¡Como pa nun ser bona!

N´Ast: Equí, cuando danos por un tema... esta selmana, vaques, y güei, como paez qu´anuncien que ya aporta de verdá´l tardíu, ponémosvos una estampa que, cola baxada´l ganáu de los pastos altos, nun se repetirá hasta la siguiente primavera y qu´amosa´l por qué la llechi y la carne asturianes son de les meyores d´Espa... ¡que coño! ¡del mundiu! que pa eso tamos n´Asturies. Y ya sin ser tan grandón, típicu de nós, con estos puertos y paisaxes, nun pue salir na malo ¿nun vos paez?
En Cast: Aquí, cuando nos da por un tema... esta semana, vacas, y hoy, como parece que anuncian que ya llega de verdad el otoño, os ponemos una estampa que, con la bajada del ganado de los pastos altos, no se repetirá hasta la siguiente primavera y que demuestra el por qué la leche y la carne asturianas son de las mejores de Espa... ¡que coño! ¡del mundo! que para eso estamos en Asturias. Y ya sin ser tan grandón, típico nuestro, con estos puertos y paisajes, no puede salir nada malo ¿no os parece?

Fósiles d´altor

N´Ast: Que la perguapa roca caliar de los Picos d´Europa ye d´orixe marín y fae millones d´años taba embaxu la mar ye dalgo difícil de meter na mollera. Pero les prebes faciliten el procesu mental y na meyor qu´atopar estes piedres enllenes de prestosos fósiles na mayada d´Ondón (1.330 m.s.n.m.): estremaes formes y composiciones p´allegría de los práticos, que puen opinar y danos una clase de baldre. Por cierto, estes montañes llucen munchu más fuera l´agua ¡home, ónde va parar! ... y nun solo porque dalgún nun sepa nadar...
En Cast: Que la preciosa roca caliza de los Picos de Europa es de origen marino y hace millones de años estaba bajo el mar es algo difícil de meter en la cabeza. Pero las pruebas facilitan el proceso mental y nada mejor que encontrar estas piedras llenas de curiosos fósiles en la majada de Ondón (1.330 m.s.n.m.): diferentes formas y composiciones para delicia de los expertos, que pueden opinar y darnos una clase gratuita. Por cierto, estas montañas lucen mucho más fuera del agua ¡hombre, clarísimo! ... y no solo porque alguno no sepa nadar…

El suañu de Casiano (II)

N´Ast: Ta nidio que viaxar abenayá nun yera como anguañu y el nuesu personaxe tuvo otros dos llargos años naguando por tornar a los Picos. Pa rematar, esti intentu de 1855 al Llambrión finó n´albuertu. L´añu siguiente, 1856, sedrá´l bonu, eso si, con esploración científica pol beyu´l Cares primero. El 11 d´Agostu esperica a dormir a la perguapa Vega de Liordes, pa l´alborada del dí siguiente pasar polos Tiros de Casares y la Collada Blanca, algamando´l xeleru del H.oyo Tras Llambrión, güei desaniciáu, onde, pesie a ser branu, la espedición tien de picar pasos nel xelu (¿quién niega´l cambéu climáticu?). A media mañana aporten al visu: ya ta no más alto. En cuantes alica l´aliendu, mira: al Sur (semeya d´aniciu), Salinas, bona alcordanza de campañes anteriores, pero, al Norte (imaxen segunda), una descomanada masa caliar arroxa prietes solombres enriba la so felicidá. Allueu, asitia´l preséu de midir y el chascu faese realidá: por unos metros, solo unos pocos metros, seis, “en rigor, no había subido a lo más alto, que era a lo que yo aspiraba”. Casiano, nun tornó a los Picos, pero de xuru que nos bermeyos atapeceres y les nuechis estrellaes suañaba que midía les montañes y el mundiu dende aquella lloñe cume del Torrecerredo.
(Nota: esta pequeña hestoria ta dedicada a tolos que ven nes montañes dalgo más que deporte, especialmente a Fernando y Ricardo Miyar: sin ellos, pa nos los Picos d´Europa nun sedríen lo mesmo)
En Cast: Está claro que viajar antaño no era como ahora y nuestro personaje estuvo otros dos largos años ansiando regresar a los Picos. Para colmo, este intento de 1855 al Llambrión terminó en fracaso. El año siguiente, 1856, será el bueno, eso si, con exploración científica por el desfiladero del Cares primero. El 11 de Agosto sube a dormir a la hermosa Vega de Liordes, para el amanecer del día siguiente pasar por los Tiros de Casares y la Collada Blanca, alcanzando el glaciar del H.oyo Tras Llambrión, hoy inexistente, donde, a pesar de ser verano, la expedición tiene que tallar escalones en el hielo (¿quién niega el cambio climático?). A media mañana llegan a la cima: ya está en lo más alto. En cuanto recupera el aliento, mira: al Sur (foto inicial), Salinas, buen recuerdo de campañas anteriores, pero, al Norte (segunda imagen), una enorme masa caliza arroja negras sombras sobre su felicidad. Rápidamente, coloca el aparato de medir y la decepción se hace realidad: por unos metros, unos pocos metros, seis, “en rigor, no había subido a lo más alto, que era a lo que yo aspiraba”. Casiano, no volvió a los Picos, pero seguro que en los rojizos atardeceres y en las noches estrelladas soñaba que medía las montañas y el mundo desde aquella lejana cumbre del Torrecerredo.
(Nota: esta pequeña historia está dedicada a todos los que ven en las montañas algo más que deporte, especialmente a Fernando y Ricardo Miyar: sin ellos, para nosotros los Picos de Europa no serían lo mismo)

El suañu de Casiano (I)

N´Ast: L´inxenieru mines y xeólogu Casiano de Prado y Vallo nació en Santiago de Compostela nel añu 1797. Fíu de la so dómina, nun camentaba qu´hubiere puxu ensin conocencia. Un dí de 1845, trabayando pa una empresa minera pola fastera Riañu, dasanubrió lloñe unos picos que llamaren la so atención (na semeya d´aniciu): entamaba´l so suañu. En 1851 fae´l primer intentu d´espedición científico-deportiva pero fracasa pol mal tiempu (ésto ¿nun vos suena?). Tendríen que pasar dos llargos años pa que pudiere facer el segundu, el 28 Xunetu, entrando por Portilla la Reina, onde-y comenten que lo más alto de los Picos d´Europa son les Torres de Liordes (güei les Peñas Cifuentes), llugar al qu´empobínase polos Altos de Valdeón (segunda semeya). Llibrando pergrandes torgues pola nieve, xube por unes travieses (también na imaxen anterior) a un picu desconocíu, escacharrando pol camín dos de los tres preseos de midida qu´arrecostinaba. Naquel altu, tres la primer ascensión documentada nestes montañes, espiértase la so imaxinación al ver al Norte una filera “de peñas altísimas de cuyos extraños perfiles no podíamos apartar los ojos” (na cabera semeya vese lo mesmo qu´él viere). Paña unos datos d´altures, ¡siempre la ciencia!, baxando llueu a Prada de Valdeón, pa falar col alcalde que-y pon nome a la so conquista, la Torre de Salinas, y a la cume de los sos pruyimientos, lo que créyese más alto del macizu picoeuropeano, el Llambrión, onde, sigún los llariegos, “primero agarraba la nube y, al acercarse el invierno, allí aparecía la primera nieve”. Casiano tenía ya en qu´atalantar nel so tiempu llibre...
En Cast: El ingeniero de minas y geólogo Casiano de Prado y Vallo nació en Santiago de Compostela en el año 1797. Hijo de su época, no entendía que hubiera esfuerzo sin conocimiento. Un día de 1845, trabajando para una empresa minera por la zona de Riaño, descubrió a lo lejos unos picos que llamaron su atención (en la foto del inicio): comenzaba su sueño. En 1851 realiza el primer intento de expedición científico-deportiva pero fracasa por el mal tiempo (ésto ¿no os suena?). Tendrían que pasar dos largos años para que pudiera hacer el segundo, el 28 de Julio, entrando por Portilla de la Reina, donde le comentan que lo más alto de los Picos de Europa son las Torres de Liordes (hoy las Peñas Cifuentes), lugar al que se encamina por los Altos de Valdeón (segunda foto). Salvando grandes dificultades por la nieve, sube por unas traviesas (también en la imagen anterior) a un pico desconocido, rompiendo por el camino dos de los tres aparatos de medida que llevaba. En aquel alto, tras la primera ascensión documentada en estas montañas, se despierta su imaginación al ver al Norte una hilera “de peñas altísimas de cuyos extraños perfiles no podíamos apartar los ojos” (en la última fotografía se ve lo mismo que él vio). Toma unos datos de alturas, ¡siempre la ciencia!, bajando después a Prada de Valdeón para hablar con el alcalde que pone nombre a su conquista, la Torre de Salinas, y a la cumbre de sus anhelos, lo que se cree lo más alto del macizo picoeuropeano, el Llambrión, donde, según los lugareños, “primero agarra la nube y, al acercarse el invierno, allí aparecía la primera nieve”. Casiano ya tenía en que pensar en sus ratos libres...

Por qué Collada Bonita

N´Ast: Delles vegaes los filólogos tienen de francese la tiesta pa deducir l´orixe de los topónimos: pallabres llatines, prerromanes, griegues, un galicismu... Otres la cosa ye munchu más cenciella, vale con acudir al xacíu: tres pasar por una pedrera inmunda camentando quién puede nomar a esta h.orcada la Collada Bonita, al devolar pal Jou Tres el Picu la imaxen aclaria cualisquier dulda. Más nidio solo l´augua del Cares.
En Cast: Algunas veces los filólogos se tienen que romper la cabeza para deducir el origen de los topónimos: palabras latinas, prerromanas, griegas, un galicismo... Otras la cosa es mucho más sencilla, vale con acudir al sentido común: tras subir por una gravera inmunda pensando quién puede llamar a esta horcada la Collada Bonita, al pasar a la vertiente del Jou Tras el Picu la imagen aclara cualquier duda. Más claro solo el agua del Cares.

Más que piedres

N´Ast: Pa siguir coles coses que ye meyor echa-yos un güeyu de lexos, güei trayemos un reptil col que nun hai qu´andase con cuentos: la víbora seoane cantábrica (Vipera seoani cantabrica). Esta sub-castria dase nos Picos d´Europa y dalgunos llugares de la Cordalera. La picadura ye perdolorosa y mortal en casos escepcionales polo que, como siempres nestes ocasiones, pa la semeya tiramos de zoom y cuando llevantó la tiesta y mironos un pocu mal, dexámosla a lo de so y nós siguimos ruta. Dicir qu´estos bichos suelen ser pacíficos y danse a la retirada salvo que siéntanse en pelligru ensin escape, que ye cuando defiéndense. Ello ye polo que nun convién mete-yos la mano, como fae dalgún blogueru alloriáu de los que recomendamos equí al llau, y xixilar de xemes en cuandu les nueses pisaes, nun solo poles piedres.
En Cast: Para seguir con las cosas que es mejor echarles un ojo de lejos, hoy traemos un reptil con el que no hay que andarse con cuentos: la víbora seoanes cantábrica (Vipera seoani cantabrica). Esta sub-especie se da en los Picos de Europa y algunos lugares de la Cordillera. La picadura es muy dolorosa y mortal en casos excepcionales por lo que, como siempre en estas ocasiones, para la foto tiramos de zoom y cuando levantó la cabeza y nos miró un poco mal, la dejamos a lo suyo y nosotros seguimos ruta. Decir que estos bichos suelen ser pacíficos y se dan a la retirada salvo que se sientan en peligro sin escape, que es cuando se defienden. Es por ésto por lo que no conviene meterles la mano, como hace algún bloguero loco de los que recomendamos aquí al lado, y vigilar de vez en cuando nuestras pisadas, no solo por las piedras.

Escorribanda (persecución)

N´Ast: ¿Qué facer cuando yes escorríu por un rebañáu de xatos cacipleros que quieren ver lo que lleves na mochila? Pues cruciar alluegu l´averada barrera canadiense salvadora. Ye la primer vegada que comprobamos in situ l´avíu d´esti discurrimientu onde los “atacantes” nun puen pasar pola forma de les sos caces. A la fin, nun-yos queda más remediu que batise en pacetible retirada, quedando los nuesos bocadiellos a salvu.
En Cast: ¿Qué hacer cuando eres perseguido por una banda de terneros fisgones que quieren ver lo que llevas en la mochila? Pues cruzar rapidamente la cercana barrera canadiense salvadora. Es la primera vez que comprobamos in situ la utilidad de este invento donde los “atacantes” no pueden pasar por la forma de sus pezuñas. Al final, no les queda más remedio que batirse en tranquila retirada, quedando nuestros bocadillos a salvo.

Inspiración

N´Ast: Los arispios Picos d´Europa son de los montes más guapos del mundiu, por eso nun ye raro que seyan fonte d´inspiración permanente. Bien lo sabía Carlos de Haes, pintor hispano-belga (Bruselas 1826-Madrid 1898) y una de les másimes figures del realismu-paisaxista. Fiel a so talantamientu de que “el fin del arte es la verdad que se encuentra en la imitación de la naturaleza, fuente de toda belleza...” guetó nestos paraxes la musa qu´afalagare´l so arte. Quiciabis la so xera más conocida d´esta estaya seya “La canal de Mancorbo”, de 1876, la de la segunda imaxen. Nos, podemos güei visitar el puntu onde´l xenial artista pintare´l so cuadru y sintir la mesma almiración ante tanta maxestá qu´él sintiere, un sentimientu qu´esperemos llogre aportar hasta les xeneraciones venideres.
En Cast: Los agrestes Picos de Europa son de los montes más hermosos del mundo, por eso no es raro que sean fuente de inspiración permanente. Bien lo sabía Carlos de Haes, pintor hispano-belga (Bruselas 1826-Madrid 1898) y una de las máximas figuras del realismo-paisajista. Fiel a su pensamiento de que “el fin del arte es la verdad que se encuentra en la imitación de la naturaleza, fuente de toda belleza...” buscó en estos parajes la musa que impulsase su arte. Quizás su obra más conocida de esta etapa sea “La canal de Mancorbo”, de 1876, la de la segunda imagen. Nosotros, podemos hoy visitar el punto donde el genial artista pintó su cuadro y sentir la misma admiración ante tanta grandeza que él sintiera, un sentimiento que esperamos logre llegar hasta las generaciones futuras.

Ostón, el reinu de Presente

N´Ast: El martes falábamos de la Vega´l Forcáu polo grande y güei, sábadu, falamos d´Ostón polo prestoso: dicir que ye una de les mayaes más guapes de los Picos d´Europa nun ye desaxerar, al contrariu, ye quedase curtiu. Engolada enriba los desventios del Cares y al pie de les torres más altes del Macizu, fae que´l caminante siéntase pequeñu, perpequeñu. Amás, ye ún de los afitamientos que caltién vida pastoril, colo que podemos güeyar de cerque cómo ye esti duru trabayu, anque toparemos un güecu abegosu d´enllenar: el que dexonos Presente, la cual, dementres munchos años, reconfortó cola so charra a los aparraos andariegos pa que siguieren con bon camín. De xuru qu´alló onde tea, la bona de Presente continúa tresvelando pola mayada.
En Cast: El martes hablábamos de la Vega´l Forcáu por lo grande y hoy, viernes, hablamos de Ostón por lo bonito: decir que es una de las majadas más hermosas de los Picos d´Europa no es exagerar, al contrario, es quedarse corto. Colgada sobre los abismos del Cares y al pie de las torres más altas del Macizo, hace que el caminante se sienta pequeño, muy pequeño. Además, es uno de los asentamientos que conserva vida pastoril, con lo que podemos ver de cerca cómo es este duro trabajo, aunque encontraremos un hueco difícil de llenar: el que nos dejó Presente, la cual, durante muchos años, reconfortó con su charla a los cansados andarines para que siguieran con buen camino. Seguro que allí donde esté, la buena de Presente continúa velando por la majada.

La Vega´l Forcáu

N´Ast: Agora que vase ya la ñeve, tornamos a espericar a les altures pa güeyar coses interesantes. Nesti casu son les murueques de la mayada más grande del Macizo Occidental o del Cornión y una de les mayores de los Picos d´Europa. Arrecostinada nes lladeres del Cantu la Cuerria, al sur de Vega Ceñal, la gran cantidad de restos dan una idea la importancia que tevo´l llugar. A esta triba d´afitamientos de tales dimensiones yera normal qu´acudieren families enteres, llegando a contar dalgunos con bolera y festexos por exemplu. Yeren tiempos de folixa nos puertos, pero´l correr de los años y la dureza´l trabayu fue esacupando la montaña de los sos fíos y, güei, solo queden piedres y ecos de domines meyores.
En Cast: Ahora que se va la nieve, volvemos a subir a las alturas para ver cosas interesantes. En este caso son las ruinas de la majada más grande del Macizo Occidental o del Cornión y una de las mayores de los Picos de Europa. Arrecostada sobre las laderas del Cantu la Cuerria, al sur de Vega Ceñal, la gran cantidad de restos dan una idea de la importancia que tuvo el lugar. A este tipo de asentamientos de tales dimensiones era normal que acudieran familias enteras, llegando a contar algunos con bolera y fiesta por ejemplo. Eran tiempos de alegría en los puertos, pero el correr de los años y la dureza del trabajo fue desocupando la montaña de sus hijos y, hoy, solo quedan piedras y ecos de épocas mejores.

La Foz del Home Muertu

N´Ast: Nome qu´evoca hestories de corsarios y piratas de les llectures xuveniles que nos facíen suañar, como los de “La Islla de l´Ayalga” de Stevenson o el “Sandokán” de Salgari. Pero esti requexu nun queda nin nel Caribe nin nel Llonxanu Oriente, más bien nel Averáu, nel d´Asturies, y más esatamente en Cabrales; y los héroes fueren y son los pastores d´Inguanzu, qu´ “idearen” esti pasu p´algamar otra triba de bayures: los pastos del cordal de Dobros. La realidá fálanos de cómo la necesidá agudiza l´inxenu pa guetar la supervivencia y un simple topónimu amósanos hasta ónde tienen d´aportar dalgunos pa intentar llograla.
En Cast: Nombre que evoca historias de corsarios y piratas de las lecturas juveniles que nos hacían soñar, como los de “La Isla del Tesoro” de Stevenson o el “Sandokán” de Salgari. Pero este rincón no queda ni en el Caribe ni en el Lejano Oriente, más bien en el Cercano, en el de Asturias, y más exactamente en Cabrales; y los héroes fueron y son los pastores de Inguanzo, que “idearon” este paso para alcanzar otra clase de riquezas: los pastos de la sierra de Dobros. La realidad nos habla de cómo la necesidad agudiza el ingenio para buscar la supervivencia y un simple topónimo nos muestra hasta dónde tienen que llegar algunos para intentar lograrla.

Precaución, collaciu (=amigo) conductor

N´Ast: Nun ye que nos pongamos a favor de la moda de les torgues automovilístiques actuales, cenciellamente reclamamos prudencia n´otru sintíu. Atalantamos que´l facer en bici una de les rutes más guapes de los Picos d´Europa, la del Cares, ye peratractivu, pero tien d´emponese´l xacíu: nun ye lo más afayadizo pa un camín estrenchu y aeriu percorríu por cientos de senderistas (la semeya ye d´un domingo), poniendo en peligru a caminantes y a los propios ciclistas. Equí gústanos la llibertá y lloñe ta l´amagu de dicir a nadie lo que tien de facer, solo queremos que la xente cavilgue un pocu nos demás, nel respetu. Nos Picos entramos toos y hai otres siendes pa esfrutar d´ellos sobre dos ruedes ensin riesgu dengunu.
En Cast: No es que nos pongamos a favor de la moda de las prohibiciones automovilísticas actuales, sencillamente reclamamos prudencia en otro sentido. Entendemos que el hacer en bici una de las rutas más bonitas de los Picos de Europa, la del Cares, es muy atractivo, pero tiene que imponerse la sensatez: no es lo más apropiado para un camino estrecho y aereo recorrido por cientos de senderistas (la foto es de un domingo), poniendo en peligro a caminantes y a los propios ciclistas. Aquí nos gusta la libertad y lejos está la intención de decir a nadie lo que tiene que hacer, solo queremos que la gente piense un poco en los demás, en el respeto. En los Picos entramos todos y hay otras sendas para disfrutar de ellos sobre dos ruedas sin peligro ninguno.

Liébana, tierra pa tornar

N´Ast: Dícennos dalgunos collacios que con lo que contamos na cabera entrada casi da llercia dir p´allá. Nada más lexos de les nueses intenciones. P´amosar que la cosa ye un fechu puntual que pue pasanos en cualisquier llugar y que paga la pena averase a esfrutar d´esta tierra hermana, ponemos otra estaya de la caminata, que fizo que tou quedare nuna prestosa anécdota y que guardáremos pa nos lo guapo, que xunto al cocíu lebaniegu, el tostadillo, los oruxos y, por supuesto, les sos milenta tradiciones, facen que temos d´alcuerdo dafechu col so slogan: Liébana, tierra pa tornar. ¡Y claro que tornaremos!
En Cast: Nos dicen algunos amigos que con lo que contamos en la última entrada casi da miedo ir para allá. Nada más lejos de nuestras intenciones. Para demostrar que la cosa es un un hecho puntual que puede pasarnos en cualquier lugar y que merece la pena acercarse a disfrutar de esta tierra hermana, ponemos otra parte de la caminata, que hizo que todo quedara en una simpática anécdota y que guardáramos para nosotros lo bonito, que junto al cocido lebaniego, el tostadillo, los orujos y, por supuesto, sus mil tradiciones, hacen que estemos de totalmente de acuerdo con su slogan: Liébana, tierra para volver. ¡Y claro que volveremos!

Güeyar (=mirar) y nun tocar

N´Ast: Güei, una plantina de flores perguapes ¡pero pervelenosa! El matallobos (acónito, Aconitum napellus en científico), floriáu nesta dómina, ye frecuente y abondosu en llugares como los Llagos de Cuadonga, incluso a la oriella dalguna de les rutes más nomaes. Nun ye raro alcontrar xente tocándolu atrayía pola so guapura y incluso arríncandolu (¡torgao nun Parque Nacional!) pa llevalu pa casa d´adornu col consiguiente peligru: ceo aformigaranse los deos y ¡güeyu con averalos a la boca! Otra vegada los anímales sáquennos ventaya nesti casu ya que, según los pastores, el ganáu pastia alredor pero nun s´allega. A imitalu: güeyar, asemeyar... ¡pero nun tocar!.
En Cast: Hoy, una plantita de flores muy hermosas ¡pero muy venenosa! El “matallobos” (acónito, Aconitum napellus en científico), florecido en esta época, es frecuente y abundante en lugares como los Lagos de Cuadonga/Covadonga, incluso a la orilla de alguna de las rutas más conocidas. No es raro encontrar gente tocándolo atraída por su belleza e incluso arrancándolo (¡prohibido en un Parque Nacional!) para llevárselo a casa como adorno con el consiguiente peligro: pronto se hormigarán los dedos y ¡ojo con acercarlos a la boca! Otra vez los animales nos sacan ventaja en este caso ya que, según los pastores, el ganado pasta alrededor pero no se arrima. A imitarlo: ver, fotografiar... ¡pero no tocar!.

Murnia (tristeza): adiós a Vega Huerta

N´Ast: Una murnia fonda ye lo que siento güei al ver estes imáxenes que m´envía el collaciu Ricardo: ún de los requexos máxicos de los Picos d´Europa esaniciáu pa siempre. En Vega Huerta, ante la imponente parea sur de la Peña Santa de Castiella, vivíamos un alpinismo de los d´anantes, que desixía un pocu más de puxu. Tamién sintíamos la sensación de fuxir de les nueses vides diaries. Agora, cola fechura d´un nuevu abellugu, el alpinismo sedrá menos alpinismo y, la sensación, como la de tar nel chiringo la playa. ¿Por qué esi empeñu n´adomar tolos requexos de la montaña?. ¿Por qué llevar les comodidaes de la ciudá hasta´l picu más altu?. ¿Por qué nun dexar una esperanza a los que vivimos les cumes d´otru mou?. ¿Acasu hai que ponelo tou al gustu de los de vida más fácil?. ¿Nun teníen ya sitios de sobra?. En Vega Huerta, demientres munches nueches, embaxo les estrelles, sentime llibre. Esti riscar, siéntome más encadenáu. Gracies “queríos collacios" de Parques Nacionales.
En Cast: Una profunda tristeza es lo que siento al ver estas imágenes que me envía el compañero Ricardo: uno de los rincones mágicos de los Picos de Europa destruído para siempre. En Vega Huerta, ante la imponente pared sur de Peña Santa de Castilla, vivíamos un alpinismo de los de antes, que exigía un poco más de esfuerzo. También sentíamos la sensación de huir de nuestras vidas cotidianas. Ahora, con la construcción de un nuevo refugio, el alpinismo será menos alpinismo y, la sensación, como la de estar en el chiringuito de la playa. ¿Por qué ese empeño en domar todos los rincones de la montaña?. ¿Por qué llevar las comodidades de la ciudad hasta el pico más alto?. ¿Por qué no dejar una esperanza a los que vivimos las cumbres de otra manera?. ¿Acaso hay que ponerlo todo al gusto de los de vida más fácil?. ¿No tenían ya sitios de sobra?. En Vega Huerta, durante muchas noches, bajo las estrellas, me sentí libre. Este amanecer, me siento más encadenado. Gracias “queridos amigos" de Parques Nacionales.

La ruta del mineral

N´Ast: Completando un pocu la cabera entrada, nun podíamos dexar d´amosavos la ruta pola que baxábase´l mineral de Los Llagos nes primeres dómines del llaboréu minero y que nos fizo poner lo de “¡como trabayaben anantes!” y a lo qu´amestamos que cualquier tiempu pasáu fue... peor. Dende Buh.errera diba a Fana (primer semeya), pasando llueu por Severín (cuarta semeya, tres pasar pola segunda y tercera), Les Mestes y Orandi, pa finar en Cuadonga, onde cargábase en caballeríes pa llevalo a Ribesella, llugar d´embarque de la producción. El tiempu emplegáu yeren unes tres hores, andando con unos ¡50 kilos al llombu!. Col tiempu, la compañía meyoró´l camín, que pasó a nomase Camín de la Mina (antes yera´l Camín de Caín pa los pastores), y ésto permitió l´usu de pollinos. Tamién surdieren ramales a nueves esplotaciones, como les del Collao Argumal (semeya quinta). La modernización del tresporte con cables aéreos y, por enriba tou, col estrenu la carretera (hacia 1920), punxo fin al antiguu sistema. Xentes ganándose la vida d´un mou inhumanu: cuando amiremos estos paisaxes dende estos caminos, tengamos una pequeña alcordanza d´elles.
En Cast: Completando un poco la última entrada, no podíamos dejar de enseñaros la ruta por la que se bajaba el mineral de Los Lagos en las primeras épocas del laboreo minero y que nos hizo poner lo de “¡como trabajaban antes!” y a lo que añadimos que cualquier tiempo pasado fue... peor. Desde Buferrera iba a Fana (primera foto), pasando luego por Severín (cuarta foto, tras pasar por la segunda y la tercera), Les Mestes y Orandi, para terminar en Cuadonga/Covadonga, donde se cargaba en caballerías para llevarlo a Ribesella/Ribadesella, lugar de embarque de la producción. El tiempo empleado eran unas tres horas, andando con unos ¡50 kilos a la espalda!. Con el tiempo, la compañía mejoró el camino, que pasó a llamarse Camín de la Mina (antes era el Camín de Caín para los pastores), y ésto permitió el uso de burros. También surgieron ramales a nuevas explotaciones, como las de Collao Argumal (foto quinta). La modernización del transporte con cables aéreos y, sobre todo, con el estreno de la carretera (hacia 1920), puso fin al antiguo sistema. Gentes ganándose la vida de un modo inhumano: cuando contemplemos estos paisajes desde estos caminos tengamos un pequeño recuerdo para ellas.

L´Escaleru y El Furacón

N´Ast: Más requexos amatagaos de Los Llagos. Les antigües mines de fierru y manganeso de Buh.errera comunicáronse por esta fastera col llavaderu de Comeya. L´escaleru ye´l bolugu ñatural del llagu Enol, onde entá podemos güeyar raxos del cable que baxaba´l mineral tres la modernización de les esplotaciones (na primer semeya, a mandrecha). Equí garramos el senderín que nos lleva a lo más ablucante del paséu: El Furacón, que ye éso, un furacu escomanáu na peña fechu pa permitir el pasu del camín. La escuridá nun tien de danos llercia pues, tres los apaños fechos pol Parque Nacional, les maderes nun ufrecen pelligru nengún, cosa que nun se podía dicir años p´atrás (un conseyu: quitái les gafes de sol al entrar, nun fagáis como un despistáu que yo se...). Agora ye cuando atalantamos lo de “¡como trabayaben anantes!” al alcordanos de los paisanos acarretando cestos de mineral al llombu. Unos pasos más y ya tenemos la perguapa panorámica de Comeya, vega espectacular onde les haya, de la que ya falamos otru dí (picando equí), polo que solo nos queda encamentavos percorrela por dalgún de los sos caminos.
En Cast: Más rincones escondidos de Los Lagos. Las antiguas minas de hierro y manganeso de Buferrera se comunicaron por esta zona con el lavadero de Comeya. L´Escaleru es el desagüe natural del lago Enol, donde podemos ver restos del cable que bajaba el mineral tras la modernización de las explotaciones (a mano derecha en la primera fotografía). Aquí cogemos el senderín que nos lleva a lo más sorprendente del paseo: El Furacón, que es eso, un “furacu” (agujero en asturiano) enorme en la peña hecho para permitir el paso del camino. La oscuridad no tiene que darnos miedo pues, tras los arreglos realizados por el Parque Nacional, las maderas no ofrecen peligro ninguno, cosa que no se podía decir años atrás (un consejo: quitaros la gafas de sol al entrar, no hagáis como un despistado que yo me se...). Ahora es cuando pensamos lo de “¡como trabajaban antes!” al acordarnos de los paisanos acarreando cestos de mineral al hombro. Unos pasos más y ya tenemos la hermosa panorámica de Comeya, vega espectacular donde las haya, de la que ya hablamos otro día (pinchando aquí), por lo que solo nos queda recomendaros recorrerla por alguno de sus caminos.

El collaciu estrañu

N´Ast: Los collacios de carrilonada puen ser bonos (como los qu´ún tien la xorra de contar con ellos), malos... y raros. Porque tenemos visto llevar perros al monte pero, la verdá, nunca ¡¡¡a facer esquí de travesía!!! El casu ye que´l probe cumple amodín: al baxar, ñidiamente, alguarda l´amu dalgo por él, pero al subir, eso que la ñeve taba duro y un pocu esbarioso, nun tenía problema dalu, dexándonos atrás nun intre. Solo pudimos ver alloñaxe a can y dueñu ablucaos... y envidiosucos.

En Cast: Los compañeros de caminata pueden ser buenos (como los que uno tiene la suerte de contar con ellos), malos... y raros. Porque tenemos visto llevar perros al monte pero, la verdad, nunca ¡¡¡a practicar esquí de travesía!!! El caso es que el pobre cumple perfectamente: al bajar, evidentemente, espera un poco el dueño por él, pero al subir, eso que la nieve estaba dura y un poco resbaladiza, no tenía problema ninguno, dejándonos atrás en un momento. Solo pudimos ver alejarse a can y propietario sorprendidos... y envidiosillos.

Les nueses "procesiones"

N´Ast: Ya lo diximos y somos xente de pallabra: aprovechamos la ñeve hasta´l final. Y n´estes feches de tiempu de santos, na meyor qu´una visita al que ta nes altures del San Carlos, qu´hasta camuda el nome del picu, al que munchos nomen del "Sagrado Corazón". Una bona procesión pero con menos devotos que lo avezáu nes ciudaes. Y como siempres, cola compaña de los dos Santos habituales (¡y estos con mayúscules!)

En Cast: Ya lo dijimos y somos gente de palabra: aprovechamos la nieve hasta el final. Y en estas fechas de tiempo de santos, nada mejor que una visita al que está en las alturas del San Carlos, que hasta cambia el nombre del pico, al que muchos llaman del Sagrado Corazón. Una buena procesión pero con menos devotos que lo acostumbrado en las ciudades. Y como siempre, con la compañía de los dos Santos habituales (¡y estos con mayúsculas!)