar agradecidos ¿no?

(I) Una mala copia...

N´Ast: Cuando una idea ye bona, cópiase equí... y en Lleón. Dando una vueltina pol perguapu conceyu lleonés de Sayambre, atopamos esti intentu d´imitación de la magnífica ya útil fechura que ye l´horru asturianu pero con una resultancia discreta, por culpa de la mala escoyedura de los pegoyos. Ta claro que los efeutos prácticos van ser los mesmos, pero los estéticos...
En Cast: Cuando una idea es buena, se copia aquí... y en León. Dando una vuelta por el precioso concejo leonés de Sajambre, encontramos este intento de imitación de la magnífica y útil construcción que es el horreo asturiano pero con un resultado discreto, por culpa de la mala elección de los pegoyos (las bases sustentantes en asturiano). Está claro que los efectos prácticos van a ser los mismos, pero los estéticos...

Un nuevu estilo

N´Ast: Tradicionalmente, los estilos decorativos de los horros asturianos son tres: Allande, Carreño y Villaviciosa. Agora, tenemos qu´amestar un cuartu: el estilo Sporting o Xixonés. Nel barriu El Campu, en Camoca, atopamos ún qu´amuésanos los rasgos estremativos d´esta nueva tipoloxía. Hai que tar sollertes porque de xuru que surden más, como l´Ovetense o Carbayón: tou depende de les preferencies futboleres de l´amu.
En Cast: Tradicionalmente, los estilos decorativos de los horreos asturianos son tres: Allande, Carreño y Villaviciosa. Ahora, tenemos que añadir un cuarto: el estilo Sporting o Gijonés. En el barrio de El Campu, en Camoca, encontramos uno que nos muestra los rasgos distintivos de esta nueva tipología. Hay que estar atentos porque seguro que aparecen más, como el Ovetense o Carbayón: todo depende de las preferencias futboleras del dueño.

Una idea mundial

N´Ast: Cuando una idea ye bona, nun ye raro vela nos llugares más estremaos d´un mundiu que dicen cada vegada más global. Nunca nun nos cansaremos de repetir que l´horru ye un discurrimientu de lo más enxeñoso, multiusos y guapo, polo que nun tien de chocanos qu´en sitios allonxaos ocurriérase-yos dalgo apaecío iguao, esi si, a los sos mesteres y materiales al algame. Nesti casu, y gracies a la nuesa quería collacia llastrina, ye en Spiterstulen, Noruega, onde atopamos una fechura enrazada cola nuesa con avíos similares. Lo bono, ye bono en tolos sitios, lo que camuda ye´l tratu: ellí, cuidao y espuesto, pa que la xente lo conozca, almire y respete, orgullosos de les sos tradiciones; equí, si cae, meyor que meyor, que desanicie la nuesa cultura, nun seya qu´atalanten que somos “aldeanos”. Lo que pasó cola sidre val d´amuesa ¡y agora a berrar!
En Cast: Cuando una idea es buena, no es raro verla en los lugares mas apartados de un mundo que dicen cada vez más global. Nunca nos cansaremos de repetir que el horreo es un invento de lo más ingenioso, multiusos y bonito, por lo que no tiene que extrañarnos que en sitios lejanos se les ocurriera algo parecido adaptado, eso si, a sus necesidades y materiales al alacance. En este caso, y gracias a nuestra querida amiga llastrina, es en Spiterstulen, Noruega, donde encontramos una construcción emparentada con la nuestra y con utilidades similares. Lo bueno, es bueno en todos los sitios, lo que cambia es el trato: allí, cuidado y expuesto, para que la gente lo conozca, admire y respete, orgullosos de sus tradiciones; aquí, si cae, mejor que mejor, aniquilando nuestra cultura, no sea que piensen que somos “aldeanos”. Lo que pasó con la sidra vale de muestra ¡y ahora a llorar!

Reutilizable y reciclable

N´Ast: Que l´horru pue desmontase y camudase de sitiu ye persabío. Ello ye lo fae que tea llegalmente la consideranza de bien mueble y podamos da-y la popular de reutilizable. Ye menos conocíu que delles vegaes aprovéchense partes d´ún vieyu pa facer otru nuevu o fráncese ún grande (especialmente les paneres) pa facer dos: agora ye cuando lu nomamos reciclable. Un exemplu prácticu: en La Llosina (Llanes), atopamos esta xoya ente matos (¡que raro nel nuesu padremuñu! ¿eehh?). Al fixanos nos canales pa les colondres en trabes y lliños, güeyamos que siguen más allá d´onde se crucien éstos, lo qu´amuesanos que son reaprovechaos d´otra fechura de más grandor. La parrafada cola xente la fastera confírmanoslo: L´Allende yera´l s´orixe y foi llantáu y refechu más sero equí. Lo dicho: reutilizable y reciclable. Otres dos propiedaes más del horru ¡Ya tresmané la cuente de les que llevamos vistes!
En Cast: Que el horreo se puede desmontar y trasladar de sitio es algo sabido. Esto es lo que hace que tenga legalmente la consideración de bien mueble y le podamos dar la popular de reutilizable. Es menos conocido que algunas veces se aprovechan partes de uno viejo para hacer uno nuevo o se parte uno grande (especialmente las paneras) para construir dos: ahora es cuando lo llamamos reciclable. Un ejemplo práctico: en La Llosina (Llanes), encontramos esta joya entre matorral (¡que raro en nuestro patrimonio! ¿eehh?). Al fijarnos en los canales para las “colondras” (tablas de las paredes laterales) en “trabes” y “lliños” (vigas horizontales inferiores y superiores), vemos que siguen más allá de donde éstos se cruzan, lo que nos demuestra que son reaprovechados de otra construcción de más tamaño. La charla con la gente de la zona nos lo confirma: L´Allende/El Allende era su origen y fue colocado y rehecho más tarde aquí. Lo dicho: reutilizable y reciclable. Otras dos propiedades más del horreo. ¡Ya perdí la cuenta de las que llevamos vistas!

Edificiu multiusos

N´Ast: La esperiencia llévanos a la seguranza. Y d´esta semeya sacamos una: l´horru ye multiusos. A los sabíos de despensa y secaderu de maíz, xunimos otros: garaxe, trasteru (dos non mui engraciáos), tendal y lleñeru. Un edificiu tan mañosu ¿cómu nun va tener sitiu nel sieglu XXI, oh?
En Cast: La experiencia nos lleva a la certeza. Y de esta fotografía sacamos una: el horreo es multiúsos. A los conocidos de despensa y secadero de maíz, unimos otros: garaje, trastero (dos no muy agraciados), tendedero y leñera. Un edificio tan práctico ¿cómo no va a tener sitio en el siglo XXI?

Tradición y progresu

N´Ast: Otra vegada qu´atopamos tradición y progresu reñíos. Si va un tiempu fue l´aleru d´un horru lo qu´estorbó pa enanchar la carretera (pica-y equí), n´esti casu ye un pegoyu lo qu´esapaez pa dexar pasu al galipote: un pequeñu apañu y a correr, que lo importante ye´l futuru, non el patrimoniu. Ante ésto, una entruga y un xuegu pallabres fácil: n´Asturies ¿tenemos un futuru ensin patrimoniu? o tamién ¿un patrimoniu ensin futuru? Nagüemos que nun seya asina.

En Cast: Otra vez que encontramos tradición y progreso reñidos. Si hace un tiempo fue el alero de un horreo lo que molestó para ensanchar la carretera (pinchar aquí), en este caso es un "pegoyu" (piedra de sustentación) lo que desaparece para dejar paso al alquitrán: un pequeño apaño y a correr, que lo importante es el futuro, no el patrimonio. Ante ésto, una pregunta y un juego de palabras fácil: en Asturias ¿tenemos un futuro sin patrimonio? o también ¿un patrimonio sin futuro? Ansiemos que no sea así.

Cirieñu

N´Ast: ¡Estos collacios! Siempres ayudando. Unos bonos del Conceyu Amieva dixérennos que si ablucamos con Pen, nun dexáremos de visitar Cirieñu. Asina qu´encuantu tornamos pela fastera pa escucar embaxu los horros (con prestosos resultaos como amuesen les semeyes), nun duldamos en baxar polos 2 kilómetros de carretera que separen el pueblu más altu, Pen, de Cirieñu, asitiáu a lo llargo´l filu d´una llomba. Y nun nos arredimimos porque algamamos un perguapu camientu sobre los dos: estremaos pol collor de la piedra -plasmante ñidia arenisca nun mundiu caliar en Cirieñu- de la fechura les cases; asemeyaos pol tastu y la esencia la etnografía viva d´Asturies. Anque quiciabis tenga un pelín de ventaxa l´aldea que presentamos güei porque tien una quesería onde podemos mercar un quesín de Beyos y, sobre tou, pol barín típicu típicu: nun dexéis de pedir el café con lleche marca la casa, llistu pa tomar porque ya trae´l zucre y ta revueltu ¡nin en les meyores cafeteríes d´Uvieo!

En Cast: ¡Estos amigos! Siempre ayudando. Unos buenos del Concejo de Amieva nos dijeron que si alucinamos con Pen, no dejáramos de visitar Cirieñu. Asi que en cuanto volvimos por la zona para mirar debajo de los horreos (con buenos resultados como demuestran las fotos), no dudamos en bajar por los 2 kilómetros de carretera que separan el pueblo más alto, Pen, de Cirieñu, situado a lo largo del filo de una loma. Y no nos arrepentimos porque llegamos a una bonita conclusión sobre los dos: diferenciados por el color de la piedra -sorprendente clara arenisca en un mundo calizo en Cirieñu- de la construcción de las casas; semejantes por el sabor y la esencia de la etnografía viva de Asturias. Aunque quizás tenga un poco de ventaja la aldea que presentamos hoy porque tiene una quesería donde podemos comprar un quesín de Beyos y, sobre todo, por el barín típico típico: no dejéis de pedir el café con leche marca de la casa, listo para tomar porque ya trae azucar y ya está revuelto ¡ni en las mejores cafeterías de Oviedo!

Dos n´ún (Dos en uno)

N´Ast: Dos amores n´ún. Eso ye lo nos permiten les nortiaes de frío y ñeve a cotes baxes que tiñen de blanco les imáxenes más queríes que tenemos guardaes nun requexu l´alcordanza. N´esti casu, ye al averanos a Sietes cuando axuntasenos esta pila bones sensaciones: la plaza los horros (en branu, perguapa, equí), esa maraviella etnográfica onde sintimos que somos nos mesmos, vístese coles meyores gales de la montaña ivernal que tantu nos abluquen, esfrutamos y amamos. Una amestadura pocu frecuente qu´esperamos nunca nun escaecer. Completamos la visita con bones vistes de tolos valles de la redolada (sin ñeve, nel bon trabayu de Gonzalo Alonso) y esperando que, como tamos nun pueblu d´"expertos", ¡se nos apegue dalgo!

En Cast: Dos amores en uno. Eso es lo que nos permiten los temporales de frío y nieve a cotas bajas que tiñen de blanco las imágenes más queridas que tenemos guardadas en un rincón de la memoria. En este caso es al acercarnos a Sietes cuando se nos agolpa este cúmulo de buenas sensaciones: la plaza de los horreos (en verano, preciosa, aquí), esa maravilla etnográfica donde sentimos que somos nosotros mismos, se viste con las mejores galas de la montaña invernal que tanto nos deslumbran, disfrutamos y amamos. Una unión poco frecuente que esperamos nunca olvidar. Completamos la visita con buenas vistas de todos los valles de los alrededores (sin nieve, en el buen trabajo de Gonzalo Alonso) y esperando que, como estamos en un plueblo de expertos, ¡se nos pegue algo!

Y tres el Beyu, Pen

N´Ast: ¡Como presta tres una guapa caminata algamar una ayalga!. Y, ensin dulda, Pen lo ye. Si estelonos ya la subía pol Beyu, el pueblu acabará de clisanos, amás de danos la cabera oportunidá de güeyar dalgo irrepetible. Cases con corredores de madera tallada, capiella, horros con milenta preseos d´un pasáu ¿meyor?, la Casa-Torre de Peri, llavaderu... ¡bolera!. Como culmen, la Panerona, una fechura de 14 pegoyos surdía l´axuntamientu de dos paneres, reconocía como una de les mayores d´Asturies. Y lo meyor: una etnografía viva, gracies a les sos xentes, que caltienen a dures penes un mou de vida que da les aboquiáes enantes de morrer. Y tres la muerte, l´escaezu... o´l muséu. Pen: la cabera oportunidá.
En Cast: ¡Que gozada tras una bonita caminata alcanzar un tesoro!. Y, sin dudarlo, Pen lo es. Si nos fascinó la subida por el Beyu, el pueblo terminará de embelesarnos, además de darnos la última oportunidad de ver algo irrepetible. Casas con corredores de madera tallada, capilla, horreos con mil utensilios de un pasado ¿mejor?, la Casa-Torre de Peri, lavadero... ¡bolera!. Como culminación, la Panerona, una construcción de 14 pegoyos (piedras de sustentación) surgida de la unión de dos paneras, reconocida como una de las mayores de Asturias. Y lo mejor: una etnografía viva, gracias a sus gentes, que mantienen a duras penas una forma de vida que agoniza antes de morir. Y tras la muerte, el olvido... o el museo. Pen, la última oportunidad.

Escucando

N´Ast: Escucar, masque suene a cotiella, ye una pallabra asturiana qu´a mi préstame munchu, polo que tien d´escubrir coses. Nesti casu, col permisu l´amu, escucamos dientro un horru de Lluces (estilo Villaviciosa por ciertu, fixa-yvos nel arquín enriba la puerte) y atopamos una vieya catadora o mecedora (depende la estaya d´Asturies), un de los mios suaños de neñez-mocedá. ¿Por qué? ¡pues porque con esti inventu la vida habría sío más cenciella!: en casa los mios güelos catábase a mano, como ficieron los nuesos antepasaos dende la nueche los tiempos y, anque nun yeren munches vaques (ocho na meyor dómina), facelo dos vegaes al día daba´l so trabayu. Por ciertu: nun ye tan fácil como paez, hai que tener ciertu vezu pa garra-y el trucu. Como les ganaderíes de llechi son triba en desaniciu n´Asturies, la probina la semeya fina por ferruñase na escuridá l´horru, como diría´l poeta Becquer, "del so dueñu quiciabes escaecía"... por obligación europea. Nos, pa informavos, siguimos per ehí escucando.

En Cast: "Escucar" (traducible por espiar o fisgar más o menos), aunque suene a cotilla, es una palabra asturiana que a mi me gusta mucho, por lo que tiene de descubrir cosas. En este caso, con permiso del propietario, "escucamos" dentro de un horreo de Lluces/Luces (estilo Villaviciosa por cierto, mirad el arco sobre la puerta) y encontramos una vieja "catadora" o "mecedora" (una ordeñadora, según la zona de Asturias. "Catar" o "mecer"= ordeñar), uno de mis sueños de niñez-juventud. ¿Por qué? ¡pues porque con este invento la vida habría sido más sencilla!: en casa de mis abuelos se ordeñaba a mano, como hicieron nuestros antepasados desde la noche de los tiempos y, aunque no eran muchas vacas (ocho en la época mejor), hacerlo dos veces al día daba su trabajo. Por cierto: no es tan sencillo como parece, hay que tener cierta maña para cogerle el truco. Como las explotaciones lecheras son especie en extinción en Asturias, la pobre de la foto termina por oxidarse en la oscuridad del horreo, como diría el poeta Becquer, "de su dueño tal vez olvidada"... por obligación europea. Nosotros, para informaros, seguiremos por ahí "escucando".

Inxenieros d´ayeri y güei

N´Ast: Fae años, unos cuantos años, l´artesanu constructor d´esti horru punso-y un aleru pergrande, como a toos, por dalguna razón. Fae años, unos pocos años, l´inxenieru qu´acuriosó la carretera, atalantó que lo meyor pa que nun molestara yera rinca-y un peazu esquina al aleru. Resultancia: en cuantes nortia, muéyase la xuntanza los trabes y éstos ya tan empecipiando a podrecer, polo que o igüenlos o col tiempu, adiós horru. Ye increible la de vegaes que la vida amuésanos que la universidá popular ye tan importante como la de los llibros: una y otra son complementaries.

En Cast: Hace años, unos cuantos años, el artesano constructor de este horreo le puso un alero bien grande, como a todos, por alguna razón. Hace años, unos pocos años, el ingeniero que arregló la carretera, pensó que lo mejor para que no molestara era quitarle un trozo de esquina al alero. Resultado: en cuanto llueve de Norte, se moja la unión de los trabes (vigas inferiores del horreo) y éstos ya están comenzando a pudrirse, por lo que o los reparan o con el tiempo, adiós horreo. Es increible la de veces que la vida nos demuestra que la universidad popular es tan importante como la de los libros: una y otra son complementarias.

Piedres que falen

N´Ast: Los xeólogos suelen dicir que les piedres falen. Los pegollos y mueles d´esti horriu de xuru nos falaríen de tiempos xenxos pal campu, de manes recies y curtíes, de dómines nes que la maquinaria agrícola yera solo un suañu. Falaríennos de mañanes o tardes ya incluso díes enteros segando pa la herba al sol del branu o pacíón fresco al lloviu la seronda. De como con tantu trabayu y tamién per culpa dalguna recondenía piedra estropiábase´l corte la gadaña y entós, con pacencia, cabruñando col martiellu y la yuncla y amolando nes piedres del horriu, algamábase da-y filu de nuevu. Atalantaríamos nel intre´l por qué d´estes cordures qu´agüeyamos y camentaríamos que l´amu segó munches faces munchos años. O quiciavis amolaba los preseos del samartín... pero les piedres dixérenme qu´esa hestoria entailariénmela otru díe.

En Cast: Los geólogos suelen decir que las piedras hablan. Los pegollos y muelas de este horreo seguramente nos hablarían de tiempos duros para el campo, de manos recias y curtidas, de épocas en las que la maquinaria agrícola era solo un sueño. Nos hablarían de mañanas o tardes e incluso días enteros segando para la hierba al sol del verano o hierba fresca a la lluvia del otoño. De como con tanto trabajo y también por culpa de alguna maldita piedra se estropeaba el corte de la guadaña y entonces, con paciencia, cabruñando (acción de golpear el metal de la guadaña con los elementos siguientes) con el martillo y la yuncla (yunque pequeño donde se apoya la guadaña para golpear) y afilando en las piedras del horreo, se lograba reparar el filo. Entenderíamos en el instante el por qué de estas cicatrices que vemos y pensaríamos que el dueño segó muchas fincas muchos años. O quizas afilaba los aperos del samartín (matanza del cerdo)... pero las piedras me dijeron que esa historia me la contarían otro día.

Y dos pueblinos piloñeses

N´Ast: Como toa la selmana tamos tratando de pueblos, paisaxes y horreos, vamos pesllala con vistes d´otros dos pueblos que meriten visita: Sieres y Miyares, dambos en Piloña. A dambos accedese pola carretera AS-259 que xune la N-634 ente Sevares y Villamayor con l´Altu la Llama. Miyares ta na mesma carretera y Sieres pocu dempués de salise la xeneral a l´altor de la ilesia Borines. Tastu rural, caserío señalau (incluye un palaciu y una torre) y l´amañu d´acceder al Sueve pola estaya suroccidental, menos conocía que les tradicionales del norte y el este y non por ello menos interesante. Amás de la vista sobre´l xeoloxicamente nomau riegu prelitoral (n´esta fastera percurríu pol río Piloña) comprobaremos como camuda la vexetación nesta lladera más soleyera respecto a la más llienta y solombriega que da pa la mar. Calquiñable.
En Cast: Como toda la semana hemos tratado de pueblos, paisajes y horreos vamos a cerrarla con vistas de otros dos pueblos que merecen visita: Sieres y Miyares, ambos en Piloña. A ambos se accede por la carretera AS-219 que une la N-634 entre Sevares y Villamayor con el Alto la Llama. Miyares está en la misma carretera y Sieres poco después de salirse de la general a la altura de la iglesia de Borines. Sabor rural, caserío notable (incluye un palacio y una torre) y la posibilidad de acceder al Sueve por su parte suroccidental, menos conocida que las tradicionales del norte y este y no por ello menos interesante. Además de la vista sobre el geologicamente llamado surco prelitoral (en esta zona recorrido por el río Piloña) comprobaremos como cambia la vegetación en esta ladera más soleada respecto a la más húmeda y sombría que mira al mar. Recomendable.

Dos pueblinos quirosanos

N´Ast: Los nomes de L´Aciera y El Llanu a muncha xente nun-yos dirán nada. Si los que los lleen son deportistes -montañeros más satamente- ye posible que ya yos suenen dalgo. Si son escaladores nun tendrán dulda nenguna: estes dos aldeines quirosanes tan al pie d´una de les escueles d´escalada pioneres d´Asturies y quiciavis la más señalá. Yera y ye típico entrenar en Quirós pa llueu facer grandes xestes n´otres montañes. Pero la causa d´esta entrá ye p´alitar a la xente a allegase a conocelos pues merita la pena. Guapos paisaxes y paisanaxes, un bar y un albergue onde nos alcontramos como en casa pol tratu albardau y la candialidá los sos dueños y l´amañu de comprobar si nos presta la montaña: en cencielles rutes o con una fuerte dosis d´adrenalina escaladora. Un secretu-confesión: de les vegaes que fui, nunca me fixé n´estampes tan nueses d´estos pueblos como les de les imáxenes; sedría pola empresión-acoyone de la escalada. En dos perguapes aldees de Quirós caltrié onde taben los mios llímites montañeros.
En Cast: Los nombres de L´Aciera y El Llanu, a mucha gente no les dirán nada. Si los que los leen son deportistas -montañeros más exactamente- ya es posible que les suenen algo. Si son escaladores no tendrán duda ninguna: estas dos aldeinas quirosanas están al pie de una de las escuelas de escalada pioneras de Asturias y quizás la más importante. Era y es típico entrenar en Quirós para luego hacer grandes gestas en otras montañas. Pero el motivo de esta entrada es animar a la gente a acercarse a conocerlos pues merece la pena. Bonitos paisajes y paisanajes, un bar y un albergue donde nos encontraremos como en casa por el trato rebido y la amabilidad de sus dueños y la posibilidad de comprobar si nos gusta la montaña: en sencillas rutas o con una fuerte dosis de adrenalina escaladora. Un secreto-confesión: de las veces que fui, nunca me fije en estampas tan nuestras de estos dos pueblos como las de las imágenes; sería por la impresión-acojone de la escalada. En dos hermosas aldeas de Quirós comprendí donde estaban mis límites montañeros.

Ayeri y güei

N´Ast: Como bien decía´l sábadu (ver equí) Bernardo Busto, collaciu y perbuen Maestru onde los haya (¡Gonzalín espabila!), los baxos de los hórreos son auténticos museos -copiando´l títulu del gran discu Nuberu- de l´Asturies d´ayeri y güei. Baxo ún de la guapa aldea de montaña tebergana de Sobrevilla pudimos amirar un métodu tresporte d´anguañu y otru d´antanu. El d´antanu: yera una triba carretón que s´arrastraba p´acceder cola la carga a llugares onde los carros nun podíen, sobre tou en llugares de montaña. Cuando la cadarma taba fecha practicamente sólo del carretón nomábense rametos, emplegaos p´acarriar lleña principalmente. Si s´amestaben unes cadarmes apaecíes a una pasera madera, los estelos, nomábase ramu y servía pa tresportar herba, que quedaba suxetada polos estelos. Si lo que s´amestaba yera un cestu, polo xeneral de vares d´ablanu como´l de la semaya, el nome variaba munchu dependiendo la fastera (carretu, carreta, carreña, carriella, basnu, barnetu, basón o abasón) y tamién dalgo el diseñu. El so avíu pasaba ser el porte de cuchu, tierra, piedra... coses que necesitaren más cierre, llograu pola esquirpia, zardu o sardu, qu´asina d´estes formes pue nomase a la parede de vares d´ablanu que formen el cestu.

El tresporte d´anguañu nun necesita comentariu: xunir el coche y a correr.

En Cast: Como bien decía el sábado (ver aquí) Bernardo Busto, amigo y mejor Maestro donde los haya (¡Gonzalín espabila!), los bajos de los horreos son auténticos museos -copiando el título del gran disco de Nuberu- de la Asturias de ayer y hoy. Bajo uno de la bonita aldea de montaña tevergana de Sobrevilla, pudimos admirar un método de transporte actual y otro de antaño. El de antaño: era una especie de trineo que se arrastraba para acceder con la carga a lugares donde los carros no podían, sobre todo en lugares de montaña. Cuando la estructura estaba hecha de practicamente sólo el trineo se llamaban rametos, empleados para acarrear leña principalmente. Si se añadían unas estructuras parecidas a una escalera de madera, los estelos, se llamaba ramu y servía para transportar hierba, que quedaba sujetada por los estelos. Si lo que se añadía era un cesto, por lo general de varas de avellano como el de la foto, el nombre variaba mucho dependiendo de la zona (carretu, carreta, carreña, carriella, basnu, barnetu, basón o abasón) y también algo el diseño. Su utilidad pasaba a ser el transporte de estiércol, tierra, piedra...cosas que necesitaran más cierre, logrado por la esquirpia, zardu o sardu, que así de estas formas puede llamarse a la pared de varas de avellano que forman el cesto. El transporte actual no necesita comentario: unir al coche y a correr.

¡¡¡Por fin!!!: La Casa l´Horreo

N´Ast: El domingo pasau inaugurábase na llocalidá villaviciosina de Sietes la "Casa l´horreo". Ya diba siendo hora que l´Alministración diere un primer pasu a favor d´un de los iconos d´Asturies. En Sietes alcontraremos un de los conxuntos d´horreos perseñalaos del país, con exemplares incluso del s. XIV, pero tamién, a la entrada desde La Villa, vese lo que pué pasar si nun se tomen medíes: cuatro pegoyos y dos trabes recuérdennos que los horreos caense y siguen en peligru. Esperemos qu´el Gobiernín tome les medíes necesaries y esta inauguración nun seya mas que una manera valera de cumplir l´expediente. Y por supuesto: a ver si los asturianos aniciamos a estimar lo que tenemos. Los nuesos horreos agradeceránnoslo.

En Cast: El domingo pasado se inauguraba en la localidad villaviciosina de Sietes la "Casa del horreo". Ya iba siendo hora que la Administración diera un primer paso a favor de uno de los iconos de Asturias. En Sietes encontraremos uno de los conjuntos de horreos mas importantes del país, con ejemplares incluso del s. XIV, pero también , a la entrada desde La Villa, se ve lo que puede pasar si no se toman medidas: cuatro pegoyos y dos trabes nos recuerdan que los horreos también se caen y siguen en peligro. Esperemos que el Gobiernín tome las medidas necesarias y esta inauguración no sea mas que una manera de cumplir el expediente. Y por supuesto: a ver si los asturianos empezamos a valorar lo que tenemos. Nuestros horreos nos lo agradecerán.

¡¡¡Aaaaayyyy el patrimonio!!!

N´Ast: Cuantes vegaes pasiando por un de los nuesos pacetibles pueblos vemos coses que nos encueyen el coral. Entiendo qu´un necesite una cochera, pero ¡coño! ¿nun pue ser d´otra miente? Anque talanto qu´hay un culpable mayor: los que nos gobiernen. Tantu machucar lo nueso que llueu la xente ignóralo y desdéxalo, porque nos enseñen que son coses "d´aldeanos" (nel sintiu ruin) ¿Nun se podía haber enseñao a cavilgar qu´esti horriu ye más qu´un trasteru? ¿Nun se pue enseñar que ye un símbolo d´un país, l´asturianu, y merez un respetu? ¡Y pa finar conceden-y un vado!
En Cast: Cuantas veces paseando por uno de nuestros tranquilos pueblos vemos cosas que nos encogen el corazón. Entiendo que se necesite un garaje, pero ¡coño! ¿no podrá ser de otra manera?. Aunque creo que hay un culpable mayor: los que nos gobiernan. Tanto machacar lo nuestro que al final la gente lo ignora y desprecia porque nos enseñan que son cosas de "aldeanos" (en el sentido peyorativo) ¿No se podía haber enseñado a pensar que este horreo es más que un trastero? ¿No se puede enseñar que es un símbolo de un país, el asturiano, y merece un respeto? ¡Y de remate le conceden un vado!