Les otres piragües

N´Ast: ¿Qué faen unos cuantos paisanos corriendo pol ríu? Pues ná, divertise. Esta selmana dedicada a les folixes rematámosla cola de San Cipriano en Ricaliente, Llanes, a finales de Setiembre. L´espectáculu principal ye esta competición qu´anúnciase como “Les Piragües”, pero equí les canoes tienen pates. Ya van unes 30 ediciones y, como veis, el recorríu ye pol calce del San Miguel. Tres cuatro vueltes, agua abonda y dalgunes cayíes, el ganador fue´l renomáu pastor de Tielve Juan Mier (primer semeya), esperimentáu y sabiu corredor de prebes de montaña, que supo regular pa emponese al final. Hai públicu enforma pero cabe más y ye dignu de ver: encamentámosvos apuntalo na axenda folixera de 2012.
En Cast: ¿Qué hacen unos cuantos paisanos corriendo por el río? Pues nada, divertirse. Esta semana dedicada a las fiestas la terminamos con la de San Cipriano en Ricaliente/Riucaliente, Llanes, a finales de Septiembre. El espectáculo principal es esta competición que se anuncia como “Les Piragües”(“Las Piraguas”), pero aquí las canoas tienen piernas. Ya van unas 30 ediciones y, como veis, el recorrido es por el cauce del San Miguel. Tras cuatro vueltas, agua abundante y algunas caídas, el ganador fue el famoso pastor de Tielve Juan Mier (primera foto), experto y sabio corredor de pruebas de montaña, que supo regular para imponerse al final. Hay mucho público pero cabe más y es digno de ver: os recomendamos apuntarlo en la agenda festiva para 2012.

Restos de folixa

N´Ast: Nun sedría nada raro atopalos por ehí a sabiendes de qu´Asturies ye una de les manches folixeres más señalaes d´Europa pero, lo curioso equí, vien por dos motivos: primeru, el sitiu, un colláu nes estribaciones de los Picos, Trespandiu, con accesu solu por pista, eso si, bona. Y lo segundu, ver una h.oguera nun llugar que nun seya Llanes, lo qu´amósanos que la tradición tamién tien raigaños al sur del Cuera, nesti casu nel Valle Altu Peñamellera. Los restos corresponden a la “Fiesta del Cabritu”, penúltimu sábadu d´Agostu, onde xúntense los vecinos de Tresacares y Oceño a tastiar tan prestosu platu y dalgún otru, amás d´esfrutar de misa, gaita y xuegos, pa rematar con verbena hasta´l riscar nel segundu pueblu. Como ye abierto pa los que quieran participar, otra vegada apuntámonos a velo en directo, que promete. Hasta qu´aporte´l dí, gociaremos dalguna caleyada polos redores d´estes guapes aldees.
En Cast: No sería nada raro encontrarlos por ahí teniendo en cuenta que Asturias es una de las manchas “fiesteras” más importante de Europa pero, lo curioso aquí, viene por dos motivos: primero, el sitio, un collado en las estribaciones de los Picos, Trespandiu, con acceso solo por pista, pero eso si, buena. Y lo segundo, ver una “h.oguera” (“h.”, ¡siempre esa “h” aspirada!) en un lugar que no sea Llanes, lo que nos demuestra que la tradición también tiene raices al sur del Cuera, en este caso en el Valle Altu Peñamellera/Peñamellera Alta. Los restos corresponden a la “Fiesta del Cabritu”, penúltimo sábado de Agosto, donde se juntan vecinos de Trescares y Oceño a saborear tan delicioso plato y algún otro, además de disfrutar de misa, gaita y juegos, para terminar con verbena hasta el amanecer en el segundo pueblo. Como es abierto a todos los que quieran participar, otra vez nos apuntaremos a verlo en directo, que promete. Hasta que llegue el día, gozaremos de alguna caminata por los alrededores de estas bonitas aldeas.

La Lluna y la Resurrección

N´Ast: Antayeri hebo lluna llena; pasáu mañana ye Domingu de Resurrección: dos sucedíos estremaos pero con munchu en común ¿por qué? pues porque´l cristianismu siempres marca esta fecha perimportante del so calendariu´l primer domingu (esti añu, el prósimu) tres la primer lluna llena la primavera (la d´antayeri esti añu), lo qu´influye notros festexos, como por exemplu l´Antroxu. La desplicación hestórica siempres ye la mesma: sustituyéronse les enraigonaes vieyes creyencies (l´adoracíon del astru nocturnu nesti casu) poles de la nueva relixión oficial pa que´l pueblu les ficiera suyes. Y furrular, furruló, viendo les resultancies, anque les milenaries tradiciones asomen de xemes en cuandu la patuca.
En Cast: Anteayer hubo luna llena; pasado mañana es Domingo de Resurrección: dos acontecimientos diferentes pero con mucho en común ¿por qué? pues porque el cristianismo siempre marca esta fecha tan importante en su calendario el primer domingo (este año, el próximo) tras la primera luna llena de la primavera (la de anteayer este año), lo que influye en otras fiestas, como por ejemplo el Carnaval. La explicación histórica siempre es la misma: se sustituyeron las enraizadas viejas creencias (la adoración del astro nocturno en este caso) por las de la nueva religión oficial para que el pueblo las hiciera suyas. Y funcionar, funcionó, viendo los resultados, aunque las milenarias tradiciones asomen de vez en cuando la patita.

Borona, boroñu, borona pascual (II)

N´Ast: Bonu, siguimos preparando la xinta, que paez qu´hai fame. Cuando ya tenemos el boroñu llistu p´arroxar, tenemos que facer un pasu previu: p´amparalu del calor directu, hai qu´atapalu con unes fueyes. N´esti puntu, los prácticos dixébrense: unos pónenles de berza (como nes semeyes), otros aseguren que les meyores son les d´una triba felechu y, dalgunos, que les del castañu. Lo siguiente ye ponelu a enfornar. Equí si que la xebradura ye grande d´ayeri a güei: anantes metíase nel llar o na forna (les cases que la teníen) y díbase atapándolu con caricós que garrábense d´una llume fecha pa ello. La cosa ye qu´había que tar tola nuechi en velea, sollertes a que nun amorteciera. Güei, los fornos de carbón y lleña (na imaxen), pero sobre tou, los de gas o llétricos, que puen regular la temperatura, simplifiquen munchu el trabayu con bon resultáu: unes hores y llisto, tenemos un boroñu tan pitecible como´l de la imaxen. Pa servilu tamién hai estremaes maneres: tarazar como si fuere una tarta y al platu o quitar la tapa (el del exemplu) y dir garrando peazos de carne y pan al gustu. Cualisquier vale, porque como dalguien comentó ¡ta pa llamber los deos! (De nuevu les más fonderes gracies a Gonzalo y la familia Alonso por dexanos entrar na so cocina, pero sobre tou, por caltener una tradición tan prestosa... y golosa).

En Cast: Bueno, seguimos preparando la comida que parece que hay hambre. Cuando ya tenemos el "boroñu" listo para cocer en el horno, tenemos que realizar un paso previo: para protegerlo del calor directo, hay que taparlo con unas hojas. En este punto, los expertos se dividen: unos las ponen de berza (como en las fotos), otros aseguran que las mejores son las de un tipo de helecho y, algunos, que las del castaño. El siguiente paso es ponerlo a hornear. Aquí si que la diferencia es grande de ayer a hoy: antes se ponía en el "llar" (lar) o en la "forna" (en las casas que la tenían. Horno para cocer pan) y se iba tapando con brasas ardiendo que se obtenían de un fuego hecho para ello. El caso es que había que estar toda la noche vigilando, atentos a que no se apagara. Hoy, los hornos de carbón y leña (el de la imagen), pero sobre todo, los de gas y eléctricos, que permiten regular la temperatura, simplifican mucho el trabajo con buen resultado: unas horas y listo, tenemos un "boroñu" tan apetecible como el de la imagen. Para servirlo, también hay diferentes formas: cortar un pedazo como si fuese una tarta y al plato o quitar la tapa (el del ejemplo) e ir cogiendo trozos de carne y pan al gusto. Cualquiera vale, porque como alguien comentó, ¡está para chuparse los dedos! (De nuevo las más sinceras gracias a Gonzalo y la familia Alonso por permitirnos entrar en su cocina, pero sobre todo, por seguir manteniendo una tradicón tan bonita... y golosa)

Borona, boroñu, boroña pascual (I)

N´Ast: Una tradición perguapa que quería amosavos pero de la que nun tenía material gráficu. Gracies a Gonzalo Alonso (perviyao.blogspot.com) qu´emprestome´l suyu, puedo facelo anque seya con un pocu retrasu. N´Asturies, la escasez de trigu, prevocaba que´l pan faciérase de fariña maíz. Yeren unos panes grandes, destinaos a durar varios dís. Estes pantortes nomábense boroñes, borones, boronas o boroños, dependiendo´l llugar. En les fiestes señaláes, faciendo una escepción, arrellenábase con chorizos, tocín y incluso costiella, tou un luxu nuna economía onde la carne yera un bien escasu. Una d´estes feches yera la Pascua de Resurrección, que quiciabis seya la más destacada anguañu. Les imáxenes son de la de Sietes d´esti añu, onde por ciertu, nomen boroña al pan solu y boroñu al que ta arrellenáu, qu´en dellos sitios ye boroña preñada o boroñu preñáu. El procesu, fácil de desplicar, abegosu de facer: primeru, prepárase una masa de fariña maíz, agua y sal, que nun lleva formientu, a la que llueu dase-y forma de "cestu" y onde metemos el rellenu darréu (en Llanes déxen descansar la masa unes hores enantes del procesu porque dicen qu´asina "asienta"). Ya solo queda allugar el peazu masa que fae de tapa y uniformar el conxuntu. Paciencia, falten na más que dos pasinos pa tastiar esta delicia...
En Cast: Una tradición bonita que quería enseñaros pero de la que no tenía material gráfico. Gracias a Gonzalo Alonso (perviyao.blogspot.com) que me cedió el suyo, puedo hacerlo aunque con un poco de retraso. En Asturias, la escasez de trigo, ocasionaba que el pan se hiciese de harina de maíz. Eran unos panes grandes, destinados a durar varios días. Estas pantortas se llamaban "boroñes", "borones", "boronas" o "boroños" dependiendo del lugar. En fiestas importantes, haciendo una excepción, se rellenaba con chorizos, tocino e incluso costilla, todo un lujo en una economía donde la carne era un bien escaso. Una de estas fechas era la Pascua de Resurrección, que quizás sea la más destacada que ha llegado a nosotros. Las imágenes son de la de Sietes de este año, donde por cierto, llaman "boroña" al pan solo y "boroñu" al que está relleno, que en otros sitios es "boroña preñada" o "boroñu preñáu". El proceso, fácil de explicar, laborioso de hacer: primero, se prepara una masa con harina de maíz, agua y sal, que no lleva levadura, a la que luego se le da forma de "cesto" y donde metemos el relleno a continuación (en Llanes dejan descansar la masa unas horas antes del proceso porque dicen que así "asienta"). Ya solo queda colocar el pedazo que hace las veces de tapa y uniformar el conjunto. Paciencia, faltan solamente dos pasitos para saborear esta delicia...

El Solsticiu del Sr. Iviernu

N´Ast: Por fin aportó de mou oficial el Sr. Iviernu ¡y de que xeitu!. Tres una seronda primaverosa que paecía eterna, camentábamos que lu diba xintar el llobu; pero non, bastante tien el probe animal con sobrevivir como p´andar esmolecíu poles estaciones. Una fecha tan señalada como´l solsticiu fue camudando de significáu col correr de los tiempos: anguañu ye cásique un funeral pa la mayor parte la xente, que solo alcuérdase del frío. Na dómina celta yera perimportante esti dí: como a partir d´entós la lluz gana terrén a la escuridá y empecipia a emponese el Sol, cellebrábenlo con fiesta y folixa. Cómo sedría d´importante la cosa que´l cristianismo, na so táctica de llantase asolapiando´l so calendariu festexeru enriba´l paganu, nun duldó n´allugar equí una de les sos feches más señalaes, si non la que más: la nacencia de Cristo, el Salvador, el so exe fundamental. Tamién sorprende qu´estos "bárbaros", colos sos escasos medios, solo tracamundiábense en cuatro dís nel momentu xustu del solsticiu ¡ablucante!. Pola mio forma ser, n´esti casu tiro más bien a "paganín": a correr y esfrutar de l´iviernu ¡preba-y!

En Cast: Por fin llegó de manera oficial el Sr. Invierno ¡y de que modo!. Tras un otoño primaveroso que parecía eterno, pensábamos que se lo iba a comer el lobo; pero no, bastante tiene el pobre animal con sobrevivir como para andar preocupado por las estaciones. Una fecha tan marcada como el solsticio fue cambiando de significado con el paso del tiempo: actualmente es casi como un funeral para la mayor parte de la gente, que solo se acuerda del frío. En la época celta era muy importante este día: como a partir de entonces la luz gana terreno a la oscuridad y empieza a imponerse el Sol, lo celebraban con fiesta y jolgorio. Cómo sería de importante la cosa que el cristianismo, en su táctica de implantarse solapando su calendario festivo sobre el pagano, no dudó en colocar aquí una de sus fechas pricipales, si no la que más: el nacimiento de Cristo, el Salvador, su eje fundamental. También sorprende que estos "bárbaros", con sus escasos medios, solo se equivocaban en cuatro días en el momento justo del solsticio ¡impresionante!. Por mi forma de ser, en este caso tiro más bien a "paganín": a correr y disfrutar del invierno ¡probad!

11 Payares/Noviembre: Samartín

N´Ast: Mañana festéxase esti santu, mui popular n´Asturies, como demuestra´l que de nome a munchos pueblos y aldees o al matanciu´l gochu, qu´empecipia a facese nesta dómina. Por tola xeografía asturiana repártense estremaes fiestes, unes grandones, otres piquiñines. Güei, por coses míes, alcuérdome d´una d´éstes caveres, la d´un pequeñu Samartín, el de Bedón, pueblín arrequexáu ente´l ríu y el monte, onde un díe aparose´l tiempu: cases, horros, eríes y lloses como fae 60 años ¡o más!. Sosiegu y aselamientu nun mundiu rural d´abenayá. Una simple misa y una comía llariega sedrán los honores al santu patrón. Lo que paez que nun tendrán el Branín de Samartín, que la lleenda desplica asina: el llexionariu romanu Martín, el futuru santu, dio-y la metada de la so capa a un méndigu y, como castigu por ello, los sos superiores mandaren amarralu a un árbol en porriques. Al bon home apaecióse-y Cristo col cachu capa del méndigu y el tiempu empecipió a ser más cálidu de lo normal en premiu al xestu bondosu del soldáu. Por eso el nome que se-yos da a los díes de bonanza que suelen venir por estes feches ¡aunque esti añu igual aportaren con adelantu!.

En Cast: Mañana se festeja este santo, muy popular en Asturias, como demuestra el que de nombre a muchos pueblos y aldeas o a la matanza del cerdo, que comienza a realizarse por esta época. Por toda la geografía asturiana se reparten diferentes fiestas, unas grandonas, otras pequeñitas. Hoy, por cuestiones personales, me acuerdo de una de éstas últimas, la de un pequeño San Martín, el de Bedón, pueblín arrinconado entre el río y el monte, donde un día se paró el tiempo: casas, horreos, erías y llosas como hace 60 años ¡o más!. Paz y tranquilidad en un mundo rural de antaño. Una simple misa y una comida casera serán los honores al santo patrón. Lo que parece que no tendrán el Veranín de San Martín, que la leyenda explica así: el legionario romano Martín, el futuro santo, le dio la mitad de su capa a un mendigo y, como castigo, sus superiores mandaron que fuese atado desnudo a un árbol. Al buen hombre se le apareció Cristo con el trozo de capa del mendigo y el tiempo comenzó a ser más cálido de lo normal en premio al gesto caritativo del soldado. Por eso el nombre que se les da a los días de bonanza que suelen venir por estas fechas ¡aunque este año igual llegaron con adelanto!.

1 y 2 de Payares: Tolos Santos y Difuntos

N´Ast: Estes feches tan muy enraigonaes dende siempres na cultura asturiana. Por mentar dellos exemplos: na dómina celta, nestos primeros díes del mes, festexábase el Samain, que yera la entrada del Añu Nuevu traíu pol dios de los muertos y polos antepasaos que ya nun taben, pues creyíase qu´éstos amparaben a los vivos. Llueu, al aportar el cristianismu, ésti aprovechó la implantación y importancia de les antigües creencies pa emponer enriba d´elles la so visión del mundiu los difuntos y fueren los vivos los que pasaren a amparar a los muertos, rezando pa qu´algamen la salvación eterna. Agora, zarrando un estrañu círculu, regresa de nuevu la tradición celta, tres el so pasu polos E.E.U.U., en forma de "Jalogüín" a la americana ¿por qué esta manía de dexanos clisar polo de fora?. Pero pa mi la estaya más guapa d´estos sucedíos ye lo que tienen de torna de les xentes al orixe: munchos de los qu´un díe tuvieren que colar de pueblos y aldees, tornen, al calor de l´alcordanza de los sos antepasaos y demientres una xornada o quicibis solu unes hores, a los llugares que los vieren ñacer y medrar. Cuando ellos tamién desapaezan, munches sepultures y sitios cayerán nel escaezu, poniendo una piedra más na muria´l cementeriu en que ta camudándose l´Asturies rural.
En Cast: Estas fechas están muy arraigadas desde siempre en la cultura asturiana. Por poner algunos ejemplos: en la época celta, en estos primeros días del mes, se celebraba el Samain, que era la entrada del Año Nuevo traido por el dios de los muertos y por los antepasados que ya no estaban, pues se creía que éstos protegían a los vivos. Luego, al llegar el cristianismo, éste aprovechó la implantación e importancia de las antiguas creencias para imponer sobre ellas su visión del mundo de los difuntos y fueron los vivos los que pasaron a proteger a los muertos, rezando para que alcancen la salvación eterna. Ahora, cerrando un extrano círculo, regresa de nuevo la tradición celta, tras su paso por los E.E.U.U., en forma de "Jalogüín" a la americana ¿por qué esta obsesión de dejarnos deslumbrar por lo de fuera?. Pero para mi la parte más hermosa de estos eventos es lo que tienen de vuelta de las gentes al origen: muchos de los que un día tuvieron que marchar de pueblos y aldeas, retornan, al calor del recuerdo de sus antepasados y durante una jornada o quizás sólo unas horas, a los lugares que los vieron nacer y crecer. Cuando ellos también desaparezcan, muchas sepulturas y sitios caerán en el olvido, poniendo una piedra más en el muro del cementerio en que se está convirtiendo la Asturias rural.

De romería

N´Ast: Güei cinca falar dalgo a lo que de xuru apuntámonos casi toos: les romeríes. Empecipia´l branu y acumúlense el númberu cites del ciclu festexeru asturianu. Hailes perguapes y de toes les tribes per tola xeografía d´Asturies, pero dexa-yme que vos aconseye averavos a dalguna de Llanes. Nun fai falta que seya grandona nin actúe la orquesta Kasachov de milentamil euros; nes pequeñines fiestes de pueblín vese la esencia d´asturianía festiva. Pa empecipiar, el traxe de llanisca, dicho con tol respetu a tol mundiu, posiblemente seya el más guapu (vamos, de xuru). Dempués, les h.ogueres y los cantares del ramu a la patrona o patrón del pueblu, interpretaos con gaita, tambor y pandereta, déxennos ver unes tradiciones que pasen de padres a fíos dende la nueche los tiempos. Siguimos cola puya´l ramu y la xinta, campestre o familiar, y pa finar la folixa, velada de baille sueltu o agarrao (pa los que tean muyer o moza... o la gueten) ¡ensin pisase!, al son del home orquesta, que con dos manes toca milenta instrumentos. Una perguapa pa güeyalo y vivilo pué ser San Xuan en Villa (Caldueñu, cerque de El Mazucu que vos sonará más) de la que vos pongo les semeyes de la estaya más prestosa pa mi: los cantares al santu ¡Nun vos quexeis qu´avísovos una selmana enantes!.
En Cast: Hoy toca hablar de algo a lo que seguro nos apuntamos casi todos: las romerías (fiestas de prado en asturiano). Comienza el verano y se acumula el número de las citas del ciclo festivo asturiano. Las hay de todas las clases y muy bonitas repartidas por toda la geografía de Asturias, pero dejarme que os aconseje acercaros a alguna de las de Llanes. No hace falta que sea grande ni actúe la orquesta Kasachof que cobra miles de euros; en las pequeñas fiestas de pueblín se ve la esencia de asturianía festiva. Para empezar, el traje de llanisca, dicho con todo el respeto para todo el mundo, posiblemente sea el más bonito (vamos, seguro). Después las "jogueras" (mayos en la zona de Castilla) y los cantares del ramo a la patrona o patrón del pueblo, interpretados con gaita, tambor y pandereta, nos permiten ver unas tradiciones que pasan de padres a hijos desde la noche de los tiempos. Seguimos con la subasta del ramo y la comida, campestre o familiar, y para terminar la fiesta, la velada de baile, suelto o agarrao (para los que tengan mujer o novia... o la busquen) !sin pisarse!, al son del hombre orquesta, que con dos manos toca cientos de instrumentos. Una bonita para verlo y vivirlo puede ser San Xuan en Villa (Caldueñu, cerca de El Mazucu que os sonará más) de la que os pongo las imágenes de la parte más emotiva para mi: los cantares al santo ¡No os quejeis que os aviso con una semana de adelanto!.