Dos ríos y un destín (II)

N´Ast: Vamos col segundu protagonista de la nuesa hestoria. Ésti probín nun tien la xorra de ñacer nun llugar xabaz como´l Cares. El Deva ñaz nun de los espacios más humanizaos de los Picos d´Europa, Fuente Dé, lo que camúdalu na cantariella de la fastera. La probe xana que moraba na so fonte (en toles fontes mora una xana, anque dalgunos nun lo quieren creyer) mudose pa otru regatu averáu más pequeñín pero más llimpiu y d´un nome que lo diz tou (Deva= Diosa, ríu de la Diosa), gracies a mierdes varies (por ser suave, polos neños que nos miren, ¡hasta una rueda!), solu queda eso, el nome. Pa rematar la so desgracia, pasa por ún de los valles con más población del macizu, anque quiciabis el más guapu. Sicasi, ello nun torga que, cuando la triba humana yera solu un proyectu, esti calce llograra tallar nel so camín a la mar Cantábrica canales y beyos de vértigu que nun podemos dexar d´amirar.
En Cast: Vamos con el segundo protagonista de nuestra historia. Éste pobrecito no tiene la suerte de nacer en un lugar salvaje como el Cares. El Deva nace en uno de los espacios más humanizados de los Picos de Europa, Fuente Dé, lo que lo convierte en la cloaca de la zona. La pobre xana que moraba en su fuente (en todas las fuentes mora una xana -ser mitológico asturiano- aunque algunos no lo quieran creer) se mudó para otro reguero cercano más pequeñito pero más limpio y de un nombre que lo dice todo (Deva= Diosa, río de la Diosa), gracias a mierdas varias (por ser suave, por los niños que nos miran, ¡hasta una rueda!), solo queda eso, el nombre. Para remate de su desgracia, pasa por uno de los valles más poblados del macizo, aunque quizás el más bonito. No obstante, ello no impide que, cuando la raza humana era solo un proyecto, este cauce lograra tallar en su camino al mar Cantábrico canales y desfiladeros de vértigo que no podemos dejar de admirar.

Dos ríos y un destín (I)

N´Ast: Como si fuéremos el dr. Livingstone, guetamos l´orixe, les fontes, dalgunos ríos. El Nilo quédanos lloñe y preferimos atopar les de ríos señalaos p´Asturies. Ésta ye la hestoria de dos de los más conocíos, que finen nel Cantábricu xuntos de la manina la so andadura. Empecipiemos pol más renomáu, hasta diríemos qu´internacional: el Cares. Enantes de tarazar los Picos d´Europa en dos, ñaz nun paraxe perguapu, idílicu, al pie de los picos Cebolleda y Gildar, na Cordalera. Acostumaos a la peña caliar, esti mundiu de granito nun dexa de clisanos col so collor, en contraste col verde de Freñana, la primer vega qu´atraviesa y a la qu´aportamos pasando por un bosque almiratible y de cuentu. Ye un surdir tranquilu, pacetible, formando pocines y playaes qu´inviten a la contemplanza... y a beber les sos fresques agües, anque seya con un pocu trabayu. Cuesta imaxinar qu´esti inocente calce seya capaz de forxar solu unos kilómetros más abaxu ún de los espectáculos ñaturales más grandiosos que´l güeyu humanu puede ver.
En Cast: Como si fuéramos el dr. Livingstone, buscamos el origen, las fuentes, de algunos ríos. El Nilo nos queda lejos y preferimos encontrar las de los ríos importantes para Asturias. Ésta es la historia de dos de los más conocidos, que terminan en el Cantábrico juntos de la manita su andadura. Empecemos por el más famoso, hasta diríamos que internacional: el Cares. Antes de cortar los Picos de Europa en dos, nace en un paraje hermoso, idílico, al pie de los picos Cebolleda y Gildar, en la Cordillera. Acostumbrados a la roca caliza, este mundo de granito no deja de impresionarnos con su color, en contraste con el verde de Freñana, la primera vega que atraviesa y a la que llegamos tras atravesar un bosque admirable y de cuento. Es un surgir tranquilo, pacífico, formando pozos y meandros que invitan a la contemplación... y a beber sus frecas aguas, aunque sea con un poco de trabajo. Cuesta imaginar que este inocente cauce sea capaz de forjar solo unos kilómetros más abajo uno de los espectáculos naturales más grandiosos que el ojo humano pueda ver.

Ríu y vida: Alfa y Omega

N´Ast: “Nuestras vidas son los ríos que van a dar en la mar, que es el morir”, escribía nel sieglu XV el gran poeta castellán Jorge Manrique. Anque tolos calces, dende la riega de l´aldea más arrequexada al más caudalosu d´un valle, son señalaos, quiciabis el que meyor arrepresenta la vida los asturianos seya´l Nalón. Ñiciu y fin: tres una nacencia cenciella, 141 Km. de percorríu atravesando arispios montes, verdes praos, prietes industries y fértiles vegues pa morrer con puxu y fuelgu na mar Cantábrica, non ensin recoyer anantes les agües del Narcea, nuna simbólica axuntanza del Occidente y l´Oriente. Agües que, por xorra, van tornándose, poquiñín a pocu, otra vegada ñidies, pa dir güeyando pasar xeneraciones y xeneraciones d´asturianos. La fonte La Nalona y San Esteban-L´Arena, niciu y fin, Alfa y Omega d´un ríu-vida del Pueblu Ástur.
En Cast: “Nuestras vidas son los ríos que van a dar en la mar, que es el morir”, escribía en el siglo XV el gran poeta castellano Jorge Manrique. Aunque todos los cauces, desde el reguero de la aldea más recóndita al más caudaloso de un valle, son importantes, quizás el que mejor representa la vida de los asturianos sea el Nalón. Principio y fin: tras un nacimiento sencillo, 141 km. de recorrido atravesando ásperas montañas, verdes prados, negras industrias y fértiles vegas para morir con fuerza y bravura en el mar Cantábrico, no sin recoger antes las aguas del Narcea, en una simbólica unión del Occidente y el Oriente. Aguas que, por fortuna, van volviéndose, poco a poco, otra vez claras, para ir viendo pasar generaciones y generaciones de asturianos. La fuente La Nalona y San Esteban-L´Arena/La Arena, principio y fin, Alfa y Omega de un río-vida del Pueblo Ástur.